2 KORINTOARREI 7:5 - Elizen Arteko Biblia (Biblia en Euskara Traducción Interconfesional)

⁵ Mazedoniara iritsi nintzenean, nik, gizagaixo honek, ez nuen atsedenik izan; atsekabeak izan nituen alde guztietatik: borroka kanpotik eta beldurra barrutik.

Navarro-Labourdin Basque

⁵ Ecen Macedoniara ethorri eta, eztu vkan gure haraguiac paussuric batre, baina gucietan affligitu içan gara: campotic bataillác, barnetic icidurác.

2 KORINTOARREI 7:5 ပူးပေါင်းရင်းမြစ်များ

JENESA 8:9

Baina usoa, bere hankak non pausaturik ez eta, ontzira itzuli zen, oraindik ura baitzegoen lurrazalean. Noek, eskua luzatuz, usoa hartu eta ontzi barrura sartu zuen.

JOB 18:11

Izu-ikarek inguratzen dute alde guztietatik, urratsez urrats jarraitzen diote.

ISAIAS 33:12

Herriak errauts bihurtuko dira, moztu eta sutan erretzen diren sasiak bezala.

JEREMIAS 20:10

Jendea mehatxuka ari da nire aurka: «Izu-ikara inguruan! Salatu, sala dezagun!» Adiskideak berak ere zain ditut nik noiz huts egingo. «Ea engainatzen dugun —diote—. Orduan menderatuko dugu, mendekatuko gara hartaz».

JEREMIAS 45:3

Honela ari zara zeurekiko: “Ai ene! Nireak egin du! Nahigabea besterik ez dit ematen Jaunak! Akitua nago negar-zotinka, inondik ere atsedenik ez!”

JEREMIAS 6:25

Ez irten landara, ez ibili bideetan! Hor dago etsaia armaturik, nonahi beldurra nagusi!»

JEREMIAS 8:18

Nire nahigabeak ez du erremediorik, eroria dut bihotza.

EGINAK 20:1

Istilua amaitu zenean, Paulok ikasleak bildu eta adore eman zien; ondoren, agur egin eta Mazedoniara joateko atera zen.

ERROMATARREI 15:26

Izan ere, Mazedoniakoek eta Akaiakoek diru-bilketa egiteko borondatea izan dute, Jerusalemen diren senide behartsuei laguntzeko.

1 KORINTOARREI 15:31

Senideok, Jesu Kristo gure Jaunari esker, zuek nire harrotasuna zaretela bezain egia da egunero heriotza gainean dudalarik bizi naizela.

1 KORINTOARREI 16:5

Mazedoniatik igaro ondoren joango naiz zuenera, Mazedonian barrena egin behar baitut bidaia.

2 KORINTOARREI 2:13

baina Tito, nire anaia, han ez zegoelako, oso kezkaturik sentitu nintzen eta, hangoei agur eginik, Mazedoniara jo nuen.

2 KORINTOARREI 2:3

Hau zen, hain zuzen, nire gutunaren helburua: zuengana joatean, ez nazatela nahigabetu poztu behar ninduketenek; zeren ziur bainago, zuei guztioi dagokizuenez, nire poza zeuen poz egiten duzuela.

2 KORINTOARREI 2:9

Hain zuzen, honetarako ere idatzi nizuen: zuek probatzeko, gauza guztietan esaneko zareten ala ez jakiteko, alegia.

GALAZIARREI 4:11

Beldur naiz zuengatik hartu ditudan nekeak ez ote diren alferrik izan.

DUTERONOMA 32:25

Kalean ezpatak kenduko dizkie seme-alabak, etxe barruan ikara izango nagusi. Denek izango dute zori bera, mutil eta neskatxek, bularreko haur eta agureek.

1 TESALONIKARREI 3:5

Horregatik, gehiago itxaron ezinik, Timoteo bidali nizuen zuen sinesmena zer-nola zebilen jakiteko, beldur bainintzen tentatzaileak ez ote zintuzten tentatu eta gure nekeak ez ote ziren alferrikakoak gertatu.