ཕི་ལི་པི་ལེའུ་ 1:26 - རྫོང་ཁ་

²⁶ དེ་ལས་ ང་ད་རུང་ ཁྱེད་སྡོད་ས་ལུ་ལོག་འོངམ་ད་ ངེ་གི་དོན་ལུ་ ཁིརཱིས་ཡེ་ཤུ་གིས་ མཛད་གནང་མི་ཚུ་གི་སྐོར་ལས་ཁྱེད་ལུ་སླབ་ད་ ཁྱེད་ཀྱིས་ དགའ་ཚོར་གནམ་མེད་ས་མེད་བསྐྱེད་ནི་གི་དོན་དག་ཐོབ་ནི་ཨིན།།

ཕི་ལི་པི་ལེའུ་ 1:26 ပူးပေါင်းရင်းမြစ်များ

ཡོ་ཧ་ནཱན་ལེའུ་ 16:22

འདི་བཟུམ་སྦེ་ད་ལྟོ་ཁྱེད་ལུ་ སྡུག་བསྔལ་འདི་ཚུ་འབྱུང་ནི་ཨིན་ དེ་འབདཝ་ད་ ད་རུང་ ང་ཁྱེད་དང་འཕྱདཔ་ད་ ཁྱེད་དགའ་ཚོར་ཐོབ་ནི་ཨིན་ ཁྱེད་ཀྱི་དགའ་ཚོར་དེ་ མི་ག་གིས་ཡང་ཁྱེད་ལས་འཕྱོག་འབག་མི་ཚུགས།

ཡོ་ཧ་ནཱན་ལེའུ་ 16:24

ད་ལྟོ་ཚུན་ཚོད་ ཁྱེད་ཀྱིས་ངེ་གི་མིང་ནང་ག་ཅི་ཡང་མ་ཞུ་ ད་རེས་ལས་ཞུ་དགོ་ དེ་ལས་ཁྱེད་ཀྱིས་ཐོབ་པའི་བསྒང་ལས་ ཁྱེད་ཀྱིས་དགའ་ཚོར་ཡོངས་སུ་ཐོབ་ནི་ཨིན།

ཀོ་རཱིན་ཐི་གཉིས་པ་ལེའུ་ 1:14

ད་ལྟོ་ཁྱེད་ཀྱིས་ང་བཅས་ལུ་ ལེགས་ཤོམ་སྦེ་ཧ་མ་གོ་རུང་ ཤུལ་ལས་ཁྱེད་ཀྱིས་ཧ་གོ་འོང་ དེ་ལས་གཙོ་བོ་ཡེ་ཤུ་ལོག་སྟེ་བྱོན་པའི་ཉིནམ་ལུ་ ཁྱེད་ང་བཅས་ལུ་བལྟ་སྟེ་ངལ་རངས་ནི་བཟུམ་སྦེ་ ང་བཅས་ཡང་ཁྱེད་ལུ་བལྟ་སྟེ་ ངལ་རངས་ནི་ཨིན།

ཀོ་རཱིན་ཐི་གཉིས་པ་ལེའུ་ 5:12

དེ་ལས་ང་བཅས་ཀྱིས་ ལོག་ཅི་ལོག་ཅི་ རང་བསྟོད་རྐྱབ་རྩ་ལས་མེན་ དེ་འབདཝ་ད་ ཁྱེད་ཀྱིས་ང་བཅས་ལུ་བལྟ་སྟེ་ ངལ་རངས་ནི་གི་གོ་སྐབས་ཐོབ་ནིའི་དོན་ལུ་ཨིན་ དེ་ལས་མི་གཞན་གྱིས་ཁྱེད་དང་གཅིག་ཁར་ ཁོང་རང་གི་སྐོར་ལས་ ཕྲང་ཏང་ཏ་མེད་པའི་སེམས་ཀྱི་ཐོག་ལས་ ལྷག་བསམ་རྣམ་དག་མེད་པའི་ རང་བསྟོད་རྐྱབ་སྟེ་སླབ་ད་ དེ་གི་ལན་ཡང་སླབ་ཚུགས་འོང་།

ཀོ་རཱིན་ཐི་གཉིས་པ་ལེའུ་ 7:14

ང་ཁྱེད་ལུ་བལྟ་སྟེ་ངལ་རངས་ཡི་ཟེར་ ཁོ་ལུ་སླབ་ཅི་ དོན་ལས་རང་ ཁྱེད་ཀྱིས་ང་ལུ་ངོ་ཚ་མ་བཅུག་ ག་ཅི་སྨོ་ཟེར་བ་ཅིན་ ང་བཅས་ཀྱིས་ཁྱེད་ལུ་ཨ་རྟག་རང་ བདེན་པ་སླབ་དོཝ་བཟུམ་སྦེ་ ང་གིས་ཁྱེད་ཀྱི་སྐོར་ལས་ ཏི་ཏུས་ལུ་སླབ་མི་འདི་ བདེན་པ་སྦེ་འཐོན་ཡི།

