མཐོང་སྣང་ལེའུ་ 7:9 - རྫོང་ཁ་

⁹ དེ་གི་ཤུལ་ལས་ ང་གིས་བལྟཝ་ད་ ངེ་གི་གདོང་ཁར་ མི་རིགས་མ་འདྲཝ་ ག་ར་གི་ནང་ན་ལས་ རིགས་ཚན་མ་འདྲཝ་དང་ མི་བརྒྱུད་མ་འདྲཝ་ སྐད་རིགས་མ་འདྲཝ་ག་ར་ནང་ལས་ མི་དམངས་ཚོགས་དེ་ཚུ་གྱངས་ཁ་ཡང་མ་ཆོདཔ་སྦེ་ བགོ་ལ་དཀརཔོ་གྱོན་ ལག་པར་ཤིང་གི་ཞལ་ལག་འབག་སྟེ་ རྒྱལ་ཁྲི་དང་ལུག་གི་ཕྱུག་ཀུ་གི་སྐུ་མདུན་ལུ་ལོངས་ཏེ།

མཐོང་སྣང་ལེའུ་ 7:9 ပူးပေါင်းရင်းမြစ်များ

མཐོང་སྣང་ལེའུ་ 5:9

དེ་ལས་ཁོང་རྒས་ཤོས་ཚུ་གིས་ མགུར་མ་གསརཔ་གཅིག་འཐེན་སྦེ། ནཱ་ལུ་ཤོག་དྲིལ་ཕྱག་ལུ་བཞེས་ཏེ་ དེའི་གུ་ཡོད་མིའི་ཕྱག་ཐམ་ ཁ་ཕྱེ་ནིའི་འོས་འབབ་འདུག་ ག་ཅི་སྨོ་ཟེར་བ་ཅིན་ ནཱ་གཤགས་ཏེ་ རིགས་ཚན་མ་འདྲཝ་དང་ སྐད་རིགས་མ་འདྲཝ་ མི་བརྒྱུད་མ་འདྲཝ་ མི་རིགས་མ་འདྲཝ་ ག་ར་གི་ནང་ན་ལས་ དཀོན་མཆོག་གི་དོན་ལུ་ ནཱ་གི་སྐུ་ཁྲག་གིས་ མི་ཚུ་ཉོ་གནང་ཡི།

ཡོ་ཧ་ནཱན་ལེའུ་ 12:13

ཁོང་གིས་ཏ་ལའི་ཤིང་གི་ཞལ་ལག་བཏོགས་འབག་སྟེ་ ཁོ་ལུ་བྱོན་པ་ལེགས་སོ་ཞུ་བ་སོང་སྟེ་ཁོང་གིས། ཧོ་སཱན་ན་ གཙོ་བོ་དཀོན་མཆོག་གི་མཚན་ནང་ བྱོན་མི་དེ་བྱིན་རླབས་ཅན་ཨིན་ ཨཱིས་ར་ཨཱེལ་གྱི་རྒྱལཔོ་བྱིན་རླབས་ཅན་ཨིན་ཟེར་ སྐད་བརྐྱབས་ནུག

མཐོང་སྣང་ལེའུ་ 11:15

དེ་ལས་ ཕོ་ཉ་བདུན་པ་འདི་གིས་ཁོ་རང་གི་དུང་འཕུཝ་ད་ ཞིང་ཁམས་ལས་གསུང་སྐད་སྦོམ་དེ་ཚུ་གིས། འཛམ་གླིང་ནང་གི་རྒྱལ་སྲིད་འདི་ ང་བཅས་ཀྱི་གཙོ་བོ་དང་ ཁོ་རའི་ བཙག་འཐུ་མཛད་མི་ཁིརཱིས་ཀྱི་རྒྱལ་སྲིད་ལུ་འགྱུརཝ་ཨིན་ ཁོ་གིས་དུས་རྒྱུན་དུ་རང་སྐྱོང་ནི་ཨིན་ཟེར་ གསུངས་ཡི།

མཐོང་སྣང་ལེའུ་ 6:11

དེ་ལས་ཁོང་ལུ་ན་བཟའ་དཀརཔོ་རེ་རེ་གནང་སྦེ་ ཁྱེད་བཟུམ་སྦེ་རང་ངེ་གི་ཞབས་ཕྱི་ཞུ་མི་དེ་ གཞན་གྱི་ལག་པར་ ཤི་དགོཔ་བྱུང་མི་སྤུན་ཆ་ད་རུང་ལེ་ཤ་ཡོད་ ཁོང་གི་གྱངས་ཁ་མ་ཚང་ཚུན་ཚོད་ ཁྱེད་ཨ་ཙི་སྒུག་སྟེ་ངལ་འཚོ་ཟེར་གསུངས་ཡི།

