2 KRONIKAK 18:5 - Elizen Arteko Biblia (Biblia en Euskara Traducción Interconfesional)

⁵ Bildu zituen Israelgo erregeak profetak, laurehun lagun, eta galdegin zien: —Joango al gara Galaadeko Ramoti erasotzera, bai ala ez? Haiek erantzun zioten: —Eraso! Zeure eskuetara emango dizu Jaunak.

Navarro-Labourdin Basque

⁵ Israelgo erreguec bilaraci cituen beraz laur ehun profeta eta erran çaroeten: Erramoth Galaadecora guerla eguitera goan behar othe dugu, ala phausuan egonen gare? Eta hequiec ihardetsi çuten: Çoaz, eta Jaincoac erregueren escuetara emanen du.

2 KRONIKAK 18:5 ပူးပေါင်းရင်းမြစ်များ

1 ERREGEAK 12:9

—Zer aholkatzen didazue? Zer erantzun behar nioke, gure aitak ezarri zion uztarria arintzeko eskatu didan jende horri?

1 ERREGEAK 18:19

Bil itzazu israeldar guztiak niregana Karmel mendian, baita Jezabelen mahaian jaten duten Baal sasijainkoaren laurehun eta berrogeita hamar profetak eta Axera jainkosaren laurehunak ere.

1 ERREGEAK 4:13

Geberren semea, Galaadeko Ramot hirian; bere ardurapekoak zituen honek Manasesen seme Jairen Herrixkak, Galaaden zeudenak; bere ardurapekoa zuen Baxan lautadan dagoen Argob eskualdea ere: harresiak eta brontzezko morroiloak zituzten hirurogei hiri handi;

2 ERREGEAK 3:13

Eliseok esan zion Israelgo erregeari: —Utz nazazu bakean! Galdegiezu zeure aita-amen profetei. Israelgo erregeak ihardetsi zion: —Ez! Moabdarren eskuetan uzteko bildu gaitu Jaunak hiru erregeok.

2 KRONIKAK 18:14

Mikeas heldu zenean, esan zion erregeak: —Mikeas, joan al gaitezke Galaadeko Ramoti erasotzera, bai ala ez? Mikeasek erantzun: —Bai, bai, eraso! On egingo dizue! Eskura emanen dizue Jaunak.

2 KRONIKAK 18:4

Eta erantsi zuen: —Begira lehenik zer dioen Jaunak.

2 KRONIKAK 18:6

Josafatek, ordea, galdetu zuen: —Ez al da hemen Jaunaren beste profetarik, beraren bidez Jaunari kontsulta egiteko?

JEREMIAS 23:14

Jerusalemgo profeten artean, ordea, higuingarritasunak ikusi ditut: adulterioan eta gezurretan bizi dira, gaizkileak berenean indartzen dituzte, gaiztakeriatik bihur ez daitezen. Niretzat, bai profetak, bai Jerusalemgo bizilagunak Sodoma eta Gomorraren pareko bihurtu dira».

JEREMIAS 23:16

Hau dio Jaun ahalguztidunak: «Israeldarrok, ez egin jaramonik profeta hauen hitzari, amets hutsalez betetzen baitizuete burua. Beraien kasketako irudipenak azaltzen dizkizuete eta ez nik agindutakoak.

JEREMIAS 23:17

Hauxe diotse mespretxatzen nautenei: “Jaunak dio: Dena ongi joango zaizue”; eta beren joera gaiztoei setati jarraitzen dietenei: “Ez zaizue okerrik gertatuko”.

JEREMIAS 42:20

Zeuen buruak engainatzen ari zarete; lehenengo, zeuen ararteko egin nauzue, Jaunari, zeuen Jainkoari, otoitz egin eta haren erantzuna osorik zuei jakinarazteko eskatuz, beteko zenutela eta;

EZEKIEL 13:22

Zeren eta jende zintzoa atsekabetu baituzue gezurrekin, nik neuk atsekabetu nahi ez nuenean, eta gaiztoa bere asmoetan sendotu baituzue, bere jokabide gaiztotik itzul ez zedin eta, horrela, bizirik iraun ez zezan;

MIKEAS 2:11

Eman dezagun, “Ardoa eta pattarra ugari emango dizut” esaka ari dela norbait; horrelako mezu hutsal eta gezurrezkoa lekarkeena izango litzateke herri honek merezi duen profeta!

MIKEAS 3:11

Buruzagiek eskupekoaren truke epaitzen dute, apaizek soldatagatik irakasten, profetek diru-ordainetan iragartzen; eta, halere, Jaunarengan babesten dira, esanez: «Ez al dugu, bada, Jauna geurekin? Zoritxarrak ez gaitu joko».

2 TIMOTEORI 4:3

Etorriko baita gizon-emakumeek irakaspen osasungarria jasango ez duten garaia: beren grinen eraginpean, maisuz inguratuko dira, berauei entzuteko irrikaz;

APOKALIPSIA 19:20

Baina piztia harrapatua izan zen eta honekin batera sasiprofeta, piztiaren aurrean mirarizko seinaleak eginez, piztiaren marka hartu eta haren irudia gurtu zutenak liluratu zituena; biok, piztia eta sasiprofeta, sufrez sutan dagoen aintzirara jaurti zituzten bizirik.