ཏི་མོ་ཐི་གཉིས་པ་ལེའུ་ 4:8 - རྫོང་ཁ་

⁸ ད་མཐའན་མཇུག་གི་ཉིནམ་ནང་ ཁྲིམས་ཕྲང་སྟེ་ཕྱེ་མི་གཙོ་བོ་གིས་ལོག་བྱོན་ཏེ་ ངེ་གི་དོན་ལུ་བཞག་གནང་མི་ དཀོན་མཆོག་ཁོ་རའི་ཐུགས་དང་ལྡན་པའི་མི་ཕྲངམ་གི་གཙུག་རྒྱན་དེ་ ང་ལུ་གནང་འོང་ དེ་འབདཝ་ད་གསོལ་རས་འདི་ ང་རྐྱངམ་གཅིག་ལུ་མེན་ དེ་འབདཝ་ད་ ཁོ་འབྱོན་ནི་འབད་མི་ཉིནམ་དེ་ལུ་བརྩེ་བ་བསྐྱེད་དེ་ རེ་འདོད་ཀྱི་ཐོག་ལས་སྒུག་སྡོད་མི་ག་ར་ལུ་གནང་ནི་ཨིན།།

ཏི་མོ་ཐི་གཉིས་པ་ལེའུ་ 4:8 ပူးပေါင်းရင်းမြစ်များ

མེ་ཐིའུ་ལེའུ་ 24:36

ཡེ་ཤུ་གིས་ ཨ་ནི་མཐའན་མཇུག་གི་ཉིནམ་དང་ཆུ་ཚོད་དེ་ ནམ་འབྱུང་ནི་ཨིན་ན་ དེ་གི་སྐོར་ལས་ ཡབ་ཀྱིས་མ་གཏོགས་ གཞན་ཞིང་ཁམས་ཀྱི་ཕོ་ཉ་དང་སྲས་ ག་གིས་ཡང་མི་ཤེས།

མེ་ཐིའུ་ལེའུ་ 7:22

རྩིས་ཕུལ་བའི་ཉིནམ་དེའི་སྐབས་ལུ་ མི་ལེ་ཤ་ཅིག་གིས་ གཙོ་བོ་ གཙོ་བོ་ལགས་ ང་བཅས་ཀྱིས་ནཱ་གི་མཚན་ནང་ལུང་བསྟན་བཤད་ཅི་ ནཱ་གི་མཚན་ནང་འདྲེ་གདོན་ཚུ་བཏོན་བདའ་ཡི་ དེ་ལས་ནཱ་གི་མཚན་ནང་ཧ་ལས་པའི་རྫུ་འཕྲུལ་ཚུ་ལེ་ཤ་རང་བཏོན་ཡི་ཟེར་སླབ་འོང་།

ལུ་ཀ་ལེའུ་ 10:12

ང་གིས་ཁྱེད་ལུ་སླབ་དོ་ ཁྲིམས་ཕྱེ་བའི་ཉིནམ་འདི་ལུ་ ཁྲོམ་དེ་ལས་ཡང་ སོ་དོམ་གྱི་ཁྲོམ་འདི་ལུ་ སྙིང་རྗེ་གཟིགས་འོང་ཟེར་ ཡེ་ཤུ་གིས་གསུངས་ནུག།

རོམ་མི་ལེའུ་ 2:5

དེ་འབདཝ་ད་ ཁྱོད་ཀྱི་སེམས་སྲ་ཀྲག་དང་ སྡིག་པ་ལས་སེམས་མ་འགྱུར་ནི་འདི་གིས་ ཁྱོད་རང་གི་དོན་ལུ་ ཆདཔ་ཕོག་ནི་གི་རྒྱུ་བསག་བཞགཔ་ཨིན་མས་ དེ་འབདཝ་ལས་ ཉིནམ་གཅིག་གི་ཚེ་ ཁྲིམས་ཕྲང་ཕྱེ་མི་དཀོན་མཆོག་གིས་ཆདཔ་གནང་འོང་།

