ཏི་མོ་ཐི་གཉིས་པ་ལེའུ་ 4:7 - རྫོང་ཁ་

⁷ ང་རའི་ཁ་ཐུག་ལས་ ག་དེ་དྲག་དྲག་ འགྲན་བསྡུར་འབད་ཡི་ མི་ཚེ་ནང་གི་འགྲན་བསྡུར་བང་རྒྱུགས་ཏེ་མཇུག་བསྡུ་ཡི་ དད་པའི་ལམ་ཡང་སྲུང་སྟེ་སྡོད་ཅི།

ཏི་མོ་ཐི་གཉིས་པ་ལེའུ་ 4:7 ပူးပေါင်းရင်းမြစ်များ

ལུ་ཀ་ལེའུ་ 11:28

ཡེ་ཤུ་གིས་འདི་བ་འདི་དཀོན་མཆོག་གི་གསུང་ཉན་ཏེ་འབད་མི་འདི་ བྱིན་རླབས་ཅན་ཨིན་ཟེར་གསུངས་ནུག།

ལུ་ཀ་ལེའུ་ 8:15

དེ་འབདཝ་ད་ ས་བཟང་སར་བུད་མི་སོན་འདི་ཨ་ནི་ཨིན་ མི་བསམ་པ་བཟང་པོ་དང་སེམས་ལེགས་ཤོམ་ཚུ་གིས་གསུང་འདི་ཉན་ཏེ་ སེམས་ཁར་བཞགཔ་མ་ཚད་ དཀའ་ངལ་དང་སྡུག་བསྔལ་ཚུ་བྱུང་རུང་ བཟོད་བསྲན་བསྐྱེད་དེ་འབྲས་བུ་ཐོབ་དོཝ་བཟུམ་སྦེ་ ལོ་ཐོག་བཏག་མི་ཚུ་ཨིན་ཟེར་ཡེ་ཤུ་གིས་གསུངས་ནུག།

ཡོ་ཧ་ནཱན་ལེའུ་ 17:6

ནཱ་གིས་འཛམ་བུ་གླིང་ནང་ལས་ ང་ལུ་གནང་མིའི་མི་ཚུ་ལུ་ ང་གིས་ནཱ་གི་མཚན་མངོན་སུམ་སྦེ་སྟོན་བྱིན་ཚར་ཡི་ ཁོང་ཧེ་མ་ནཱ་གི་ཨིན་ ཁོང་ནཱ་གིས་ང་ལུ་གནང་སྟེ་ ཁོང་གིས་ནཱ་གི་བཀའ་ལུ་ཉན་ཏེ་སྡོད་ཡོདཔ་ཨིན།

ཡོ་ཧ་ནཱན་ལེའུ་ 4:34

ཡེ་ཤུ་གིས་ཁོང་ལུ་ ང་ལུ་བཏང་མི་གི་ཐུགས་དགོངས་ག་ར་སྒྲུབ་ནི་དང་ ཁོ་གི་ཕྱག་ལཱ་ ག་ར་འབད་དེ་ཚར་ནི་དེ་ ངེ་གི་བཞེས་སྒོ་ཨིན།

མཛད་པ་ལེའུ་ 13:25

ཡོ་ཧ་ནཱན་གྱིས་ཁོ་རང་གི་ལཱ་ཚུ་ཚར་ནི་འབདཝ་ད་ ཁོ་གིས་མི་ཚུ་ལུ་ ཁྱེད་ཆ་ཁྱབ་ཀྱིས་ ང་ག་ཨིན་མས་ཟེར་མནོ་བསམ་གཏངམ་སྨོ་ ཁྱེད་ཀྱིས་སྒུག་སྡོད་མི་འདི་ང་མེན་ དེ་འབདཝ་ད་ ནཱ་ཉན་ཤིག་ ངེ་གི་ཤུལ་ལས་མགྱོགས་པར་གཅིག་འབྱོན་དོ་ ཁོ་གི་ཞབས་ལྷམ་ཕུད་མི་གཅིག་གི་འོས་འབབ་ཡང་ ང་ལུ་མེད་ཟེར་སླབ་ནུག

