མཐོང་སྣང་ལེའུ་ 5:9 - རྫོང་ཁ་

⁹ དེ་ལས་ཁོང་རྒས་ཤོས་ཚུ་གིས་ མགུར་མ་གསརཔ་གཅིག་འཐེན་སྦེ། ནཱ་ལུ་ཤོག་དྲིལ་ཕྱག་ལུ་བཞེས་ཏེ་ དེའི་གུ་ཡོད་མིའི་ཕྱག་ཐམ་ ཁ་ཕྱེ་ནིའི་འོས་འབབ་འདུག་ ག་ཅི་སྨོ་ཟེར་བ་ཅིན་ ནཱ་གཤགས་ཏེ་ རིགས་ཚན་མ་འདྲཝ་དང་ སྐད་རིགས་མ་འདྲཝ་ མི་བརྒྱུད་མ་འདྲཝ་ མི་རིགས་མ་འདྲཝ་ ག་ར་གི་ནང་ན་ལས་ དཀོན་མཆོག་གི་དོན་ལུ་ ནཱ་གི་སྐུ་ཁྲག་གིས་ མི་ཚུ་ཉོ་གནང་ཡི།

མཐོང་སྣང་ལེའུ་ 5:9 ပူးပေါင်းရင်းမြစ်များ

ཡོ་ཧ་ནཱན་དང་པ་ལེའུ་ 1:7

དེ་འབདཝ་ད་ ཁོ་འོད་ནང་རང་བཞུགས་ཡོདཔ་ལས་ ང་བཅས་ཡང་འོད་ནང་འགྱོ་བ་ཅིན་ ང་བཅས་རང་གི་སྦུག་ལུ་ མཐུན་ལམ་ཡོདཔ་མ་ཚད་ ཁོ་གི་སྲས་ཡེ་ཤུ་ཁིརཱིས་ཀྱི་སྐུ་ཁྲག་གིས་ ང་བཅས་ཀྱི་སྡིག་པ་ག་ར་ནང་ལས་བཀའ་དྲིན་བསྐྱང་གནང་འོང་།

མེ་ཐིའུ་ལེའུ་ 26:28

ཨ་ནི་བཞེས་ཆ་ནང་ཡོད་མི་ཁྲག་དེ་ དཀོན་མཆོག་གི་ཞལ་འཆེས་གསརཔ་འདི་ཨིན་ ངེ་གི་ཁྲག་དེ་ མི་སེར་ལེ་ཤ་གི་སྡིག་པ་བཀའ་དྲིན་བསྐྱང་ནིའི་དོན་ལུ་བླུག་བླུགཔ་ཨིན།

མཐོང་སྣང་ལེའུ་ 14:6

ད་རུང་ཕོ་ཉ་གཅིག་གིས་ འཛམ་བུ་གླིང་ནང་སྡོད་མི་ཆ་ཁྱབ་ རིགས་ཚན་མ་འདྲཝ་དང་ སྐད་རིགས་མ་འདྲཝ་ མི་བརྒྱུད་མ་འདྲཝ་ མི་རིགས་མ་འདྲཝ་ ག་ར་ལུ་ མཐའ་མེད་པའི་གཏམ་བཟང་ཁྱབ་སྒྲགས་འབད་བ་ ནམ་མཁའ་ལས་འཕུར་ཏེ་འགྱོ་ས་ང་གིས་མཐོང་ཅི།

ཀོ་རཱིན་ཐི་དང་པ་ལེའུ་ 6:20

རིན་གོང་སྦོམ་སྤྲོད་དེ་ཁྱེད་ཆ་ཁྱབ་ཉོ་ཉོཝ་ཨིན་ དེ་འབདཝ་ལས་ཁྱེད་ཀྱི་གཟུགས་ཀྱི་ཐོག་ལས་ དཀོན་མཆོག་ལུ་གུས་ཞབས་ཕུལ་དགོ།།

མཐོང་སྣང་ལེའུ་ 5:12

ཁོང་གིས་གསུང་སྐད་སྦོམ་སྦེ། བཀྲོངས་ཚར་མིའི་ལུག་གི་ཕྱུག་ཀུ་དེ་ལུ་ དབང་ཤུགས་དང་ ལོངས་སྤྱོད་ ཤེས་རབ་ སྟོབས་ཤུགས་ གུས་ཞབས་ གཟི་བརྗིད་ བསྟོད་པ་ཐོབ་པའི་འོས་འབབ་ཡོད་ཟེར་ ཞུ་ཡི།

