2 ERREGEAK 19:4 - Elizen Arteko Biblia (Biblia en Euskara Traducción Interconfesional)

⁴ Jainko bizia laidotzera bidali du Asiriako erregeak bere ordezkari nagusia. Entzungo al zituen Jaunak, zure Jainkoak, hark esan dituen irainak, eta zigortuko al du, entzun behar izan dituen irain guztiengatik! Eta zuk egizu otoitz oraindik bizirik dirautenen alde».

Navarro-Labourdin Basque

⁴ Çure Jainco Jaunac aditu ditu nasqui Errabsacesen solas guciac; bere nausiac Asiriarren erreguec bidali du Jainco biciaren burhoztatzera, eta çure Jainco Jaunac aditu dituen hitzez irain eguitera. Othoitz eguioçu beraz aurkitzen diren ondarrençat.

2 ERREGEAK 19:4 ပူးပေါင်းရင်းမြစ်များ

JENESA 22:14

Abrahamek leku hari «Jaunak du hornitzen» ezarri zion izena, eta gaur egun ere hala dio jendeak: «Mendian Jaunak du hornitzen».

2 SAMUEL 16:12

Beharbada, Jaunak nire atsekabea ikusirik, ongia ekarriko dit, gaurko madarikazioaren ordain.

2 ERREGEAK 18:13

Ezekiasen erregealdiko hamalaugarren urtean Asiriako errege Senakeribek Judako hiri gotor guztiei eraso eta hartu egin zituen.

2 ERREGEAK 19:16

Itzul belarria niregana, Jauna, eta entzun. Zabaldu begiak, Jauna, eta ikusi. Entzun nolako irainak zuzendu dizkizun Senakeribek zuri, Jainko bizi horri.

2 ERREGEAK 19:22

Nori egin diozu irain eta iseka? Noren aurka jaso duzu ahotsa eta altxatu begiak harro? Nire aurka, Israelen Jainko santuaren aurka!

2 ERREGEAK 19:23

Ni, Jaun hau, iraindu nauzu zeure mezularien bidez. Hau esan duzu: “Neure guda-gurdien oldarrez mendi-gailurretara igo naiz, Libanoko tontor hurbilgaitzetara. Hango zedrorik tantaienak eta zipresik bikainenak bota ditut. Tontorrik garaienetara eta basarterik itxienetara heldu naiz.

2 ERREGEAK 19:3

esatera: «Hau dio Ezekiasek: Larritasun-, zigor- eta lotsa-eguna dugu gaurkoa. Haurra izateko zorian, eta egiteko indarrik gabe dagoen emakumearen antzeko gara.

2 ERREGEAK 19:30

Judako erreinuan bizirik geldituak, lurrean sustraiak botatzen eta adarretan fruituak ematen dituzten zuhaitz izango dira berriro.

2 ERREGEAK 19:31

Izan ere, bakar batzuk bizirik geldituko dira Jerusalemen, onik aterako Sion mendian. Jaunaren maitemin sutsuak egingo du hori!

2 ERREGEAK 19:5

Hala, joan ziren Ezekias erregearen funtzionarioak Isaiasengana.

2 KRONIKAK 32:20

Egoera horretan, Ezekias erregeak eta Amotzen seme Isaias profetak otoitz egin zuten, zerura deituz.

SALMOAK 50:15

Dei egidazu larrialdian: libratu egingo zaitut eta ohoratu egingo nauzu».

SALMOAK 50:21

Zuk hauek egin, eta ni isildu? Zu bezalakoa naizela uste al duzu? Ez, salatu egingo zaitut, dena aurpegira botako.

SALMOAK 74:18

Gogoan har, Jauna: etsaiak irain egiten dizu, herri burugabeak zure izenari mespretxu.

ISAIAS 1:9

Jaun ahalguztidunak gutariko batzuk bizirik utzi ez balitu, Sodoma eta Gomorraren azkena izango genukeen guk ere.

ISAIAS 10:6

Herri sinesgabearen aurka bidaltzen dut, haserretu ninduen herriaren aurka, lapurretara eta harrapaketara, hura kaleetako lokatza bezala zapaltzera.

JEREMIAS 23:36

Ez aipatu berriro “Jaunaren mezua (zama)”; bestela, hitz horiek izango dira zama, erabiltzen dituenarentzat. Izan ere, aldrebes ulertu dituzue zuek Jainko bizi, Jaun ahalguztidun eta Israelgo Jainkoaren hitzak.

JEREMIAS 33:3

Dei egidazu eta erantzungo dizut, gauza handiak agertuko dizkizut, zure esku ez daudenak eta inoiz ere ezagutu ez dituzunak.

JEREMIAS 42:9

eta honela hitz egin zien: «Zuek ararteko egin nauzue zuen eskariak Jaunari aurkezteko. Hona Jaunaren, Israelgo Jainkoaren, erantzuna:

EZEKIEL 36:37

«Hau diot nik, Jainko Jaunak: Gainera, laguntza eske niregana etortzen utziko diet israeldarrei eta artaldea bezala ugalaraziko ditut.

ERROMATARREI 11:5

Bada orain ere, gure egunotan, hondar bat, Jainkoak onginahi hutsez aukeratua.

ERROMATARREI 9:27

Isaiasek, berriz, hau dio Israeli buruz: Israeldarrak itsasoko hondarrak bezain ugariak izango balira ere, bakar batzuk besterik ez dira salbatuko.

DUTERONOMA 32:36

(Defendatuko du Jaunak bere herria, gupidatuko da bere zerbitzariez). Indarrak akitzen ari zaizkiela ikustean, denak, libre nahiz esklabo, galtzear daudela,

JOSUE 14:12

Emadazu, bada, Jaunak egun hartan hitzemandako mendialde hori. Zeuk ere orduan jakin zenuen Anak erraldoiaren ondorengoak bizi direla bertan eta hiri handi eta gotortuak dituztela. Jauna nirekin izatea espero dut eta horiek beren lurraldetik botatzea, Jaunak hitzeman bezala».

JOSUE 3:10

Eta gehitu zuen: «Horra zertan igarriko diozuen Jainko bizia duzuela zeuen artean, eta kanaandarrak, hititak, hibiarrak, periztarrak, girgaxtarrak, amortarrak eta jebustarrak zuen aurretik erabat botako dituela:

1 SAMUEL 14:6

Jonatanek diotso bere ezkutariari: —Zatoz, goazen jentil arrotz horien gudari-tokiraino. Behar bada, lagunduko digu Jaunak, ez baitu eragozpenik jende askorekin nahiz gutxirekin garaipena emateko.

1 SAMUEL 17:10

Gero, esan zuen filistearrak: —Erronka hau botatzen dizuet gaur, israeldar guda-lerroetakooi! Bidal iezadazue gizon bat, eta ekin diezaiogun borrokari!

1 SAMUEL 17:26

Davidek, orduan, galdetu zien bere inguruan zituen gudariei: —Zer egingo diotela filistear hori hil eta Israelen lotsa kenduko duenari? Nor da, baina, filistear jentil arrotz hori, Jainko biziaren gudarosteari gaur erronka egiteko?

1 SAMUEL 17:45

Davidek ihardetsi zion filistearrari: —Ezpataz, lantzaz eta azkonaz armatua zatozkit. Ba, ni Jaun ahalguztidunaren izenean natorkizu, zuk desafiatu dituzun israeldar gudarosteen Jainkoaren izenean.