རོམ་མི་ལེའུ་ 8:23

དཀོན་མཆོག་གིས་མཛད་ཡོད་མི་ཚུ་རྐྱངམ་གཅིག་མེན་པར་ ང་བཅས་ཀྱིས་ ཐུགས་ཉིད་འདི་གསོལ་རས་དང་པ་སྦེ་ཐོབ་མི་ཚུ་གིས་ཡང་ ད་ལྟོ་གི་ན་ཟུག་དང་སྡུག་བསྔལ་ལས་ཐར་བའི་དོན་ལུ་ སྡུག་ནང་འཁུན་ཏེ་སྒུག་སྡོདཔ་ཨིན་ དེ་འབདཝ་ད་ ཉིནམ་གཅིག་གི་ཚེ་དཀོན་མཆོག་གིས་ ང་བཅས་ལུ་ཞིང་ཁམས་ཀྱི་ལུས་གནང་བའི་རྒྱུད་ལས་ ང་བཅས་ཁོ་གི་བུ་ཚབ་ཨིན་ཟེར་སྟོན་གནང་འོང་།

ཀོ་རཱིན་ཐི་དང་པ་ལེའུ་ 2:9

དེ་གིས་འབད། སེམས་ཀྱི་གདིང་ལས་རང་ དཀོན་མཆོག་ལུ་བྱམས་པ་འབད་མི་ཆ་ཁྱབ་ཀྱི་དོན་ལུ་ ནམ་ཡང་མིག་གིས་མ་མཐོང་མི་དང་ རྣམ་ཅོག་གིས་མ་གོ་མི་ མི་གིས་སེམས་ཁར་མ་དྲན་མི་དེ་ དཀོན་མཆོག་གིས་གྲ་སྒྲིག་མཛད་གནང་ཡི་ཟེར་ གསུང་རབ་ནང་བྲིས་ཏེ་འདུག

ཀོ་རཱིན་ཐི་དང་པ་ལེའུ་ 3:13

ཁྲིམས་དཔྱད་པའི་ཉིནམ་ལུ་ མི་རེ་རེ་བཞིན་གྱིས་འབད་མི་ལཱ་དེ་ མེ་གི་ཐོག་ལས་སྦེ་ཕྱི་བཏོན་བྱིན་འོང་ ཁྲིམས་དཔྱད་བའི་ཉིནམ་དེ་ མི་ག་ར་གི་ལཱ་ག་བཟུམ་སྦེ་ཡོདཔ་ཨིན་ན་ མེ་གིས་བརྟག་དཔྱད་འབད་འོང་།

ཀོ་རཱིན་ཐི་དང་པ་ལེའུ་ 9:25

རྩེད་སྟོན་ནང་འགྲན་བསྡུར་འབད་མི་ག་ར་གིས་ རང་སེམས་རང་གིས་སྲུང་བཞག་ཚུགསཔ་སྦེ་འབད་དགོ་ ཁོང་གིས་མེདཔ་ཐལ་འགྱོ་མི་གསོལ་རས་ཐོབ་ནིའི་དོན་ལུ་ རྩ་འགེངས་ཏེ་འབདཝ་ཨིན་ དེ་འབདཝ་ད་ ང་བཅས་དུས་རྒྱུན་དུ་ མེདཔ་རྩ་ལས་ཐལ་ནི་མེད་པའི་གསོལ་རས་ཀྱི་དོན་ལུ་འགྲན་བསྡུར་འབདཝ་ཨིན།

ཀོ་རཱིན་ཐི་གཉིས་པ་ལེའུ་ 5:2

ང་བཅས་ ད་ལྟོ་གི་ལུས་འདི་ནང་ དཀའ་ངལ་གྱིས་དྲེགས་མ་ཚུགས་པར་འཁུན་ཏེ་ ལུས་གསརཔ་ ཞིང་ཁམས་ཀྱི་ཁྱིམ་བཟུམ་འབད་མི་ དེ་ནང་སྡོད་དགོ་མནོ་སྟེ་ སྒུག་སྡོདཔ་ཨིན།

ཕི་ལི་པི་ལེའུ་ 3:11

དེ་ལས་ག་དེམ་ཅིག་སྦེ་འབད་ཚུགས་པ་ཅིན་ ཁོ་བཟུམ་སྦེ་ ང་ཡང་ཤི་ས་ལས་གསོན་པོ་སྦེ་ལྷོང་གནང་ནི་འདི་ཐོབ་བཅུག།

