མཐོང་སྣང་ལེའུ་ 2:3 - རྫོང་ཁ་

³ ངེ་གི་མིང་ནང་སྡུག་བསྔལ་མྱོང་རུང་ བཟོད་སྲན་བསྐྱེད་དེ་ དད་པ་མ་ཉམས་པར་ རྩ་འགེངས་འབད་མི་ཚུ་ ང་གིས་ཤེས།

མཐོང་སྣང་ལེའུ་ 2:3 ပူးပေါင်းရင်းမြစ်များ

མཱར་ཀུ་ལེའུ་ 15:21

དམག་མི་ཚུ་གིས་ཡེ་ཤུ་ལུ་ཁྲམ་ཤིང་བཀལ་འཁྱིད་འོངམ་ད་ སའི་རིན་གྱི་ཁྲོམ་ལས་ཨིན་མིའི་ ཨ་ལེག་སཱན་ཌཱེར་དང་ རུ་ཕཱས་གཉིས་ཀྱི་ཨ་པ་ སི་མཱོན་ གཡུས་ཁ་ལས་འོངམ་ད་ ཁོང་དང་ལམ་ཁ་འཕྱད་དེ་ དབང་བཙོང་གི་ཐོག་ལས་ སི་མཱོན་ལུ་ཁྲམ་ཤིང་བཀལ་ནུག

ལུ་ཀ་ལེའུ་ 14:27

ག་ར་འབད་རུང་ རང་གི་ཁྲམ་ཤིང་འབག་སྟེ་ ངེ་གི་ཤུལ་ལས་མ་འོང་པ་ཅིན་ འདི་གིས་ངེ་གི་སློབ་མ་འབད་མི་ཚུགས།

ལུ་ཀ་ལེའུ་ 18:1

ཡེ་ཤུ་གིས་སློབ་མ་ཚུ་ལུ་ དུས་ནམ་ཡང་སེམས་མ་ཤི་བར་ཨ་རྟག་རང་སྨོན་ལམ་བཏབ་སྡོད་བཅུག་ནི་སྦེ་ དཔེ་གཏམ་འདི་གསུངས་ནུག

ལུ་ཀ་ལེའུ་ 21:19

ཁྱེད་དད་པ་ནང་སྒྲིང་སྒྲིང་སྦེ་སྡོད་དེ་ ཚེ་ཐོབ་འོང་ཟེར་གསུངས་ནུག།

ལུ་ཀ་ལེའུ་ 5:5

སི་མཱོན་གྱིས་ སློབ་དཔོན་ལགས་ ནུབ་གཅིག་རང་དཀའཝ་སྤྱད་རུང་ ཉ་གཅིག་ཡང་བཟུང་མ་ཐོབ་ དེ་འབདཝ་ད་ ནཱ་གིས་གསུངས་པ་ཅིན་ ད་རུང་དྲྭཝ་བརྐྱབ་ནི་ཨིན་ཟེར་ཞུ་སྟེ།

ལུ་ཀ་ལེའུ་ 8:15

དེ་འབདཝ་ད་ ས་བཟང་སར་བུད་མི་སོན་འདི་ཨ་ནི་ཨིན་ མི་བསམ་པ་བཟང་པོ་དང་སེམས་ལེགས་ཤོམ་ཚུ་གིས་གསུང་འདི་ཉན་ཏེ་ སེམས་ཁར་བཞགཔ་མ་ཚད་ དཀའ་ངལ་དང་སྡུག་བསྔལ་ཚུ་བྱུང་རུང་ བཟོད་བསྲན་བསྐྱེད་དེ་འབྲས་བུ་ཐོབ་དོཝ་བཟུམ་སྦེ་ ལོ་ཐོག་བཏག་མི་ཚུ་ཨིན་ཟེར་ཡེ་ཤུ་གིས་གསུངས་ནུག།

ཡོ་ཧ་ནཱན་ལེའུ་ 15:21

ཨིན་རུང་ ཁོང་གིས་ང་ལུ་བཏང་མི་དེ་ལུ་ངོ་མ་ཤེས་པ་ལས་བརྟེན་ ངེ་གི་མིང་གི་ཐོག་ལས་སྦེ་ ཁོང་གིས་དེ་ཚུ་ག་ར་ཁྱེད་ལུ་འབད་འོང་།

