མཐོང་སྣང་ལེའུ་ 7:1 - རྫོང་ཁ་

¹ དེ་གི་ཤུལ་ལས་ ས་གཞི་གི་ཕྱོགས་བཞིའི་ཟུར་ཁ་ལུ་ ཕོ་ཉ་བཞི་ཡར་བཞེངས་ཏེ་བཞུགསཔ་ང་གིས་མཇལ་ཡི་ ཕྱོགས་བཞི་གི་ས་གཞི་ནང་གི་རླུང་ འཕུ་མ་བཅུག་པར་ ཕོ་ཉ་ཚུ་གི་ཕྱག་ལུ་བཟུང་སྟེ་བཞག་ཡོདཔ་ཨིན་མས་ དེ་འབདཝ་ལས་ས་ཁར་དང་ རྒྱ་མཚོ་དང་ ཤིང་སྡོང་ག་ར་གུ་མ་ཕོག་བས།

མཐོང་སྣང་ལེའུ་ 7:1 ပူးပေါင်းရင်းမြစ်များ

མེ་ཐིའུ་ལེའུ་ 24:31

དེ་ལས་ དུང་ཆེན་སྐད་སྦོམ་གྱི་འུར་སྒྲ་དང་བཅསཔ་སྦེ་ ཁོ་རང་གི་ཕོ་ཉ་ཚུ་ལུ་ འཛམ་བུ་གླིང་གི་ཕྱོགས་བཞི་ལས་འབད་བཏང་སྟེ་ གནམ་ཁ་ཕར་གྱི་མཐའ་མ་ལས་ཚུར་གྱི་མཐའ་མ་ཚུན་ཚོད་ དཀོན་མཆོག་གིས་བཙག་འཐུ་མཛད་མི་ཚུ་ག་ར་ ཁོང་གིས་གཅིག་ཁར་སྤུང་འོང་ཟེར་ཡེ་ཤུ་གིས་གསུངས་ནུག།

མཱར་ཀུ་ལེའུ་ 13:27

དེ་ལས་ཁོ་གི་ཕོ་ཉ་ཚུ་ལུ་བཏང་སྟེ་ འཛམ་བུ་གླིང་གི་མཐའ་མ་ལས་བརྐྱབས་ཏེ་ ཕྱོགས་བཞི་ལས་སྦེ་ ནམ་མཁའི་མཐའན་མཇུག་ཚུན་ཚོད་ ཁོ་གིས་བཙག་འཐུ་མཛད་མི་ཚུ་ལུ་ གཅིག་ཁར་སྤུང་བ་གཏང་འོང་།

མཐོང་སྣང་ལེའུ་ 20:8

ཁོ་གིས་འཛམ་བུ་གླིང་གི་ ས་གཞི་ཕྱོགས་བཞི་གི་གི་ཁུག་ནང་འགྱོ་ཞིནམ་ད་ མི་རིགས་ག་ར་ གོག་དང་ མ་གོག་ཟེར་མི་ཚུ་ལུ་མགུ་བསྐོར་བརྐྱབས་ཏེ་ དམག་རྐྱབ་ནི་གི་དོན་ལུ་གཅིག་ཁར་སྤུངས་ནུག་ ཨ་ནི་མི་ཚུ་གི་གྱངས་ཁ་འདི་ རྒྱ་མཚོ་ནང་གི་བྱེམ་བཟུམ་སྦེ་འདུག

མཐོང་སྣང་ལེའུ་ 6:6

དེ་ལས་སེམས་ཅན་བཞི་གི་སྦུག་ལས་ སྐད་སྒྲ་བཟུམ་གཅིག་གིས་ དཀར་བྲེ་གང་ལུ་ ཏི་རུ་ དེ་ན་རི་གཅིག་དང་ ནག་བྲེ་གསུམ་ལུ་ ཏི་རུ་ དེ་ན་རི་གཅིག་ཨིན་ དེ་ལས་མར་ཁུ་དང་རྒུན་འབྲུམ་ཆང་དེ་ཚུ་ ཆུད་ཟོས་མ་གཏང་ཟེར་ གསུངས་སར་ང་གིས་གོ་ཡི།

མཐོང་སྣང་ལེའུ་ 7:3

ང་བཅས་ཀྱི་དཀོན་མཆོག་གི་ཕྱག་ཞུ་མི་ཚུ་གི་དཔྱལ་བ་ ཕྱག་ཐམ་མ་རྐྱབ་ཚུན་ཚོད་ ས་དང་རྒྱ་མཚོ་ ཤིང་སྡོང་དེ་ཚུ་ལུ་ གནོད་བཀལ་ནི་མེད་ཟེར་གསུངསམ་མས།

མཐོང་སྣང་ལེའུ་ 8:7

ཕོ་ཉ་དང་པ་འདི་གིས་ཁོ་རང་གི་དུང་འཕུཝ་ད་ སེརཝ་དང་ ཁྲག་ མེ་སླ་བསྲེས་བརྐྱབས་ཏེ་ འཛམ་བུ་གླིང་ནང་གཏོར་བཏངམ་ད་ འཛམ་བུ་གླིང་དཔྱ་གསུམ་མེ་གིས་འཚིག་ཅི་ དེ་ནང་ཡོད་པའི་ནགས་ཚལ་དཔྱ་གསུམ་མེ་འཚིག་སྟེ་ རྩྭ་ཧོནམོ་ག་ར་ མེ་འཚིག་ཡར་སོང་ཡི།

མཐོང་སྣང་ལེའུ་ 9:14

དེ་ལས་གསུང་སྐད་འདི་གིས་ དུང་འཕུ་མིའི་ ཕོ་ཉ་དྲུག་པ་ལུ་ གཙང་ཆུ་སྦོམ་ ཡུ་ཕེརེ་ཏཱེས་ཟེར་མིའི་ནང་ བསྡམ་སྟེ་ཡོད་མིའི་ ཕོ་ཉ་བཞིཔ་འདི་ཐར་གཏང་ཟེར་གསུངས་ཡི།

མཐོང་སྣང་ལེའུ་ 9:4

ཁོང་ལུ་འཛམ་བུ་གླིང་ནང་གི་མི་ ག་གི་དཔྱལཝ་གུ་ དཀོན་མཆོག་གི་ཕྱག་ཐམ་མ་རྐྱབ་མི་ཚུ་མ་གཏོགས་ གཞན་རྩྭ་དང་ཧོན་ཚོད་ཤིང་དེ་ཚུ་ལུ་གནོད་པ་མ་བཀལ་ཟེར་གསུངས་ཡི།