ཏི་མོ་ཐི་གཉིས་པ་ལེའུ་ 4:5 - རྫོང་ཁ་

⁵ དེ་འབདཝ་ད་ ཁྱོད་ལུ་ག་ཅི་བྱུང་རུང་ དྲནམ་བཏོན་ དཀའ་ངལ་དེ་ཚུ་འབྱུངམ་ད་ གཙོ་བོ་གི་དོན་ལུ་བཟོད་པ་བསྒོམས་ གཏམ་བཟང་གི་ཆོས་བཤད་ནིའི་ལཱ་འབད་ དེ་ལས་དཀོན་མཆོག་གིས་ཁྱོད་ལུ་གནང་མི་ལཱ་གི་འགན་ཁག་དེ་འབད།

ཏི་མོ་ཐི་གཉིས་པ་ལེའུ་ 4:5 ပူးပေါင်းရင်းမြစ်များ

མེ་ཐིའུ་ལེའུ་ 25:16

དེ་ལས་ ཏཱ་ལེན་ལྔ་ཐོབ་མི་དེ་གིས་དེ་འཕྲོ་ལས་སོང་སྦེ་ ཏཱ་ལེན་དེ་གིས་ཚོང་ལཱ་འཐབ་སྟེ་ ད་རུང་ཁེ་སང་ ཏཱ་ལེན་ལྔ་ཐོབ་ནུག

མཱར་ཀུ་ལེའུ་ 13:34

ད་དཔེ་གཅིག་འབད་བ་ཅིན་ མི་གཅིག་ཁོ་རང་གི་ཁྱིམ་ནང་ལས་ ས་ཕྱོགས་གཞན་ཁ་འགྱོ་བའི་སྐབས་ལུ་ ཁོ་རང་གིས་གཡོགཔོ་ཚུ་རེ་རེ་བཞིན་དུ་ རང་རང་སོ་སོའི་ལཱ་གི་འགན་ཁག་སྤྲོད་དེ་ སྒོ་སྲུང་དེ་ལུ་ཡང་ཉིན་མཚན་མེད་པར་ ན་འཐན་སྦེ་བལྟ་ཟེར་བཀོད་རྒྱ་བྱིནམ་དང་འདྲ་ཟེར་གསུངས་ནུག

མཱར་ཀུ་ལེའུ་ 13:37

ང་གིས་དྲན་པ་བཏོན་ཏེ་སྡོད་ཟེར་ ཁྱེད་རྐྱངམ་གཅིག་ལུ་སླབ་མེན་པར་ མི་ག་ར་གི་དོན་ལུ་སླབ་ཨིན་ཟེར་གསུངས་ནུག།

ལུ་ཀ་ལེའུ་ 12:37

གྲ་སྒྲིག་རྐྱབ་སྒུག་སྡོད་མི་གཡོགཔོ་ཚུ་ལུ་ སྦྱིན་བདག་གིས་ཐུགས་དགྱེས་ཏེ་ ཁོང་ལུ་གསོལ་རས་གནང་འོང་ ང་གིས་ཁྱེད་ལུ་སླབ་དོ་ ཁོ་རང་གིས་གཡོགཔོ་འདི་ཚུ་ལུ་སྡོད་བཅུག་སྦེ་ དེ་ལས་ཁོ་རང་གདོང་ཁེབས་གྱོན་སྦེ་ ཁོང་ལུ་བཟའ་འཐུང་དྲང་བཞག་རྐྱབ་གནང་འོང་།

མཛད་པ་ལེའུ་ 21:8

འདི་གི་ནངས་པ་ ང་བཅས་ཁྲོམ་ པོཏོ་ལེ་མའཱིས་ལས་ ཁྲོམ་ ཀེ་ས་རི་ཡ་ལུ་སོང་ཡི་ ཕར་ལྷོདཔ་ད་ ཧེ་མ་ཁོང་ ཡེ་རུ་ཤ་ལེམ་ལུ་ མི་བདུན་དྲང་བཞག་རྐྱབ་མིའི་གྲལ་ལས་ ཆོས་བཤད་མི་ ཕི་ལིབ་ཀྱི་ཁྱིམ་ནང་སོང་སྟེ་ ང་བཅས་ཁོ་དང་གཅིག་ཁར་སྡོད་ཅི།

རོམ་མི་ལེའུ་ 15:19

རྟགས་མཚན་དང་ཧ་ལས་པའི་ཕྱག་ལཱ་ཚུ་ དམ་པའི་ཐུགས་ཉིད་ཀྱི་དབང་ཤུགས་ཀྱི་རྒྱུད་ལས་སྦེ་ ཡེ་རུ་ཤ་ལེམ་ལས་འགོ་བཙུགས་ཏེ་ ཨཱིལ་ལི་རི་ཀུམ་ལུང་ཕྱོགས་ལུ་ཚུན་ཚོད་ ཁིརཱིས་ཀྱི་གཏམ་བཟང་འདི་ ང་གིས་ག་ཏེ་ཡང་བཤད་དེ་སླབ་ཚར་ཡི།