ཀོ་ལོ་སི་ལེའུ་ 1:5

འདི་ཁྱེད་ཀྱི་དོན་ལུ་ ཞིང་ཁམས་ལུ་བཞག་ཡོད་པའི་རེ་བ་དེ་ལུ་བརྟེན་ཏེ་ཨིན་ དེ་གི་སྐོར་ལས་ ཁྱེད་ཆ་ཁྱབ་ཀྱིས་ཧེ་མ་ལས་ བདེན་པའི་གཏམ་བཟང་གི་ཐོག་ལས་སྦེ་རྣ་བ་གོ་ཡི།

ཐེ་ས་ལོ་ནི་ཀ་དང་པ་ལེའུ་ 1:10

དེ་མ་ཚད་ ཞིང་ཁམས་ལས་འབྱོན་ནི་འབད་མི་ དཀོན་མཆོག་གི་སྲས་ཡེ་ཤུ་འདི་ལུ་ ཁྱེད་ཀྱིས་རེ་བ་བསྐྱེད་དེ་སྒུག་སྡོདཔ་ཨིན་མས་ཟེར་ ང་བཅས་ལུ་སླབ་ཨིན་མས་ ཡེ་ཤུ་འདི་ གཤགས་ས་ལས་སྐུ་གསོན་པོ་སྦེ་བཞེངས་གནང་མི་ཨིནམ་མ་ཚད་ ང་བཅས་ལུ་དཀོན་མཆོག་གི་ཁྲིམས་ཕོག་ས་ལས་སྐྱབས་མཛད་དེ་བཞུགསཔ་ཨིན།།

ཐེ་ས་ལོ་ནི་ཀ་དང་པ་ལེའུ་ 5:4

དེ་འབདཝ་ད་སྤུན་ཆ་ཚུ་ ཁྱེད་གནག་དུང་དུ་ནང་སྡོད་མིའི་མི་མེན་ གཙོ་བོ་གི་ཉིནམ་དེ་ ཨརཝ་འོང་དོ་བཟུམ་སྦེ་འོངམ་ད་ ཉིནམ་དེ་གིས་ ཁྱེད་རྣམ་རྟོག་ལང་མ་བཅུག

ཐེ་ས་ལོ་ནི་ཀ་གཉིས་པ་ལེའུ་ 2:8

གཙོ་བོ་ཡེ་ཤུ་གིས་ཁོ་ལུ་ ཁོ་རའི་ཞལ་གྱི་དབུགས་ཀྱིས་བསད་གཏང་ནི་ཨིནམ་མ་ཚད་ གཙོ་བོ་ཁོ་རའི་གཟི་བརྗིད་ནང་འབྱོནམ་ད་ དེ་ལུ་རྩ་མེད་མཛད་གནང་འོང་ དེ་འབདཝ་ད་ དེ་གི་ཧེ་མ་ ཨ་ནི་མི་ཕྱི་ཁར་ཐོན་འོངམ་ད།

ཏི་མོ་ཐི་དང་པ་ལེའུ་ 6:19

ཁོང་དེ་སྦེ་འབད་བ་ཅིན་ ཁོང་རའི་དོན་ལུ་ དུས་ཤུལ་མ་ ཞིང་ཁམས་ལུ་ གཞི་སྒྲིང་སྒྲིང་བཙུགས་ཏེ་ རྒྱུ་ནོར་ལོངས་སྤྱོད་བསག་དོཝ་བཟུམ་ཨིན་ དེ་ལས་ཁོང་གིས་ཚེ་ངོ་མ་དེ་ལུ་བཤེད་བཞག་ཚུགསཔ་ཨིན།།

ཏི་མོ་ཐི་གཉིས་པ་ལེའུ་ 1:10

ད་ཁིརཱིས་ཡེ་ཤུ་ང་བཅས་ཀྱི་སྐྱབས་མགོན་སྦེ་བྱོན་པའི་ཐོག་ལས་སྦེ་ ཐུགས་རྗེ་དེ་ཕྱི་ཁར་ཐོན་ཡི་ ཁོ་གིས་འཆི་བ་གི་དབང་ཤུགས་རྩ་མེད་གཏང་སྟེ་ གཏམ་བཟང་གོ་བའི་ཐོག་ལས་སྦེ་ ཚེ་ངོ་མ་དང་ འཆི་བ་མེད་པའི་སྐོར་ལས་ ང་བཅས་ལུ་གསལ་ཏོག་ཏོ་སྦེ་སྟོན་གནང་ཡི།

