ཕི་ལི་པི་ལེའུ་ 2:12 - རྫོང་ཁ་

¹² དེ་འབདཝ་ལས་བརྟེན་ཏེ་ ངེ་གི་བྱམས་པའི་སྤུན་ཆ་ཚུ་ ང་ཁྱེད་དང་མཉམ་སྡོད་པའི་སྐབས་ལུ་ ཁྱེད་ཀྱིས་ ཨ་རྟག་རང་ ངེ་གི་བསླབ་བྱ་ལུ་ ན་འཐན་སྦེ་ཉན་སྡོད་ཅི་ ད་ལྟོ་ཡང་ ང་ཁྱེད་དང་གཅིག་ཁར་མེདཔ་ད་ དེ་ལས་ཡང་ཐེབས་སྦེ་ དཀོན་མཆོག་བལྟ་སྟེ་འདྲོགས་ཞིནམ་ལས་ ཁོ་གིས་ཁྱེད་ལུ་གནང་མིའི་ཐར་པ་འདི་སྒྲུབ་དགོ།

ཕི་ལི་པི་ལེའུ་ 2:12 ပူးပေါင်းရင်းမြစ်များ

མེ་ཐིའུ་ལེའུ་ 11:12

ཁྲུས་གསོལ་བྱིན་མི་ ཡོ་ཧ་ནཱན་གྱི་དུས་ཚོད་ལས་འགོ་བཙུགས་ཏེ་ ད་ལྟོ་གི་བར་ན་ ཞིང་ཁམས་ཀྱི་རྒྱལ་སྲིད་དེ་ཤུགས་ཆེ་དྲགས་སྦེ་ ཡར་རྒྱས་འགྱོ་ཡོདཔ་ལས་ མི་དབང་ཅན་ཚུ་གིས་དབང་བཙོང་སྟེ་ འཕྱོག་ནི་འབདཝ་ཨིན་མས།

མེ་ཐིའུ་ལེའུ་ 11:29

ངེ་གི་གཉའ་ཤིང་དེ་ ཁྱེད་རང་གི་གུ་ལུ་འབག་སྟེ་ ང་ལས་ལྷབ་ཞིག་ ག་ཅི་སྨོ་ཟེར་བ་ཅིན་ ང་མཉམ་ཆུང་དང་སེམས་ཞི་ཏོག་ཏོ་ཡོད་མི་གཅིག་ཨིན་ དེ་འབདཝ་ལས་ ཁྱེད་ཀྱིས་རང་གི་སེམས་ཁར་ལུ་ངལ་འཚོ་ཐོབ་འོང་།

མཛད་པ་ལེའུ་ 16:29

བཙོན་སྲུང་དེ་གིས་ དེ་འཕྲོ་ལས་མེ་བཏེག་འབག་ཤོག་ཟེར་སླབ་སྟེ་ མེ་འབག་སྦེ་བརྒྱུགས་ཏེ་ པའུལ་དང་ སི་ལཱས་གཉིས་ཀྱི་གདོང་ཁ་ལུ་ སྒྱིད་ཐག་འདར་ཏེ་ཕྱག་འཚལ་ནུག

མཛད་པ་ལེའུ་ 9:6

ད་ཡར་ལོང་སྟེ་ཁྲོམ་ཁར་སོང་ཤིག་ ཁྱོད་ཀྱིས་ག་ཅི་འབད་དགོ་ག་ ཕར་ལྷོདཔ་ད་སླབ་འོང་ཟེར་གསུངས་ནུག

རོམ་མི་ལེའུ་ 2:7

བཟོད་པ་བསྒོམ་ ལཱ་ལེགས་ཤོམ་འབད་དེ་ དཀོན་མཆོག་གིས་གནང་མི་བསྟོད་པ་དང་ གཟི་བརྗིད་དང་ འཆི་བ་མེདཔ་འཚོལ་མི་འདི་ཚུ་ལུ་ ཁོ་གིས་ཚེ་མཐའ་མེདཔ་གནང་འོང་།

ཀོ་རཱིན་ཐི་དང་པ་ལེའུ་ 15:58

དེ་འབདཝ་ལས་ངེ་གི་བྱམས་པའི་སྤུན་ཆ་ཚུ་ དད་པ་ནང་སྒྲིང་སྒྲིང་སྦེ་སྡོད་ གཙོ་བོ་གི་ཕྱག་ཞུ་ནི་ལུ་ རྟག་བུ་རང་ ཡར་རྒྱས་ཐོན་འགྱོ་ ག་ཅི་སྨོ་ཟེར་བ་ཅིན་ གཙོ་བོ་ལུ་ཕྱག་ཞུཝ་ད་ ཁྱེད་ཀྱིས་དཀའཝ་སྤྱད་མི་དེ་ འཕྲོ་བརླག་མི་འགྱོ།།