ཨི་ཕི་སིཔ་ལེའུ་ 4:11

ད་རུང་ཁིརཱིས་ཀྱིས་གནང་མི་གསོལ་རས་འདི་ཚུ་ ལ་ལུ་སྐུ་ཚབ་ ལ་ལུ་ལུང་སྟོན་པ་ ལ་ལུ་ཆོས་བཤད་མི་ ལ་ལུ་ལུག་རྫིཔ་ དེ་ལས་ལ་ལུ་སློབ་དཔོན་འདི་ཚུ་ཨིན།

ཨི་ཕི་སིཔ་ལེའུ་ 4:12

ག་ཅི་སྨོ་ཟེར་བ་ཅིན་ གཅིག་གིས་གཅིག་ལུ་ཆ་རོགས་འབད་དེ་ ང་བཅས་ཁིརཱིས་ཀྱི་སྐུ་གཟུགས་དེ་ཕན་ཐོགས་ཅན་འཐོན་ནི་གི་དོན་ལུ་ ཁོ་གིས་ང་བཅས་ལུ་ལྕོགས་གྲུབ་ཅན་སྦེ་མཛད་གནང་ཡི།

ཀོ་ལོ་སི་ལེའུ་ 1:25

དཀོན་མཆོག་གི་གསུང་དེ་ ཡོངས་སུ་རྫོགསཔ་སྦེ་ ཁྱེད་ཆ་ཁྱབ་ལུ་སྟོན་བྱིན་ཟེར་ ང་ལུ་འགན་ཁག་གནངམ་ལས་བརྟེན་ཏེ་ ང་ཆོས་ཚོགས་ཀྱི་ཞབས་ཕྱིཔ་ལུ་འགྱུར་ཡི།

ཀོ་ལོ་སི་ལེའུ་ 4:17

ཨཱར་ཀི་པཱོས་ལུ་ ཁོ་གིས་གཙོ་བོ་ལས་ཐོབ་མི་ཞབས་ཏོག་གི་ལཱ་དེ་ མཐའ་འཁྱོལ་དགོ་ཟེར་སླབ་གནང་།

ཐེ་ས་ལོ་ནི་ཀ་དང་པ་ལེའུ་ 5:6

འདི་གི་དོན་ལུ་ང་བཅས་མི་གཞན་ གཉིད་ལོག་སྡོད་མི་བཟུམ་སྦེ་མེན་པར་ ང་བཅས་དྲན་པ་བཏོན་ཏེ་ མཚམས་ཚོད་ཤེསཔ་སྦེ་སྡོད་དགོ།

ཏི་མོ་ཐི་དང་པ་ལེའུ་ 4:12

ཁྱོད་ལོ་ན་གཞོནམ་ཨིན་ཏེ་འབད་རུང་ མི་ག་གིས་ཡང་ཁུངས་མེདཔ་སྦེ་བརྩིས་མ་བཅུག་ དེ་འབདཝ་ད་ ཁྱོད་དདཔ་ཅན་ཚུ་གི་གདོང་ཁར་ལུ་ བློ་སླབ་ཐངས་དང་ བྱ་བ་སྤྱོད་ལམ་དང་ མི་ཚུ་ལུ་བྱམས་པ་འབད་ནི་དང་ ཁིརཱིས་ལུ་དད་པ་བསྐྱེད་ནི་ དེ་ལས་ག་ཅི་ན་རང་འབད་རུང་ ཟོགཔོ་དང་སླ་མ་བསྲེས་པར་དཔེ་སྦེ་སྡོད།

ཏི་མོ་ཐི་དང་པ་ལེའུ་ 4:15

ང་གིས་སླབ་མི་ཚུ་ལག་ལེན་འཐབ་སྟེ་ ན་འཐན་ཏོག་ཏོ་སྦེ་འབད་དགོ་ དེ་སྦེ་འབད་བ་ཅིན་ མི་ག་ར་གིས་ ཁྱོད་ཀྱི་བྱ་བ་སྤྱོད་ལམ་ཚུ་ཡར་རྒྱས་འགྱོ་ས་མཐོང་འོང་།

ཏི་མོ་ཐི་གཉིས་པ་ལེའུ་ 1:8

དེ་འབདཝ་ལས་ང་བཅས་ཀྱི་གཙོ་བོ་གི་སྐོར་ལས་ གཞན་ལུ་བཤད་ནི་ལུ་འདྲོག་མི་དགོ་ དེ་མ་ཚད་ ང་གཙོ་བོ་གི་དོན་ལུ་བཙོན་པ་ཨིན་མི་ལུ་བལྟ་སྟེ་ཡང་ ངོ་ཚ་སྟེ་མ་སྡོད་ འདི་གི་ཚབ་ལུ་ དཀོན་མཆོག་གི་གནང་མི་དབང་ལུ་བློ་གཏད་དེ་ ང་དང་གཅིག་ཁར་གཏམ་བཟང་གི་དོན་ལུ་ དཀའ་ངལ་འབག་ནི་ནང་ ང་དང་བཅིག་ཁར་བཅའ་མར་གཏོགས།།

