ཕི་ལི་པི་ལེའུ་ 4:18 - རྫོང་ཁ་

¹⁸ ད་ལྟོ་ང་ལུ་ཁག་ཆེ་མི་ལས་ཡང་ལྷགཔ་སྦེ་ ང་གིས་ཐོབ་ཅི་ ཁྱེད་ཀྱིས་ ཨེ་པ་ཕོརོ་དི་ཏུས་ཀྱི་ལག་པ་སྐྱེལ་བཏང་མི་དེ་གིས་ ང་ལུ་མ་ལང་ལངམ་སྦེ་ཡོད་ ཁྱེད་ཀྱིས་གཏང་མི་དེ་ དཀོན་མཆོག་གི་ཐུགས་དགྱེས་མི་ དྲིམ་ཞིམ་ཏོག་ཏོ་གི་མཆོདཔ་བཟུམ་སྦེ་ཨིན།

ཕི་ལི་པི་ལེའུ་ 4:18 ပူးပေါင်းရင်းမြစ်များ

མཛད་པ་ལེའུ་ 10:4

ཀཱོར་ནེ་ལི་ཨུས་ཀྱིས་ཕོ་ཉ་མཐོངམ་ད་ གནམ་མེད་ས་མེད་འདྲོགས་ཏེ་ གཙོ་བོ་ལགས་ ག་ཅི་གསུངསམ་སྨོ་ཟེར་ཞུཝ་ད་ ཕོ་ཉ་གིས་ ཁྱོད་ཀྱིས་མི་སྤྱང་ཀ་ལུ་གྲོགས་རམ་འབད་མི་དང་ སྨོན་ལམ་ཞུ་མི་དེ་ཚུ་ག་ར་ ཡར་དཀོན་མཆོག་གི་སྐུ་མདུན་ལུ་ལྷོད་དེ་ ཐུགས་དགྱེས་ཅི།

རོམ་མི་ལེའུ་ 12:1

དབའེ་སྤུན་ཆ་ཚུ་ དཀོན་མཆོག་གིས་ང་བཅས་ལུ་ཐུགས་བརྩེ་བ་ལུ་བརྟེན་ཏེ་ དཀོན་མཆོག་གི་ཐུགས་དགྱེས་མི་སྦེ་ ཁྱེད་ཀྱི་གསོན་པོའི་ལུས་འདི་ རང་གིས་རང་ལུ་སྤང་སྟེ་ གཙང་ཏོག་ཏོ་གི་ཐོག་ལས་ ཁོ་ལུ་ཕུལ་ཟེར་ ང་གིས་ཁྱེད་ལུ་གསོལ་བཏབ་ཞུ་དོ་ མཆོདཔ་ངོ་མ་འདི་ཨ་ནི་རང་ཨིན།

ཀོ་རཱིན་ཐི་གཉིས་པ་ལེའུ་ 11:8

ག་ཅི་སྨོ་ཟེར་བ་ཅིན་ ང་ལུ་དངུལ་ཕོགས་བྱིན་མི་དེ་ ཆོས་ཚོགས་གཞན་ཚུ་འབད་ དེ་འབདཝ་ད་ ང་གིས་ཁྱེད་ལུ་རིན་མེད་སྟོང་པར་སྦེ་ཞབས་ཏོག་ཞུཝ་ད་ ཆོས་ཚོགས་གཞན་ཚུ་ལུ་ ང་གིས་བཅོམ་དོཝ་བཟུམ་སྦེ་ཡར་སོང་ཡི།

ཀོ་རཱིན་ཐི་གཉིས་པ་ལེའུ་ 9:12

ཨ་ནི་གྲོགས་རམ་འབད་ནིའི་ཞབས་ཏོག་དེ་ལས་བརྟེན་ཏེ་ དཀོན་མཆོག་གི་དམ་པའི་མི་ཚུ་གི་དགོ་འདོད་དེ་ཚུ་སྒྲུབ་ནི་ཨིནམ་མ་ཚད་ ཁོང་གིས་དཀོན་མཆོག་ལུ་ སྤྲོ་བ་སྦོམ་གྱི་ཐོག་ལས་ བསྟོད་པ་གཏང་རག་ཕུལ་འོང་།

