ཨི་ཕི་སིཔ་ལེའུ་ 2:3 - རྫོང་ཁ་

³ ང་བཅས་ཡང་ ཧེ་མ་ཁོང་བཀའ་ལུ་མ་ཉན་མི་ཚུ་དང་གཅིག་ཁར་ལཱ་ངན་པ་འབད་དེ་ ང་བཅས་རའི་འདོད་པ་ལྟར་དུ་འབད་དེ་ ལུས་དང་སེམས་ཀྱི་མནོ་བསམ་གྱི་འདོད་པའི་དབང་དུ་གཏང་ དེ་ལས་ཁོང་གཞན་ཚུ་བཟུམ་སྦེ་རང་ ཆདཔ་ཕོག་མི་ཚུ་གི་གྲལ་ཁར་ལུ་སྡོད་ཅི།

ཨི་ཕི་སིཔ་ལེའུ་ 2:3 ပူးပေါင်းရင်းမြစ်များ

ཏི་ཏུས་ལེའུ་ 3:3

ག་ཅི་སྨོ་ཟེར་བ་ཅིན་ དུས་ཚོད་གཅིག་གི་ཚེ་ལུ་ ང་བཅས་ཡང་དཀོན་མཆོག་གི་སྐོར་ལས་ མ་ཤེས་མི་དང་ ཁོ་གི་བཀའ་ལུ་མ་ཉན་མི་དང་ མགུ་བསྐོར་ནང་ཚུད་མི་དང་ འདོད་ཆགས་མ་གཅིགཔ་ལེ་ཤ་གི་གཡོགཔོ་སྦེ་སྡོད་མི་དང་ རོགས་ལུ་ཞན་སེམས་བསྐྱེད་སྡོད་མི་ དེ་ལས་ ང་བཅས་རོགས་ལུ་མ་དགའཝ་ལས་བརྟེན་ཏེ་ རོགས་ཀྱིས་ཡང་ང་བཅས་ལུ་མ་དགའ་བར་སྦེ་ སྡོད་སྡོདཔ་ཨིན།

པེ་ཏྲོ་དང་པ་ལེའུ་ 1:14

དེ་ལས་ ཁྱེད་ཀྱིས་ཧེ་མ་ དཀོན་མཆོག་ངོ་མ་ཤེསཔ་ད་ འདོད་ཆགས་ཀྱིས་དབང་དུ་བཏང་སྟེ་སྡོད་ནུག་ དེ་འབདཝ་ད་ ད་རེས་ལས་ སླབ་ད་ཉན་ཁུག་བཏབ་མིའི་བུ་དང་བུམོ་བཟུམ་སྦེ་སྡོད་དེ།

ཨི་ཕི་སིཔ་ལེའུ་ 4:22

ཁྱེད་ཀྱིས་ཧ་གོ་མི་དེ་ ཧེ་མ་གི་རང་བཞིན་རྙིངམ་ སྡིག་པ་འབད་མི་འདི་ཚུ་ ཕར་བཀོ་བཞག་དགོ་ ཨ་ནི་སྡིག་པ་དེ་གིས་ རང་ལུ་མགུ་བསྐོར་བརྐྱབས་ཏེ་ རང་བཞིན་རྙིངམ་དེ་ལུ་མེདཔ་གཏང་གཏངམ་ཨིན་མས།

རོམ་མི་ལེའུ་ 13:14

དེ་ལས་འདོད་ཆགས་ངན་པའི་དབང་དུ་མ་སོང་པར་ དེ་འབདཝ་ད་ ཁྱེད་རང་གི་གཟུགས་ཁར་བགོ་ལ་གྱོན་དོཝ་བཟུམ་སྦེ་ གཙོ་བོ་ཡེ་ཤུ་ཁིརཱིས་ཀྱི་རང་བཞིན་འདི་གྱོན་དགོ།