རོམ་མི་ལེའུ་ 12:12

དཀོན་མཆོག་གི་དོན་དག་ཚུ་སྒྲུབ་ནི་ཨིན་ཟེར་ རེ་བ་བསྐྱེད་དེ་དགའ་ཚོར་འགྱུར་ དཀའ་ངལ་བྱུང་པའི་སྐབས་ལུ་བཟོད་པ་སྒོམས་ ཉམས་མ་འཚེར་བར་སྨོན་ལམ་བཏབ་སྡོད།

རོམ་མི་ལེའུ་ 16:12

གཙོ་བོ་གི་དོན་ལུ་ ལཱ་འབད་མི་སྲིངམོ་ ཏིརི་ཕེ་ན་དང་ ཏིརི་ཕོ་ས་ལུ་ སྐུ་གཟུགས་བཟང་པོ་ ད་རུང་གཙོ་བོ་གི་དོན་ལུ་ ལཱ་རྩ་འགེངས་འབད་མི་སྲིངམོ་ ང་བཅས་ཀྱི་གཅེས་པའི་ པེར་སཱིས་ལུ་ཡང་སྐུ་གཟུགས་བཟང་པོ་ཟེར་སླབ་གནང་།

རོམ་མི་ལེའུ་ 2:7

བཟོད་པ་བསྒོམ་ ལཱ་ལེགས་ཤོམ་འབད་དེ་ དཀོན་མཆོག་གིས་གནང་མི་བསྟོད་པ་དང་ གཟི་བརྗིད་དང་ འཆི་བ་མེདཔ་འཚོལ་མི་འདི་ཚུ་ལུ་ ཁོ་གིས་ཚེ་མཐའ་མེདཔ་གནང་འོང་།

རོམ་མི་ལེའུ་ 8:25

དེ་འབདཝ་ད་ ཨ་ནི་རེ་བ་འདི་ མི་གིས་མ་མཐོང་མི་གཅིག་ཡོདཔ་ལས་ ང་བཅས་བཟོད་པ་བསྒོམས་ཏེ་སྒུག་སྡོདཔ་ཨིན།

ཀོ་རཱིན་ཐི་དང་པ་ལེའུ་ 13:7

བྱམས་པ་གིས་བཟོད་པ་སྒོམ་ཚུགས་ ག་ར་ལུ་བློ་གཏད་ཚུགས་ རེ་བ་ཡང་སྐྱེད་ཚུགས་ ཡུན་རིངམ་སྦེ་ཐུབ།

ཀོ་རཱིན་ཐི་དང་པ་ལེའུ་ 16:16

དེ་འབདཝ་ལས་ ཨ་ནི་བཟུམ་འབད་མི་དང་ ཁོང་དང་གཅིག་ཁར་ཞབས་ཏོག་ཞུ་མི་ག་ར་གི་ ཁ་ལུ་ཉན་སྡོད་ཟེར་ང་ཁྱེད་ལུ་བསླབ་བྱ་བྱིན་དོ།

ཀོ་རཱིན་ཐི་གཉིས་པ་ལེའུ་ 10:15

ང་བཅས་ཀྱིས་ རོགས་གཞན་གྱི་ལཱ་འབད་མི་དེ་ལུ་ ང་བཅས་ཀྱིས་འབད་ཡི་ཟེར་ རང་གི་ཚད་ལས་བརྒལ་ཏེ་ ངོམ་སྟོན་ཏེ་སླབ་མེན་ དེ་འབདཝ་ད་ ཁྱེད་ཀྱི་དད་པ་འདི་ཡར་རྒྱས་འགྱོ་བཅུག་སྟེ་ ཁྱེད་ཀྱི་སྦུག་ལུ་ ལཱ་གི་རྒྱ་སྐྱེད་སྦོམ་སྦེ་གཏང་ནི་གི་རེ་བ་ ང་བཅས་ཀྱིས་བསྐྱེདཔ་ཨིན།

ཀོ་རཱིན་ཐི་གཉིས་པ་ལེའུ་ 11:23

ཁོང་གིས་ ཁིརཱིས་ཀྱི་ཞབས་ཕྱིཔ་ཨིན་ཟེར་བ་ཅིན་ མ་པ་ ང་གིས་དེ་སྦེ་སླབ་ད་ ང་འཆོལ་ལོང་བཟུམ་སྦེ་མཐོང་འོང་ ཨིན་རུང་ ད་ལྟོ་ཚུན་ཚོད་ཀྱི་བར་ན་ ཁོང་ལས་ལྷགཔ་སྦེ་ ང་ཡང་ཞབས་ཕྱིཔ་ཨིན་ བཙོན་ཁང་ནང་ ཁོང་ལས་ཚར་ལེ་ཤ་ང་འཛུལ་ཡི་ མི་གིས་ཡང་གྱངས་ཁ་མ་ཆོདཔ་ ང་ལུ་བརྡུང་རྫོབ་འབད་ དེ་ལས་ ལོག་ཅི་ལོག་ཅི་འདྲང་སྟེ་ ཤི་ནི་བཟུམ་ལུ་ ཐེངས་མང་རབས་ཅིག་ཐུག་ཅི།

