མཐོང་སྣང་ལེའུ་ 7:4 - རྫོང་ཁ་

⁴ དེ་ལས་ ཨཱིས་ར་ཨཱེལ་གྱི་བུ་བརྒྱུད་ཀྱི་སྡེ་ཚན་ག་ར་ནང་ལས་ དཔྱལ་བ་ཕྱག་ཐམ་བརྐྱབས་ཏེ་ཡོད་མིའི་གྱངས་ཁ་ འབུམ་གཅིག་དང་བཞི་ཁྲི་བཞི་སྟོང་ཡོདཔ་ང་གིས་གོ་ཡི།

མཐོང་སྣང་ལེའུ་ 7:4 ပူးပေါင်းရင်းမြစ်များ

མེ་ཐིའུ་ལེའུ་ 19:28

ཡེ་ཤུ་གིས་ཁོང་ལུ་ ང་གིས་ཁྱེད་ལུ་དོན་ལས་རང་སླབ་ཨིན་ འཛམ་བུ་གླིང་གསརཔ་སྦེ་མཛད་པའི་དུས་ལུ་ མིའི་བུ་ཞིང་ཁམས་ཀྱི་རྒྱལ་སྲིད་ནང་ གཟི་བརྗིད་ཀྱི་ཁྲི་ཁར་བཞུགསཔ་ད་ ཁྱེད་ངེ་གི་སློབ་མ་སྦེ་འོང་མི་ཚུ་གིས་ ཁྲི་བཅུ་གཉིས་གུ་སྡོད་དེ་ ཨཱིས་ར་ཨཱེལ་གྱི་མི་རིགས་བཅུ་གཉིས་ལུ་ཁྲིམས་ཕྱེ་ནི་ཨིན།

ལུ་ཀ་ལེའུ་ 14:22

གཡོགཔོ་འདི་གིས་སྦྱིན་བདག་གིས་སླབ་དོཝ་བཟུམ་སྦེ་རང་ ག་ར་འབད་ཚརཝ་ད་སྦྱིན་བདག་ལུ་ ཁྱོད་ཀྱིས་སླབ་མི་ཚུ་ག་ར་འབད་ཚར་རུང་ ད་རུང་སྡོད་ས་སྟོངམ་ལེ་ཤ་ལུས་ཏེ་ཡོད་ཟེར་སླབ་ནུག

ལུ་ཀ་ལེའུ་ 22:30

ཁྱེད་ཆ་ཁྱབ་ངེ་གི་རྒྱལ་སྲིད་ནང་སྡོད་དེ་ ངེ་གི་ཟ་ཁྲི་གུ་ལས་ ཟ་ འཐུང་ནི་གི་དབང་ཚད་ཁྱེད་ལུ་བྱིན་ནི་ཨིན་ དེ་གིས་མ་ཚད་ ཁྲི་ཁར་སྡོད་དེ་ ཨཱིས་ར་ཨཱེལ་གྱི་མི་རིགས་བཅུ་གཉིས་ལུ་ ཁྱེད་ཀྱིས་ཁྲིམས་ཕྱེ་ནི་ཨིན་ཟེར་གསུངས་ནུག།

མཛད་པ་ལེའུ་ 26:7

ཉིན་མཚན་མེད་པར་ དཀོན་མཆོག་ལུ་ཞབས་ཕྱི་ཞུ་མི་ ང་བཅས་ཀྱི་ཕ་བརྒྱུད་ཀྱི་སྡེ་ཚན་བཅུ་གཉིས་ཀྱིས་ཡང་ ཁས་བླངས་བཞེས་མི་འདི་ལུ་ རེ་བ་བསྐྱེདཔ་ཨིན་ མི་དབང་ ཨ་གིརི་པ་མཆོག་ལགས་ ང་ཡང་ཨ་ནི་རེ་བ་དེ་ལུ་དད་པ་བསྐྱེད་པ་ལས་བརྟེན་ཏེ་ ཡ་ཧུ་ད་པ་ཚུ་གིས་ ང་ལུ་སྐྱོན་བཏགས་དོ།

