ཕི་ལི་པི་ལེའུ་ 1:21 - རྫོང་ཁ་

²¹ ག་ཅི་སྨོ་ཟེར་བ་ཅིན་ ང་གསོན་པོ་སྦེ་སྡོད་ནི་དེ་ ཁིརཱིས་ཀྱི་དོན་ལུ་ཨིན་ དེ་ལས་ ཤི་ནི་དེ་ ངེ་གི་དོན་ལུ་ ཁེ་སང་ཨིན།

ཕི་ལི་པི་ལེའུ་ 1:21 ပူးပေါင်းရင်းမြစ်များ

ཀོ་རཱིན་ཐི་དང་པ་ལེའུ་ 1:30

དཀོན་མཆོག་གིས་ཁྱེད་ག་ར་ ཁིརཱིས་ཡེ་ཤུ་ནང་གཅིག་སྦེ་མཛད་གནང་སྟེ་ ང་བཅས་ཕན་ཐོགས་པའི་དོན་ལུ་ ཁིརཱིས་ཤེས་རབ་དང་ལྡནམ་སྦེ་འགྱུར་ཡི་ དེ་ལས་ཁིརཱིས་ལས་རྒྱུད་དེ་ དཀོན་མཆོག་གིས་ང་བཅས་ལུ་ ཁོ་རའི་ཐུགས་དང་ལྡན་པའི་ མི་ཕྲངམ་དང་ མི་གཙངམ་སྦེ་མཛད་དེ་ ང་བཅས་རའི་སྡིག་པ་ལས་དགོངས་ཡངས་གཏང་གནང་ནུག

ཀོ་རཱིན་ཐི་དང་པ་ལེའུ་ 3:22

པའུལ་ཨིན་རུང་ ཨ་པོ་ལཱོས་ཨིན་རུང་ ཀེ་ཕཱས་ཨིན་རུང་ འཛམ་བུ་གླིང་ཨིན་རུང་ ཚེ་ཡང་ན་འཆི་བ་ཨིན་རུང་ དུས་ད་ལྟོ་ ཡང་ན་མ་འོང་པ་གི་དུས་ཨིན་རུང་ ག་ར་ཁྱེད་ཆ་ཁྱབ་ཀྱི་དོན་ལས་རང་ཨིན།

ཀོ་རཱིན་ཐི་གཉིས་པ་ལེའུ་ 5:1

ད་འཛམ་བུ་གླིང་འདི་ནང་ སྡོད་པའི་སྐབས་ཀྱི་ལུས་འདི་ གུར་བཟུམ་སྦེ་ཨིན་ གུར་འདི་མར་བཤུབ་སྟེ་མེདཔ་ཐལ་འགྱོ་འོང་ དེ་འབདཝ་ད་ དེ་གི་ཚབ་ལུ་ ཞིང་ཁམས་ཀྱི་ཁྱིམ་ ང་བཅས་ཀྱི་ལུས་བརྟན་ཏོག་ཏོ་ཤི་ནི་མེདཔ་འདི་ ཐོབ་ནི་ཨིན་ ཨ་ནི་འདི་མི་གིས་བཟོཝ་མེན་པར་ དཀོན་མཆོག་ཁོ་རང་གི་ཕྱག་གིས་ ང་བཅས་ཀྱི་དོན་ལུ་མཛད་གནང་གནངམ་ཨིན་ཟེར་ཤེས།

ཀོ་རཱིན་ཐི་གཉིས་པ་ལེའུ་ 5:6

དེ་འབདཝ་ལས་ ང་བཅས་ཀྱིས་ཏན་ཏན་ཤེས་ ང་བཅས་ཨ་ནི་ལུས་ཀྱི་ཁྱིམ་ནང་སྡོད་པའི་རིང་ལུ་ ང་བཅས་ལུ་གཙོ་བོ་གིས་གནང་ནི་འབད་མི་ཁྱིམ་ནང་སྡོད་མི་ཚུགས།

ཀོ་རཱིན་ཐི་གཉིས་པ་ལེའུ་ 5:8

ང་བཅས་ཀྱིས་ཐད་རི་བ་རི་སླབ་ཨིན་ ང་བཅས་ཀྱི་ལུས་དང་ཁ་འབྱལ་ཏེ་ གཙོ་བོ་དང་གཅིག་ཁར་སྡོད་ནི་འདི་ ང་བཅས་ཀྱིས་གདམ་ཁ་རྐྱབ་ཨིན།

ག་ལ་ཏི་ལེའུ་ 2:20

ཁིརཱིས་ ཁྲམ་ཤིང་གུ་གཤགསཔ་ད་ ང་ཡང་ཁོ་དང་གཅིག་ཁར་ཤི་སོངམ་བཟུམ་སྦེ་ཨིན་ ད་ལྟོ་ང་རང་གིས་འབད་ གསོན་པོ་སྦེ་སྡོདཔ་མེན་ དེ་འབདཝ་ད་ ཁིརཱིས་ངེ་གི་ནང་ན་བཞུགས་ཡོད་ དེ་ལས་ང་མི་ལུས་ནང་སྡོད་དེ་ དཀོན་མཆོག་གི་སྲས་ ང་ལུ་བྱམས་པ་མཛད་མི་དང་ ཁོ་རང་གི་སྐུ་ཚེ་ང་ལུ་གནང་མི་དེ་ལུ་ དད་པ་བསྐྱེད་དེ་སྡོདཔ་ཨིན།

