1 ERREGEAK 17:12 - Elizen Arteko Biblia (Biblia en Euskara Traducción Interconfesional)

¹² Emakumeak ihardetsi zion: —Ala Jauna, zure Jainkoa! Ez dut batere ogirik; eskutada bat ogi-irin baizik ez dut katiluan, eta olio pittin bat pitxerrean. Zotzak biltzen ari nintzen, neure semearentzat eta biontzat ogi pixka bat egin, jan eta gero hil gaitezen.

Navarro-Labourdin Basque

¹² Hunec ihardetsi çuen: Bici bedi çure Jainco Jauna, ceren ez baitut oguiric, ahurraz atchic ahala irin baicic pitcher batean eta olio ikin bat olio-uncian; eta orai bilcen ditut bi xixtapur, sar nedin eta hura xuxen deçadan enetzat eta ene semearençat, eta janic hil gaitecen.

1 ERREGEAK 17:12 ပူးပေါင်းရင်းမြစ်များ

JENESA 21:15

Zahatoko ura ahitu zitzaionean, zuhaitz baten azpian utzi zuen haurra

JENESA 21:16

eta, urrutiraturik, aurrez aurre eseri zitzaion ehunen bat metrora. Honela zioen berekiko: «Ez dinat neure semea hiltzen ikusi nahi». Ama eseria zegoelarik, negarrez hasi zen haurra ozenki.

2 SAMUEL 15:21

Itaik, ordea, ihardetsi zion erregeari: —Ala Jauna! Ala erregea, ene jauna! Nire errege jauna nora, ni ere hara, hiltzeko nahiz bizitzeko.

1 ERREGEAK 17:1

Galaad eskualdean zegoen Tixbe herriko Eliasek esan zion Akab erregeari: «Ala Jauna, Israelen Jainkoa! Haren zerbitzari nauzu ni. Horra, ez du ihintzik, ez euririk egingo hurrengo urteetan, nik agintzean baizik».

1 ERREGEAK 17:11

Emakumea ur bila zihoanean, Eliasek dei egin eta esan zion: —Ekardazu, arren, ogi-puska bat ere.

1 ERREGEAK 17:13

Eliasek esan zion: —Ez izan beldurrik. Joan eta egin esan duzuna; baina egidazu aurrena niri sutopiltxo bat eta ekarri. Gero, egingo duzu semearentzat eta biontzat.

JEREMIAS 14:18

Landara irten, eta ezpataz hildakoak edonon; hirira sartu, eta jendea goseak hiltzen. Apaizak eta profetak batetik bestera dabiltza, ezer ulertu ezinik.

JEREMIAS 4:2

nire izenean egiten baduzu zin egiaz, justiziaz eta zuzenbidez, bedeinkatuko ditut beste herriak ere, eta nitaz harro agertuko dira».

JEREMIAS 5:2

Baina, «Ala Jauna!» esatean ere, gezurretan egiten dute zin.

NEGAR KANTAK 4:9

Ezpataz hildakoek zori hobea izan zuten goseak hildakoek baino: haiek zulaturik hustu ziren, hauek uztarik ezaz.

MATEO 26:7

emakume bat etorri zitzaion, hartzurizko ontzian ukendu baliotsua zekarrela. Eta Jesus mahaian zegoelarik, burura isuri zion.

1 SAMUEL 14:39

Ala Jauna, Israelen Salbatzailea! Egin duenak, nire seme Jonatan bera bada ere, erremediorik gabe hil beharko du. Inork ere ez zion erantzun.

1 SAMUEL 14:45

Herriak, ordea, esan zion Sauli: —Hil beharra duela Jonatanek, Israeli halako garaipena ekarri ondoren? Inola ere ez! Ala Jauna! Buruko ile bat ere ez zaio eroriko lurrera. Jainkoaren laguntzaz egin du gaur egin duena. Honela libratu zuen herriak Jonatan heriotzatik.

1 SAMUEL 20:21

eta morroia bidaliko dut, esanez: “Hoa eta bila itzak geziak”. Morroiari “Hi baino honantzago dituk geziak, har itzak” esango banio, orduan etor zaitezke, dena bakean izango baita. Ez da arriskurik izango, ala Jauna!

1 SAMUEL 20:3

Davidek zin ere egin zuen, esanez: —Ongi daki zuen aitak begiko nauzula. Hau esango zuen bere baitan: «Ez dezala jakin honetaz deus ere Jonatanek, atsekabe ez dadin». Hara, Jauna bizi dela eta zu bizi zarela bezain egia da, heriotzaren eta nire artean pauso bat baizik ez dagoela.

1 SAMUEL 25:26

Baina, Jauna badela eta zu hemen zaudela bezain egia da Jaunak berak galarazi dizula odola isurtzea eta mendekua zeure eskuz egitea. Gerta bekie Nabali gertatuko zaiona, zu hondatu nahian dabiltzan etsaiei ere.

1 SAMUEL 26:10

Eta jarraitu zuen: —Ala Jainkoa! Jaunak berak joko du gizon hori, bere heriotzako ordua etor dakionean edota borrokaren batean hilko dutenean.