ཕི་ལི་པི་ལེའུ་ 2:25 - རྫོང་ཁ་

²⁵ དེ་འབདཝ་ད་ དང་པ་ ཨེ་པ་ཕོརོ་དི་ཏུས་འདི་ ཁྱེད་སྡོད་ས་ལོག་གཏང་དགོཔ་དེ་ ཁག་ཆེཝ་ཡོདཔ་ང་གིས་ཤེས་ཅི་ ཁོ་ངེ་གི་སྤུན་ཆ་བཟུམ་ ང་དང་གཅིག་ཁར་ལཱ་འབད་མི་ ང་བཅས་གཉིས་ཁིརཱིས་ཀྱི་འོག་ལུ་དམག་མི་བཟུམ་སྦེ་ཨིན་ དེ་ལས་ ང་ལུ་ཁག་ཆེ་བའི་སྐབས་ལུ་ ཁྱེད་ཀྱིས་ ཁོ་ང་ལུ་བལྟ་བ་བཏང་ཡི།

ཕི་ལི་པི་ལེའུ་ 2:25 ပူးပေါင်းရင်းမြစ်များ

ཡོ་ཧ་ནཱན་ལེའུ་ 13:16

ང་གིས་ཁྱེད་ལུ་དོན་ལས་རང་སླབ་ཨིན་ གཡོགཔོ་འདི་སྦྱིན་བདག་ལས་མི་སྦོམ་ ཁ་འཐེན་འབག་མི་འདི་ ཁ་འཐེན་གཏང་མི་ལས་མི་མཐོ།

ཡོ་ཧ་ནཱན་ལེའུ་ 17:18

ནཱ་གིས་ང་ལུ་འཛམ་བུ་གླིང་ནང་བཏང་གནང་དོཝ་བཟུམ་སྦེ་ ང་གིས་ཡང་ཁོང་ལུ་འཛམ་བུ་གླིང་ནང་བཏང་ཡི།

རོམ་མི་ལེའུ་ 16:3

ཁིརཱིས་ཡེ་ཤུ་ནང་ ང་དང་གཅིག་ཁར་ དཀོན་མཆོག་གི་ཕྱག་ཞུ་མི་མཉམ་རོགས་ པིརཱིས་ཀ་དང་ མོ་གི་རྨགཔ་ ཨ་ཀུ་ལཱས་གཉིས་ལུ་ ང་ལས་སྐུ་གཟུགས་བཟང་པོ་ཡོད་ཟེར་སླབ་བྱིན།

རོམ་མི་ལེའུ་ 16:9

ཁིརཱིས་ཀྱི་དོན་ལུ་ ང་བཅས་དང་མཉམ་དཀོན་མཆོག་གི་ཕྱག་ཞུ་མི་ ཨུར་བ་ནཱས་དང་ ངེ་གི་ལྟོ་ཚང་ སེཏེ་ཀཱས་ལུ་ང་ལས་སྐུ་གཟུགས་བཟང་པོ།

ཀོ་རཱིན་ཐི་དང་པ་ལེའུ་ 3:9

ག་ཅི་སྨོ་ཟེར་བ་ཅིན་ ང་བཅས་གཉིས་ཆ་རང་དཀོན་མཆོག་གི་ཕྱག་ཞུ་མི་ཨིན་ དེ་ལས་ཁྱེད་ཆ་ཁྱབ་ དཀོན་མཆོག་གི་བྱཱ་ཞིང་ཨིནམ་མ་ཚད་ ཁོ་གི་བཞུགས་ཁང་ཡང་ཨིན།།

ཀོ་རཱིན་ཐི་གཉིས་པ་ལེའུ་ 2:13

ཨིན་རུང་ ངེའི་སྤུན་ཆ་ ཏི་ཏུས་འདི་འཚོལ་མ་ཐོབ་ལས་བརྟེན་ཏེ་ ངེའི་སེམས་ཁར་ཚ་གྱང་ལང་སྟེ་སྡོད་ཅི་ དེ་ལས་ཁོང་ ཏོརོ་ཨཱས་ལུ་སྡོད་མིའི་ དདཔ་ཅན་ཚུ་ལུ་ སྡོད་སྨ་རེ་ཟེར་སླབ་སྦེ་ ང་ལུང་ཕྱོགས་ མ་ཀེ་དོ་ནི་ཡ་ལུ་སོང་ཡི།

ཕི་ལི་པི་ལེའུ་ 2:26

ཁོ་ལུ་ན་ཚ་ཕོག་ཡོད་པའི་གནས་ཚུལ་དེ་ ཁྱེད་ཀྱིས་རྣ་བ་གོ་ནི་འདི་གིས་ ཁོ་ཁྱེད་ཀྱི་དོན་ལུ་ཚ་གྱང་ལངས་ཏེ་ ཁྱེད་ག་ར་དང་མཉམ་གཅིག་ ཁ་འཕྱད་པ་འོང་ནི་གི་རེ་བ་སྦོམ་བསྐྱེད་དེ་ཡོདཔ་ཨིན་མས།