ཀོ་རཱིན་ཐི་དང་པ་ལེའུ་ 2:3

ང་ཁྱེད་སྡོད་ས་འོངམ་ད་ སྟོབས་ཤུགས་མེད་པའི་རང་བཞིན་ནང་ འདྲོག་སྟེ་སྒྱིད་ཐག་འདར་ཏེ་འོངས་ཡི།

ཀོ་རཱིན་ཐི་དང་པ་ལེའུ་ 4:14

ད་ང་གིས་ཁྱེད་ཆ་ཁྱབ་ལུ་ངོ་ཚ་བཅུག་ནིའི་དོན་ལུ་དེ་འབྲིཝ་མེན་ དེ་འབདཝ་ད་ ངེ་གི་བརྩེ་བའི་ཨ་ལོ་གཅིག་བཟུམ་སྦེ་བསླབ་བྱ་བྱིནམ་ཨིན།

ཀོ་རཱིན་ཐི་གཉིས་པ་ལེའུ་ 7:15

ད་ཁོ་གིས་སླབ་མི་ལུ་ ཁྱེད་ཆ་ཁྱབ་ཀྱིས་ཉནམ་མ་ཚད་ ཁྱེད་ཀྱིས་ ཁོ་ལུ་ཞེ་ས་འབད་དེ་ བྱོན་པ་ལེགས་སོ་ཞུ་མི་ཚུ་ ཁོ་གི་སེམས་ཁར་དྲནམ་ད་ ཁྱེད་ཀྱི་དོན་ལུ་ ཁོ་གི་བྱམས་བརྩེ་ འདི་བ་ལྷགཔ་སྦོམ་འགྱོཝ་ཨིན་མས།

ཨི་ཕི་སིཔ་ལེའུ་ 6:5

རྒྱོབོ་རྒྱམོ་ཚུ་གིས་ ཁིརཱིས་ལུ་ཕྱག་ཞུ་དོཝ་བཟུམ་སྦེ་ འཛམ་བུ་གླིང་ནང་རང་གི་སྦྱིན་བདག་ལུ་ཡང་ རང་གི་སེམས་ཁར་ལས་རང་འདྲོགས་ཏེ་ དོན་ལས་རང་ཞེ་ས་འབད་དེ་ ཁོ་གི་བཀའ་ལུ་ཉན་དགོ།

ཕི་ལི་པི་ལེའུ་ 1:27

གཙོ་བོ་རང་ ཁྱེད་ཀྱི་བྱ་བ་སྤྱོད་ལམ་དེ་ ཁིརཱིས་ཀྱི་གཏམ་བཟང་དང་མཐུནམ་སྦེ་སྡོད་ ང་ཁྱེད་འབད་ས་འོངས་ཏེ་ ང་རང་གི་མིག་ཏོ་གིས་མཐོང་རུང་རང་ ཡང་ན་འོང་མ་ཚུགས་ཏེ་འབད་རུང་རང་ ཁྱེད་ཀྱིས་ག་ར་སེམས་གཅིག་སྦེ་མཐུན་ཏེ་ གཞན་ཚུ་གིས་ གཏམ་བཟང་ལུ་དད་པ་བསྐྱེད་པའི་དོན་ལུ་ གཅིག་ཁར་སྦེ་ལཱ་དཀའཝ་སྤྱད་དེས་ཟེར་གོ་བཅུག

ཕི་ལི་པི་ལེའུ་ 1:29

ག་ཅི་སྨོ་ཟེར་བ་ཅིན་ ཁིརཱིས་ལུ་དད་པ་བསྐྱེད་ནི་གི་གོ་སྐབས་རྐྱངམ་གཅིག་མེན་པར་ ཁོ་གི་དོན་ལུ་ སྡུག་བསྔལ་ཡང་འབག་དགོ་པའི་འོས་འབབ་ ཁྱེད་ལུ་གནང་ཡོད།