རོམ་མི་ལེའུ་ 6:12

འདི་གི་དོན་ལུ་ འདོད་པ་ལུ་ཆགས་ཏེ་ ཁྱེད་ཀྱི་ལུས་ལུ་སྡིག་པ་གིས་དབང་མ་བཅུག

ཡོ་ཧ་ནཱན་དང་པ་ལེའུ་ 2:16

ག་ཅི་སྨོ་ཟེར་བ་ཅིན་ ང་བཅས་རའི་ལུས་ཀྱི་འདོད་པ་ངན་པ་དང་ ག་ཅི་མཐོང་མི་དེ་ཚུ་དགོ་ནིའི་ཆགས་སེམས་དང་ རྒྱུ་ནོར་ལོངས་སྤྱོད་བསག་སྟེ་ང་རྒྱལ་བསྐྱེད་ནི་ འདི་ཚུ་འཇིག་རྟེན་ནང་ལས་འོངམ་ཨིན་ དེ་ཚུ་གཅིག་ཡང་ཡབ་ལས་འོངམ་མེན།

ཨི་ཕི་སིཔ་ལེའུ་ 2:2

ཧེ་མ་ཁྱེད་ཀྱིས་ དུས་ངན་པ་དེ་གི་ལུགས་སྲོལ་འབད་དེ་སྡོདཔ་ད་ ཁྱེད་གནམ་ཁ་ལུ་སྡོད་མི་འདྲེ་ཚུ་གི་འགོ་དཔོན་གྱི་འོག་ལུ་སྡོད་ནུག་ ཨ་ནི་འདྲེ་དེ་གིས་ད་ལྟོ་ཡང་ དཀོན་མཆོག་གི་བཀའ་ལུ་ མ་ཉན་མི་ཚུ་གི་སེམས་ཁར་ལཱ་འབད་དེ་སྡོདཔ་ཨིན།

ཡོ་ཧ་ནཱན་ལེའུ་ 8:44

ཁྱེད་ཆ་ཁྱབ་ཀྱི་ཨ་པ་བདུད་ཨིན་མས་ ཁོ་གི་འདོད་པ་དང་འཁྲིལ་ཏེ་ ཁྱེད་ཀྱིས་འབད་ནི་དགའ་བས་ འགོ་དང་པ་ལས་ར་ ཁོ་དམར་བསད་འབད་མི་ཨིན་ ཁོ་བདེན་པ་ལུ་སྣང་མེད་བརྩིས་ཏེ་བཞགཔ་ཨིན་ ག་ཅི་སྨོ་ཟེར་བ་ཅིན་ ཁོ་ནང་ལུ་བདེན་པ་རྩ་ལས་མེད་ ཁོ་རའི་རང་བཞིན་དང་མཐུན་ཏེ་ཁོ་གིས་ཤོབ་རྐྱབ་ཨིན་ ག་ཅི་སྨོ་ཟེར་བ་ཅིན་ ཁོ་ཤོབ་ཅན་དང་ཤོབ་པའི་ཨ་པ་ཨིན།

ཀོ་རཱིན་ཐི་གཉིས་པ་ལེའུ་ 7:1

ངེ་གི་བྱམས་པའི་ཆ་རོགས་ཚུ་ ད་ང་བཅས་ལུ་ཨ་ནི་ཁས་བླངས་ཡོད་ནི་དེ་གིས་ ང་བཅས་ཀྱིས་ལུས་དང་སེམས་གཉིས་ལུ་ མ་གཙངམ་བཟོ་མི་དེ་ཚུ་ག་ར་སྤང་སྟེ་ གཙང་ཏོག་ཏོ་བཟོ་གེ་ དེ་ལས་དཀོན་མཆོག་ལུ་འདྲོགས་ཏེ་ དམ་པ་འགྱུར་ནི་གི་ལཱ་དེ་ཚུ་ག་ར་ ཡོངས་སུ་རྫོགསཔ་སྦེ་འབད་གེ།

ཀོ་རཱིན་ཐི་དང་པ་ལེའུ་ 4:7

ཁྱེད་ལུ་དྲག་ཤོས་གཅིག་སྦེ་བརྩིས་མི་ག་ཡོདཔ་སྨོ་ ཁྱེད་ལུ་དཀོན་མཆོག་ལས་མ་ཐོབ་ག་ཅི་ཡོདཔ་སྨོ་ དེ་ཚུ་ག་ར་ཁྱེད་ཀྱིས་དཀོན་མཆོག་ལས་ཐོབ་སྟེ་ཡོད་རུང་ ཁྱེད་རང་གི་ཐོབ་ཐོབ་བཟུམ་སྦེ་ རང་གི་རང་ལུ་ག་ཅི་འབད་བསྟོད་པ་རྐྱབ་སྨོ།

