ཏི་མོ་ཐི་གཉིས་པ་ལེའུ་ 3:8 - རྫོང་ཁ་

⁸ དཔེར་ན་ ཡ་ནཱེས་དང་ ཡམ་བེརཱེས་གཉིས་ཀྱིས་ མོ་སཱེས་ལུ་ངོ་རྒོལ་འབད་དོཝ་བཟུམ་སྦེ་ ཨ་ནི་མི་འདི་ཚུ་གིས་ཡང་ སེམས་མེདཔ་ཐལ་ཏེ་ ཆོས་བདེན་པ་ལུ་ཆ་མ་བཞག་པར་ ངོ་རྒོལ་འབདཝ་ཨིན་མས།

ཏི་མོ་ཐི་གཉིས་པ་ལེའུ་ 3:8 ပူးပေါင်းရင်းမြစ်များ

མཛད་པ་ལེའུ་ 15:24

ང་བཅས་ཀྱི་གྲལ་ལས་ མི་ལ་ལུ་ཅིག་གིས་ཁྱེད་སྡོད་སར་འོངས་ཏེ་ སློབ་སྟོན་འཛོལ་བ་སྟོན་ཏེ་ ཁྱེད་སེམས་ཤི་བཅུག་ནུག་ཟེར་ང་བཅས་ཀྱིས་གོ་ཡི་ དེ་འབདཝ་ད་ ཁོང་ལུ་ང་བཅས་ཀྱིས་དབང་ཚད་བྱིན་ཏེ་གཏང་གཏངམ་མེད།

རོམ་མི་ལེའུ་ 1:28

དཀོན་མཆོག་ལུ་ངོ་ཤེས་དགོ་མནོ་བའི་སེམས་ ཁོང་ལུ་མེདཔ་ལས་བརྟེན་ཏེ་ ཁོང་གིས་འབད་མ་བཏུབ་པའི་ལཱ་ཚུ་འབད་མི་སྦེ་ དཀོན་མཆོག་གིས་ཁོང་གི་མནོ་བསམ་དེ་ཚུ་ གོ་མ་ཆོདཔ་མཛད་དེ་བཞག་ནུག

རོམ་མི་ལེའུ་ 16:18

ག་ཅི་སྨོ་ཟེར་བ་ཅིན་ ཨ་ནི་བཟུམ་གྱི་མི་དེ་ཚུ་གིས་ ང་བཅས་ཀྱི་གཙོ་བོ་ཁིརཱིས་ཀྱི་ཕྱག་ཞུཝ་མེན་པར་ ཁོང་རའི་ཕོཝ་གི་དོན་ལུ་ལཱ་འབདཝ་ཨིན་ དེ་ལས་ཁོང་གི་བློ་ཧན་ཏོང་ཏོ་དང་ རང་བསྟོད་རྐྱབ་ནི་གི་ཐོག་ལས་ མི་ཕྲངམ་དེ་ཚུ་ལུ་ མགུ་བརྡུངམ་ཨིན།

ཨི་ཕི་སིཔ་ལེའུ་ 4:14

དེ་འབདཝ་ལས་བརྟེན་ཏེ་ གཞན་ལུ་མགུ་བསྐོར་ནིའི་ཐབས་ལམ་བསྟོན་ཏེ་ ང་བཅས་ལུ་ཆོས་རྫུས་མ་སྟོན་རུང་རང་ ང་བཅས་ལོ་ན་མ་ཁུག་པའི་ཨ་ལོ་བཟུམ་སྦེ་ ཤིང་རླུང་གིས་ཕར་དང་ཚུར་གཡུག་མི་ཚུ་བཟུམ་སྦེ་འགྱོ།

ཏི་མོ་ཐི་དང་པ་ལེའུ་ 1:19

དད་པ་སྒྲིང་སྒྲིང་སྦེ་བསྐྱེད་དེ་ དྲན་ཤེས་གསལ་ཏོག་ཏོ་གི་ཐོག་ལས་སྡོད་དགོཔ་ཨིན་ མི་ལ་ལུ་ཅིག་གིས་ དྲན་ཤེས་གསལ་ཏོག་ཏོ་སྦེ་སྡོད་དགོ་མ་མནོ་བར་ ཁོང་རའི་དད་པ་ལུ་མེདཔ་གཏངམ་ཨིན་མས།