ཕི་ལི་པི་ལེའུ་ 1:5

ག་ཅི་སྨོ་ཟེར་བ་ཅིན་ ཁྱེད་ཀྱིས་གཏམ་བཟང་གོ་སྟེ་ དད་པ་བསྐྱེད་པའི་ཉིནམ་འདི་ལས་འགོ་བཙུགས་ཏེ་ ད་ལྟོ་ཚུན་ཚོད་ཀྱི་བར་ན་ གཏམ་བཟང་བཤད་ནི་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 1:6

དཀོན་མཆོག་གིས་ཁྱེད་ཀྱི་མི་ཚེ་ནང་ལུ་ ཕྱག་ལཱ་ལེགས་ཤོམ་འགོ་བཙུགས་མཛད་མི་དེ་ མ་ཚརཝ་བར་ན་ གཙོ་བོ་ཡེ་ཤུ་ཁིརཱིས་འབྱོན་ནི་གི་ཉིནམ་ཚུན་ཚོད་ འཕྲོ་མཐུད་དེ་རང་མཛད་གནང་འོང་ཟེར་ང་གིས་ཏན་ཏན་ཤེས།

ཕི་ལི་པི་ལེའུ་ 2:19

གཙོ་བོ་ཡེ་ཤུ་གི་ཐུགས་དགོངས་ཨིན་པ་ཅིན་ ཁྱེད་ཀྱི་སྐོར་ལས་གནས་ཚུལ་གོ་ནི་གི་དོན་ལུ་ ཏི་མོ་ཐི་མགྱོགས་པ་རང་ ཁྱེད་སྡོད་ས་ལུ་གཏང་ནི་ཨིན་ དེ་ལས་ཁྱེད་ཀྱི་སྐོར་ལས་གནས་ཚུལ་གོཝ་ད་ ང་སེམས་དགའ་འོང་།

ཕི་ལི་པི་ལེའུ་ 4:1

ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་ཕངས་སེམས་བསྐྱེད་དེ་ ཁྱེད་དང་འཕྱད་དགོ་མནོ་བའི་སེམས་ཡོད་ ཁྱེད་ངེ་གི་དགའ་ཚོར་དང་ ང་གིས་དཀའཝ་སྤྱད་པའི་གསོལ་རས་ཨིན་ ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་སྟོན་དོཝ་བཟུམ་སྦེ་རང་ གཙོ་བོ་ནང་དད་པ་སྒྲིང་སྒྲིང་བསྐྱེད་སྡོད།།

ཕི་ལི་པི་ལེའུ་ 4:15

འགོ་དང་པ་ཁྱེད་ལུ་ གཏམ་བཟང་བཤད་པ་འོངས་པའི་སྐབས་ལུ་ ང་ལུང་ཕྱོགས་ མ་ཀེ་དོ་ནི་ཡ་ལས་འགྱོཝ་ད་ རོགས་རམ་འབད་དེ་བྱིན་མི་འདི་ ཁྱེད་ ཕི་ལི་པིཔ་ཆ་ཁྱབ་རྐྱངམ་གཅིག་ཨིན་ ཆོས་ཚོགས་གཞན་ ག་གིས་ཡང་ ང་ལུ་ཕན་བཏགས་མ་བྱིན་ཟེར་ཁྱེད་རང་གིས་ཤེས།

ཐེ་ས་ལོ་ནི་ཀ་དང་པ་ལེའུ་ 1:3

ག་ཅི་སྨོ་ཟེར་བ་ཅིན་ ཁྱེད་ དད་པའི་ལཱ་འབད་མི་དང་ བྱམས་པའི་ལཱ་ལུ་རྩ་འགེངས་ཏེ་འབད་སྡོད་མི་དང་ ང་བཅས་གཙོ་བོ་ཡེ་ཤུ་ཁིརཱིས་ད་རུང་ལོག་སྟེ་འབྱོན་ནི་གི་རེ་བ་ ཨ་རྟག་རང་བསྐྱེད་དེ་སྡོད་མི་འདི་ཚུ་ཨིན་ ང་བཅས་ཀྱིས་འདི་སེམས་ཁར་དྲན་ཏེ་ ང་བཅས་ཀྱི་ཡབ་དཀོན་མཆོག་ལུ་སྨོན་ལམ་ཞུཝ་ཨིན།