མཛད་པ་ལེའུ་ 20:24

ག་དེ་སྦེ་ཨིན་རུང་ ང་རང་གི་ཚེ་སྲོག་དེ་ཁག་ཆེ་ཏོག་ཏོ་སྦེ་མི་བརྩི་ དཀོན་མཆོག་གི་ཐུགས་རྗེ་གི་གཏམ་བཟང་གི་ འཛོམ་དཔང་འབད་ནི་གི་ལཱ་འགན་ གཙོ་བོ་ཡེ་ཤུ་གིས་ང་ལུ་གནང་སྟེ་ཡོད་མི་ དེ་མཇུག་བསྡུ་ནི་འདི་ངེ་གི་དོན་ལུ་གནམ་མེད་ས་མེད་རྩ་ཆེ་ཤོས་ཨིན།

ག་ལ་ཏི་ལེའུ་ 2:2

ཡེ་རུ་ཤ་ལེམ་ལུ་འགྱོ་དགོ་མི་འདི་ དཀོན་མཆོག་གིས་ང་ལུ་དངོས་སུ་སྦེ་མཇལ་ཁ་གནངམ་བཞིན་དུ་ཨིན་ དེ་ལས་ཡར་ལུ་ ང་གིས་ཕྱིའི་མི་རིགས་ཀྱི་སྦུག་ལུ་གཏམ་བཟང་དེ་ ག་དེ་སྦེ་བཤད་ཅི་ག་ ཁོང་འགོ་དཔོན་ཨིན་ཟེར་མནོ་མི་ཚུ་ལུ་ཞུ་ཡི་ དེ་འབདཝ་ད་ ང་གིས་བཤད་མི་འདི་ དོན་དག་མེདཔ་མ་འགྱོ་ནིའི་དོན་ལུ་ ང་ཁོང་ཆ་ཁྱབ་དང་གཅིག་ཁར་ སོ་སོ་སྦེ་སྡོད་དེ་རང་ཁ་སླབ་ཅི།

ཕི་ལི་པི་ལེའུ་ 1:30

ཧེ་མ་ཁིརཱིས་ཀྱི་དོན་ལས་ ང་ལུ་བྱུང་མི་སྡུག་བསྔལ་དེ་ཚུ་ ཁྱེད་ཀྱིས་མཐོངམ་མ་ཚད་ ད་ངེ་གི་སྐོར་ལས་ ཁྱེད་ཀྱིས་རྣ་བ་གོ་མི་དེ་ ཁྱེད་ཀྱིས་ཡང་ དེ་སྦེ་རང་སྡུག་བསྔལ་འབག་སྟེ་ཡོད།།

ཏི་མོ་ཐི་དང་པ་ལེའུ་ 1:18

ངེ་གི་བུ་ ཏི་མོ་ཐི་ ཧེ་མ་ཁྱོད་ཀྱི་སྐོར་ལས་ ལུང་བསྟན་བཤད་མི་ཚུ་ལེགས་ཤོམ་སྦེ་དྲན་དགོ་ཟེར་ང་གིས་ཁྱོད་ལུ་བཀོད་རྒྱ་བྱིན་དོ་ ལུང་བསྟན་འདི་ཚུ་དང་འཁྲིལ་ཏེ་ ཁྱོད་ཀྱིས་ བདེན་པའི་ཕྱད་མདའ་མ་འདྲོག་པར་ དམག་མི་ལེགས་ཤོམ་བཟུམ་སྦེ་བརྐྱབས་དགོཔ་ཨིནམ་མ་ཚད།

ཏི་མོ་ཐི་དང་པ་ལེའུ་ 6:12

གསོལ་རས་ཐོབ་ནི་གི་དོན་ལུ་ དད་པ་ནང་འགྲན་བསྡུར་ལེགས་ཤོམ་འབད་ དེ་ལས་དཀོན་མཆོག་གིས་ཁྱོད་ལུ་འབོ་གནང་མི་དོན་དག་སྒྲུབ་ནི་སྦེ་ མཐའ་མེད་པའི་ཚེ་འདི་གསོལ་རས་སྦེ་ལེན་ འདི་གི་སྐོར་ལས་ཡང་ ཁྱོད་ཀྱིས་མི་ལེ་ཤ་གི་གདོང་ཁར་ དད་པ་གི་འཛོམ་དཔང་བཟང་པོ་འབད་ཡི།

