ཕི་ལི་པི་ལེའུ་ 3:14 - རྫོང་ཁ་

¹⁴ གསོལ་རས་ཀྱི་དོན་ལུ་ འགྲན་བསྡུར་འབད་དོཝ་བཟུམ་སྦེ་ ང་ཡང་ཞིང་ཁམས་ཀྱི་གསོལ་རས་ཀྱི་དོན་ལུ་ དཀོན་མཆོག་གིས་ ཁིརཱིས་ཡེ་ཤུ་གི་ཐོག་ལས་ ང་ལུ་འབོ་མི་དེ་ལུ་ ང་གིས་བརྩོན་ཤུགས་སྦོམ་བསྐྱེད་པའི་བསྒང་ཡོད།

ཕི་ལི་པི་ལེའུ་ 3:14 ပူးပေါင်းရင်းမြစ်များ

ལུ་ཀ་ལེའུ་ 16:16

ཁྲུས་གསོལ་བྱིན་མི་ ཡོ་ཧ་ནཱན་མ་འོང་ཚུན་ཚོད་ བཀའ་ཁྲིམས་དང་ལུང་སྟོན་པ་གི་དེབ་ནང་བྲིས་བཞག་དོཝ་བཟུམ་སྦེ་རང་ ཁྱེད་ཀྱིས་བཤད་ནུག་ འདི་གི་ཤུལ་ལས་ དཀོན་མཆོག་གི་རྒྱལ་སྲིད་ཀྱི་སྐོར་ལས་ གཏམ་བཟང་བཤད་ནི་འདི་འགོ་བཙུགས་ཅི་ དེ་ལས་མི་ག་ར་གིས་དབང་བཙོང་སྟེ་ དཀོན་མཆོག་གི་རྒྱལ་སྲིད་ནང་འཛུལ་བའི་བསྒང་ཡོད།

རོམ་མི་ལེའུ་ 11:29

དེ་འབདཝ་ལས་ དཀོན་མཆོག་གིས་གནང་མི་གསོལ་རས་འདི་ ནམ་ཡང་ལོག་སྟེ་ཁོ་རང་མི་བཞེས་ དེ་ལས་མི་ལུ་འབོ་མི་ཐུགས་དགོངས་འདི་ལས་ ནམ་ཡང་མི་འགྱུར།

ཀོ་རཱིན་ཐི་དང་པ་ལེའུ་ 9:24

ཁྱེད་ཀྱིས་མ་ཤེས་ག་ བང་རྒྱུག་ནི་གི་འགྲན་བསྡུར་ནང་ མི་ལེ་ཤ་བཅའ་མར་གཏོགས་ཏེ་འབད་རུང་ གསོལ་རས་ཐོབ་མི་དེ་མི་གཅིག་ལས་བརྒལ་མི་འོང་ དེ་འབདཝ་ལས་ ཁྱེད་ཆ་ཁྱབ་ཡང་རྒྱལ་ཁ་གི་གསོལ་རས་ཐོབ་ཚུགསཔ་སྦེ་རང་བང་རྒྱུག་ཞིག

ཀོ་རཱིན་ཐི་གཉིས་པ་ལེའུ་ 4:17

ག་ཅི་སྨོ་ཟེར་བ་ཅིན་ ད་ལྟོ་ང་བཅས་ཀྱིས་ མྱོང་མིའི་དཀའ་ངལ་འདི་ ཆུང་ཀུ་དང་ དུས་ཡུན་ཐུང་ཀུ་ཅིག་གི་དོན་ལུ་ཨིན་ དེ་གིས་ང་བཅས་ལུ་ ཚད་འཇལ་མ་ཚུགས་པའི་ གཟི་བརྗིད་སྦོམ་ དུས་ཨ་རྟག་རང་བརྟན་ཏོག་ཏོ་སྦེ་སྡོད་ནི་གི་ གྲུབ་འབྲས་ཐོན་ཚུགས་པའི་དོན་ལུ་ གྲ་སྒྲིག་རྐྱབ་དོ།

ཕི་ལི་པི་ལེའུ་ 3:3

ག་ཅི་སྨོ་ཟེར་བ་ཅིན་ ཕྱི་ཁར་ཤ་ལུས་ལུ་ ཡ་ཧུ་ད་པའི་རྟགས་བཀལ་མི་ལུ་ བློ་མ་གཏད་པར་ ང་བཅས་དཀོན་མཆོག་གི་མི་ངོ་མ་ དམ་པའི་ཐུགས་ཉིད་ནང་ དཀོན་མཆོག་གི་ཕྱག་ཞུ་མི་དང་ ཁིརཱིས་ཡེ་ཤུ་ལུ་བློ་གཏད་མི་ཚུ་ཨིན།