རོམ་མི་ལེའུ་ 7:18

རང་བཞིན་རྙིང་པའི་ལུས་ནང་ལེགས་ཤོམ་གཅིག་ཡང་མེད་ཟེར་ང་གིས་ཤེས་ ག་ཅི་སྨོ་ཟེར་བ་ཅིན་ ག་ཅི་ལེགས་ཤོམ་ཨིན་ན་ འདི་ཚུ་འབད་དགོ་མནོ་བའི་རེ་བ་ཡོད་དེ་འབད་རུང་ ང་གིས་འབད་མི་ཚུགས་པས།

མཱར་ཀུ་ལེའུ་ 4:19

ཨ་ཙི་ཅིག་ཡར་སྦོམ་འགྱོཝ་ད་ མི་ཚེ་འདི་གི་ཚ་གྱང་དང་ རྒྱུ་ནོར་ལོངས་སྤྱོད་ཀྱི་ཞེན་ཆགས་ དེ་ལས་འདོད་པ་མ་འདྲཝ་འདི་ཚུ་གིས་བསྡམས་ཏེ་ ལོ་ཐོག་མ་འཚོ་མི་ཚུ་ཨིན།

རོམ་མི་ལེའུ་ 11:30

ཧེ་མ་ཁྱེད་ཕྱིའི་མི་རིགས་ཚུ་དཀོན་མཆོག་ལུ་མ་ཉན་རུང་ ཡ་ཧུ་ད་པ་ཚུ་གིས་ དཀོན་མཆོག་གི་གནང་མི་སྙིང་རྗེ་ལུ་ཆ་མ་བཞགཔ་ད་ དཀོན་མཆོག་གིས་ ཁོང་གི་ཚབ་ལུ་ ཁྱེད་ཕྱིའི་མི་རིགས་ཚུ་ལུ་སྙིང་རྗེ་གཟིགས་ཅི།

རོམ་མི་ལེའུ་ 9:22

འདི་བཟུམ་སྦེ་རང་ དཀོན་མཆོག་གིས་ཆདཔ་ཕོག་དགོ་མི་ཚུ་ལུ་ ཐུགས་ཁྲོ་བོ་སྟོན་གནང་ནི་དང་ རྩ་མེད་གཏང་ནི་དབང་ཤུགས་ཡོད་ཟེར་ ཤེས་བཅུག་ནིའི་ཐུགས་བསམ་ཡོད་དེ་འབད་རུང་ དཀོན་མཆོག་བཟོད་པ་བསྒོམས་ཏེ་བཞུགས་ནུག

ཡོ་ཧ་ནཱན་ལེའུ་ 1:13

ཁོང་སྲས་དང་སྲསམོ་སྦེ་མཛད་གནང་མི་འདི་ ཕམ་བརྒྱུད་ལས་ ཡངན་ལུས་ཀྱི་འདོད་པ་ལས་ ཡངན་རྨགཔ་གི་འདོད་པ་ལས་མེན་པས་ དེ་འབདཝ་ད་ དཀོན་མཆོག་གི་ཐུགས་དགོངས་བཞིན་དུ་བྱུང་ནུག

པེ་ཏྲོ་གཉིས་པ་ལེའུ་ 2:18

ག་ཅི་སྨོ་ཟེར་བ་ཅིན་ ཁོང་མི་རྩ་རྒས་བཟུམ་ ང་རྒྱལ་ལངས་ཏེ་བློ་སླབ་ཨིན་མས་ ཡུད་ཙམ་ཅིག་གཟུགས་ཀྱི་རང་བཞིན་དང་འཁྲིལ་ཏེ་སྡོད་ནི་ལས་ཐར་ཏེ་ ཕྲང་ལམ་བདའ་འགྱོ་སྡོདཔ་ད་ ཁོང་སློབ་དཔོན་རྫུས་མ་ཚུ་གིས་ གཟུགས་ཀྱི་རང་བཞིན་འདོད་ཆགས་ལས་སྦེ་གཡོ་སྒྱུ་བརྐྱབས་ཏེ་ ད་རུང་སྡིག་པའི་ཧིང་ནང་བཙུགཔ་ཨིན་མས།