མཐོང་སྣང་ལེའུ་ 3:18

ཁྱོད་རང་ཕྱུགཔ་འགྱོ་དགོ་པ་ཅིན་ ད་ངེ་གི་བསླབ་བྱ་ལུ་ཉན་ཏེ་ གསེར་མེ་ནང་བཞུ་སྟེ་ལྷད་མེདཔ་ང་ལས་ཉོ་ དེ་ལས་ཁྱོད་རང་གཟུགས་སྒྱེན་མོ་མི་ཐོན་ དེ་མ་ཚད་ ངོ་མ་ཚར་བར་སྡོད་དགོ་པ་ཅིན་ གོ་ལ་དཀརཔོ་ང་ལས་ཉོ་ ད་རུང་མིག་ཏོ་ལེགས་ཤོམ་སྦེ་ མཐོང་དགོ་པ་ཅིན་ མིག་ཏོ་གུ་དབུར་ནི་གི་སྨན་ང་ལས་ཉོ།

རོམ་མི་ལེའུ་ 11:25

དབའེ་སྤུན་ཆ་ཚུ་ ཁྱེད་ཆ་ཁྱབ་ཁམས་བཙོང་སྟེ་ ང་རྒྱལ་མ་བསྐྱེད་ནི་གི་དོན་ལུ་ དཀོན་མཆོག་གི་གསང་བ་དེ་ ཁྱེད་ཆ་ཁྱབ་ཀྱིས་ལེགས་ཤོམ་སྦེ་ཧ་གོ་དགོ་ཟེར་ང་གིས་མནོ་ཡི་ ག་ཅི་སྨོ་ཟེར་བ་ཅིན་ ཕྱིའི་མི་རིགས་ཚུ་གི་གྱངས་ཁ་མ་ཚང་ཚུན་ཚོད་ ཨཱིས་ར་ཨཱེལ་པ་ལ་ལུ་ཅིག་སེམས་སྲ་ཀྲག་སྦེ་སྡོད་འོང་།

ལུ་ཀ་ལེའུ་ 21:36

དེ་འབདཝ་ད་ དུས་ནམ་རང་འབད་རུང་ རིགཔ་བསྒྱིམ་ དེ་ལས་འབྱུང་ནི་ཨིན་ཟེར་མི་ནང་ལས་ འཐོན་ཚུགས་ནི་དང་ མིའི་བུ་གི་གདོང་ཁར་ ཡར་ལོང་སྡོད་ཚུགས་ནི་གི་དོན་ལུ་ གསོལ་བ་དང་སྨོན་ལམ་བཏབ་སྟེ་སྡོད་ཟེར་གསུངས་ནུག

ལུ་ཀ་ལེའུ་ 12:1

དེའི་སྐབས་མི་ཚོགས་སྟོང་ཕྲག་ལེ་ཤ་ཅིག་འཛོམས་ད་ མི་གཅིག་གིས་གཅིག་གི་གུ་ ཨེབ་ཐག་རྐྱབ་འཛེགཔ་ད་ ཡེ་ཤུ་གིས་དང་པ་ཁོ་རང་གི་སློབ་མ་ཚུ་ལུ་བསླབ་བྱ་སྟོན་ཏེ་ ཁྱེད་ཀྱིས་ ཁ་ཆོས་འབད་མི་ ཕ་རུ་ཤི་པ་ གི་བུལ་ཏོག་ལས་དྲན་པ་བཏོན།

མཐོང་སྣང་ལེའུ་ 4:4

ད་རུང་དེ་གི་བསྐོར་ར་བརྐྱབས་ཏེ་ བཞུགས་ཁྲི་ཉི་ཤུ་རྩ་བཞི་འདུག་ བཞུགས་ཁྲི་དེ་གི་གུ་ལུ་ རྒས་ཤོས་ཉི་ཤུ་རྩ་བཞི་ ན་བཟའ་དཀརཔོ་བཞེས་ དབུ་གུ་གསེར་གྱི་གཙུག་རྒྱན་བཞེས་ཏེ་བཞུགས་མི་ཚུ་ལུ་མཇལ་ཡི།