ཀོ་རཱིན་ཐི་གཉིས་པ་ལེའུ་ 4:1

དེ་འབདཝ་ལས་ དཀོན་མཆོག་གི་སྙིང་རྗེ་གི་སྒོ་ལས་ ང་བཅས་ལུ་ ཨ་ནི་ལཱ་འདི་གི་འགན་ཁག་གནང་སྟེ་ཡོདཔ་ལས་ ང་བཅས་རྒྱབ་བཤུད་མི་རྐྱབ།

ཀོ་རཱིན་ཐི་གཉིས་པ་ལེའུ་ 4:16

དེ་འབདཝ་ལས་ ང་བཅས་ནམ་ཡང་རྒྱབ་བཤུད་མི་རྐྱབ་ ང་བཅས་ཀྱི་ལུས་འདི་མར་ཉམས་ཏེ་ ཉག་ཕྲ་སི་སི་འགྱོ་སྟེ་འབད་རུང་ སེམས་འདི་ ཉིནམ་གཅིག་བ་ཉིནམ་གཅིག་ གསརཔ་སྦེ་ཡར་རྒྱས་འགྱོཝ་ཨིན།

ཀོ་རཱིན་ཐི་གཉིས་པ་ལེའུ་ 5:9

དེ་འབདཝ་ལས་ ལུས་ཀྱི་ཁྱིམ་ནང་སྡོད་རུང་ ཡང་ན་འདི་ལས་ སོ་སོ་སྦེ་ཁ་འབྱལ་ཏེ་འགྱོ་རུང་ ང་བཅས་ཀྱི་དམིགས་ཡུལ་འདི་ གཙོ་བོ་ལུ་ཐུགས་དགྱེསཔ་བཟོ་ནི་དེ་ཨིན།

ཀོ་རཱིན་ཐི་གཉིས་པ་ལེའུ་ 6:5

ང་བཅས་ལུ་རོགས་ཀྱིས་ དྲང་བརྡུང་ བཙོན་ཁང་ནང་ཡང་བཙུགས་ཅི་ ཟིང་འཁྲུག་སློང་འོངམ་ད་ གནོད་སྐྱོན་ཡང་བྱུང་ཡི་ འུ་སྡུག་ཐང་ཆད་དེ་ལཱ་འབད་ཡི་ ཕྱི་རུ་ལེགས་ཤོམ་སྦེ་གཉིད་ལོག་ནི་ཕར་རང་བཞག་ ཕོཝ་སྟོངམ་སྦེ་ལེ་ཤ་སྡོད་དགོཔ་ཐལ་ཡི།

ག་ལ་ཏི་ལེའུ་ 6:2

གཅིག་དང་གཅིག་གི་དཀའ་ངལ་ནང་ཆ་རོགས་འབད་བ་ཅིན་ དེ་གིས་འབད་ ཁིརཱིས་ཀྱིས་གནང་མི་བཀའ་ཁྲིམས་འདི་ནང་ཚངམ་ཨིན།

ག་ལ་ཏི་ལེའུ་ 6:9

ལཱ་ལེགས་ཤོམ་འབད་ནི་ལུ་ འུ་སྡུག་སྟེ་རྒྱབ་བཤུད་མ་རྐྱབ་པ་ཅིན་ དུས་ཚོད་ཀྲིག་ཀྲི་ལུ་འབྲས་བུ་འདི་ཐོབ་ནི་ཨིན།

ཕི་ལི་པི་ལེའུ་ 2:16

ཚེ་བྱིན་མིའི་གསུང་དེ་ལུ་ སྒྲིང་སྒྲིང་སྦེ་བཤེད་དེ་བཞག་ དེ་འབདཝ་ལས་ ང་གིས་བང་རྒྱུག་མི་དང་ དཀའཝ་སྤྱད་མི་དེ་ བར་སྟོར་མ་འགྱོ་བར་ ཁིརཱིས་ལོག་བྱོན་པའི་ཉིནམ་ལུ་ ང་དཔའ་ཡག་སྡོད་ནི་ཐོབ་འོང་།

