1 ERREGEAK 8:36 - Elizen Arteko Biblia (Biblia en Euskara Traducción Interconfesional)

³⁶ entzun zuk zerutik, barkatu zeure zerbitzarien eta zeure herri Israelen bekatua, erakutsi ibili behar duten bide zuzena, eta isurarazi euria zeure herriari ondaretzat eman zenion lurrera.

Navarro-Labourdin Basque

³⁶ Ençun çatzu cerutic eta barka çatzu çure cerbitzarien eta Israelgo çure populuaren bekatuac; erakuts dioçoçute bide ona ceinetaz ibili behar baitira, eta uria igorraçu çure populuari goçatzera eman dioçun çure lurraren gainera.

1 ERREGEAK 8:36 ပူးပေါင်းရင်းမြစ်များ

SALMOAK 27:11

Erakustazu, Jauna, zeure bidea, eraman nazazu bide zuzenetik, etsaiak ugari baititut.

1 SAMUEL 12:23

Niri dagokidanez, ez dezadala Jaunaren kontra bekaturik egin, zuen alde otoitz egiteari utziz. Bide on eta zuzena erakutsiko dizuet.

JEREMIAS 6:16

Honela diotso Jaunak bere herriari: «Geldi zaitezte bidean, aztertu, galdegin antzinako jokabideaz, biderik onena zein den jakiteko; jo bertatik, eta aurkituko duzue atsedena. Zuek, ordea, “Ez dugu jarraitu nahi” erantzuten duzue.

JEREMIAS 14:22

Jentilen idoloek ezin dute euririk eman, ezta zeruek ere berenez hodei-zaparradarik sortu. Zuk egiten dituzu horiek guztiak! Ez al zaitugu, bada, zu, Jauna, geure Jainkoa? Zu zaitugu geure itxaropen!»

SALMOAK 94:12

Zorionekoa, Jauna, zuk hezten duzuna, zeure legean eskolatzen duzuna.

1 ERREGEAK 18:45

Zerua geroz eta ilunago jarri zen, hodei eta aldagoi-haizearen eraginez, eta izugarrizko erauntsia egin zuen. Akab guda-gurdira igo eta Izreelera joan zen.

1 ERREGEAK 18:1

Handik luzarora, lehortearen hirugarren urtean, honela hitz egin zion Jaunak Eliasi: «Zoaz Akab erregeagana; euria eginarazi behar dut lur gainera».

MATEO 22:16

Beraz, ikasle batzuk bidali zizkioten, Herodesen alderdikoekin, galdetzera: —Maisu, badakigu egiazale zarena eta Jainkoaren bidea behar bezala irakasten duzuna; inoren zeresanak ez dizu axolarik, ez baitiozu begiratzen gizakiaren itxurari.

MIKEAS 4:2

Nazio asko joango dira hara, esanez: «Zatozte, igo gaitezen Jaunaren mendira, Jakoben Jainkoaren etxera; bere bideak erakutsiko dizkigu, eta gu haren bidexketan ibiliko gara; Siondik irakatsiko baitu Jaunak, Jerusalemdik hitz egingo».

JEREMIAS 42:3

Erakuts diezagula Jaunak, zeure Jainkoak, zein bidetatik jo eta zer egin.

ISAIAS 35:8

Eta galtzada bat izango da han; «Bide santu» deituko zaio. Kutsaturiko inor ez da handik igaroko, ezta zentzugabeak ere handik ibiliko. Jaunak berak irekiko du bidea.

ISAIAS 30:21

Zeuen belarriz entzungo duzue atzetik esaten: «Hona hemen bidea, hemendik ibili». Noiz jo eskuinera, noiz ezkerrera erakutsiko dizue.

SALMOAK 143:8

Emadazu goizean goiz zeure maitasunaren berri, zuregan baitut uste on. Erakustazu jarraitu behar dudan bidea, zuregana jasoa baitut gogoa.

SALMOAK 119:33

Erakutsi niri, Jauna, zeure arauen bidea, horri jarraitzea izango dut sari.

SALMOAK 86:11

Erakustazu, Jauna, zeure bidea, zurekiko leial joka dezadan. Batu nire bihotza barnean, zureganako begirunean bizi nadin.

SALMOAK 68:9

dardara egin zuen lurrak, urtu egin zen Jainkoaren aurrean zerua, Sinaiko Jainkoaren, Israelen Jainkoaren aurrean.

SALMOAK 32:8

«Irakatsi egingo dizut eta jarraibidea erakutsiko; aholku emango dizut eta zure ardura izango.

SALMOAK 25:12

Jakinarazten dio Jaunak begirune dionari zein jokabide behar duen hautatu.

SALMOAK 25:8

Ona eta zuzena da Jauna, eta bidea jakinarazten die bekatariei.

SALMOAK 5:8

Ni, aldiz, zure maitasun handiari esker, zure etxean sartuko naiz, zure tenplu santuan ahuspeztuko begirunez beterik.

1 ERREGEAK 18:41

Gero, Eliasek esan zion Akabi: —Zoaz jatera eta edatera, zaparrada handi baten hotsa sumatzen da eta.

SALMOAK 119:133

Sendo beza zuk hitzemanak nire ibilbidea, ez nazala inolako txarkeriak mendera.

SALMOAK 68:10

Euria ugari bota zenuen, oi Jainko, zeure lurralde eta jabegoa indarberritu.

JOELEN PROFECIA 2:23

Poz zaitezte, Siongo seme-alabok, alaitu Jaunarekin, zeuen Jainkoarekin! Antzina bezala, garaian garaiko euria ematen baitizue, udazkeneko zein udaberriko euria.