ཏི་མོ་ཐི་དང་པ་ལེའུ་ 4:2

འདྲེ་གདོན་ཚུ་གི་ཆོས་རྫུས་མ་ཚུ་ ཁ་ཆོས་འབད་མི་ཚུ་གི་ཐོག་ལས་སྦེ་འོངམ་ཨིན་ ཁོང་གི་མནོ་བསམ་དེ་དཔེར་ན་ ལྕགས་ཚ་ཏོམ་གྱིས་ཤ་འཚིག་འགྱོ་དོཝ་བཟུམ་སྦེ་ ཁོང་གི་དྲན་ཤེས་ལེགས་ཤོམ་དེ་འཚིག་འགྱོ་སྟེ་ ཟོགཔོ་འབད་མི་ལུ་འགྱོད་སེམས་མི་བསྐྱེད།

ཏི་མོ་ཐི་དང་པ་ལེའུ་ 6:5

བདེན་པ་མ་ཤེས་མི་དང་ སེམས་ངན་པ་བསྐྱེད་ཡོད་མི་ཚུ་གི་བར་ན་ ཨ་རྟག་རང་རྩོད་པ་རྐྱབ་བཅུགཔ་ཨིན་ དེ་ལས་ཁོང་ཆ་ཁྱབ་ཀྱིས་ ཆོས་འབད་དེ་ མ་དངུལ་ཐོབ་ནི་གི་མནོ་བསམ་གཏངམ་ཨིན།།

ཏི་མོ་ཐི་གཉིས་པ་ལེའུ་ 4:15

ཨ་ནི་མི་དེ་ལས་ ཁྱོད་ཡང་རིགཔ་བསྒྱིམ་སྡོད་ ག་ཅི་སྨོ་ཟེར་བ་ཅིན་ ང་བཅས་ཀྱིས་བཤད་མི་ཆོས་ལུ་ ཁོ་གིས་ངོ་རྒོལ་གནམ་མེད་ས་མེད་འབད་ཡི།

ཏི་ཏུས་ལེའུ་ 1:10

ག་ཅི་སྨོ་ཟེར་བ་ཅིན་ བདེན་པའི་ཆོས་ལུ་ ངོ་རྒོལ་འབད་མི་ ལེ་ཤ་ཅིག་རང་ཡོད་ ཁོང་མི་ཚུ་ལུ་ ཕན་ཐོགས་ག་ནི་ཡང་མེད་མི་ ཆོས་ཚུ་སྟོན་མི་དང་ མགུ་བསྐོར་ནང་བཙུག་མི་ཚུ་ཨིན་ འདི་བཟུམ་སྦེ་ཁག་ཆེ་བ་རང་ ཡ་ཧུ་ད་པ་ཚུ་གི་ལུགས་སྲོལ་གྱི་རྟགས་ ཨིན་ཅི་མིན་ཅི་ བཀལ་དགོ་ཟེར་མི་ཚུ་ཨིན་མས།

ཏི་ཏུས་ལེའུ་ 1:16

ཁོང་གིས་ དཀོན་མཆོག་དང་གཞན་འབྲེལ་ཡོད་ཟེར་སླབ་ཨིན་ དེ་འབདཝ་ད་ ཁོང་གིས་ དཀོན་མཆོག་ངོ་མི་ཤེས་པས་ཟེར་ ཁོང་གི་འབད་བཞག་བཅའ་བཞག་ལས་ཧ་གོ་ ཁོང་དཀོན་མཆོག་གི་དོན་ལུ་ ཁམས་ཕོག་རྐྱབ་སི་སི་དང་ དཀོན་མཆོག་གི་བཀའ་ལུ་མ་ཉན་མི་ དེ་ལས་ལཱ་བཟང་པོ་ག་ནི་ཡང་འབད་མ་ཚུགས་མི་ཚུ་ཨིན།།

