1 SAMUEL 29:3 - Elizen Arteko Biblia (Biblia en Euskara Traducción Interconfesional)

³ Filistearren buruzagiek honela zioten: —Zer egiten dute hebrear horiek hemen? Akixek honela erantzun zien filistearren buruzagiei: —David duzue, Israelgo errege den Saulen zerbitzaria. Urte bat edo bi darama nirekin eta ihesi etorri zitzaidanez geroztik ez dut aitzakiarik izan horren aurka.

Navarro-Labourdin Basque

³ Eta Filistindarren aitzindariec Aquisi erran cioten: Cer nahi dute Hebrear horiec? Eta Aquisec ihardetsi cioten Filistindarren aitzindariei: Ez duçue eçagutzen Dabid, Israelgo erregue Saulen cerbitzari içana? Bada asco egun edo urthe enequin dela, eta ez dut erratecoric den gutiena horren baithan kausitu, ene gana ihes eguin içan duenetic eta egungo eguna arteo.

1 SAMUEL 29:3 ပူးပေါင်းရင်းမြစ်များ

JENESA 14:13

Iheslarietako bat gertatuaren berri Abram hebrearrari ematera joan zitzaion. Abram Mambre amortarraren artadian bizi zen, eta Mambreren anaia Exkol eta Anerrekin hitzarmena egina zuen.

1 KRONIKAK 12:19

Amasaik, hogeita hamar gudarien buruzagiak, espirituaren eraginez, esan zuen: «Zeurekin gaituzu, David, zeurekin, Jeseren seme! Bakea, bakea zuretzat, bakea laguntzen dizunarentzat, zeure Jainkoa baituzu laguntzaile». Orduan, Davidek onartu egin zituen eta gudalburuen artean hartu.

1 KRONIKAK 12:20

Manasesen leinuko batzuk ere Daviden aldera igaro ziren, filistearrekin batera Saulen kontra borrokatzera zihoanean. Baina Davidek eta bere gizonek ezin izan zieten filistearrei lagundu; izan ere, hizketatu ondoren, filistearren buruzagiek bidali egin zuten David, beraien kontra jarri eta bere lehengo jaun Saulengana igaroko zela pentsatuz.

DANIEL 6:5

Hargatik, beste bi ministroak eta eskualdeburuak, erreinuaren administrazioan Danieli erruren bat nola aurkitu zebiltzan; baina ezin zuten lortu, leiala baitzen, zabarkeriarik gabea.

JOAN 19:6

Ikusi zutenean, apaizburuak eta guardiak oihuka hasi ziren: —Gurutzera, gurutzera hori! Pilatok esan zien: —Eraman zeuek eta gurutziltzatu; nik ez dut gizon hau kondenatzeko arrazoirik aurkitzen.

ERROMATARREI 12:17

Ez itzuli inori gaitzik gaitz orde. Saia zaitezte gizon-emakume guztiei ongi egiten.

1 PEDRO 3:16

baina egizue apaltasunez eta errespetuz, kontzientzia garbiz jokatuz. Horrela, Kristoren sinesle bezala duzuen jokaera onaz gaizki-esaka ari direnak beren hitz gaiztoez lotsatuko dira.

1 SAMUEL 14:11

Agertu ziren, bada, biak filistearren gudari-toki aurrean, eta filistearrek honela zioten: «Hara, ateratzen ari dituk hebrearrak gorderik zeuden zuloetatik».

1 SAMUEL 25:28

Barka, otoi, zeure mirabe honen errua. Ondorengotza sendoa emanen dizu Jaunak, Jaunaren gudua ari baitzara egiten, eta bizitza osoan ez da okerkeriarik aurkitu zuregan.

1 SAMUEL 27:1

Davidek honela zioen bere baitan: «Halakoren batean, Saulen eskuak galdu behar nau! Filistearren lurraldera ihes egin eta neure burua salbatzea izanen dut hoberena. Horrela, etsiko du Saulek eta ez da nire bila ibiliko Israel lurraldean, eta ni libre izango naiz haren eskuetatik».

1 SAMUEL 27:7

Urtea eta lau hilabetez bizi izan zen David filistearren lurraldean.

1 SAMUEL 29:6

Dei egin zion, beraz, Akixek Davidi eta esan zion: —Zuzena zara, ala Jauna! Begiko dut zu nirekin izatea gudarostearen joan-etorri guztietan. Ez dut zuregan deus txarrik ikusi, niregana etorri zinenez geroztik. Buruzagiek, ordea, ez zaituzte begiko.

1 SAMUEL 4:6

Filistearrek, deiadar hura aditzean, esan zuten: «Zer dute hebrearrek beren etxoletan horrenbesteko deiadarra egiteko?» Jakin zuten etorria zela kanpalekura Jaunaren kutxa,