ཀོ་ལོ་སི་ལེའུ་ 2:18

ཉམ་ཆུང་རྫུན་མ་འབད་མི་དང་ ཕོ་ཉ་ཚུ་ལུ་བསྙེན་བཀུར་ཞུ་མི་ལས་སྦེ་ ག་གིས་ཡང་ ཁྱེད་ཆ་ཁྱབ་གཅིག་ཁྱད་མ་ཆོདཔ་བཟོ་མ་བཅུག་ ཨ་ནི་བཟུམ་གྱི་མི་གིས་ མ་མཐོང་མི་ལུ་འདི་ཨིན་ཟེར་སྟོན་ཏེ་ འཇིག་རྟེན་པའི་སེམས་ཀྱིས་ ཁུངས་མེད་པའི་མནོ་བསམ་བཏང་སྟེ་ དཔའ་རྔམ་སྟོནམ་ཨིན།

ཐེ་ས་ལོ་ནི་ཀ་དང་པ་ལེའུ་ 2:12

ང་བཅས་ཀྱིས་ཁྱེད་ལུ་ཡར་བསྟོད་རྐྱབ་ སེམས་གསོ་འབད་དེ་ ཁྱེད་ཀྱི་ཉིནམ་རེ་རེ་གི་སྤྱོད་ལམ་འདི་ དཀོན་མཆོག་གི་ཐུགས་དགོངས་དང་འཁྲིལ་ཏེ་སྡོད་ཟེར་ ཨུ་ཚུགས་རྐྱབ་སླབ་ཅི་ ག་ཅི་སྨོ་ཟེར་བ་ཅིན་ དཀོན་མཆོག་གིས་ ཁོ་རང་གི་རྒྱལ་སྲིད་དང་གཟི་བརྗིད་ནང་ ཁྱེད་ལུ་འབོ་དོ།

ཏི་མོ་ཐི་གཉིས་པ་ལེའུ་ 1:9

ཁོ་གིས་ང་བཅས་ལུ་སྐྱབས་མཛད་དེ་ ཁོ་རང་གི་མི་དམ་པ་སྦེ་སྡོད་ནིའི་དོན་ལུ་འབོ་ཅི་ དེ་གི་དོན་དག་དེ་ ང་བཅས་རང་གི་ལཱ་ལེགས་ཤོམ་ལུ་བརྟེན་ཏེ་མེན་ དེ་འབདཝ་ད་ འཛམ་བུ་གླིང་མ་མཛད་པའི་ཧེ་མ་ ཁོ་རང་གི་འཆར་གཞི་དང་འཁྲིལ་ཏེ་ ཁིརཱིས་ཡེ་ཤུ་གི་རྒྱུད་ལས་སྦེ་ ང་བཅས་ལུ་གནང་མི་ཐུགས་རྗེ་ འདི་ལས་བརྟེན་ཏེ་ཨིན།

ཧིབ་རུ་ལེའུ་ 3:1

དེ་འབདཝ་ལས་བརྟེན་ཏེ་ ཁྱེད་ཆ་ཁྱབ་ དཀོན་མཆོག་གིས་ཞིང་ཁམས་ལུ་འབོ་མི་གྲངས་སུ་ བཅའ་མར་གཏོགས་མི་དམ་པའི་སྤུན་ཆ་ཚུ་གིས་ སྐུ་ཚབ་དང་མཁན་ཆེན་ཨིན་མི་ ང་བཅས་ཀྱིས་འཛོམ་དཔང་འབད་མིའི་ཡེ་ཤུ་དེ་གི་སྐོར་ལས་ མནོ་བསམ་གཏང་དགོ།

