2 ERREGEAK 20:5 - Elizen Arteko Biblia (Biblia en Euskara Traducción Interconfesional)

⁵ «Itzul zaitez eta esan ene herriaren buruzagi den Ezekiasi: “Hona zer dioen Jaunak, zure arbaso Daviden Jainkoak: Aditu dut zure eskaria eta ikusi ditut zure malkoak. Sendatu egingo zaitut. Hiru egun barru igo ahal izango zara Jaunaren etxera.

Navarro-Labourdin Basque

⁵ Bihur çaite eta erroçu Ecequiasi ene populuaren buruçaguiari: Hau dio Dabid çure aitaren Jainco Jaunac: Ençun dut çure othoitza eta ikusi ditut çure nigarrac; eta sendatu çaitut, eta hirur egunen buruco iganen çare Jaunaren templora.

2 ERREGEAK 20:5 ပူးပေါင်းရင်းမြစ်များ

2 SAMUEL 5:2

Lehendanik, Saul gure errege zenean ere, zuk zenituen Israelen joan-etorriak gidatzen. Jaunak esana dizu: “Zuk gidatuko duzu ene herri Israel eta zu izanen zara israeldarren agintari”».

1 ERREGEAK 9:3

Jaunak esan zion: «Entzun dut egin didazun otoitza eta eskaria. Sagaratu dut eraiki didazun tenplua, betikotasunean nire bizileku izan dadin. Hemen izango ditut beti neure begi-bihotzak.

2 ERREGEAK 19:20

Amotzen seme Isaiasek mezu hau bidali zion Ezekiasi: «Hau dio Jaunak, Israelen Jainkoak: Aditu dut Asiriako errege Senakerib dela-eta egin didazun otoitza.

2 ERREGEAK 20:4

Orduan, esan zion Jaunak Isaiasi, hau jauregitik tenplua bitartean zelarik:

2 ERREGEAK 22:19

“Entzun duzu nik Jerusalemen eta bertan bizi direnen kontra esan dudana —hondatu eta madarikatu egingo baitute etsaiek toki hau—. Horregatik zure bihotza bigundu egin da eta apaldu egin zara nire aitzinean. Hara, bada, nik ere entzun dizut —dio Jaunak—.

2 KRONIKAK 13:12

Begira, Jainkoa dugu geure buruzagi, eta geurekin ditugu haren apaizak, baita turuta ozenak ere zuen kontra jotzeko. Israeldarrok, ez borrokatu Jaunaren, zeuen arbasoen Jainkoaren, kontra, ez baituzue garaipenik izango».

2 KRONIKAK 34:3

Bere erregealdiko zortzigarren urtean, oraino gazte zelarik, bere arbaso Daviden Jainkoarengana jo zuen. Eta hamabigarren urtean Juda eta Jerusalemdik kultu-lekuak, zutoin sakratuak eta zurezko nahiz metalezko idoloak kentzen hasi zen.

SALMOAK 107:20

Bere hitza bidali zien sendagarri eta hondamenditik atera.

SALMOAK 119:26

Neure joan-etorrien berri eman dizut, eta erantzun egin didazu: irakats niri zeure arauak!

SALMOAK 126:5

Malkotan erein zutenek pozetan dute biltzen!

SALMOAK 147:3

Bihotz-hautsiak sendatzen ditu, haien zauriak osatzen.

SALMOAK 34:18

Deiadar egitean, Jaunak entzun egiten du eta larrialdi guztietatik libratzen.

SALMOAK 39:12

Erruak zigortuz zentzarazten duzu gizakia, eta sitsak jantzia bezala hauts bihurtzen hark maiteen duena. Arnasaldi bat besterik ez da gizakia!

SALMOAK 56:8

Gaiztakeria honen zigorrari ihes egingo ote diote? Ene Jainko, eraitsi jende hori zeure haserreaz!

SALMOAK 56:9

Idatz ezazu nire kexua, jaso zeure pergaminoan nire negar-malkoak, zeure liburuan nire nekeak.

SALMOAK 6:10

Bai, entzun du nire erregua, onartu du Jaunak nire otoitza.

