2 ERREGEAK 9:14 - Elizen Arteko Biblia (Biblia en Euskara Traducción Interconfesional)

¹⁴ Josafaten seme Nimxiren biloba zen Jehu azpilanean hasi zen Joramen kontra. Aldi hartan Joram, israeldar guztiekin, Galaadeko Ramot Siriako errege Hazaelengandik defendatzen ari zen.

Navarro-Labourdin Basque

¹⁴ Beraz Namsiren semearen semea, Jehu, Josafaten semea, cinaz josi cen Joramen contra. Bada, Joramec eta Israel guciac Erramoth Galaadecoa sethiatua çaducaten Siriaco erregue Haçaelen contra.

2 ERREGEAK 9:14 ပူးပေါင်းရင်းမြစ်များ

1 ERREGEAK 15:27

Ahiasen seme eta Isakarren leinukoa zen Baxak jaiki eta hil egin zuen Nadab erregea, israeldar guztiekin Gibeton, filistearren hiria, setiatzen ari zenean. Hantxe bertan hil zuen Baxak.

1 ERREGEAK 16:16

Borrokan ari zelarik, gudarosteak jakin zuen Zimrik erregearen kontra oldartu eta hil egin zuela. Egun hartan bertan, kanpalekuan, Israel osoak Omri gudalburua izendatu zuen Israelgo errege.

1 ERREGEAK 16:7

Hona zergatik zuzendu zuen Jaunak hitz hura Baxaren eta beronen etxekoen aurka, Hananiren seme Jehu profetaren bitartez: alde batetik, Jeroboamen etxekoek bezalaxe, Jaunari atsegin ez zaion guztia egin zuelako, bere egintzengatik Jauna haserraraziz; bestetik, Jeroboamen etxekoak suntsitu zituelako.

1 ERREGEAK 16:9

Zerbitzari zuen Zimri, guda-gurditeria erdiaren buruzagia, erregearen kontra oldartu zen. Erregea Tirtzan zegoen, Tirtzako jauregizaina zen Artzaren etxean, edaten eta mozkorturik.

1 ERREGEAK 22:3

Israelgo erregeak esana zien bere funtzionarioei: —Badakizue Galaadeko Ramot hiria geurea dugula. Zertan gaude, bada, hemen geldirik, Siriako erregeari kendu gabe?

2 ERREGEAK 10:9

Goizean atera zen Jehu kanpora eta, zutik, esan zion jendeari: —Zuek errugabe zarete. Ni ibili nintzen azpilanean Israelgo errege Joramen aurka, eta nik hil nuen. Baina nork hil ditu hauek guztiak?

2 ERREGEAK 12:21

Funtzionarioek, azpilana eginez, hil egin zuten Joax Bet-Milon, Silara bidean zihoala.

2 ERREGEAK 15:30

Elaren seme Oseasek azpilana egin zuen Ramaliasen seme Pekahen kontra; zauritu eta hil ondoren, bera jarri zen errege. Uziasen seme Jotamen, Judako erregearen, erregealdiko hogeigarren urtea zen.

2 ERREGEAK 8:28

Galaadeko Ramot hirian Siriako errege Hazaelen kontra borrokatzera joan zen, Akaben seme Joramekin bat eginik. Baina siriarrek zauritu egin zuten Joram,

2 ERREGEAK 8:29

eta hau, atzera eginez, Izreelera joan zen, Hazaelen kontrako borrokan siriarrek Raman egin zizkioten zauriak sendatzera. Joramen seme eta Judako errege Akazias, Akaben seme Joram ikustatzera joan zen Izreelera, zauritua baitzegoen hau.

2 ERREGEAK 9:2

Hara heltzean, aurkitu nola edo hala Josafaten seme eta Nimxiren biloba den Jehu. Orduan, jaikiarazi bere lagunen artetik eta eraman barneko gelaren batera.

2 ERREGEAK 9:31

Jehu hiriko atetik sartzean, Jezabelek esan zuen: —Ongi al zara, Zimri zeure jaunaren hiltzaile hori?