མཐོང་སྣང་ལེའུ་ 4:11

ང་བཅས་ཀྱི་གཙོ་བོ་དང་དཀོན་མཆོག་ ནཱ་གི་ཐུགས་དགོངས་བཞིན་དུ་ ག་ར་མཛད་གནང་མི་འདི་གྲུབ་ནི་དེ་གིས་ ནཱ་ལུ་བསྟོད་པ་དང་ཞེ་ས་འབུལ་བ་ དབང་ཤུགས་ཐོབ་པའི་འོས་འབབ་ཡོད་ལགས་ཟེར་ཞུཝ་ཨིན་མས།།

མཛད་པ་ལེའུ་ 20:28

དེ་ལས་ཕར་ དཀོན་མཆོག་ཁོ་རང་གི་སྲས་ཀྱི་སྐུ་ཁྲག་གིས་ ཉོ་མི་ཆོས་ཚོགས་ འགོ་འདྲེན་འཐབ་མི་སྦེ་ དམ་པའི་ཐུགས་ཉིད་ཀྱིས་ ཁྱེད་ཆ་ཁྱབ་བཀལ་གནང་ཡི་ དེ་འབདཝ་ལས་ རང་གིས་རང་ལུ་དྲན་པ་བཏོན་ཏེ་ ཆོས་ཚོགས་ལུ་ལུག་རྫིཔ་སྦེ་བདག་འཛིན་འཐབ་དགོ།

མེ་ཐིའུ་ལེའུ་ 20:28

དཔེར་ན་མིའི་བུ་དེ་ མི་ཚུ་གིས་ཁོ་ལུ་ཞབས་ཏོག་ཞུ་བཅུག་ནིའི་དོན་ལུ་འོངམ་མེན་ དེ་འབདཝ་ད་ མི་དེ་ཚུ་གི་ཞབས་ཏོག་ཞུ་བ་དང་ ལེ་ཤ་གི་སྲོག་ཚབ་ལུ་ རང་གི་སྲོག་རིན་སྦེ་བྱིན་པ་འོངམ་ཨིན་ཟེར་གསུངས་ནུག།

མཐོང་སྣང་ལེའུ་ 5:6

དེ་ལས་རྒྱལ་ཁྲི་གི་སྐུ་མདུན་ སེམས་ཅན་བཞི་དང་ རྒས་ཤོས་ཚུ་གི་གདོང་ཁར་ལུ་ལུག་གི་ཕྱུག་ཀུ་ ཧེ་མ་བསད་ད་རུང་ ད་ལྟོ་བཞེངས་ཏེ་བཞུགས་མི་དེ་ང་གིས་མཇལ་ཡི་ ལུག་གི་ཕྱུག་ཀུ་དེ་གི་མགུ་ལུ་རྭཝ་བདུན་དང་སྤྱན་བདུན་འདུག་ ཨ་ནི་འདི་ཚུ་དཀོན་མཆོག་གིས་ འཛམ་བུ་གླིང་ག་ར་ནང་བཏང་གནང་མིའི་ ཐུགས་ཉིད་བདུན་ཨིན་མས།

ཏི་ཏུས་ལེའུ་ 2:14

དཀོན་མཆོག་གིས་ང་བཅས་ལུ་ ཁོ་རའི་མི་ཚུ་དང་ལཱ་ལེགས་ཤོམ་ལུ་ སེམས་བཙུག་མིའི་མི་ཚུ་མཛད་ནི་གི་དོན་ལུ་ ལཱ་ངན་པ་ཚུ་ལས་སྐྱབས་མཛདཔ་མ་ཚད་ གཙངམ་བཟོ་ནི་གི་དོན་ལུ་ཡེ་ཤུ་ཁིརཱིས་ ཁོ་རང་ང་བཅས་ཀྱི་དོན་ལུ་གཤགས་ཅི།

