ཏི་མོ་ཐི་གཉིས་པ་ལེའུ་ 4:1 - རྫོང་ཁ་

¹ དཀོན་མཆོག་གི་སྐུ་མདུན་ལུ་དང་ མི་གསོན་པོ་དང་ཤི་སོང་མི་ཚུ་ལུ་ ཁྲིམས་ཕྱེ་བ་འབྱོན་ནི་འབད་མི་ཁིརཱིས་ཡེ་ཤུ་གི་སྐུ་མདུན་ལུ་ དེ་ལས་ ཁིརཱིས་ཀྱིས་མཇལ་ཁ་གནང་བའི་ཉིནམ་འདི་དང་ ཁོ་གི་རྒྱལ་སྲིད་ འདི་ཚུ་འཛོམ་དཔང་སྦེ་བཙུགས་ཏེ་ ང་གིས་ཁྱོད་ལུ་བཀའ་རྒྱ་བྱིན་དོ།

ཏི་མོ་ཐི་གཉིས་པ་ལེའུ་ 4:1 ပူးပေါင်းရင်းမြစ်များ

མེ་ཐིའུ་ལེའུ་ 16:27

ག་ཅི་སྨོ་ཟེར་བ་ཅིན་ མིའི་བུ་རང་གི་ཡབ་ཀྱི་གཟི་བརྗིད་ནང་ཕོ་ཉ་ཚུ་དང་གཅིག་ཁར་འབྱོནམ་ད་ མི་དེ་ཚུ་ལུ་ཁོང་རང་སོ་སོ་གི་འབད་མི་ལཱ་དང་འཁྲིལ་ཏེ་ གསོལ་རས་གནང་ནི་ཨིན།

ལུ་ཀ་ལེའུ་ 19:12

ཧེ་མ་མི་རིགས་བཟང་པོ་གཅིག་ཡོདཔ་མས་ ཁོ་ས་ཐག་རིང་སར་ཡོད་མིའི་རྒྱལ་ཁབ་གཅིག་ནང་ རྒྱལ་པོའི་གོ་གནས་བཞེས་ཞིནམ་ད་ ལོག་ནི་སྦེ་བྱོན་ནུག

ལུ་ཀ་ལེའུ་ 19:15

ཁོ་རྒྱལཔོ་ཐོབ་སྟེ་ལོག་ཕེབས་ད་ ཁོ་གིས་གསེར་ཀྲམ་གནང་བཞག་མི་གཡོགཔོ་དེ་ཚུ་ ཁོང་གིས་ཁེ་སང་ག་དེ་ཅིག་ཐོབ་ཅི་ག་ གཟིགས་ནི་སྦེ་ འབོ་ཟེར་བཀའ་གནང་ནུག

ལུ་ཀ་ལེའུ་ 23:42

དེ་ལས་ཁོ་གིས་ཡེ་ཤུ་ལུ་ གཙོ་བོ་ལགས་ ཁྱོད་རང་གི་རྒྱལ་སྲིད་སྐྱོང་བ་འབྱོནམ་ད་ ང་ལུ་ཐུགས་ཁར་དྲན་ཏེ་བཀའ་དྲིན་བསྐྱང་གནང་ཟེར་ཞུ་ནུག

མཛད་པ་ལེའུ་ 10:42

དེ་ལས་ཁོ་གིས་མི་དེ་ཚུ་ལུ་གཏམ་བཟང་བཤད་དེ་བྱིན་ཟེར་ ང་བཅས་ལུ་བཀའ་གནང་ཡི་ ད་རུང་མི་གསོན་པོ་དང་ ཤི་སོང་མི་ཚུ་གི་ཁྲིམས་ཕྱེ་མི་སྦེ་ དཀོན་མཆོག་གིས་ཁོ་ལུ་ འགན་ཁུར་གནང་བཞག་མི་དེ་གི་འཛོམ་དཔང་འབད་ཟེར་ ང་བཅས་ལུ་གསུངས་ཡི།