ཕི་ལི་པི་ལེའུ་ 4:18

ད་ལྟོ་ང་ལུ་ཁག་ཆེ་མི་ལས་ཡང་ལྷགཔ་སྦེ་ ང་གིས་ཐོབ་ཅི་ ཁྱེད་ཀྱིས་ ཨེ་པ་ཕོརོ་དི་ཏུས་ཀྱི་ལག་པ་སྐྱེལ་བཏང་མི་དེ་གིས་ ང་ལུ་མ་ལང་ལངམ་སྦེ་ཡོད་ ཁྱེད་ཀྱིས་གཏང་མི་དེ་ དཀོན་མཆོག་གི་ཐུགས་དགྱེས་མི་ དྲིམ་ཞིམ་ཏོག་ཏོ་གི་མཆོདཔ་བཟུམ་སྦེ་ཨིན།

ཕི་ལི་པི་ལེའུ་ 4:3

ང་དང་གཅིག་ཁར་ ན་འཐན་ཏོག་ཏོ་སྦེ་ལཱ་འབད་མི་ཁྱོད་ལུ་ཡང་ ཨ་ནི་ཨམ་ཚུ་ལུ་ འཆམ་ཁ་བཟོ་བྱིན་ཟེར་ ང་གིས་གསོལཝ་བཏབ་ཨིན་ ག་ཅི་སྨོ་ཟེར་བ་ཅིན་ ཁོང་གཉིས་ཀྱིས་ ཀེལེ་མཱེན་དང་ ངེ་གི་ལཱ་རོགས་གཞན་ཚུ་དང་མཉམ་ གཏམ་བཟང་བཤད་ནི་ནང་ ང་དང་གཅིག་ཁར་དཀའཝ་སྤྱད་ཅི་ ཁོང་གི་མིང་ ཚེའི་དེབ་ནང་བྲིས་ཏེ་ཡོད།

ཀོ་ལོ་སི་ལེའུ་ 1:7

དེ་ ང་བཅས་དང་མཉམ་ལཱ་འབད་མི་ བརྩེ་བའི་ཞབས་ཕྱིཔ་ ཨེ་པ་ཕརཱས་ལས་ཁྱེད་ཀྱིས་གོ་ཡི་ ཁོ་ཁིརཱིས་ཀྱི་ཞབས་ཕྱིཔ་ན་འཐན་ཏོག་ཏོ་ ང་བཅས་ཀྱི་ཐོག་ལས་ ཁྱེད་ལུ་ཆ་རོགས་འབད་མི་གཅིག་ཨིན།

ཀོ་ལོ་སི་ལེའུ་ 4:11

དེ་ལས་ ཡུས་ཏཱོས་ཟེར་སླབ་མི་ ཡེ་ཤུ་གིས་ཡང་སྐུ་གཟུགས་བཟང་པོ་ཟེར་སླབ་བཏང་དེས་ དཀོན་མཆོག་གི་རྒྱལ་སྲིད་ཀྱི་དོན་ལུ་ ངེ་གི་ལཱ་རོགསཔ་ཚུ་གི་གྲལ་ལས་ ཡ་ཧུ་ད་པ་ཁོང་གསུམ་མ་གཏོགས་གཞན་མེད་ ཁོང་གིས་ང་ལུ་སེམས་གསོ་འབད་ཡི།

ཐེ་ས་ལོ་ནི་ཀ་དང་པ་ལེའུ་ 3:2

ཏི་མོ་ཐི་ ཁྱེད་སྡོད་སར་བཏང་ཡི་ ཁོ་ཁིརཱིས་ཀྱི་གཏམ་བཟང་བཤད་ནི་ནང་ དཀོན་མཆོག་གི་ཕྱག་ལཱ་ནང་ ང་བཅས་ཀྱི་མཉམ་རོགསཔ་ཨིན་ ཁྱེད་ཀྱི་དད་པ་འདི་བརྟན་ཏོག་ཏོ་སྦེ་བཟོ་ནི་དང་ ཆ་རོགས་འབད་ནིའི་དོན་ལུ་ ང་བཅས་ཀྱིས་ ཏི་མོ་ཐི་བཏང་ཡི།

ཕི་ལེ་མཱོན་ལེའུ་ 1:24

དེ་ལས་ང་དང་འདྲན་འདྲ་གཡོག་བརྐྱབས་མི་ མཱར་ཀུ་དང་ ཨ་རཱིས་ཏཱར་ཁཱོས་དང་ དེ་མཱས་དང་ ལུ་ཀ་གིས་ཡང་ ཁྱོད་ལུ་སྐུ་གཟུགས་བཟང་པོ་ཟེར་སླབ་དེས།

ཧིབ་རུ་ལེའུ་ 3:1

དེ་འབདཝ་ལས་བརྟེན་ཏེ་ ཁྱེད་ཆ་ཁྱབ་ དཀོན་མཆོག་གིས་ཞིང་ཁམས་ལུ་འབོ་མི་གྲངས་སུ་ བཅའ་མར་གཏོགས་མི་དམ་པའི་སྤུན་ཆ་ཚུ་གིས་ སྐུ་ཚབ་དང་མཁན་ཆེན་ཨིན་མི་ ང་བཅས་ཀྱིས་འཛོམ་དཔང་འབད་མིའི་ཡེ་ཤུ་དེ་གི་སྐོར་ལས་ མནོ་བསམ་གཏང་དགོ།