ཧིབ་རུ་ལེའུ་ 6:1

དེ་འབདཝ་ལས་ ང་བཅས་ཡེ་ཤུ་ཁིརཱིས་ཀྱི་སྐོར་ལས་ གཞི་རིམ་སློབ་སྟོན་ཚུ་ ཧ་གོ་ནི་བཞག་ཞིནམ་ད་ ན་ཁུག་བཅུག་མི་ཆོས་ལུ་ཉན་ཏེ་ ཡར་རྒྱས་འཐོན་འགྱོ་གེ་ གཞི་རིམ་སློབ་སྟོན་ཚུ་ འཆི་བ་ནང་འཁྱིད་མི་ལཱ་ངན་པ་ཚུ་ནང་ལས་སེམས་འགྱུར་ནི་དང་ དཀོན་མཆོག་ལུ་དད་པ་བསྐྱེད་ནི་ ཁྲུས་གསོལ་ཞུ་ནི་ མི་གཞན་གྱི་གུ་ ལགཔ་བཀལ་ཏེ་སྨོན་ལམ་བཏབ་ནི་ ཤི་སོང་མི་ཚུ་གསོན་པོ་ལོང་ནི་ དེ་ལས་མཐའ་མེད་པའི་ཆདཔ་ འདི་ཚུ་གི་སྐོར་ལས་ ད་རུང་ལོག་སྟོན་མི་དགོ་འོང་།

པེ་ཏྲོ་དང་པ་ལེའུ་ 1:13

ད་དེ་ལས་ཕར་ དང་ལེན་འབད་ནིའི་དོན་ལུ་ ཁྱེད་རང་གི་སེམས་གྲ་སྒྲིག་སྦེ་སྡོད་ ཁྱེད་རང་གི་སེམས་གསལ་ཏོག་ཏོ་སྦེ་ མཚམས་ཚོད་བཟུང་ ཡེ་ཤུ་ཁིརཱིས་ད་རུང་ལོག་མངོན་སུམ་དུ་འབྱོནམ་ད་ ཁོ་གིས་གནང་ནི་ཨིན་མིའི་ ཐུགས་རྗེ་དང་ལྡན་པའི་ཐར་པ་དེ་ལུ་ རེ་བ་བསྐྱེད་དེ་སྡོད།

པེ་ཏྲོ་དང་པ་ལེའུ་ 5:10

ཨིན་རུང་ ཁྱེད་ཡུདཔ་ཐེངས་ཅིག་སྡུག་བསྔལ་མྱོང་པའི་ཤུལ་ལས་ དཀོན་མཆོག་གིས་ཁྱེད་ལུ་ངལ་འཚོ་གནང་སྟེ་ ཁྱེད་མི་སྒྲིང་སྒྲིང་དང་ སྟོབས་ཤུགས་ཅན་ དེ་ལས་འགྱུར་བ་མེད་པའི་གཞི་འགྱམ་སྦེ་མཛད་གནང་འོང་ ཡེ་ཤུ་ཁིརཱིས་ཀྱི་ཐོག་ལས་ བཀའ་དྲིན་དང་ལྡན་པའི་དཀོན་མཆོག་གིས་ ཁོ་རང་གི་མཐའ་མེད་པའི་གཟི་བརྗིད་ནང་ ཁྱེད་ལུ་འབོ་གནང་སྟེ་ཡོད།

པེ་ཏྲོ་གཉིས་པ་ལེའུ་ 1:3

དཀོན་མཆོག་གིས་ ཁོ་རའི་ཡ་མཚན་ཆེ་བའི་གཟི་བརྗིད་དང་མཆོག་ཏུ་གྱུར་པའི་རང་བཞིན་གྱི་རྒྱུད་ལས་ ང་བཅས་ལུ་ཁོ་རའི་མི་སྦེ་འབོ་གནང་ཡི་ དེ་ལས་ ང་བཅས་ཀྱིས་ཁོ་ལེགས་ཤོམ་སྦེ་ ངོ་ཤེས་ཞིནམ་ད་ ཁོ་རའི་དབང་ཤུགས་ཀྱིས་ ང་བཅས་ཀྱི་ནང་ན་ཕྱག་ལཱ་མཛད་དེ་ ང་བཅས་ཆོས་སེམས་བསྐྱེད་ནི་སྦེ་ ཁག་ཆེཝ་འདི་ཚུ་ག་ར་གནང་སྟེ་ཡོད།

མཐོང་སྣང་ལེའུ་ 3:21

ང་གིས་རྒྱལ་ཁ་ཐོབ་ལས་ ངེ་གི་ཡབ་ཀྱིས་ཁོ་རང་དང་གཅིག་ཁར་ རྒྱལ་སྲིད་སྐྱོང་ནི་གི་དབང་ཚད་གནང་ཡོདཔ་བཟུམ་སྦེ་ ག་གིས་རྒྱལ་ཁ་ཐོབ་མི་དེ་ལུ་ ང་གིས་དབང་ཚད་བྱིན་ཏེ་ ང་དང་གཅིག་ཁར་རྒྱལ་སྲིད་སྐྱོང་བཅུག་ནི་ཨིན།