SALMOAK 65:2

Oi Sionen zauden Jainkoa, zuri zor zaizu gorespena, zuri bete behar promesak,

SALMOAK 65:3

otoitzak entzuten dituzun horri. Zuregana datoz gizakiak oro.

IRTEERA 15:26

Esan zien: «Nire, zuen Jainko Jaun honen, mintzoa arretaz entzuten baduzue, eta niri atsegin zaidana egiten, nire aginduak aditzen badituzue eta nire arauak betetzen, ez dizuet zuei egiptoarrei bidali nien gaitzik igorriko, ni, Jaun hau, sendagile bainauzue».

IRTEERA 3:7

Jaunak esan zion, gainera: —Ongi ikusia dut nire herriaren atsekabea Egipton eta entzuna haien oihua zapaltzaileen zigorpean; bai, ohartu naiz haien oinazeaz.

IRTEERA 3:9

Hara, nireganaino heldu da israeldarren deiadarra, eta ikusi dut zeinen gogor erabiltzen dituzten egiptoarrek.

ISAIAS 19:22

Jaunak zigortuko ditu, bai, egiptoarrak, baina baita gero sendatu ere. Jaunarengana itzuliko dira, eta hark beraien erreguak entzun eta sendatu egingo ditu.

ISAIAS 38:22

Ezekiasek galdetu zion Isaiasi: —Zer izango dut berriz ere Jaunaren tenplura joango naizenaren ezaugarri?

ISAIAS 38:5

Ezekiasengana itzultzeko, honako hau esatera: «Hona zer dioen Jaunak, zure arbaso Daviden Jainkoak: Aditu dut zure eskaria eta ikusi ditut zure malkoak; beste hamabost urtez luzatuko dizut bizia.

ISAIAS 55:3

Etorri niregana eta egon adi, entzudazue eta biziko zarete. Betiko ituna egingo dut zuekin, Davidi eginiko maitasunezko agintzariari leial eutsiz.

MATEO 22:32

Ni Abrahamen, Isaaken eta Jakoben Jainkoa naiz? Ez da hildakoen Jainkoa, biziena baizik.

LUKAS 1:13

Baina aingeruak esan zion: —Ez beldurtu, Zakarias, entzun du Jainkoak zure eskaria. Zeure emazte Elisabetek semea emango dizu eta Joan ipiniko diozu izena.

LUKAS 18:10

«Bi gizon tenplura igo ziren otoitz egitera, bata fariseua eta bestea zergalaria.

JOAN 5:14

Geroxeago, Jesusek tenpluan topo egin zuen harekin eta esan zion: —Begira, sendaturik zaude; ez egin berriro bekaturik, okerragorik gerta ez dakizun.

DUTERONOMA 32:39

Baina orain, begira: Ni naiz, neu bakarrik, ez da ni beste jainkorik! Neuk ditut heriotza eta bizia ematen, neuk dut zauritzen eta sendatzen, ez da inor nire eskutik libratzen.

HEBREARREI 2:10

Egoki zen, izan ere, Jainkoak, gauza guztien sorburu eta jomuga denak, seme-alaba guztiak bere aintzara eraman nahirik, Jesus, haiek salbamenera gidatuko zituen burua, oinazeen bidez bete-betekoa bihurtzea.

APOKALIPSIA 7:17

tronuaren erdian dagoen Bildotsak bazkatuko baititu eta ur biziko iturburuetara gidatuko; begietako malko guztiak xukatuko dizkie Jainkoak.

1 SAMUEL 10:1

Hartu zuen, orduan, Samuelek oliontzia eta Sauli burura isuri zion; gero, besarkatuz, esan zion: «Hara, Jaunak bere herri Israelen buruzagi gantzutu zaitu.

1 SAMUEL 9:16

«Bihar ordu honetan, Benjamingo gizon bat bidaliko dizut. Horixe gantzutuko duzu, ene herri Israelen buruzagi izateko. Horrek salbatuko du nire herria filistearren menpetik. Ikusi dut, izan ere, ene herriaren atsekabea, eta heldu zait egin didaten oihua».