རོམ་མི་ལེའུ་ 9:27

ཨཱིས་ར་ཨཱེལ་གྱི་སྐོར་ལས་ལུང་སྟོན་པ་ ཨའི་ཟ་ཡ་གིས་སྐད་ཤུགས་སྦེ་བརྐྱབས་ཏེ། ཨཱིས་ར་ཨཱེལ་པ་གི་གྱངས་ཁ་དེ་ རྒྱ་མཚོ་གི་བྱེམ་བཟུམ་སྦེ་ཡོད་རུང་ ཐར་པ་ཐོབ་མི་གི་གྱངས་ཁ་དེ་ ཉུང་སུ་གཅིག་ལས་བརྒལ་མེད།

ཡ་ཀོབ་ལེའུ་ 1:1

ཨ་ནི་ཡི་གུ་འདི་ དཀོན་མཆོག་དང་གཙོ་བོ་ཡེ་ཤུ་ཁིརཱིས་ཀྱི་ཕྱག་ཞུ་མི་ ང་ ཡ་ཀོབ་ཀྱིས་ ཁྱེད་མི་རིགས་བཅུ་གཉིསཔ་ འཛམ་བུ་གླིང་གི་ས་ཆ་ག་ར་ནང་ ཁ་གཏོར་སྡོད་མི་ ཡ་ཧུ་ད་པའི་དདཔ་ཅན་ཚུ་ལུ་ སྐུ་གཟུགས་བཟང་པོ་ཟེར་ཞུ་སྟེ་འབྲི་དོ།།

མཐོང་སྣང་ལེའུ་ 14:1

ད་རུང་ང་གིས་བལྟཝ་ད་ ངེ་གི་གདོང་ཁར་གངས་རི་ ཟི་ཨཱོན་གྱི་གུ་ལུ་ ལུག་གི་ཕྱུག་ཀུ་བཞེངས་བཞུགས་ནུག་ ཁོ་དང་གཅིག་ཁར་ མི་འབུམ་གཅིག་དང་བཞི་ཁྲི་བཞི་སྟོང་གི་དཔྱལཝ་གུ་ལུ་ ཁོ་གི་མཚན་དང་ ཁོང་རང་གི་ཡབ་ཀྱི་མཚན་བྲིས་ཏེ་ཡོདཔ་ང་གིས་མཐོང་ཅི།

མཐོང་སྣང་ལེའུ་ 14:3

ཨ་ནི་ཁོང་མི་ཚུ་གིས་ དཀོན་མཆོག་གི་ཁྲི་དང་ སེམས་ཅན་བཞི་ རྒས་ཤོས་ཉི་ཤུ་རྩ་བཞི་གི་སྐུ་མདུན་ལུ་ མགུར་མ་གསརཔ་ཕུལཝ་ཨིན་མས་ ཨ་ནི་མགུར་མ་འདི་ ཁོང་འཛམ་བུ་གླིང་ནང་ལས་ སྲོག་བླུས་མི་ འབུམ་གཅིག་དང་བཞི་ཁྲི་བཞི་སྟོང་གིས་མ་གཏོགས་ གཞན་ག་གིས་ཡང་ འཐེན་ནི་ལྷབ་མ་ཚུགསཔ་ཨིན་མས།

མཐོང་སྣང་ལེའུ་ 7:5

དེ་ཚུ་ག་ར་རིམ་པ་བཞིན་དུ་འབྲི་ནི་ཨིན། བུ་བརྒྱུད་ ཡུ་ད་གི་སྡེ་ཚན་ནང་ལས་གཅིག་ཁྲི་གཉིས་སྟོང་། བུ་བརྒྱུད་ རུ་བཱེན་གྱི་སྡེ་ཚན་ནང་ལས་གཅིག་ཁྲི་གཉིས་སྟོང་། བུ་བརྒྱུད་ གཱད་ཀྱི་སྡེ་ཚན་ནང་ལས་གཅིག་ཁྲི་གཉིས་སྟོང་།

མཐོང་སྣང་ལེའུ་ 9:16

རྟ་གུ་བཞོན་མི་དམག་མི་གི་གྱངས་ཁ་ འབུམ་གཉིས་སྟོང་ལས་ལྷགཔ་སྦེ་ཡོད་ཟེར་ང་གིས་གོ་ཡི།