ཕི་ལི་པི་ལེའུ་ 4:3

ང་དང་གཅིག་ཁར་ ན་འཐན་ཏོག་ཏོ་སྦེ་ལཱ་འབད་མི་ཁྱོད་ལུ་ཡང་ ཨ་ནི་ཨམ་ཚུ་ལུ་ འཆམ་ཁ་བཟོ་བྱིན་ཟེར་ ང་གིས་གསོལཝ་བཏབ་ཨིན་ ག་ཅི་སྨོ་ཟེར་བ་ཅིན་ ཁོང་གཉིས་ཀྱིས་ ཀེལེ་མཱེན་དང་ ངེ་གི་ལཱ་རོགས་གཞན་ཚུ་དང་མཉམ་ གཏམ་བཟང་བཤད་ནི་ནང་ ང་དང་གཅིག་ཁར་དཀའཝ་སྤྱད་ཅི་ ཁོང་གི་མིང་ ཚེའི་དེབ་ནང་བྲིས་ཏེ་ཡོད།

ཀོ་ལོ་སི་ལེའུ་ 1:11

དཀའ་ངལ་བྱུང་པའི་སྐབས་ལུ་ ཁྱེད་བཟོད་པ་སྒོམ་སྡོད་ཚུགས་པའི་དོན་ལུ་ དཀོན་མཆོག་གི་ཚད་མེད་པའི་དབང་ཤུགས་དེ་གིས་ ཁྱེད་སྒྲིང་སྒྲིང་སྦེ་སྡོད་ནིའི་ཤུགས་གནང་བཅུག

ཐེ་ས་ལོ་ནི་ཀ་དང་པ་ལེའུ་ 1:3

ག་ཅི་སྨོ་ཟེར་བ་ཅིན་ ཁྱེད་ དད་པའི་ལཱ་འབད་མི་དང་ བྱམས་པའི་ལཱ་ལུ་རྩ་འགེངས་ཏེ་འབད་སྡོད་མི་དང་ ང་བཅས་གཙོ་བོ་ཡེ་ཤུ་ཁིརཱིས་ད་རུང་ལོག་སྟེ་འབྱོན་ནི་གི་རེ་བ་ ཨ་རྟག་རང་བསྐྱེད་དེ་སྡོད་མི་འདི་ཚུ་ཨིན་ ང་བཅས་ཀྱིས་འདི་སེམས་ཁར་དྲན་ཏེ་ ང་བཅས་ཀྱི་ཡབ་དཀོན་མཆོག་ལུ་སྨོན་ལམ་ཞུཝ་ཨིན།

ཐེ་ས་ལོ་ནི་ཀ་དང་པ་ལེའུ་ 2:9

དབའེ་སྤུན་ཆ་ཚུ་ ཁྱེད་ཀྱིས་དོན་ལས་རང་དྲན་འོང་ དཀོན་མཆོག་གི་གཏམ་བཟང་ ཁྱེད་ལུ་བཤད་དེ་སྡོད་པའི་བསྒང་ལུ་ ང་བཅས་ཀྱིས་ཁྱེད་ལུ་ལཱ་ཁག་བྱུང་མ་བཅུག་ནི་སྦེ་ ང་བཅས་ཀྱིས་ཉིན་ནུབ་མེད་པར་ ལཱ་འབད་དཀའཝ་སྤྱད་དེ་ ང་བཅས་རང་གི་ཟད་འགྲོ་དེ་སྦེ་གཏང་ཡི།

ཐེ་ས་ལོ་ནི་ཀ་དང་པ་ལེའུ་ 5:12

དབའེ་སྤུན་ཆ་ཚུ་ ད་ལྟོ་ང་བཅས་ཀྱིས་ཁྱེད་ལུ་དྲན་བསྐུལ་ཞུཝ་ཨིན་ ཁྱེད་ཀྱི་སྦུག་ལུ་ དཀའཝ་སྤྱད་དེ་ ཁྱེད་ལུ་སློབ་སྟོན་འབད་མི་ དཀོན་མཆོག་གི་ཕྱག་ལཱ་འབད་མིའི་འགོ་འདྲེན་པ་འདི་ཚུ་ལུ་ ཁྱེད་ཀྱིས་ཞེ་ས་འབད་དེ་སྡོད།