མཛད་པ་ལེའུ་ 17:31

ག་ཅི་སྨོ་ཟེར་བ་ཅིན་ ཉིནམ་གཅིག་གི་ཚེ་ ཁོ་གིས་འཛམ་བུ་གླིང་ནང་ ཁོ་གིས་བཙག་འཐུ་མཛད་གནང་མིའི་ མི་གི་ཐོག་ལས་སྦེ་ ག་ར་ལུ་ཁྲིམས་ཕྲང་སྟེ་ཕྱེ་ནི་ཨིན་ཟེར་དུས་ཚོད་གཅིག་ ཁོ་གིས་ཀྲིག་ཀྲི་སྦེ་མཛད་བཞག་ནུག་ དེ་འབདཝ་ལས་བརྟེན་ཏེ་ ཨ་ནི་མི་དེ་ ཁོ་གཤགས་ས་ལས་སྐུ་གསོན་པོ་བཞེངས་གནངམ་ད་ དཀོན་མཆོག་གིས་ ང་བཅས་ལུ་ཁྲིམས་ཕྲང་སྟེ་ཕྱེ་ནི་ཁུངས་གཅིག་སྟོན་གནང་ཡི་ཟེར་ པའུལ་གྱིས་སླབ་ནུག

རོམ་མི་ལེའུ་ 2:16

དེ་འབདཝ་ལས་ ང་གིས་ཧེ་མ་ལས་བཤད་མི་གཏམ་བཟང་དང་བསྟུན་ཏེ་ ཉིནམ་གཅིག་གི་ཚེ་ དཀོན་མཆོག་གིས་ཡེ་ཤུ་ཁིརཱིས་ལས་རྒྱུད་དེ་ མི་ཚུ་གི་སེམས་ཀྱི་ནང་ན་སྦ་བཞག་མི་བློ་ཚུ་ལུ་བརྟེན་ཏེ་ ཁྲིམས་བཀལ་གནང་འོང་།།

ཀོ་ལོ་སི་ལེའུ་ 3:4

ཁིརཱིས་འདི་ང་བཅས་ཀྱི་ཚེ་ཨིན་ ཁོ་འཛམ་བུ་གླིང་ནང་ལོག་འབྱོནམ་ད་ ཁྱེད་ཡང་ཁོ་དང་གཅིག་ཁར་ གཟི་བརྗིད་ནང་འོང་ནི་ཨིན།

ཐེ་ས་ལོ་ནི་ཀ་གཉིས་པ་ལེའུ་ 2:8

གཙོ་བོ་ཡེ་ཤུ་གིས་ཁོ་ལུ་ ཁོ་རའི་ཞལ་གྱི་དབུགས་ཀྱིས་བསད་གཏང་ནི་ཨིནམ་མ་ཚད་ གཙོ་བོ་ཁོ་རའི་གཟི་བརྗིད་ནང་འབྱོནམ་ད་ དེ་ལུ་རྩ་མེད་མཛད་གནང་འོང་ དེ་འབདཝ་ད་ དེ་གི་ཧེ་མ་ ཨ་ནི་མི་ཕྱི་ཁར་ཐོན་འོངམ་ད།

ཏི་མོ་ཐི་དང་པ་ལེའུ་ 5:21

དཀོན་མཆོག་དང་ཁིརཱིས་ཡེ་ཤུ་དང་ བཙག་འཐུ་མཛད་མི་ཕོ་ཉ་ཚུ་ལུ་འཛོམ་དཔང་སྦེ་བཙུགས་ཏེ་ ང་གིས་ཁྱོད་ལུ་སླབ་དོ་ ཨ་ནི་བཀོད་རྒྱ་ཚུ་ལུ་ཉན་ཏེ་ ཁྱོད་ཀྱིས་ འགོ་འདྲེན་པ་ག་ལུ་འབད་རུང་ ག་ཅི་གི་ཐོག་ལས་འབད་རུང་ ཆགས་སྡང་ཕྱོགས་རིས་མ་ཕྱེ་བར་འབད་དགོ།

ཏི་མོ་ཐི་གཉིས་པ་ལེའུ་ 1:10

ད་ཁིརཱིས་ཡེ་ཤུ་ང་བཅས་ཀྱི་སྐྱབས་མགོན་སྦེ་བྱོན་པའི་ཐོག་ལས་སྦེ་ ཐུགས་རྗེ་དེ་ཕྱི་ཁར་ཐོན་ཡི་ ཁོ་གིས་འཆི་བ་གི་དབང་ཤུགས་རྩ་མེད་གཏང་སྟེ་ གཏམ་བཟང་གོ་བའི་ཐོག་ལས་སྦེ་ ཚེ་ངོ་མ་དང་ འཆི་བ་མེད་པའི་སྐོར་ལས་ ང་བཅས་ལུ་གསལ་ཏོག་ཏོ་སྦེ་སྟོན་གནང་ཡི།