ཧིབ་རུ་ལེའུ་ 12:22

དེ་འབདཝ་ད་ ཁྱེད་ཆ་ཁྱབ་གསོན་པོའི་དཀོན་མཆོག་གི་གངས་རི་ ཟི་ཨཱོན་དང་ ཞིང་ཁམས་ཀྱི་ཁྲོམ་ ཡེ་རུ་ཤ་ལེམ་ དེ་ལས་དེའི་ནང་ གྱངས་ཁ་མ་ཆོད་པའི་ཕོ་ཉ་གི་དགའ་སྤྲོའི་ཚོགས་འཛོམས་ནང་ལྷོད་ཅི།

ཧིབ་རུ་ལེའུ་ 11:12

དེ་འབདཝ་ལས་ ཨབ་ར་ཧམ་ཁོ་རང་དབུགས་མ་ཆདཔ་ཙམ་གྱི་ཕུང་པོ་འདི་ལས་ རྒྱལ་ཁབ་ཡོངས་སུ་བྱུང་འོངས་ནུག་ ཁོ་གི་བུ་བརྒྱུད་ཚུ་ གནམ་ཁའི་སྐརམ་བཟུམ་དང་ རྒྱ་མཚོ་མཐའ་མའི་བྱེམ་བཟུམ་སྦེ་ གྱངས་ཁ་མ་ཆོདཔ་ཡོད་མིའི་ ཕམ་སྦེ་བྱུང་ནུག

ཨི་ཕི་སིཔ་ལེའུ་ 6:13

འདི་གི་དོན་ལུ་ ངན་པའི་ཉིནམ་འདི་འོངམ་ད་ ཁྱེད་དེ་ལུ་རྒྱབ་འགལ་འབད་ནིའི་དོན་ལུ་ དཀོན་མཆོག་གི་དགྲ་ཆས་ག་ར་གྱོན་ཏེ་སྡོད་ དེ་ལས་ཁྱེད་ཀྱིས་ག་ར་སྒྲུབ་ཚརཝ་ད་ སྒྲིང་སྒྲིང་སྦེ་ལོང་སྡོད་འོང་།

མཐོང་སྣང་ལེའུ་ 5:11

དེ་ལས་ང་གིས་བལྟཝ་ད་ ཁྲིའི་བསྐོར་ར་བརྐྱབས་ཏེ་ སེམས་ཅན་དང་རྒས་ཤོས་དེ་ཚུ་གི་སྦུག་ལུ་ ཕོ་ཉ་དེ་ཚུ་གྱངས་ཁ་མ་ཆོདཔ་ སྟོང་ཕྲག་དང་ཁྲི་ཕྲག་འབུམ་ཕྲག་ལས་ལྷགཔ་སྦེ་ གསུང་དབྱངས་འཐེན་པའི་སྐད་གོ་ཡི།

མཐོང་སྣང་ལེའུ་ 7:8

བུ་བརྒྱུད་ ཟེ་བུ་ལཱོན་གྱི་སྡེ་ཚན་ནང་ལས་གཅིག་ཁྲི་གཉིས་སྟོང་། བུ་བརྒྱུད་ ཡོ་སེབ་ཀྱི་སྡེ་ཚན་ནང་ལས་གཅིག་ཁྲི་གཉིས་སྟོང་། བུ་བརྒྱུད་ བེན་ཇ་མིན་གྱི་སྡེ་ཚན་ནང་ལས་གཅིག་ཁྲི་གཉིས་སྟོང་ཨིན་མས།།

མཐོང་སྣང་ལེའུ་ 22:3

དེ་ལས་ཁྲོམ་དེ་ནང་ལུ་ དཀོན་མཆོག་གི་ཐུགས་དང་མ་ལྡན་མི་དེ་ རྩ་ལས་རང་མིན་འདུག་ དེ་འབདཝ་ད་ དཀོན་མཆོག་གི་ཁྲི་དང་ལུག་གི་ཕྱུག་ཀུ་གི་ཁྲི་ ཁྲོམ་དེ་ནང་ལུ་བཞུགས་ཏེ་ དཀོན་མཆོག་གི་ཞབས་ཕྱིཔ་ཚུ་གིས་ཁོ་ལུ་ཕྱག་ཞུཝ་ཨིན་མས།