ཕི་ལི་པི་ལེའུ་ 1:18 - རྫོང་ཁ་

¹⁸ ཁོང་གིས་དོན་ལས་རང་བཤད་རུང་ ཡང་ན་འདོད་པ་གི་ཐོག་ལས་ དོན་དག་རྫུས་མ་སྦེ་བཤད་རུང་ ག་དེ་སྦེ་བཤད་རུང་ ང་ལུ་ག་ཅི་ཁྱད་པར་ཡང་མེད་ ག་ཅི་སྨོ་ཟེར་བ་ཅིན་ ཁོང་གཉིས་ཆ་རང་གིས་ ཁིརཱིས་ཀྱི་སྐོར་ལས་བཤདཔ་མས་ དེ་གིས་འབད་ ང་སེམས་དགའ་སྟེ་ཡོད་ དེ་མ་ཚད་ ང་འཕྲོ་མཐུད་དེ་རང་ དགའ་ཚོར་བསྐྱེད་དེ་སྡོདཔ་ཨིན།

ཕི་ལི་པི་ལེའུ་ 1:18 ပူးပေါင်းရင်းမြစ်များ

མེ་ཐིའུ་ལེའུ་ 23:13

ཁྱེད་བཀའ་ཁྲིམས་ཀྱི་སློབ་དཔོན་དང་ ཕ་རུ་ཤི་པ་ ཁ་ཆོས་འབད་མི་ཚུ་ ག་དེམ་ཅིག་ལཱ་ཁག་བརྐྱབ་ནི་སྨོ་ མི་ཚུ་ཞིང་ཁམས་ཀྱི་རྒྱལ་སྲིད་ནང་ འཛུལ་མ་བཅུག་ནི་གི་དོན་ལུ་ ཁྱེད་ཀྱིས་སྒོ་བསྡམས་བཞགཔ་མས་ ཁྱེད་རང་ཡང་མི་འཛུལ་ གཞན་འཛུལ་མི་ཚུ་ལུ་ཡང་ ལམ་བཀག་བརྐྱབས་ཏེ་འཛུལ་མི་སྟེར་བས།

མཱར་ཀུ་ལེའུ་ 12:40

ཨམ་སྲུ་ཡུགས་ས་མོ་ཚུ་གི་ཁྱིམ་བཅོམ་ནི་ དེ་ལས་མིའི་གདོང་ཁར་ལུ་བཏོན་ནི་གི་དོན་ལུ་ སྨོན་ལམ་ཡུན་རིངམ་སྦེ་བཏབ་ཨིན་ འདི་བཟུམ་གྱི་མི་ཚུ་ལུ་ལྷག་པར་དུ་ ཉེས་པ་སྦོམ་ཕོགཔ་ཨིན་ཟེར་གསུངས་ནུག།

ལུ་ཀ་ལེའུ་ 9:45

དེ་འབདཝ་ད་ ཁོ་གིས་ག་ཅི་གསུངསམ་ཨིན་ན་ ཁོང་གིས་ཤེས་མ་ཚུགས་པས་ ཁོ་གིས་གསུངས་མིའི་དོན་དག་ཚུ་ ཧ་མ་གོ་ནི་གི་དོན་ལུ་ སྦ་བཞག་བཞགཔ་ཨིན་མས་ དེ་མ་ཚད་ དེ་གི་དོན་དག་དེ་ ག་ཅི་ཨིན་ན་ཞུ་ནི་ཡང་ འདྲོགས་ཏེ་ཞུ་མ་ཚུགས་པས།།

ལུ་ཀ་ལེའུ་ 9:50

ཡེ་ཤུ་གིས་ཁོ་དང་སློབ་མ་གཞན་ཚུ་ལུ་ ཁྱེད་ཀྱིས་ཁོ་ལུ་དེ་སྦེ་མ་སླབ་ ག་ཅི་སྨོ་ཟེར་བ་ཅིན་ ག་ར་འབད་རུང་ ཁྱེད་ལུ་བྱང་ཕྱད་མ་འབད་མི་དེ་ ཁྱེད་ཀྱི་ཆ་རོགས་ཨིན་ཟེར་གསུངས་ནུག།

