2 KRONIKAK 20:17 - Elizen Arteko Biblia (Biblia en Euskara Traducción Interconfesional)

¹⁷ Oraingoan, borroka ez duzue zuek egingo. Egon bertan geldi, eta ikusiko duzue nola salbatzen zaituzten Jaunak. Juda eta Jerusalemgo jendea, ez izutu, ez izan beldur! Irten bihar horien kontra eta zeuekin izanen duzue Jauna”».

Navarro-Labourdin Basque

¹⁷ Etzarete çuec içanen guducatuco çaretenac; bainan bakarric çaudezte gogor, eta Jaunaren lagunça çuen gainean ikusico duçue, oi Juda eta Jerusalem. Ez içan beldur, ez ikara; bihar ilkico çarete horien contra, eta Jauna çuequin içanen da.

2 KRONIKAK 20:17 ပူးပေါင်းရင်းမြစ်များ

1 ERREGEAK 20:13

Hortan, profeta bat hurbildu zitzaion Israelgo errege Akabi, eta esan zion: —Hau dio Jaunak: «Ikusten al duzu jendetza handi hori? Zeure eskura emango dizut gaur. Horrela jakingo duzu ni naizela Jauna».

2 KRONIKAK 15:2

Asa erregeagana joan eta esan zion: «Entzun, Asa eta Judako eta Benjamingo jendeok. Zuek Jaunarekin bat eginik bazaudete, bera ere zeuekin izango duzue. Beraren bila ibiltzen bazarete, aurkitu ahal izango duzue. Baztertzen baduzue, berak ere baztertu egingo zaituzte.

2 KRONIKAK 20:16

Bihar Tzitz aldapan gora abiatuko dira; jaitsi zuek beraien kontra; Jeruel basamortuaren aurrean dagoen haitzarte-zokoan aurkituko dituzue.

2 KRONIKAK 32:7

«Izan sendo eta adoretsu! Ez izutu, ez beldurtu halako gudaroste handiarekin datorren Asiriako errege horren aurrean, gurekin dagoena indartsuago baita horrekin dagoena baino.

2 KRONIKAK 32:8

Giza indarra baizik ez du horrek; guk, ordea, Jauna, geure Jainkoa, dugu geurekin, laguntzeko eta gurekin borrokatzeko». Judako errege Ezekiasen hitz hauek bizkortu egin zuten herria.

SALMOAK 46:7

Nazioek ikara, erreinuek koloka: Jainkoa mintzatu eta lurra irauli.

IRTEERA 14:25

Gurdien gurpilak trabatu zituen, nekez mugitzen zirela utziz. Orduan, egiptoarrek esan zuten: «Goazen ihesi israeldarrengandik, Jauna ari baita haien alde eta gure aurka».

IRTEERA 6:1

Jaunak erantzun zion: —Orain ikusiko duzu faraoiari egingo diodana: indarrez beharturik, utziko dizue joaten; are gehiago, berak ateraraziko zaituzte lurralde honetatik.

ISAIAS 30:15

Hau dio Jainko Jaunak, Israelen Jainkoak: «Geldi eta lasai egotea da zuen salbabidea; patxada eta konfiantza, zuen indarra». Ez duzue, ordea, hala nahi izan,

ISAIAS 30:7

Alferrekoa eta hutsa da Egiptoren laguntza; horregatik, izen hau jarri diot: “Geldigaitza mugiezin” ».

ISAIAS 37:6

Isaiasek erantzun zien: «Emaiozue zeuen nagusiari Jaunaren mezu hau: “Ez beldurtu entzun dituzun hitzengatik; ni iraintzeko esan dituzte halakoak Asiriako erregearen ofizial horiek.

ISAIAS 41:10

Ez izan beldur, zeurekin bainauzu; ez larritu, zure Jainkoa bainaiz. Neure laguntzaz ahaltsu egiten zaitut, neure esku garaileaz eusten dizut.

NEGAR KANTAK 3:26

On da Jaunak emango duen salbamena isilean itxarotea.

AMOSEN PROFECIA 5:14

Bilatu ongia, ez gaizkia, bizi zaitezten. Orduan bai, zuekin izango da Jauna, Jainko ahalguztiduna, berak esan bezala.

NOMBREAC 14:9

Baina ez zaitezte Jaunaren aurka errebelatu! Ez izan lurralde hartako jendearen beldur, ogia bezala irentsiko baititugu. Urrundu egin zaie beren jainkoen geriza; guk, berriz, geurekin dugu Jauna. Ez izan beldur!»

MATEO 1:23

Hara, birjinak haurdun gertatu eta semea izango du, eta Emmanuel jarriko dio izena (Emmanuel izenak «Jainkoa gurekin» esan nahi du).

MATEO 28:20

eta nik agindu dizuedan guztia betetzen irakatsiz. Eta ni zeuekin izango nauzue egunero munduaren azkena arte».

ERROMATARREI 8:31

Horiek horrela, zer esango dugu? Jainkoa gure alde baldin badugu, nor gure aurka?

DUTERONOMA 3:22

Ez izan haien beldur, Jauna zuen Jainkoa ari da zuen alde borrokan eta.

2 TIMOTEORI 4:22

Jauna zurekin. Jainkoaren grazia zuekin.

JUIEAC 7:21

Israeldarrak kanpaleku inguruan nor bere tokian zeudelarik, kanpalekukoak lasterka, garrasika eta iheska hasi ziren.

1 SAMUEL 17:47

Eta hemen bilduak diren guztiek jakinen dute, Jaunak ez duela behar ezpatarik, ez lantzarik gu salbatzeko, Jaunak baitu gudua erabakitzen. Gure esku jarriko zaituzte berak.