པེ་ཏྲོ་གཉིས་པ་ལེའུ་ 2:14

ཁོང་གི་མིག་ཏོ་གིས་ ལུས་འབྲེལ་འབདཝ་མས་ ཁོང་གིས་ལཱ་ངན་པ་ག་དེ་ཅིག་འབད་རུང་ ཚིམས་ནི་མིན་འདུག་ ཁོང་གིས་དད་པ་ཉུང་དྲགས་འབད་མི་ཚུ་ལུ་ སྡིག་པ་གི་ཧིང་ནང་བཙུགཔ་མ་ཚད་ ཁོང་རང་ལུ་འདོད་པ་བཙོང་ནི་གི་སྦྱོང་བརྡར་འབདཝ་ཨིན་མས་ ཁོང་ཆདཔ་ཕོག་མི་བུ་གཞི་ཨིན།

ཏི་མོ་ཐི་དང་པ་ལེའུ་ 6:9

དེ་འབདཝ་ད་ ཕྱུགཔ་འགྱོ་དགོ་མནོ་མི་ཚུ་ བར་ཆད་ནང་ཚུདཔ་ཨིན་ དེ་ལས་ ཤེས་མཐོང་སྟེ་འབད་རུང་ འཛོལ་བ་འབད་ནི་གི་སེམས་དང་ གནོད་པ་བཀལ་ནིའི་འདོད་པ་གི་ཧིང་ནང་ཚུདཔ་ཨིན་ འདི་བཟུམ་གྱི་འདོད་པ་ཚུ་གིས་ མི་དེ་ལུ་ མེདཔ་ཐལ་ནི་དང་ཉེས་ཆད་ཕོག་ནི་ཚུ་ བྱུང་བཅུགཔ་ཨིན།

ག་ལ་ཏི་ལེའུ་ 3:22

དེ་འབདཝ་ད་ བཀའ་ཁྲིམས་འདི་གིས་འབད་ ང་བཅས་ག་ར་སྡིག་པའི་བཙོན་ཁང་ནང་སྡམ་བཞག་ཡོད་ཟེར་ གསལ་ཏོག་ཏོ་སྦེ་ཕྱི་འཐོནམ་མས་ དེ་གིས་འབད་ དཀོན་མཆོག་གིས་ཁས་བླངས་བཞེས་མི་བྱིན་རླབས་ཐོབ་ནི་གི་ལམ་འདི་ ག་གིས་ཡེ་ཤུ་ཁིརཱིས་ལུ་དད་པ་བསྐྱེད་ཅི་ག་ འདི་གི་དོན་ལུ་རྐྱངམ་གཅིག་ཨིན།

རོམ་མི་ལེའུ་ 1:24

དེ་གི་དོན་ལས་ ཁོང་ཕོ་རྒྱ་དང་ཨམ་སྲུ་ རང་གི་གཟུགས་བློ་བཙོང་ནིའི་མར་རབས་ཀྱི་སྤྱོད་པ་ ག་འབད་དགོ་མནོ་མིའི་འདོད་ཆགས་ཚུ་ དཀོན་མཆོག་གིས་འབད་བཅུག་ནུག

ཡོ་ཧ་ནཱན་དང་པ་ལེའུ་ 2:8

དེ་རང་ཨིན་རུང་ ང་གིས་བཀའ་གསརཔ་གཅིག་ ད་རུང་ཡང་ཁྱེད་ལུ་འབྲི་དོ་ འདི་ཁྱེད་དང་ཁིརཱིས་ནང་ཡོད་མི་དེ་རང་ཨིན་ ག་ཅི་སྨོ་ཟེར་བ་ཅིན་ གནག་དུང་དུ་དེ་ཡལ་འགྱོ་སྟེ་ འོད་ཟེར་ངོ་མ་དེ་ད་ལྟོ་ཡང་ཤར་ཏེ་ཡོད།