ཏི་མོ་ཐི་གཉིས་པ་ལེའུ་ 2:14

དེ་ཚུ་གི་སྐོར་ལས་ མ་ཆད་པ་རང་ དྲན་བསྐུལ་འབད་དེ་སྡོད་དགོ་ དེ་ལས་དཀོན་མཆོག་གི་མཚན་འཛོམ་དཔང་བཙུགས་ཏེ་ ཁུངས་མེད་པའི་ཚིག་གི་སྐོར་ལས་ རྩོད་པ་མ་རྐྱབས་ཟེར་ ཁྱོད་ཀྱིས་དདཔ་ཅན་ཚུ་ལུ་བཀའ་དམ་དྲགས་སྦེ་བྱིན་དགོ་ ག་ཅི་སྨོ་ཟེར་བ་ཅིན་ འདི་བཟུམ་གྱི་རྩོད་པ་རྐྱབ་ནི་གི་བློ་ཚུ་གིས་ གོ་མི་ཚུ་ལུ་གནོད་ནི་མ་གཏོགས་ ཕན་མི་ཐོགས།།

ཏི་མོ་ཐི་གཉིས་པ་ལེའུ་ 4:18

དོན་ལས་རང་གཙོ་བོ་གིས་ང་ལུ་ རྐྱེན་ངན་གནོད་པ་ག་ར་ལས་སྐྱབས་མཛད་གནང་འོང་ དེ་ལས་ཁོ་རའི་ཞིང་ཁམས་ཀྱི་རྒྱལ་སྲིད་ནང་ ཁོ་གིས་ང་ལུ་སྐྱེལ་གནང་འོང་ གཟི་བརྗིད་དེ་ དུས་རྒྱུན་དུ་རང་ ཁོ་གི་ཨིན་ནོ་ ཨ་མཱེན།།

ཏི་མོ་ཐི་གཉིས་པ་ལེའུ་ 4:8

ད་མཐའན་མཇུག་གི་ཉིནམ་ནང་ ཁྲིམས་ཕྲང་སྟེ་ཕྱེ་མི་གཙོ་བོ་གིས་ལོག་བྱོན་ཏེ་ ངེ་གི་དོན་ལུ་བཞག་གནང་མི་ དཀོན་མཆོག་ཁོ་རའི་ཐུགས་དང་ལྡན་པའི་མི་ཕྲངམ་གི་གཙུག་རྒྱན་དེ་ ང་ལུ་གནང་འོང་ དེ་འབདཝ་ད་གསོལ་རས་འདི་ ང་རྐྱངམ་གཅིག་ལུ་མེན་ དེ་འབདཝ་ད་ ཁོ་འབྱོན་ནི་འབད་མི་ཉིནམ་དེ་ལུ་བརྩེ་བ་བསྐྱེད་དེ་ རེ་འདོད་ཀྱི་ཐོག་ལས་སྒུག་སྡོད་མི་ག་ར་ལུ་གནང་ནི་ཨིན།།

ཏི་ཏུས་ལེའུ་ 2:13

ད་རུང་བྱིན་རླབས་ཅན་གྱི་ཉིནམ་ལུ་ཐེ་ཚོམ་མེད་པར་ ང་བཅས་རེ་བ་བསྐྱེད་སྡོད་དེ་ཡོད་ ཉིནམ་དེ་ལུ་སྐྱབས་མགོན་ཡེ་ཤུ་ཁིརཱིས་ ང་བཅས་ཀྱི་དཀོན་མཆོག་མཐོ་ཤོས་འདི་ ད་རུང་འཛམ་བུ་གླིང་ལུ་འབྱོནམ་ད་ ཁོ་གི་གཟི་བརྗིད་འདི་གནམ་མེད་ས་མེད་ འོད་ཆེམ་ཆེ་སྦེ་མཐོང་ནི་ཟེར་ང་བཅས་ཀྱིས་ཧ་གོ།

པེ་ཏྲོ་དང་པ་ལེའུ་ 1:7

ཨ་ནི་བཟུམ་སྦེ་བྱུང་མི་འདི་ ཁྱེད་ཀྱི་དད་པ་ལུ་ བརྟག་དཔྱད་འབད་དེ་ ཡིད་ཆེས་ཏོག་ཏོ་སྦེ་འཐོན་ནི་གི་དོན་ལུ་ཨིན་ གསེར་དེ་མེ་ནང་ཞུཝ་ད་ སྤུས་དག་ཏོག་ཏོ་འཐོན་རུང་ ཉིནམ་གཅིག་གི་ཚེ་མེདཔ་ཐལ་འགྱོ་རང་འགྱོ་འོང་ ཨིན་རུང་རང་ ཁྱེད་ཀྱི་དད་པ་བརྟན་ཏོག་ཏོ་འདི་ གསེར་ལས་ཡང་རིན་གོང་སྦོམ་ཨིན་ ཁྱེད་ཀྱི་དད་པ་ཆེ་ཏོག་ཏོ་གི་འབྲས་བུ་འདི་ ཡེ་ཤུ་ཁིརཱིས་འཛམ་གླིང་ནང་མངོན་སུམ་དུ་ལོག་འབྱོནམ་ད་ བསྟོད་པ་དང་ གཟི་བརྗིད་ སྙན་གྲགས་ ཁོ་ལུ་འོང་པའི་དོན་ལུ་ཨིན།