ཐེ་ས་ལོ་ནི་ཀ་གཉིས་པ་ལེའུ་ 3:13

དེ་འབདཝ་ད་ ཁྱེད་སྤུན་ཆ་ཚུ་གི་སྐོར་ལས་འབད་བ་ཅིན་ ལེགས་ཤོམ་འབད་ནི་ལུ་ཞེ་མ་བསུན།

ཐེ་ས་ལོ་ནི་ཀ་གཉིས་པ་ལེའུ་ 3:5

གཙོ་བོ་གིས་ཁྱེད་ལུ་ དཀོན་མཆོག་གི་བྱམས་པའི་ལམ་དང་ ཁིརཱིས་ཀྱི་བཀའ་སྡུག་བཟོད་ཚུགས་ནིའི་ལམ་ནང་ འཁྱིད་གནང་བཅུག།

ཐེ་ས་ལོ་ནི་ཀ་གཉིས་པ་ལེའུ་ 3:8

ཡང་ན་ ང་བཅས་ཀྱིས་ཁྱེད་ག་ལས་ཡང་ རིན་མ་སྤྲོད་པར་ལྟོ་མ་ཟ་ དེ་འབདཝ་ད་ང་བཅས་ཀྱིས་ ཁྱེད་ལུ་རྒུད་བཀལ་འོང་ཟེར་མནོ་བསམ་གཏང་སྟེ་ ཉིན་ནུབ་མེད་པར་དཀའཝ་སྤྱད་དེ་ལཱ་འབད་ཡི།

ཏི་མོ་ཐི་དང་པ་ལེའུ་ 4:10

འདི་གིས་འབད་ ཆོས་སེམས་བསྐྱེད་ནི་གི་དོན་ལུ་ ང་བཅས་ཀྱིས་དཀའཝ་སྤྱད་དེ་ སྦྱོང་བརྡར་འབདཝ་ཨིན་ ག་ཅི་སྨོ་ཟེར་བ་ཅིན་ ང་བཅས་ཀྱིས་ གསོན་པོའི་དཀོན་མཆོག་ལུ་བློ་གཏདཔ་ཨིན་ ཁོ་མི་ག་ར་གི་སྐྱབས་མགོན་ཨིན་ཏེ་འབད་རུང་ གཙོ་བོ་རང་ཁོ་དདཔ་ཅན་ཚུ་གི་སྐྱབས་མགོན་ཨིན།

ཏི་མོ་ཐི་དང་པ་ལེའུ་ 5:17

ཆོས་ཚོགས་ལུ་བདག་འཛིན་འཐབ་མིའི་འགོ་འདྲེན་པ་ཚུ་ ཁག་ཆེ་བ་རང་ ཆོས་བཤད་ནི་དང་ཆོས་སྟོན་ནི་ནང་ལུ་ ལཱ་རྩ་འགེངས་ཏེ་འབད་མི་ཚུ་གིས་ ཞེ་ས་དང་གླ་ཆ་མ་བཏུབ་བཏུབ་སྦེ་ཐོབ་པའི་འོས་འབབ་ཡོད།

ཧིབ་རུ་ལེའུ་ 10:36

དེ་མ་ཚད་ ཁྱེད་ཀྱིས་དཀོན་མཆོག་གི་ཐུགས་དགོངས་ག་ར་སྒྲུབ་ཚར་བའི་ཤུལ་ལས་ ཁས་བླངས་བཞེས་ཡོད་མི་དེ་ཐོབ་ནིའི་དོན་ལུ་ ཁྱེད་ཆ་ཁྱབ་བཟོད་བསྲན་བསྐྱེད་དེ་སྡོད་དགོ།

ཧིབ་རུ་ལེའུ་ 12:1

འདི་འབདཝ་ལས་བརྟེན་ ཨ་ནི་འཛོམ་དཔང་ལེ་ཤ་ ང་བཅས་ཀྱི་གདོང་ཁར་ལུ་བཞག་ཡོདཔ་ལས་ ཚ་གྱང་འདྲཝ་མ་འདྲཝ་གི་ཁུར་ཆ་དང་ ང་བཅས་ལུ་འཇམ་ཏོང་ཏོ་སྦེ་ ཧིང་ནང་བཙུག་མིའི་སྡིག་པ་བཀོག་བཞག་སྟེ་ ང་བཅས་ཀྱི་གདོང་ཁར་ལུ་ཡོད་མི་ བང་རྒྱུག་དེ་ དཀའཝ་སྤྱད་དེ་རྒྱུག་གེ།