མཛད་པ་ལེའུ་ 14:16

ཧེ་མ་ འདས་པའི་དུས་ལུ་ ཁོ་གིས་དང་པ་རང་ མི་རིགས་ག་ར་ རང་རང་སོ་སོ་གི་འདོད་པ་ལྟར་དུ་ ག་དགའཝ་འབད་བཅུག་ནུག

རོམ་མི་ལེའུ་ 2:14

དཀོན་མཆོག་གིས་ མོ་སཱེས་ལུ་གནང་མི་བཀའ་ཁྲིམས་འདི་ ཕྱིའི་མི་རིགས་ཚུ་གིས་མ་ཐོབ་སྟེ་འབད་རུང་ ཁོང་གི་འབད་བཞག་བཅའ་བཞག་གི་ཐོག་ལས་ ཁྲིམས་ལྟར་དུ་སྒྲིགས་ལམ་སྒྲིགས་ནི་འདི་གིས་ ཁོང་ལུ་ཡང་ཁྲིམས་ཡོད་དོཝ་བཟུམ་སྦེ་ཨིན་མས།

རོམ་མི་ལེའུ་ 5:9

དེ་ལས་ཕར་ ཁིརཱིས་ཀྱི་སྐུ་ཁྲག་གི་རྒྱུད་ལས་སྦེ་ ང་བཅས་ལུ་ དཀོན་མཆོག་གི་ཐུགས་དང་ལྡན་པའི་ མི་ཕྲངམ་སྦེ་མཛད་གནང་པ་ཅིན་ དཀོན་མཆོག་གི་ཆདཔ་ལས་ང་བཅས་ལུ་ ག་དེམ་ཅིག་ཁིརཱིས་ཀྱིས་སྐྱབས་མཛད་ནི་སྨོ།

རོམ་མི་ལེའུ་ 5:10

ང་བཅས་དཀོན་མཆོག་གི་དགྲ་སྦེ་སྡོད་པའི་སྐབས་ལུ་ ཁོ་གི་སྲས་གཤགས་པའི་རྒྱུད་ལས་སྦེ་ ང་བཅས་ལུ་དཀོན་མཆོག་དང་མཉམ་མཐུན་ལམ་མཛད་གནངམ་ཨིན་པ་ཅིན་ ད་རུང་འདི་ལས་ཡང་དྲགཔ་སྦེ་ ཁིརཱིས་གཤགས་ས་ལས་གསོན་པོ་སྦེ་བཞེངས་པའི་རྒྱུད་ལས་ འཆི་བ་གི་ཆདཔ་ལས་ང་བཅས་ལུ་སྐྱབས་མཛད་ནི་ཨིན།

ཀོ་ལོ་སི་ལེའུ་ 1:21

ཧེ་མ་ཁྱེད་ཆ་ཁྱབ་དཀོན་མཆོག་དང་འབྲེལ་བ་མེད་མི་ ངོ་ལོག་ནི་གི་མནོ་བསམ་བཏང་སྟེ་ སྤྱོད་ངན་འབད་མི་ཚུ་ཨིན་རུང་།

ཐེ་ས་ལོ་ནི་ཀ་དང་པ་ལེའུ་ 4:13

མི་གཅིག་གྱོངསམ་ད་ ག་ནི་ཡང་མ་ཤེས་མི་ རེ་བ་མེད་མིའི་མི་ཚུ་བཟུམ་སྦེ་ ཁྱེད་དདཔ་ཅན་སྤུན་ཆ་ཚུ་ སེམས་ཤི་སྟེ་མ་སྡོད་ ང་བཅས་ཡེ་ཤུ་པ་ཚུ་གྱོངསམ་ད་ ག་ཅི་འབྱུང་ནི་ཨིན་ན་ དེ་ཁྱེད་ལུ་སླབ་དོ།

ཐེ་ས་ལོ་ནི་ཀ་དང་པ་ལེའུ་ 5:6

འདི་གི་དོན་ལུ་ང་བཅས་མི་གཞན་ གཉིད་ལོག་སྡོད་མི་བཟུམ་སྦེ་མེན་པར་ ང་བཅས་དྲན་པ་བཏོན་ཏེ་ མཚམས་ཚོད་ཤེསཔ་སྦེ་སྡོད་དགོ།