པེ་ཏྲོ་དང་པ་ལེའུ་ 4:5

ཨིན་རུང་ མི་གསོན་པོ་དང་མི་ཤི་མི་ གཉིས་ཆ་ར་ལུ་ ཁྲིམས་ཕྱེ་ནིའི་དོན་ལུ་གྲ་སྒྲིག་སྦེ་བཞུགས་མིའི་ དཀོན་མཆོག་ལུ་ ཁོང་གིས་རྩིས་ཕུལ་དགོ།

པེ་ཏྲོ་དང་པ་ལེའུ་ 5:4

དེ་ལས་ལུག་རྫིཔ་གི་འགོ་དཔོན་སྦོམ་ཤོས་འདི་འབྱོནམ་ད་ ཁྱེད་ཀྱི་གསོལ་རས་འདི་ ནམ་ཡང་ཡལ་འགྱོ་ནི་མེད་པའི་ གཟི་བརྗིད་ཀྱི་གཙུག་རྒྱན་འདི་ཐོབ་འོང་།

པེ་ཏྲོ་གཉིས་པ་ལེའུ་ 1:11

དེ་ལས་ཨ་ནི་བཟུམ་སྦེ་ ང་བཅས་རང་གི་གཙོ་བོ་དང་སྐྱབས་མགོན་ཡེ་ཤུ་ཁིརཱིས་ཀྱི་ མཐའ་མེད་པའི་རྒྱལ་སྲིད་ནང་ དཀོན་མཆོག་གིས་ ཕུན་སུམ་ཚོགས་པ་དང་བཅསཔ་སྦེ་ སྒོ་ཕྱེ་གནང་སྟེ་ ཁྱེད་ཆ་ཁྱབ་ཀྱིས་འཛུལ་ནི་ཐོབ་འོང་།།

པེ་ཏྲོ་གཉིས་པ་ལེའུ་ 1:17

ག་ཅི་སྨོ་ཟེར་བ་ཅིན་ ཁོ་གིས་ ཡབ་དཀོན་མཆོག་ལས་ གུས་ཞབས་དང་བསྟོད་པ་ཐོབ་པའི་སྐབས་ལུ་ མཆོག་ཏུ་གྱུར་པའི་གཟི་བརྗིད་ལས་ ཨ་ནི་ངེ་གི་བུ་གཅེས་ཤོས་ཕངས་ཤོས་འདི་ཨིན་ ཁོ་ལུ་བལྟ་སྟེ་ ང་གནམ་མེད་ས་མེད་ངལ་རངས་ཡི་ཟེར་ གསུང་སྐད་གཅིག་གིས་གསུངསམ་ད།

ཡོ་ཧ་ནཱན་དང་པ་ལེའུ་ 2:28

ད་ངེ་གི་བྱམས་པའི་ཨ་ལོ་ཚུ་ ཁིརཱིས་ཀྱི་ནང་ན་གནས་ཏེ་སྡོད་ དེ་ལས་ཁོ་ལོག་སྟེ་མངོན་སུམ་སྦེ་འབྱོནམ་ད་ ཁོ་གི་གདོང་ཁར་ལུ་ངོ་མ་ཚ་བར་ བློ་བདེ་ཏོག་ཏོ་སྦེ་སྡོད་ཚུགས་འོང་།

མཐོང་སྣང་ལེའུ་ 1:7

བལྟ་ཤིག་ ཁོ་ས་སྨུག་ནང་འབྱོནམ་ད་ མི་ག་ར་གིས་ཁོ་ལུ་མཇལ་འོང་ ཁོ་ལུ་ཀྲིང་ཀ་གསོབ་སྟེ་བཀྲོང་མི་ཚུ་གིས་ཡང་ཁོ་ལུ་མཇལ་འོང་ དེ་མ་ཚད་ འཇིག་རྟེན་ནང་གི་མི་རིགས་ག་ར་གིས་ བློ་འགྱོད་བསྐྱེད་དེ་མྱ་ངན་འབད་འོང་ དེ་བཟུམ་སྦེ་རང་འབྱུང་བཅུག་ ཨ་མཱེན།