ཏི་མོ་ཐི་གཉིས་པ་ལེའུ་ 4:3 - རྫོང་ཁ་

³ ག་ཅི་སྨོ་ཟེར་བ་ཅིན་ མི་དེ་ཚུ་གིས་ཆོས་ཀྱི་གཞི་བརྟན་ཏོག་ཏོ་དེ་ལུ་ མ་ཉན་པར་འགྱོ་བའི་དུས་ཚོད་ཅིག་འོང་དོ་ དེའི་སྐབས་ལུ་ ཁོང་ཆ་ཁྱབ་ཀྱིས་ རང་རང་སོ་སོ་གི་སྤྲོ་བ་དང་བསྟུན་ཏེ་ ག་ཉན་དགོ་མནོ་མི་ ཁོང་ལུ་སྟོན་མི་སློབ་དཔོན་དེ་ཚུ་ལེ་ཤ་ གཅིག་ཁར་འབོ་སྟེ་སྡོད་འོང་།

ཏི་མོ་ཐི་གཉིས་པ་ལེའུ་ 4:3 ပူးပေါင်းရင်းမြစ်များ

ལུ་ཀ་ལེའུ་ 20:19

བཀའ་ཁྲིམས་ཀྱི་སློབ་དཔོན་དང་བླ་ཆེན་དེ་ཚུ་གིས་ དཔེ་གཏམ་འདི་ཁོང་ལུ་སྐྱོན་བཏགས་གསུངསམ་ཨིནམ་ཤེས་ཏེ་ ཡེ་ཤུ་ལུ་བཟུང་ནི་འབདཝ་ད་ མི་དམངས་ལུ་བལྟ་འདྲོགས་ཏེ་ བཟུང་མ་ཚུགས་པས།

ལུ་ཀ་ལེའུ་ 6:26

ད་ལྟོ་ཁྱེད་མི་གིས་བསྟོད་པ་རྐྱབ་མི་ཚུ་ ག་དེམ་ཅིག་ལ་ཁག་བརྐྱབ་ནི་སྨོ་ ག་ཅི་སྨོ་ཟེར་བ་ཅིན་ ཧེ་མ་ཕ་བརྒྱུད་ཚུ་གིས་ ལུང་སྟོན་པ་རྫུས་མ་ཚུ་ལུ་ཡང་ བསྟོད་པ་བརྐྱབས་ནུག་ཟེར་ཡེ་ཤུ་གིས་གསུངས་ནུག།

ཡོ་ཧ་ནཱན་ལེའུ་ 8:45

དེ་གིས་འབད་ ང་གིས་ཁྱེད་ལུ་བློ་ཕྲང་སླབ་ད་ ཁྱེད་ཀྱིས་ང་ལུ་བདེན་འཛིན་མི་རེ་བས།

མཛད་པ་ལེའུ་ 17:21

ཨ་ཐེན་པའི་མི་དེ་ཚུ་དང་ ས་གནས་གཞན་ཁར་ལས་འོང་སྡོད་མིའི་མི་དེ་ཚུ་ ལཱ་མ་འབད་བར་ དུས་ཚོད་ཨ་རྟག་རང་ལོ་རྒྱུས་གསརཔ་སླབ་ད་ དེ་ལུ་སེམས་དགའ་སྟེ་ཉན་དོཝ་ཡོདཔ་ཨིན་མས།

ཀོ་རཱིན་ཐི་དང་པ་ལེའུ་ 2:1

སྤུན་ཆ་ཚུ་ ང་ཁྱེད་སྡོད་ས་འགོ་དང་པ་འོངམ་ད་ ཁ་མཁས་དྲགས་དང་རིག་པ་ཅན་གྱི་ཐོག་ལས་ དཀོན་མཆོག་གི་འཛོམ་དཔང་བཤད་དེ་མ་འོང་།

ཀོ་རཱིན་ཐི་དང་པ་ལེའུ་ 2:4

ང་གིས་འབག་འོང་མི་ཁ་འཐེན་དང་བཤད་མི་ཆོས་དེ་ རིག་པ་ཅན་གྱི་ཚིག་དང་ ཁྱེད་ལུ་ཡིད་ཆེས་བཅུག་ནི་སྦེ་རྩ་ལས་མ་བཤད་ དེ་འབདཝ་ད་ དམ་པའི་ཐུགས་ཉིད་ཀྱི་སྟོབས་ཤུགས་ལས་བརྟེན་ ཆོས་སྟོན་ཏེ་བཤད་ཅི།

ག་ལ་ཏི་ལེའུ་ 4:16

ད་ང་གིས་ཁྱེད་ལུ་ཕྲང་སྟེ་སླབ་ད་ ཁྱེད་ཀྱིས་ང་ལུ་དགྲ་སྦེ་བལྟ་ནི་ཨིན་ན།

ཏི་མོ་ཐི་དང་པ་ལེའུ་ 1:10

གཉེན་ལས་འགལ་བའི་ལུས་འབྲེལ་འབད་མི་དང་ ཕོ་སྐྱེས་ཁོང་རང་ནང་འཁོད་ནང་ལུས་འབྲེལ་འབད་མི་དང་ མི་ལུ་བཟུང་སྟེ་ཁྱིད་བཙོང་མི་དང་ ཤོབ་བརྐྱབས་མི་དང་ ཤོབ་བརྐྱབས་ཏེ་མནའ་འབོ་མི་ དེ་ལས་གཞི་བདེན་པ་ལས་འགལ་མི་ ག་ཅི་རང་འབད་རུང་ འདི་ཚུ་གི་དོན་ལུ་ བཀའ་ཁྲིམས་དེ་གནང་གནངམ་ཨིན།

ཏི་མོ་ཐི་གཉིས་པ་ལེའུ་ 1:13

ཁྱོད་ཁིརཱིས་ཡེ་ཤུ་ནང་ལུ་དད་པ་དང་ བྱམས་པ་ནང་རང་སྡོད་དེ་ ང་གིས་ཁྱོད་ལུ་སྟོན་བྱིན་མི་བདེན་པའི་ཚིག་བརྟན་ཏོག་ཏོ་ཚུ་ དཔེ་གཅིག་སྦེ་ལག་ལེན་འཐབ་སྟེ་སྡོད།

ཡུ་དཱས་ལེའུ་ 1:18

ཁོང་གིས་ དུས་མཐའན་མཇུག་ལུ་ དཀོན་མཆོག་ལུ་དགོད་བྲ་བཟོ་སྟེ་ རང་གི་འདོད་པ་བཞིན་དུ་འབད་དེ་ དཀོན་མཆོག་ལུ་མ་འདྲོག་མི་འདི་ཚུ་འཐོན་འོང་ཟེར་ ལུང་བསྟན་བཤད་ནུག