ཨི་ཕི་སིཔ་ལེའུ་ 5:2

ཁིརཱིས་ཀྱིས་ང་བཅས་ལུ་བྱམས་པ་མཛད་དེ་ ང་བཅས་ཀྱི་དོན་ལུ་ཁོ་རང་གི་ཚེ་སྲོག་བློས་གཏང་དོཝ་བཟུམ་སྦེ་ ཁྱེད་ཀྱིས་ཡང་ཁིརཱིས་ཀྱི་དཔེ་བལྟ་སྟེ་ བྱམས་པའི་ལམ་བདའ་སྟེ་འགྱོ་ ཁོ་གི་ཚེ་སྲོག་དེ་ དམར་མཆོད་སྦེ་ཕུལ་ཏེ་ དཀོན་མཆོག་གི་ཐུགས་དགྱེས་པའི་དྲི་བསང་ཞིམ་ཏོག་ཏོ་གཅིག་ལུ་འགྱུར་ནུག

ཕི་ལི་པི་ལེའུ་ 4:12

ང་ལུ་ག་ནི་ཡང་མེདཔ་སྦེ་སྡོདཔ་ད་ ལངམ་སྦེ་སྡོདཔ་ད་ ག་དེ་སྦེ་སྡོད་དགོཔ་ཨིན་ན་ ང་གིས་ཤེས་ ཕོཝ་འགྲངས་སྦེ་སྡོད་རུང་ ལྟོགསཔ་སྦེ་ལུས་རུང་ ལེ་ཤ་ཡོད་རུང་ ཉུང་དྲགས་ཡོད་རུང་ དེ་ལུ་ག་དེ་སྦེ་སྡོད་དགོཔ་ཨིན་ན་ དེ་གི་གསང་བ་དེ་ ང་གིས་ལྷབས་ཅི།

ཐེ་ས་ལོ་ནི་ཀ་གཉིས་པ་ལེའུ་ 1:3

ང་བཅས་ཀྱི་སྤུན་ཆ་ཚུ་ ཁྱེད་ཀྱི་སྐོར་ལས་ དཀོན་མཆོག་ལུ་དུས་རྟག་བུ་རང་ ང་བཅས་ཀྱིས་བཀའ་དྲིན་ཆེ་ཟེར་ཞུཝ་ཨིན་ དེ་སྦེ་ཞུ་དགོཔ་དེ་ཀྲིག་ཀྲི་ར་ཨིན་ ག་ཅི་སྨོ་ཟེར་བ་ཅིན་ ཁྱེད་ཀྱི་དད་པ་གནམ་མེད་ས་མེད་ ཡར་རྒྱས་འགྱོཝ་ཨིནམ་མ་ཚད་ ཁྱེད་རང་ གཅིག་གིས་གཅིག་ལུ་ བྱམས་པ་འབད་ནི་ཡར་སེང་འགྱོ་དེས།

ཧིབ་རུ་ལེའུ་ 13:16

དེ་ལས་ལེགས་ཤོམ་འབད་ནི་དང་ རང་ལུ་ག་ཡོད་མི་ཚུ་ མི་གཞན་ལུ་བགོ་བཤའ་རྐྱབ་བྱིན་ནི་འདི་མ་བརྗེད་ འདི་བཟུམ་གྱི་མཆོད་པ་ལུ་ དཀོན་མཆོག་གིས་ཐུགས་དགྱེསཔ་ཨིན།

པེ་ཏྲོ་དང་པ་ལེའུ་ 2:5

དེ་མ་ཚད་དཀོན་མཆོག་གིས་ ཁྱེད་ཡང་གསོན་པོའི་རྡོ་སྦེ་བཙུགས་གནང་སྟེ་ ཐུགས་ཉིད་ཀྱི་བཞུགས་ཁང་བཞེངས་གནང་བའི་བསྒང་རང་ཨིན་ དེ་ལས་ཁྱེད་ཆ་ཁྱབ་དམ་པའི་བླམ་སྦེ་བཀལ་གནངམ་ཨིནམ་མ་ཚད་ ཡེ་ཤུ་ཁིརཱིས་ལས་རྒྱུད་དེ་ ཁྱེད་ཀྱིས་ ཁོ་གི་ཐུགས་དགྱེས་པའི་ སེམས་ཉིད་ཀྱི་མཆོདཔ་ཕུལ་ནི་ཨིན།