ཏི་མོ་ཐི་དང་པ་ལེའུ་ 6:20

དབའེ་ ཏི་མོ་ཐི་ ང་གིས་ཁྱོད་ལུ་བྱིན་མི་བཀོད་རྒྱ་དེ་ལུ་བདག་འཛིན་འཐབ་བཞག་ ཁུངས་མེད་པའི་ འཇིག་རྟེན་པའི་གཏམ་དེ་ཚུ་ ཡོན་ཏན་ཨིན་ཟེར་སྟོན་མི་ཆོས་རྫུས་མ་ཚུ་ལུ་མ་ཉན།

ཏི་མོ་ཐི་གཉིས་པ་ལེའུ་ 1:14

ཁྱོད་ལུ་བཅོལ་བཞག་མི་བདེན་པ་བཟང་པོ་དེ་ཚུ་ ག་གིས་ཡང་འགྱུར་བཅོས་འབད་མ་བཅུག་ནིའི་དོན་ལུ་ ང་བཅས་ཀྱི་ནང་ན་བཞུགས་ཡོད་པའི་ཐུགས་ཉིད་ཀྱིས་ ཆ་རོགས་འབད་བའི་རྒྱུད་ལས་ སྲུང་བཞག་དགོ།།

ཏི་མོ་ཐི་གཉིས་པ་ལེའུ་ 3:10

ད་ཁྱོད་ཀྱིས་ང་ལུ་བལྟ་སྟེ་ ང་གིས་སྟོན་མི་ཆོས་ ངེ་གི་སྤྱོད་ལམ་ ངེ་གི་མི་ཚེ་གི་དོན་དག་ འདི་ཁྱེད་ཀྱིས་ཤེས་ དེ་མ་ཚད་ ང་གིས་ག་དེ་སྦེ་ དད་པ་བསྐྱེད་ཅི་ག་ བཟོད་པ་སྒོམ་སྡོད་ཅི་ག་ བྱམས་པ་འབད་ཡི་ག་ སྡུག་བསྔལ་ལུ་བཟོད་བསྲན་བསྐྱེད་ཡི་ག་ འདི་ག་ར་ཁྱེད་ཀྱིས་ཤེས་ཅི།

མཐོང་སྣང་ལེའུ་ 3:10

དེ་མ་ཚད་བཟོད་སྲན་བསྐྱེད་ནི་ ངེ་གི་བཀའ་འདི་ ཁྱོད་ཀྱིས་སེམས་ཁར་བཞག་ཅི་ དེ་འབདཝ་ལས་འཛམ་གླིང་ནང་ སྡོད་མི་ཚུ་ལུ་བརྟག་དཔྱད་འབད་དེ་ བར་ཆད་བྱུང་བའི་དུས་ཚོད་ལུ་ ང་གིས་ཁྱོད་ལུ་སྲུང་སྐྱོབས་འབད་ནི་ཨིན།

མཐོང་སྣང་ལེའུ་ 3:8

ཁྱོད་ཀྱིས་འབད་མི་ལཱ་ག་ར་ང་གིས་ཤེས་ ང་གིས་ཁྱོད་ཀྱི་གདོང་ཁར་ ག་གིས་ཡང་བསྡམ་མ་ཚུགས་མིའི་སྒོ་གཅིག་ཕྱེ་བཞག་ཡོད་ ཁྱོད་ཤུགས་མེདཔ་ང་གིས་ཤེས་ ད་ཁྱོད་ཀྱིས་ངེ་གི་གསུང་འདི་ སེམས་ཁར་བཞག་སྟེ་ ང་ལུ་ངོ་མི་ཤེས་ཟེར་མ་སླབ་པར་སྡོདཔ་ང་གིས་ཤེས།

མཐོང་སྣང་ལེའུ་ 6:11

དེ་ལས་ཁོང་ལུ་ན་བཟའ་དཀརཔོ་རེ་རེ་གནང་སྦེ་ ཁྱེད་བཟུམ་སྦེ་རང་ངེ་གི་ཞབས་ཕྱི་ཞུ་མི་དེ་ གཞན་གྱི་ལག་པར་ ཤི་དགོཔ་བྱུང་མི་སྤུན་ཆ་ད་རུང་ལེ་ཤ་ཡོད་ ཁོང་གི་གྱངས་ཁ་མ་ཚང་ཚུན་ཚོད་ ཁྱེད་ཨ་ཙི་སྒུག་སྟེ་ངལ་འཚོ་ཟེར་གསུངས་ཡི།