ཏི་མོ་ཐི་གཉིས་པ་ལེའུ་ 1:12

དེ་གི་དོན་ལས་སྦེ་ ང་བཙོན་ཁང་ནང་སྡུག་བསྔལ་ཚུ་མྱོང་སྟེ་ཡོདཔ་ཨིན་ དེ་འབདཝ་ད་ དེ་ལུ་བལྟ་སྟེ་ ང་ངོ་མི་ཚ་ ག་ཅི་སྨོ་ཟེར་བ་ཅིན་ ག་ལུ་ང་གིས་དད་པ་བསྐྱེདཔ་ཨིན་ན་ ང་རང་གིས་ཤེས་ ད་རུང་ངེ་གི་ཚེ་སྲོག་འདི་ ཁོ་གི་ཕྱག་ལུ་བློ་གཏད་དེ་ཕུལ་མི་དེ་ཡང་ མཐའན་མཇུག་གི་ཉིནམ་ཚུན་ཚོད་ ཁོ་གིས་བདག་འཛིན་འཐབ་གནང་འོང་ཟེར་ ང་ལུ་རེ་བ་ཏན་ཏན་ཡོདཔ་ཨིན།

ཏི་མོ་ཐི་གཉིས་པ་ལེའུ་ 1:18

མཐའན་མཇུག་གི་ཉིནམ་ལུ་ གཙོ་བོ་གིས་ ཨོ་ནི་སི་ཕོ་རུས་ལུ་སྙིང་རྗེ་གཟིགས་བཅུག་ ང་ཁྲོམ་ ཨི་ཕི་སི་ལུ་སྡོད་པའི་བསྒང་ལུ་ ཁོ་གིས་ང་ལུ་ག་དེ་ཅིག་ཆ་རོགས་འབད་ཡི་ག་ འདི་ཁྱོད་ཀྱིས་ལེགས་ཤོམ་སྦེ་ཤེས།།

ཏི་མོ་ཐི་གཉིས་པ་ལེའུ་ 2:5

ད་རུང་རྩེདམོ་རྩེད་མི་གིས་ རྩེདམོ་ག་ཅི་རང་འབད་རུང་ ཁྲིམས་དང་བསྟུན་ཏེ་མ་རྩེད་བ་ཅིན་ གསོལ་རས་མི་ཐོབ།

ཏི་མོ་ཐི་གཉིས་པ་ལེའུ་ 4:1

དཀོན་མཆོག་གི་སྐུ་མདུན་ལུ་དང་ མི་གསོན་པོ་དང་ཤི་སོང་མི་ཚུ་ལུ་ ཁྲིམས་ཕྱེ་བ་འབྱོན་ནི་འབད་མི་ཁིརཱིས་ཡེ་ཤུ་གི་སྐུ་མདུན་ལུ་ དེ་ལས་ ཁིརཱིས་ཀྱིས་མཇལ་ཁ་གནང་བའི་ཉིནམ་འདི་དང་ ཁོ་གི་རྒྱལ་སྲིད་ འདི་ཚུ་འཛོམ་དཔང་སྦེ་བཙུགས་ཏེ་ ང་གིས་ཁྱོད་ལུ་བཀའ་རྒྱ་བྱིན་དོ།

ཏི་ཏུས་ལེའུ་ 2:13

ད་རུང་བྱིན་རླབས་ཅན་གྱི་ཉིནམ་ལུ་ཐེ་ཚོམ་མེད་པར་ ང་བཅས་རེ་བ་བསྐྱེད་སྡོད་དེ་ཡོད་ ཉིནམ་དེ་ལུ་སྐྱབས་མགོན་ཡེ་ཤུ་ཁིརཱིས་ ང་བཅས་ཀྱི་དཀོན་མཆོག་མཐོ་ཤོས་འདི་ ད་རུང་འཛམ་བུ་གླིང་ལུ་འབྱོནམ་ད་ ཁོ་གི་གཟི་བརྗིད་འདི་གནམ་མེད་ས་མེད་ འོད་ཆེམ་ཆེ་སྦེ་མཐོང་ནི་ཟེར་ང་བཅས་ཀྱིས་ཧ་གོ།