པེ་ཏྲོ་གཉིས་པ་ལེའུ་ 2:1

ཨཱིས་ར་ཨཱེལ་པ་དེ་ཚུ་གི་སྦུག་ལུ་ ལུང་སྟོན་པ་རྫུས་མ་ལེ་ཤ་རང་འཐོན་ཡོདཔ་བཟུམ་སྦེ་ ཁྱེད་ཀྱི་སྦུག་ལུ་ཡང་ སློབ་དཔོན་རྫུས་མ་དེ་ཚུ་ཐོན་འོང་ ཁོང་གིས་གནོད་པ་བཀལ་མི་ཆོས་རྫུས་མ་འདི་ ཆོས་བདེན་པ་བཟོ་སྟེ་ ཁོང་རང་ལུ་སྐྱབས་མཛད་མི་བདག་པོ་ལུ་ཡང་ ཁོང་གིས་དགོ་མ་བཏུབ་ དེ་ལས་ཁོང་རའི་གུ་ལུ་ མགྱོགས་པ་རང་ཉེས་ཆད་ཕོག་ནི་ཨིན།

ཀོ་ལོ་སི་ལེའུ་ 1:14

སྲས་ལས་རྒྱུད་དེ་ ང་བཅས་ཐར་པ་གཏང་པའི་བླུ་རིན་དང་ སྡིག་པའི་བཤགས་པ་ཡོདཔ་ཨིན།

ཨི་ཕི་སིཔ་ལེའུ་ 1:7

དཀོན་མཆོག་གི་ཐུགས་རྗེ་རྫོགས་ནི་མེདཔ་དེ་གིས་ ཁིརཱིས་ལས་རྒྱུད་དེ་ ཁོ་གི་སྐུ་ཁྲག་གི་སྒོ་ལས་འབད་དགོངས་ཡངས་གནང་སྟེ་ ང་བཅས་ཀྱི་སྡིག་པ་བཀའ་དྲིན་བསྐྱང་གནང་ཡི།

ཡོ་ཧ་ནཱན་དང་པ་ལེའུ་ 2:2

ང་བཅས་ཀྱི་སྡིག་པ་ལས་གཙང་ཏོག་ཏོ་སྦེ་ མཛད་གནང་བའི་དོན་ལུ་ ཁོ་རའི་སྐུ་སྲོག་བློས་བཏང་ཡི་ འདི་ང་བཅས་རྐྱངམ་གཅིག་གི་དོན་ལུ་མེན་པར་ འཛམ་གླིང་ཡོངས་ཀྱི་སྡིག་པའི་དོན་ལུ་ཡང་ཨིན།།

ཀོ་རཱིན་ཐི་དང་པ་ལེའུ་ 7:23

ཁྱེད་ཆ་ཁྱབ་རིན་གོང་སྦོམ་བྱིན་ཏེ་ ཉོ་ཉོཝ་ཨིནམ་ལས་ མི་དེ་ཚུ་གི་རྒྱོབོ་རྒྱམོ་སྦེ་མ་སྡོད།

མཐོང་སྣང་ལེའུ་ 13:8

དེ་ལས་འཛམ་བུ་གླིང་ནང་སྡོད་མི་ག་ར་གིས་ ཨ་ནི་གཅན་གཟན་འདི་ལུ་ ཕྱག་འཚལ་ཏེ་བསྟོད་པ་ཕུལ་ནུག་ ཁོང་ཆ་ཁྱབ་ འཛམ་གླིང་མཛད་པ་ལས་འགོ་བཙུགས་ཏེ་ ཚེའི་དེབ་ནང་མིང་མ་འབྲི་མི་ཚུ་ཨིན་ ཚེའི་དེབ་དེ་ བཀྲོངས་ཏེ་ཡོད་མི་ལུག་གི་ཕྱུག་ཀུ་དེ་གི་ཨིན།།

མཐོང་སྣང་ལེའུ་ 11:9

དེ་ལས་ཞག་གསུམ་དང་ཕྱེད་ཀ་ཚུན་ཚོད་ རིགས་ཚན་མ་འདྲཝ་དང་ སྐད་རིགས་མ་འདྲཝ་ མི་བརྒྱུད་མ་འདྲཝ་ མི་རིགས་མ་འདྲཝ་ ག་ར་གིས་ ཁོང་གི་ཕུང་པོ་འདི་མཐོང་རུང་ དུར་ཁུང་ནང་བཙུག་མ་ལྟེར་བས།

ཧིབ་རུ་ལེའུ་ 11:14

འདི་བཟུམ་གྱི་བློ་སླབ་མི་ཚུ་གིས་ ཁོང་རང་གི་དོན་ལས་རྒྱལ་ཁབ་གཅིག་འཚོལ་ཡོད་པའི་དཔེ་སྟོནམ་ཨིན་མས།

