2 ERREGEAK 2:19 - Elizen Arteko Biblia (Biblia en Euskara Traducción Interconfesional)

¹⁹ Jerikoko bizilagunak honela mintzatu zitzaizkion Eliseori: —Zeuk, gure jaun horrek, ikus dezakezunez, gure hiri hau toki ederrean egina dago; baina ura txarra dugu eta lurraldea agorra.

Navarro-Labourdin Basque

¹⁹ Hirico guiçonec ere Eliseori erran çaroten: Jauna, hiri huntaco egoitza hainitz ona da, cerorrec ikusten duçun beçala, jauna; bainan urac dira hainitz tzarrac eta lurra agorra.

2 ERREGEAK 2:19 ပူးပေါင်းရင်းမြစ်များ

1 ERREGEAK 16:34

Aldi hartan berean, Betelgo Hielek Jeriko berreraiki zuen; oinarriak bota zituenean bere seme zaharrena, Abiram, galdu zuen, eta ateak ezarri zituenean, bere seme gazteena, Segub. Honela bete zuen Jaunak Nun-en seme Josueren bitartez esana.

1 ERREGEAK 18:13

Ez al dizute zuri, ene jaun horri, adierazi Jezabel erregina Jaunaren profetak suntsitzen ari izan zenean zer egin nuen? Jaunaren ehun profeta gorde nituen leizeetan, berrogeita hamarnako taldetan, ogiz eta urez janarituz.

1 ERREGEAK 18:7

Obadias bere bidetik zihoalarik, Elias atera zitzaion. Ezagutu zuen Obadiasek eta, lurreraino ahuspeztuz, esan zion: —Ene jauna, ez al zara zu Elias?

2 ERREGEAK 2:18

Orduan, Jerikora Eliseorengana itzuli ziren. Honek esan zien: —Ez al nizuen esan ez joateko?

2 ERREGEAK 2:20

Eliseok erantzun zien: —Ekardazue katilu berri bat eta ipini gatza bertan. Eta ekarri zioten.

IRTEERA 15:23

Mara izeneko tokira iritsi ziren; baina ezin izan zuten hango ura edan, mingotsa baitzen. Horregatik zeritzon leku hari Mara —hau da, «Mingots»—.

IRTEERA 23:26

ez da zuen herrian emakume agorrik izango, ezta umea galduko duenik ere; zuetako inor ez da garaia baino lehen hilko.

IRTEERA 7:19

Jaunak esan zion, gainera, Moisesi: «Esaiozu Aaroni makila hartu eta besoa luzatzeko Egiptoko ibai, erreka, zingira eta urtegi guztietara, urak odol bihur daitezen. Honela, Egiptoko bazter guztietan odola izango da, baita zurezko eta harrizko ontzietan ere».

OSEAS 9:14

Emaiezu, Jauna… Zer emango diezun? Eman sabel agorrak eta bular lehorrak!

NOMBREAC 12:11

eta esan zion Moisesi: —Arren eskatzen dizut! Ez iezaguzu egotzi burugabeki egin dugun bekatu hau.

DUTERONOMA 28:11

«Ondasunez beteko zaituzte Jaunak: emankor egingo zaituzte, bai zeuek, bai zuen abere eta lurrak, Jaunak arbasoei zin eginez zuei emango zizuela aginduriko lurraldean.

1 TIMOTEORI 5:17

Elkartea ongi zuzentzen duten arduradunek estimu bikoitza merezi dute, prediku- eta irakaste-lanetan ari direnek batik bat.

JOSUE 6:17

Hiria eta bertan den guztia erabat suntsitu behar da Jaunaren ohorez. Rahab emagaldua eta beronen etxean direnak bakarrik geldituko dira bizirik, guk bidalitako mandatariak gorde zituelako.

JOSUE 6:26

Aldi hartan, zin hau egin zuen Josuek: «Madarika beza Jaunak Jeriko hiri hau berreraiki nahi izango duena! Oinarriak botatzea bere seme zaharrenaren biziaz ordainduko du eta ateak ipintzea gazteenarenaz».