ཀོ་རཱིན་ཐི་གཉིས་པ་ལེའུ་ 7:4

དེ་ལས་ང་གིས་ ཁྱེད་ལུ་གནམ་མེད་ས་མེད་བློ་གཏདཔ་ཨིན་ ང་ཁྱེད་ལུ་བལྟ་སྟེ་ངལ་རངསམ་མ་ཚད་ ང་བཅས་དཀའ་ངལ་དང་སྡུག་བསྔལ་མྱོངམ་ད་ ཁྱེད་ངེ་གི་སེམས་གསོ་འབད་མི་དང་ དགའ་སྤྲོ་བྱིན་མི་ཚུ་ཨིན།

ཀོ་རཱིན་ཐི་གཉིས་པ་ལེའུ་ 7:6

དེ་འབདཝ་ད་ སེམས་ཤི་མི་ལུ་སེམས་གསོ་མཛད་མི་ དཀོན་མཆོག་གིས་ ཏི་ཏུས་ ང་བཅས་སྡོད་སར་ བཏང་གནང་ནི་དེ་གིས་ སེམས་གསོ་ཐོབ་ཅི།

ག་ལ་ཏི་ལེའུ་ 6:4

ག་ར་འབད་རུང་ རང་གི་ལཱ་འདི་ཚུ་ལེགས་ཤོམ་སྦེ་འབད་དགོ་ དེ་ལས་དེ་གིས་འབད་ རང་གིས་འབད་མི་དེ་ལུ་ངལ་རངས་ནི་མ་གཏོགས་ གཞན་གྱི་དེ་སྐྱོ་ཤོས་དང་ རང་གི་དེ་དྲགཔ་སྦེ་ དོ་འགྲན་མིན་དགོ།

ཕི་ལི་པི་ལེའུ་ 3:1

ངེའི་སྤུན་ཆ་ཚུ་ ག་ཅི་རང་བྱུང་རུང་ གཙོ་བོ་ནང་དགའ་ཚོར་འགྱུར་ ཁྱེད་ལུ་ལོག་ཅི་ལོག་ཅི་རང་ བློ་གཅིག་བྲིས་བ་ཅིན་ ང་ཞེ་མི་བསུན་ འདི་ཁྱེད་ཀྱི་དད་པ་ལུ་སྲུང་སྐྱོབས་འབད་ནིའི་དོན་ལུ་ཨིན།

ཕི་ལི་པི་ལེའུ་ 3:3

ག་ཅི་སྨོ་ཟེར་བ་ཅིན་ ཕྱི་ཁར་ཤ་ལུས་ལུ་ ཡ་ཧུ་ད་པའི་རྟགས་བཀལ་མི་ལུ་ བློ་མ་གཏད་པར་ ང་བཅས་དཀོན་མཆོག་གི་མི་ངོ་མ་ དམ་པའི་ཐུགས་ཉིད་ནང་ དཀོན་མཆོག་གི་ཕྱག་ཞུ་མི་དང་ ཁིརཱིས་ཡེ་ཤུ་ལུ་བློ་གཏད་མི་ཚུ་ཨིན།

ཕི་ལི་པི་ལེའུ་ 4:10

ཁྱེད་ཀྱིས་ང་ལུ་ད་རུང་ཡང་ཆ་རོགས་འབད་ནི་དེ་གིས་ ང་གིས་གཙོ་བོ་ལུ་བསྟོད་པ་ཕུལཝ་ཨིན་ ཁྱེད་ཀྱིས་རྟག་བུ་རང་ ངེ་གི་དོན་ལུ་ཚ་གྱང་འབག་སྟེ་འབད་རུང་ བར་ན་སྐོར་ ང་ལུ་ཕན་བཏགས་བྱིན་ནི་གི་དོན་ལུ་ གོ་སྐབས་མ་ཐོབ་པར་ལུས་ཡི་ཟེར་ང་གིས་ཤེས།

ཕི་ལི་པི་ལེའུ་ 4:4

གཙོ་བོ་ནང་ ཨ་རྟག་རང་དགའ་ཚོར་འགྱུར་ ད་རུང་ཡང་ དགའ་ཚོར་འགྱུར་ཟེར་ང་གིས་སླབ་དོ།