ཏི་མོ་ཐི་གཉིས་པ་ལེའུ་ 2:10

དེ་འབདཝ་ལས་ ཁིརཱིས་ཡེ་ཤུ་གི་རྒྱུད་ལས་བྱུང་མི་ཐར་པ་དང་ མཐའ་མེད་པའི་གཟི་བརྗིད་ཐོབ་ནི་སྦེ་ ཁོང་དཀོན་མཆོག་གིས་བཙག་འཐུ་མཛད་མི་ཚུ་གི་དོན་ལུ་ ང་དཀའ་ངལ་དེ་ཚུ་ག་ར་བཟོད་པ་བསྒོམས་ཏེ་སྡོདཔ་ཨིན།

ཧིབ་རུ་ལེའུ་ 12:1

འདི་འབདཝ་ལས་བརྟེན་ ཨ་ནི་འཛོམ་དཔང་ལེ་ཤ་ ང་བཅས་ཀྱི་གདོང་ཁར་ལུ་བཞག་ཡོདཔ་ལས་ ཚ་གྱང་འདྲཝ་མ་འདྲཝ་གི་ཁུར་ཆ་དང་ ང་བཅས་ལུ་འཇམ་ཏོང་ཏོ་སྦེ་ ཧིང་ནང་བཙུག་མིའི་སྡིག་པ་བཀོག་བཞག་སྟེ་ ང་བཅས་ཀྱི་གདོང་ཁར་ལུ་ཡོད་མི་ བང་རྒྱུག་དེ་ དཀའཝ་སྤྱད་དེ་རྒྱུག་གེ།

ཧིབ་རུ་ལེའུ་ 4:1

ད་དཀོན་མཆོག་གིས་ང་བཅས་ལུ་ ཁོ་གི་ངལ་འཚོ་སར་འཛུལ་ནི་ཐོབ་ཟེར་ ཁས་བླངས་བཞེས་ཏེ་ཡོད་པ་ཅིན་ ཁྱེད་ཀྱི་གྲལ་ཁ་ལས་ གཅིག་གིས་ཡང་འཐུས་མ་ཤོར་བར་ དེ་ཁར་ལྷོད་ནི་འདི་ རིགཔ་བསྒྱིམ་སྟེ་སྡོད་དགོ།

ཧིབ་རུ་ལེའུ་ 4:11

དེ་འབདཝ་ལས་ དཀོན་མཆོག་གི་བཀའ་ལུ་མ་ཉན་མི་ཚུ་གི་དཔེ་བལྟ་སྟེ་ ང་བཅས་འཐུས་མ་ཤོར་བར་སྡོད་དེ་ ཨ་ནི་ངལ་འཚོ་ནང་འོང་ནི་གི་དོན་ལུ་རྩ་འགེངས་ཏེ་སྡོད་དགོ།

ཧིབ་རུ་ལེའུ་ 5:9

དེ་ལས་ཁོ་ལུ་ཡང་དག་པ་མཛད་དེ་ དཀོན་མཆོག་གི་བཀའ་ལུ་ཉན་མི་ཚུ་གི་དོན་ལུ་ ཁོ་མཐའ་མེད་པའི་ཐར་པ་གི་ཐོན་ཁུངས་གཅིག་ལུ་འགྱུར་ནུག

པེ་ཏྲོ་དང་པ་ལེའུ་ 2:11

ངེ་གི་བྱམས་པའི་ཆ་རོགས་ཆ་ཁྱབ་ ཁྱེད་འཇིག་རྟེན་ནང་ལུ་ ཕྱི་རྒྱལ་གྱི་མི་ ཐག་རིང་ས་ལས་འོང་མིའི་མགྱོནམ་བཟུམ་ཅིག་ཨིན་ དེ་གིས་འབད་ ཁྱེད་ལུ་དགྲ་འབད་མི་སྡིག་པའི་འདོད་ཆགས་ཚུ་སྤང་དགོ་ཟེར་ང་གསོལཝ་བཏབ་ཨིན།

པེ་ཏྲོ་གཉིས་པ་ལེའུ་ 3:18

དེ་འབདཝ་ལས་ ང་བཅས་རང་གི་ གཙོ་བོ་དང་སྐྱབས་མགོན་ཡེ་ཤུ་ཁིརཱིས་ཀྱི་ ཐུགས་རྗེ་དང་ཤེས་རབ་ནང་ཡར་འཕེལ་འགྱོ་དགོ་ ཁོ་ལུ་གཟི་བརྗིད་དང་གུས་ཞབས་ ད་ལྟོ་དང་ཨ་རྟག་རང་ཁོ་གི་ཨིན་ནོ་ ཨ་མཱེན།། །།