ཧིབ་རུ་ལེའུ་ 13:13

དེ་འབདཝ་ལས་ ང་བཅས་ཆ་ཁྱབ་ཡང་ སྡོད་སྒར་ཕྱི་ཁར་ཁོ་ལུ་མཇལ་བ་འགྱོ་སྟེ་ གཞན་གྱིས་ཁོ་སྐྱོ་དྲགས་སྦེ་བརྩི་ནིའི་སྡུག་བསྔལ་ ང་བཅས་ཀྱིས་ཡང་ ཁོ་དང་གཅིག་ཁར་མྱོང་གེ།

ཧིབ་རུ་ལེའུ་ 6:10

དཀོན་མཆོག་འདི་ ཕྲང་སྟེ་མཛད་མི་གཅིག་ཨིན་ ཁྱེད་ཀྱིས་ དཀོན་མཆོག་ཁོ་རའི་མི་ཚུ་ལུ་ ཧེ་མ་དང་ད་ལྟོ་ཡང་ ཕན་ཐོགས་བྱིན་ཡོད་མི་གི་ཐོག་ལས་ ཁོ་ལུ་བྱམས་སེམས་བསྐྱེད་ཡོད་མི་དེ་ དཀོན་མཆོག་གི་ཐུགས་ཁ་ལས་མི་ཡལ།

ཧིབ་རུ་ལེའུ་ 6:12

དེ་ལས་ཁྱེད་ཆ་ཁྱབ་སྒྱིད་ངན་མ་འབད་བར་ དད་པ་བསྐྱེད་དེ་ བཟོད་པ་སྒོམ་པའི་ཐོག་ལས་ དཀོན་མཆོག་གིས་ཁས་བླངས་བཞེས་ཡོད་མི་ ཐོབ་ནི་ཨིན་ཟེར་ སྡོད་མི་ཚུ་གི་དཔེ་བལྟ་སྟེ་སྡོད་འོང་།།

ཧིབ་རུ་ལེའུ་ 6:15

དེ་ལས་ ཨབ་ར་ཧམ་གྱིས་ བཟོད་པ་བསྒོམས་ཏེ་རང་ སྒུག་སྡོདཔ་ལས་བརྟེན་ཏེ་ དཀོན་མཆོག་གིས་ཁོ་དང་གཅིག་ཁར་ཁས་བླངས་བཞེས་མི་དེ་ ཁོ་གིས་ཐོབ་ནུག

པེ་ཏྲོ་གཉིས་པ་ལེའུ་ 1:6

ཤེས་རབ་དེའི་གུ་མཚམས་ཚོད་ཤེས་ནི་ མཚམས་ཚོད་ཤེས་ནི་དེའི་གུ་བཟོད་པ་ བཟོད་པ་དེའི་གུ་ཆོས་སེམས།

མཐོང་སྣང་ལེའུ་ 1:9

ང་ ཡོ་ཧ་ནཱན་ ཁྱེད་ཀྱི་སྤུན་ཆ་ དཀོན་མཆོག་གི་རྒྱལ་སྲིད་ནང་ ཁྱེད་དང་གཅིག་ཁར་ཨིན་མི་ ཁྱེད་དང་འདྲན་འདྲ་སྦེ་ ཡེ་ཤུ་གི་ཐོག་ལས་སྡུག་བསྔལ་གྱི་ཉམས་མྱོང་ཐོབ་སྟེ་ ཁྱེད་བཟུམ་སྦེ་བཟོད་སྲན་བསྐྱེདཔ་ཨིན་ ང་དཀོན་མཆོག་གི་གསུང་དང་ ཡེ་ཤུ་གི་འཛོམ་དཔང་འབདཝ་ལས་བརྟེན་ཏེ་ ང་ལུ་བདའ་གཏང་སྟེ་ ད་ལྟོ་མཚོ་གླིང་ པཱད་མཱོས་ནང་སྡོད་དགོཔ་ཐལ་སོང་ཡི།

མཐོང་སྣང་ལེའུ་ 3:10

དེ་མ་ཚད་བཟོད་སྲན་བསྐྱེད་ནི་ ངེ་གི་བཀའ་འདི་ ཁྱོད་ཀྱིས་སེམས་ཁར་བཞག་ཅི་ དེ་འབདཝ་ལས་འཛམ་གླིང་ནང་ སྡོད་མི་ཚུ་ལུ་བརྟག་དཔྱད་འབད་དེ་ བར་ཆད་བྱུང་བའི་དུས་ཚོད་ལུ་ ང་གིས་ཁྱོད་ལུ་སྲུང་སྐྱོབས་འབད་ནི་ཨིན།