ཀོ་ལོ་སི་ལེའུ་ 1:23

དེ་འབདཝ་ད་ ཁྱེད་ཀྱིས་འཕྲོ་མཐུད་དེ་རང་ གཏམ་བཟང་ལུ་དད་པ་སྒྲིང་སྒྲིང་སྦེ་བསྐྱེད་དེ་ དེ་གི་གུ་ལུ་ རྨང་གཞི་བཟུམ་སྦེ་བརྟན་ཏོག་ཏོ་སྦེ་སྡོད་དགོ་ ཁྱེད་ཀྱིས་རྣ་བ་གོ་མི་གཏམ་བཟང་གི་རེ་བ་བསྐྱེད་ནི་ལུ་བཞག་ནི་མི་འོང་ ང་ པའུལ་ ཨ་ནི་གཏམ་བཟང་གི་ཞབས་ཕྱིཔ་གཅིག་ལུ་འགྱུརཝ་ཨིནམ་མ་ཚད་ འཛམ་བུ་གླིང་ག་ར་ནང་ ཁྱབ་བསྒྲགས་འབད་མི་གཏམ་བཟང་འདི་ཨིན།

ཨི་ཕི་སིཔ་ལེའུ་ 5:19

ཁྱེད་འཛོམས་པའི་དུས་ལུ་ གསུང་དང་མགུར་མ་ དེ་ལས་གཙང་མའི་གླུ་ཚུ་འཐེན་ཏེ་ཕུལ་ སེམས་ཀྱི་གཏིང་ལས་རང་གཙོ་བོ་ལུ་གླུ་དབྱངས་ཕུལ།

མཐོང་སྣང་ལེའུ་ 10:11

དེ་ལས་ཁོ་གིས་ང་ལུ་ཁྱོད་ཀྱིས་ཨིན་ཅི་མིན་ཅི་ མི་རིགས་ལེ་ཤ་དང་ ཁ་སོ་སོ་སླབ་མི་དང་ རྒྱལ་ཁབ་དང་རྒྱལཔོ་ཚུ་གི་སྐོར་ལས་ ད་རུང་ཡང་ལུང་བསྟན་བཤད་དགོ་ཟེར་སླབ་ཅི།།

མཐོང་སྣང་ལེའུ་ 13:7

དེ་ལས་དཀོན་མཆོག་ཁོ་རའི་དམ་པའི་མི་ཚུ་དང་དམག་བརྐྱབས་ཏེ་ ཁོ་ལུ་རྒྱལ་ཁ་ཐོབ་ནི་ནུས་ཤུགས་གནང་སྟེ་འདུག་ དེ་མ་ཚད་ཁོ་ལུ་རིགས་ཚན་མ་འདྲཝ་དང་ སྐད་རིགས་མ་འདྲཝ་ མི་བརྒྱུད་མ་འདྲཝ་ མི་རིགས་མ་འདྲཝ་ ག་ར་གི་གུ་ལུ་སྐྱོང་ནི་གི་དབང་ཚད་བྱིན་ཏེ་འདུག

མཐོང་སྣང་ལེའུ་ 15:3

དེ་ལས་ཁོང་གིས་དཀོན་མཆོག་གི་ཕྱག་ཞུ་མི་ མོ་སཱེས་དང་ལུག་གི་ཕྱུག་ཀུ་གི་མགུར་མ་ཚུ་འཕུལ་ཏེ། ཀྱེ་ཀུན་དབང་གི་གཙོ་བོ་དཀོན་མཆོག་ ནཱ་གིས་མཛད་མི་ཕྱག་ལཱ་ཧ་ལས་སི་སི་དང་ལེགས་ཤོམ་ཨིན་ ཀྱེ་མི་རིགས་ག་ར་གི་རྒྱལཔོ་ ནཱ་གི་ལམ་འདི་བདེན་པ་དང་ཕྲངམ་ཨིན།

མཐོང་སྣང་ལེའུ་ 17:15

ད་རུང་ཕོ་ཉ་གིས་ང་ལུ་ ཁྱོད་ཀྱིས་མཐོང་མི་ ཨམ་སྲུ་གཞང་བཙོངམ་ ཆུའི་གུ་སྡོད་མི་འདི་ མི་རིགས་ མི་བརྒྱུད་ སྐད་རིགས་མ་འདྲཝ་དེ་ཚུ་གི་མི་དམངས་ཚོགས་ཨིན།