ཧིབ་རུ་ལེའུ་ 12:11

སྒྲིགས་བཙུགས་ནི་དེ་ ཉམས་དགའ་ཏོག་ཏོ་དང་སྤྲོ་བ་ཆེ་ཏོག་ཏོ་ཅིག་མེན་ འདི་ན་ཟུག་ཅན་ཅིག་ཨིན་ ཨིན་རུང་ཤུལ་ལས་ འདི་བཟུམ་གྱི་སྦྱོང་བརྡར་ཡོད་མི་གིས་ ཞི་བདེ་ཐོབ་སྟེ་ དཀོན་མཆོག་གི་ཐུགས་དང་ལྡན་པའི་ལཱ་ཕྲངམ་འབད་དེ་སྡོད་འོང་།

ཧིབ་རུ་ལེའུ་ 9:28

འདི་བཟུམ་སྦེ་རང་ ཁིརཱིས་ཡང་ མི་ལེ་ཤ་གི་སྡིག་པ་བསྣམས་ནིའི་དོན་ལུ་ ཚར་གཅིག་སྦེ་ ཁོ་རང་དམར་མཆོད་སྦེ་ཕུལ་ནུག་ ད་ཐེངས་གཉིས་པ་ལུ་ ཁོ་མི་སེར་གྱི་སྡིག་པ་བསྣམས་པ་མེན་པར་ ཁོ་ལུ་རེ་ཆ་བསྐྱེད་དེ་སྒུག་སྡོད་མི་ཚུ་ལུ་ཐར་བ་གནང་པ་འབྱོན་ནི་ཨིན།།

ཡ་ཀོབ་ལེའུ་ 1:12

ཁྱེད་ལུ་སྡུག་བསྔལ་མ་འདྲཝ་དེ་ཚུ་ལེ་ཤ་འབྱུངམ་ད་ བཟོད་པ་བསྒོམས་ཏེ་ སྒྲིང་སྒྲིང་སྦེ་སྡོད་མི་དེ་ བྱིན་རླབས་ཅན་ཅིག་ཨིན་ ག་ཅི་སྨོ་ཟེར་བ་ཅིན་ ཁོ་གིས་སྡུག་བསྔལ་ནང་ལས་རྒྱལ་ཁ་ཐོབ་པའི་བསྒང་ལས་ དཀོན་མཆོག་གིས་ཁས་བླངས་བཞེས་ཡོད་མིའི་ཚེ་གི་གཙུག་རྒྱན་དེ་ མི་ག་འབད་རུང་ ཁོང་རང་གི་དོན་ལུ་ དཀོན་མཆོག་འདི་རྩ་ཆེ་ཏོག་ཏོ་ཨིན་ཟེར་ བརྩིས་མི་ཚུ་གིས་ཐོབ་འོང་།

པེ་ཏྲོ་དང་པ་ལེའུ་ 1:4

དེ་མ་ཚད་ ཞིང་ཁམས་ལུ་ ནམ་ཡང་མེདཔ་ཐལ་ནི་མེདཔ་ རུལ་ནི་མེདཔ་ ཉམས་འགྱོ་ནི་མེད་པའི་ནོར་སྐལ་ངོ་མ་ ཁྱེད་ཀྱི་དོན་ལུ་བཞག་གནང་ཡོད།

པེ་ཏྲོ་དང་པ་ལེའུ་ 5:4

དེ་ལས་ལུག་རྫིཔ་གི་འགོ་དཔོན་སྦོམ་ཤོས་འདི་འབྱོནམ་ད་ ཁྱེད་ཀྱི་གསོལ་རས་འདི་ ནམ་ཡང་ཡལ་འགྱོ་ནི་མེད་པའི་ གཟི་བརྗིད་ཀྱི་གཙུག་རྒྱན་འདི་ཐོབ་འོང་།

