1 KRONIKAK 21:7 - Elizen Arteko Biblia (Biblia en Euskara Traducción Interconfesional)

⁷ Jainkoak ez zuen begi onez ikusi erroldatze hura egitea eta zigortu egin zuen Israel.

Navarro-Labourdin Basque

⁷ Bada, manatua içan cena Jaincoaren desgogaraco içatu cen, eta jo çuen Israel.

1 KRONIKAK 21:7 ပူးပေါင်းရင်းမြစ်များ

2 SAMUEL 11:27

Dolualdia buruturik, Davidek emakumea etxera etorrarazi, jauregian hartu eta bere emazte egin zuen; eta semea sortu zion. Jaunak, ordea, ez zuen atsegin izan Davidek egina.

2 SAMUEL 15:26

Begiko ez banau, berriz, egin beza nirekin egoki deritzona.

2 SAMUEL 21:1

Daviden garaian, hiru urtez iraun zuen gosetea izan zen. Davidek Jaunari kontsulta egin zion eta Jaunak erantzun: —Odola zor dute oraino Saulek eta beronen senitartekoek, gabaondarrak hil zituztelako.

2 SAMUEL 21:14

Azkenik, Saulen eta beronen seme Jonatanen hezurrekin batera ehortzi zituzten Tzelan, Saulen aita Kixen hilobian, Benjaminen lurraldean. Erregeak agindu guztia egin zuten. Honen ondoren, Jainkoa errukitu egin zen herrialdeaz.

2 SAMUEL 24:1

Sutu zen berriro ere Jaunaren haserrea israeldarren kontra eta, zigortzeko, esan zion Davidi: —Tira, egin israeldarren eta judatarren zenbaketa.

2 SAMUEL 24:10

Herritarren zenbaketa egin ondoren, bihotzeko harra sentitu zuen Davidek eta esan zion Jaunari: —Bekatu astuna egin dut, bai. Hala ere, Jauna, barkatu zeure zerbitzari honen bekatua, erokeria egin baitut.

1 ERREGEAK 15:5

Izan ere, zuzen jokatua zen David Jaunaren begietan, bere bizitzako egun orotan Jaunaren aginduetatik aldendu gabe, Urias hititaren arazo hartan izan ezik.

1 KRONIKAK 21:14

Jaunak, beraz, izurria bidali zuen Israelera eta hirurogeita hamar mila gizon israeldar hil ziren.

1 KRONIKAK 21:6

Horien artean Joabek ez zituen lebitarrak eta benjamindarrak sartu, erregearen agindua higuingarria iruditu zitzaiolako.

1 KRONIKAK 21:8

Orduan, Davidek esan zion Jainkoari: —Bekatu handia egin dut, bai, erroldatzea egiteko aginduz. Baina, otoi, barkatu zeure morroi honen gaiztakeria, burugabe jokatu baitut.

JOSUE 7:1

Israeldarrek ez zuten leial jokatu hiriko gauza guztiak erabat suntsitzeko aginduari zegokionez. Akan zeritzan batek suntsitu beharreko zenbait gauza beretzat hartu zuen eta, horregatik, sutu egin zen Jaunaren haserrea israeldarren aurka. Karmiren semea zen Akan, Zabdi eta Zerahen ondorengoa, Judaren leinukoa.

JOSUE 7:13

Jaiki zaitez eta agindu herriari garbikuntza egiteko. Esaiozu: «Egin garbikuntza biharko. Hau dio Jaunak, Israelen Jainkoak: Erabat suntsitu behar zenuten zerbait duzue zeuen artean, israeldarrok; hori desagerrarazi arte, ezin izango diezue aurre egin etsaiei.

JOSUE 7:5

Hogeita hamaseiren bat israeldar hil zituzten Aikoek eta hiriko ateetatik harrobietaraino pertsegitu zituzten, maldan behera denak porrokatuz. Israeldarrak adoregabeturik gelditu ziren; hauen kemena urtu eta ura bezala isuri zen.