པེ་ཏྲོ་གཉིས་པ་ལེའུ་ 2:14

ཁོང་གི་མིག་ཏོ་གིས་ ལུས་འབྲེལ་འབདཝ་མས་ ཁོང་གིས་ལཱ་ངན་པ་ག་དེ་ཅིག་འབད་རུང་ ཚིམས་ནི་མིན་འདུག་ ཁོང་གིས་དད་པ་ཉུང་དྲགས་འབད་མི་ཚུ་ལུ་ སྡིག་པ་གི་ཧིང་ནང་བཙུགཔ་མ་ཚད་ ཁོང་རང་ལུ་འདོད་པ་བཙོང་ནི་གི་སྦྱོང་བརྡར་འབདཝ་ཨིན་མས་ ཁོང་ཆདཔ་ཕོག་མི་བུ་གཞི་ཨིན།

ཡོ་ཧ་ནཱན་དང་པ་ལེའུ་ 2:18

ངེ་གི་བྱམས་པའི་ཨ་ལོ་ཚུ་ དུས་མཐའན་མཇུག་གི་དུས་ཚོད་དེ་ད་ལྟོ་ཨིན་ དུས་མཐའན་མཇུག་ལུ་ ཁིརཱིས་ཀྱི་དགྲ་འབད་མི་འོང་དོ་ཟེར་ ཁྱེད་ཀྱིས་རྣ་བ་གོ་དོཝ་བཟུམ་སྦེ་རང་ ཁིརཱིས་ཀྱི་དགྲ་ལེ་ཤ་འཐོན་འོང་ཡི་ དེ་གིས་འབད་ ད་དུས་མཐའན་མཇུག་ལུ་ལྷོདཔ་མས་ཟེར་ང་བཅས་ཀྱིས་ཤེས་པས།

ཡོ་ཧ་ནཱན་དང་པ་ལེའུ་ 4:1

ངེ་གི་བྱམས་པའི་ཆ་རོགས་ཚུ་ དཀོན་མཆོག་གི་ཐུགས་ཉིད་ ང་དང་གཅིག་ཁར་ཡོད་ཟེར་སླབ་མི་ག་ར་ལུ་ཆ་མ་བཞག་ ཁོང་གི་ཐོག་ལས་སླབ་མི་འདི་ དཀོན་མཆོག་ལས་ཨིན་ན་མེན་ན་ ཁྱེད་ཀྱིས་བརྟག་དཔྱད་འབད་དེ་བལྟ་ ག་ཅི་སྨོ་ཟེར་བ་ཅིན་ ལུང་སྟོན་པ་རྫུས་མ་དེ་ཚུ་ལེ་ཤ་རང་འཛམ་གླིང་ནང་འཐོན་ཏེ་ཡོད།

མཐོང་སྣང་ལེའུ་ 2:20

ཨིན་རུང་ ཁྱོད་ལུ་སྐྱོན་གཅིག་བཏོན་ཏེ་སླབ་ནི་ཡོད་ འདི་ཨམ་སྲུ་ ཇེ་ཛེ་བཱེལ་ཟེར་མི་འདི་གིས་ མོ་རང་ལུང་སྟོན་པ་ཨིན་ཟེར་ ངེ་གི་ཕྱག་ཞུ་མི་ཚུ་ལུ་མགུ་བསྐོར་བརྐྱབས་ཏེ་ ལུས་འབྲེལ་འབད་བཅུག་མིའི་སྡིག་པ་དང་ མཆོད་པ་ཕུལ་མིའི་བཞེས་སྒོ་ཚུ་ཟ་ནི་སྟོན་རུང་ ཁྱོད་ཀྱིས་མོ་ལུ་མ་བཀག་པས།

མཐོང་སྣང་ལེའུ་ 2:6

དེ་འབདཝ་ད་ ཁྱོད་ཀྱིས་ ནི་ཀོ་ལའི་ཏཱན་ཟེར་མིའི་ ཆོས་ལུགས་ལུ་མ་དགའ་མི་འདི་ ལེགས་ཤོམ་ཨིན་མས་ ང་ཡང་འདི་ལུ་མི་དགའ།