རོམ་མི་ལེའུ་ 3:9

མདོར་བསྡུས་ཏེ་སླབ་པ་ཅིན་ ང་བཅས་ ཡ་ཧུ་ད་པ་ཚུ་མི་གཞན་ལས་དྲག་ཤོས་ཨིན་ན་ འདི་ཐད་རི་བ་རི་མེན་ ཆདཔ་གནང་དགོ་པའི་དོན་དག་དེ་ ཡ་ཧུ་ད་པ་དང་ ཕྱིའི་མི་རིགས་ཚུ་ག་ར་ སྡིག་པའི་དབང་འོག་ལུ་ཡོདཔ་ཨིན་ཟེར་ གོང་ལས་ང་གིས་སྟོན་ཚར་ཡི།

རོམ་མི་ལེའུ་ 6:15

ད་དེ་སྦེ་ཨིན་པ་ཅིན་ ང་བཅས་ཀྱིས་ག་ཅི་འབད་ནི་སྨོ་ བཀའ་ཁྲིམས་ཀྱི་འོག་ལུ་མེན་པར་ ཐུགས་རྗེ་གི་འོག་ལུ་ཡོད་ཟེར་ སྡིག་པ་འབདཝ་ད་བཏུབ་ག་ དེ་སྦེ་རྩ་ལས་རང་མེན།

ཀོ་རཱིན་ཐི་དང་པ་ལེའུ་ 10:19

ང་གིས་ག་ཅི་སླབ་སྨོ་ ང་གིས་སླབ་མི་དེ་ སྐུ་ལུ་མཆོད་མི་ཚོགས་དེ་ཕན་ཐོགས་ཡོད་ག་ ཡང་ན་སྐུ་དེ་ཚུ་ངོ་མ་ཨིན་ཟེར་ང་གིས་སླབ་ཅི་ག།

ཀོ་རཱིན་ཐི་དང་པ་ལེའུ་ 14:15

ད་ང་གིས་ག་ཅི་འབད་ནི་སྨོ་ ང་ཐུགས་ཉིད་ནང་སྨོན་ལམ་བཏབ་ནི་ ཨིན་རུང་ ང་རང་ཧ་གོ་བའི་ཚིག་ནང་ཡང་སྨོན་ལམ་བཏབ་ནི་ ང་གིས་ཐུགས་ཉིད་ནང་བསྟོད་དབྱངས་ཕུལ་ནི་ ཨིན་རུང་ ང་རང་ཧ་གོ་བའི་ཚིག་ནང་ཡང་བསྟོད་དབྱངས་ཕུལ་ནི།

ཀོ་རཱིན་ཐི་དང་པ་ལེའུ་ 15:11

དེ་འབདཝ་ལས་ ཁྱེད་ལུ་ཆོས་དེ་ང་གིས་བཤད་རུང་ སྐུ་ཚབ་གཞན་གྱིས་བཤད་རུང་ ང་བཅས་ག་ར་གིས་བཤད་མི་གཏམ་བཟང་འདི་གཅིག་རང་ཨིན་ གཏམ་བཟང་འདི་ལས་བརྟེན་ཏེ་ ཁྱེད་ག་ར་དད་པ་བསྐྱེད་ཅི།།

ཕི་ལི་པི་ལེའུ་ 1:19

ག་ཅི་སྨོ་ཟེར་བ་ཅིན་ ཁྱེད་ཀྱི་སྨོན་ལམ་དང་ ཡེ་ཤུ་ཁིརཱིས་ཀྱི་ཐུགས་ཉིད་ཀྱི་རོགས་རམ་ལས་རྒྱུད་དེ་ ངེ་གི་མི་ཚེ་ནང་ག་བྱུང་མི་འདི་ ང་ཐར་ནིའི་དོན་ལུ་ཨིན་ཟེར་ང་གིས་ཤེས།