མཐོང་སྣང་ལེའུ་ 1:7

བལྟ་ཤིག་ ཁོ་ས་སྨུག་ནང་འབྱོནམ་ད་ མི་ག་ར་གིས་ཁོ་ལུ་མཇལ་འོང་ ཁོ་ལུ་ཀྲིང་ཀ་གསོབ་སྟེ་བཀྲོང་མི་ཚུ་གིས་ཡང་ཁོ་ལུ་མཇལ་འོང་ དེ་མ་ཚད་ འཇིག་རྟེན་ནང་གི་མི་རིགས་ག་ར་གིས་ བློ་འགྱོད་བསྐྱེད་དེ་མྱ་ངན་འབད་འོང་ དེ་བཟུམ་སྦེ་རང་འབྱུང་བཅུག་ ཨ་མཱེན།

མཐོང་སྣང་ལེའུ་ 19:11

དེ་ལས་ཞིང་ཁམས་འདི་སྒོ་ཕྱེ་ཡོདཔ་ང་གིས་མཇལ་ཏེ་ ངེ་གི་གདོང་ཁར་ལུ་ཆིབས་རྟ་དཀརཔོ་གཅིག་འདུག་ དེའི་གུ་ཆིབས་མི་འདི་གི་མཚན་འདི་ དམ་ཚིག་ཅན་བདེན་པ་ཟེར་ཞུཝ་མས་ ཁོ་གིས་ཁྲིམས་ཕྲང་སྟེ་ཕྱེཝ་ཨིན་ དམག་ཡང་དྲང་བདེན་གྱི་རྒྱུད་ལས་གནངམ་ཨིན།

མཐོང་སྣང་ལེའུ་ 2:10

སྡུག་བསྔལ་མྱོང་ནི་ཨིན་མས་ཟེར་མ་འདྲོག་ བདུད་ཀྱིས་ཁྱེད་ཀྱི་གྲལ་ཁ་ལས་ལ་ལུ་ཅིག་ལུ་ ཚོད་བལྟ་འབད་དེ་བཙོན་ཁང་ནང་བཙུགས་ཏེ་ ཞག་བཅུ་ཐམ་ཚུན་ཚོད་ གནོདཔ་བཀལ་ཏེ་བཞག་འོང་ དེ་སྦེ་ཤི་བའི་སྲོག་ལུ་ཐུག་རུང་ དམ་ཚིག་བསྟེན་ཏེ་སྡོད་ དེ་ལས་ང་གིས་ཚེའི་གཙུག་རྒྱན་བྱིན་ནི་ཨིན།

མཐོང་སྣང་ལེའུ་ 22:20

ཨ་ནི་ཕྱག་ལཱ་ག་ར་ལུ་འཛོམ་དཔང་མཛད་མི་དེ་གིས་ དོན་ལས་རང་ང་མགྱོགས་པར་འོང་དོ་ཟེར་གསུངས་ཡི་ ཨ་མཱེན་ གཙོ་བོ་ ཡེ་ཤུ་མགྱོགས་པར་འབྱོན་གནང་།

མཐོང་སྣང་ལེའུ་ 4:10

རྒས་ཤོས་ཉི་ཤུ་རྩ་བཞི་གིས་ཡང་ རྒྱལ་ཁྲི་གུ་དུས་རྒྱུན་དུ་རང་བཞུགས་མིའི་སྐུ་མདུན་ལུ་ ཕྱག་འཚལ་ཞབས་ཏོག་ཞུ་སྟེ་ ཁོང་རང་གི་གཙུག་རྒྱན་ ཁྲིའི་གདོང་ཁར་ཕུད་བཞག་ཞིནམ་ད།

མཐོང་སྣང་ལེའུ་ 4:4

ད་རུང་དེ་གི་བསྐོར་ར་བརྐྱབས་ཏེ་ བཞུགས་ཁྲི་ཉི་ཤུ་རྩ་བཞི་འདུག་ བཞུགས་ཁྲི་དེ་གི་གུ་ལུ་ རྒས་ཤོས་ཉི་ཤུ་རྩ་བཞི་ ན་བཟའ་དཀརཔོ་བཞེས་ དབུ་གུ་གསེར་གྱི་གཙུག་རྒྱན་བཞེས་ཏེ་བཞུགས་མི་ཚུ་ལུ་མཇལ་ཡི།