ཏི་མོ་ཐི་གཉིས་པ་ལེའུ་ 2:10

དེ་འབདཝ་ལས་ ཁིརཱིས་ཡེ་ཤུ་གི་རྒྱུད་ལས་བྱུང་མི་ཐར་པ་དང་ མཐའ་མེད་པའི་གཟི་བརྗིད་ཐོབ་ནི་སྦེ་ ཁོང་དཀོན་མཆོག་གིས་བཙག་འཐུ་མཛད་མི་ཚུ་གི་དོན་ལུ་ ང་དཀའ་ངལ་དེ་ཚུ་ག་ར་བཟོད་པ་བསྒོམས་ཏེ་སྡོདཔ་ཨིན།

ཏི་མོ་ཐི་གཉིས་པ་ལེའུ་ 2:3

དམག་མི་བཟང་པོ་བཟུམ་ཅིག་སྦེ་ ཁིརཱིས་ཡེ་ཤུ་གི་དོན་ལུ་ ང་དང་གཅིག་ཁར་ བཟོད་པ་སྒོམས་སྡོད་དེ་སྡུག་བསྔལ་འབག་དགོ།

ཏི་མོ་ཐི་གཉིས་པ་ལེའུ་ 4:17

ཨིན་རུང་ གཙོ་བོ་ང་དང་མཉམ་གཅིག་བཞུགས་ཏེ་ ཁོ་གིས་ང་ལུ་སྟོབས་ཤུགས་གནང་ནི་དེ་གིས་ གཙོ་བོ་གི་གཏམ་བཟང་འདི་ ཡོངས་སུ་རྫོགསཔ་སྦེ་ ངེ་གི་ཐོག་ལས་ ཕྱིའི་མི་རིགས་ག་ར་གིས་རྣ་བ་གོ་ཡི་ དེ་མ་ཚད་ དཔེར་ན་ སེང་གེ་ལྟོགསཔ་གི་ཁ་ལས་སྤར་ཐར་དོཝ་བཟུམ་སྦེ་ ང་ལུ་སྲོག་ཐོག་ཉེས་ཁྲིམས་ལས་སྐྱབས་མཛད་ཅི།

ཧིབ་རུ་ལེའུ་ 13:17

ཁྱེད་ཀྱི་སློབ་དཔོན་ཚུ་ལུ་གུས་ཞབས་ཕུལ་ཏེ་ ཁོང་གིས་སླབ་མི་ཁ་ལུ་ཉན་དགོ་ ཁོང་གི་འགན་ཁུར་དེ་ ཁྱེད་ཆ་ཁྱབ་ལུ་བདག་འཛིན་འཐབ་ནི་ཨིན་ དེ་ལས་ ཉིནམ་གཅིག་གི་ཚེ་ ཁོང་གིས་ག་འབད་མི་དེ་ རྩིས་སྤྲོད་དགོ་ཟེར་ཤེས་ དེ་འབདཝ་ལས་ ཁོང་གི་ཁ་ལུ་ཉན་ཞིནམ་ད་ ཁོང་གི་ལཱ་ལུ་ སྤྲོ་བ་བསྐྱེད་བཅུག་ དེ་སྦེ་མེན་པ་ཅིན་ ཁོང་སེམས་ཕམ་སྟེ་ དགའ་སྤྲོ་མེད་པར་འབད་འོང་ འདི་གིས་ཁྱེད་ལུ་ཕན་མི་བཏགས།།

པེ་ཏྲོ་དང་པ་ལེའུ་ 1:13

ད་དེ་ལས་ཕར་ དང་ལེན་འབད་ནིའི་དོན་ལུ་ ཁྱེད་རང་གི་སེམས་གྲ་སྒྲིག་སྦེ་སྡོད་ ཁྱེད་རང་གི་སེམས་གསལ་ཏོག་ཏོ་སྦེ་ མཚམས་ཚོད་བཟུང་ ཡེ་ཤུ་ཁིརཱིས་ད་རུང་ལོག་མངོན་སུམ་དུ་འབྱོནམ་ད་ ཁོ་གིས་གནང་ནི་ཨིན་མིའི་ ཐུགས་རྗེ་དང་ལྡན་པའི་ཐར་པ་དེ་ལུ་ རེ་བ་བསྐྱེད་དེ་སྡོད།

མཐོང་སྣང་ལེའུ་ 3:2

ད་མགྱོགས་པར་གཉིད་གསད་དེ་ཡར་ལོང་ ལྷག་ལུས་ཏེ་ཤི་ནི་འབད་མི་ཚུ་ལུ་སྒྲིང་སྒྲིང་བཟོ་ཞིག་ ག་ཅི་སྨོ་ཟེར་བ་ཅིན་ ངེ་གི་དཀོན་མཆོག་གི་གཟིགས་སྣང་ལུ་ ཁྱོད་ཀྱིས་འབད་མི་ལཱ་ཚུ་ག་ར་ཀྲིག་ཀྲི་སྦེ་ང་གིས་མ་མཐོང་།