1 SAMUEL 23:26 - Elizen Arteko Biblia (Biblia en Euskara Traducción Interconfesional)

²⁶ Saul mendi-malda batetik zihoan; David, berriz, bere gizonekin beste maldatik. David lasterka zihoan, Saulengandik ihesi. Saul bere gizonekin David eta beronen gizonak inguratzen ari zen, harrapatzeko.

Navarro-Labourdin Basque

²⁶ Saul çabilan mendi-macelan alde batetaric, eta Dabid eta bere guiçonac ciren mendi-macelan berce aldetic. Bada Dabidec etsitzen çuen Saulen beguitharteari itzurcea, ceren Saulec bere guiçonequin inguratzen baitzituen Dabid eta bere lagunac ustei batec beçala.

1 SAMUEL 23:26 ပူးပေါင်းရင်းမြစ်များ

2 SAMUEL 15:14

Orduan, esan zien Davidek Jerusalemen berekin zituen zerbitzariei: —Goazen ihesi, bestela Absalomek ez digu ihesbiderik utziko. Zabiltzate bizkor; ez dadila gerta berak aurrea hartu, harrapatu eta hondamena ekarriz hiriko guztiok ezpataz garbitzea.

2 KRONIKAK 20:12

Oi gure Jainko, ez ote diezu emango merezi dutena? Ez dugu indarrik jendetza izugarri horri aurre egiteko, eta ez dakigu zer egin. Baina zuregana zuzentzen ditugu begiak».

SALMOAK 17:11

Gainean ditut, inguratua naute, ni lurrera botatzeko beti prest,

SALMOAK 17:9

larrutu nahi nauten gaizkileengandik, inguratzen nauten etsai amorratuengandik.

SALMOAK 22:12

Ez egon niregandik urrun, hurbil baitut arriskua, eta ez dut nork lagundurik.

SALMOAK 22:16

Indargabe nago, teila bezain lehor, ahosabaiari itsatsia dut mihia, hilobi-hautsetaraino ekarri naute.

SALMOAK 31:22

Bedeinkatua Jauna, mirariak egin baitizkit haren maitasunak, estualdian nengoela.

2 KORINTOARREI 1:8

Senideok, jakin behar duzue nolako larrialdiak izan nituen Asia probintzian. Biziko nintzen itxaropena bera ere galdua nuen, ezin jasan ahalako larrialdi handiak izan bainituen.

APOKALIPSIA 20:9

Lur zabalean hedatu ziren eta fededunen kanpalekua eta hiri maitea inguratu zituzten. Jaitsi zen, ordea, zerutik sua eta irentsi egin zituen.

JUIEAC 16:2

Gazakoek, Samson han zela jakitean, inguratu zuten eta gau osoan zelatan egon zitzaizkion hiriko sarreran. Gau osoan geldi egon ziren, eguna argitzean hiltzeko asmotan.

1 SAMUEL 19:12

Eta leihotik behera eraitsi zuen. Orduan, Davidek ihes egin zuen eta bere burua salbatu.

1 SAMUEL 20:38

Berriz ere oihu egin zion Jonatanek atzetik mutikoari: —Bizkor! Habil agudo! Ez hadi geldi! Hartu zuen Jonatanen morroiak gezia eta bere nagusiagana itzuli zen.

1 SAMUEL 23:25

Saul bere gizonekin Daviden bila hasi zen. Horren berri izatean, David haitzartera jaitsi eta Maon eremuan gelditu zen. Saul ere, hori jakitean, Maon eremuan barrena abiatu zen, Daviden ondoren.

1 SAMUEL 23:27

Orduan, mandatari bat etorri zitzaion Sauli, esanez: «Zatoz bizkor, filistearrak sartu zaizkigu geure lurraldean».