ག་ལ་ཏི་ལེའུ་ 6:14

ང་བཅས་རང་གི་གཙོ་བོ་ཡེ་ཤུ་ཁིརཱིས་ཁྲམ་ཤིང་གུ་ གཤགས་གནང་མི་དེ་མ་གཏོགས་ གཞན་ག་ནི་ཡང་ ང་གིས་རང་བསྟོད་མི་བརྐྱབ་ ག་ཅི་སྨོ་ཟེར་བ་ཅིན་ ཁིརཱིས་ཁྲམ་ཤིང་གུ་གཤགས་པའི་ཐོག་ལས་སྦེ་ འཇིག་རྟེན་འདི་ངེ་གི་དོན་ལུ་ཤི་སོངམ་མ་ཚད་ ང་ཡང་འཇིག་རྟེན་གྱི་དོན་ལུ་ཤི་སོངམ་བཟུམ་སྦེ་ཨིན།

ཕི་ལི་པི་ལེའུ་ 1:20

ག་ཅི་ནང་ཡང་ ང་ངོ་མི་ཚ་ཟེར་ ངེ་གི་རེ་བ་དང་འདོད་པ་ཨིན་ ང་མ་འདྲོག་པར་བློ་ཁོག་སྦོམ་བསྐྱེད་དེ་ ང་ཤི་སོང་རུང་ གསོན་པོ་སྦེ་སྡོད་རུང་ ངེ་གི་མི་ཚེ་འདི་ ཧེ་མ་བཟུམ་སྦེ་ ཨ་རྟག་རང་ ཁིརཱིས་ཡེ་ཤུ་ལུ་བསྟོད་པ་ཐོབ་བཅུག་ནི་གི་འདོད་པ་ཡོད།།

ཕི་ལི་པི་ལེའུ་ 1:22

ང་འཕྲོ་མཐུད་དེ་རང་ གསོན་པོ་སྦེ་སྡོད་པ་ཅིན་ དཀོན་མཆོག་གི་དོན་ལུ་ འབྲས་བུ་ཐོབ་པའི་ལཱ་ལེ་ཤ་ ང་གིས་འབད་ཚུགས་ དེ་འབདཝ་ད་ ག་འདི་ལུ་གདམ་ཁ་རྐྱབ་ནི་ཨིན་ན་ ང་གིས་མི་ཤེས་པས།

ཕི་ལི་པི་ལེའུ་ 1:23

ཨ་ནི་གཉིས་ལས་གཅིག་ གདམ་ཁ་རྐྱབ་ནི་ལཱ་ཁག་རྐྱབ་དོ་ གཅིག་ལས་བལྟ་བ་ཅིན་ མི་ཚེ་འདི་ལས་དགོངམ་ཞུ་སྟེ་ ཁིརཱིས་དང་མཉམ་སྡོད་པ་འགྱོ་དགོ་མནོ་ཡི་ ག་ཅི་སྨོ་ཟེར་བ་ཅིན་ ག་ར་ལས་དྲག་ཤོས་འདི་ དེ་ཨིན་མས།

ཕི་ལི་པི་ལེའུ་ 2:21

གཞན་ཚུ་གིས་ཡེ་ཤུ་ཁིརཱིས་ཀྱི་དོན་ལུ་མ་བལྟ་བར་ རང་གི་དོན་ལུ་རྐྱངམ་གཅིག་འབདཝ་ཨིན།

ཀོ་ལོ་སི་ལེའུ་ 3:4

ཁིརཱིས་འདི་ང་བཅས་ཀྱི་ཚེ་ཨིན་ ཁོ་འཛམ་བུ་གླིང་ནང་ལོག་འབྱོནམ་ད་ ཁྱེད་ཡང་ཁོ་དང་གཅིག་ཁར་ གཟི་བརྗིད་ནང་འོང་ནི་ཨིན།

མཐོང་སྣང་ལེའུ་ 14:13

ད་རུང་ཡང་ཞིང་ཁམས་ལས་གསུང་སྐད་གཅིག་གིས་ང་ལུ་ ད་རེས་ལས་འགོ་བཟུང་སྟེ་ གཙོ་བོ་ནང་དད་པ་བསྐྱེད་དེ་ཤི་མི་ཚུ་ བྱིན་རླབས་ཅན་ཨིན་ཟེར་ཨ་ནི་འདི་བྲི་དགོ་ཟེར་གསུངས་ཡི་ ད་རུང་ཐུགས་ཉིད་ཀྱིས་ དོན་ལས་རང་ཁོང་བྱིན་རླབས་ཅན་ཨིན་ ག་ཅི་སྨོ་ཟེར་བ་ཅིན་ ཁོང་དཀའཝ་སྤྱད་ས་ལས་ངལ་འཚོ་ཐོབ་སྟེ་ ཁོང་གིས་འབད་མི་ལཱ་ལེགས་ཤོམ་ ཁོང་རང་གི་ཤུལ་ལས་འོངམ་ཨིན་ཟེར་གསུངས་ཡི།།