ཏི་མོ་ཐི་གཉིས་པ་ལེའུ་ 3:6 - རྫོང་ཁ་

⁶ ག་ཅི་སྨོ་ཟེར་བ་ཅིན་ ཨ་ནི་བཟུམ་གྱི་མི་ལ་ལུ་ཅིག་གིས་ ཁྱིམ་ལས་ཁྱིམ་རྒྱུད་འགྱོ་སྟེ་ བཟའ་ཚང་ནང་ན་གི་མི་ཚུ་ལུ་ མགུ་བསྐོར་བརྐྱབས་ཏེ་ ཨམ་སྲུ་རྩ་རྒསམོ་ ཁོང་རང་གིས་འབད་མི་སྡིག་པ་དང་ འདོད་ཆགས་མ་འདྲཝ་འདི་ཚུ་གིས་ མནེམ་བཞག་མི་ཚུ་ལུ་ ཁོང་རའི་དབང་གི་འོག་ལུ་བཙུགསཔ་ཨིན།

ཏི་མོ་ཐི་གཉིས་པ་ལེའུ་ 3:6 ပူးပေါင်းရင်းမြစ်များ

མེ་ཐིའུ་ལེའུ་ 11:28

ཁྱེད་འུ་སྡུག་མི་དང་ ཁུར་ཆ་ལྗིད་ཅན་གྱིས་མནེམ་སྡོད་མི་ག་ར་ ང་སྡོད་སར་ཤོག་ ང་གིས་ཁྱེད་ལུ་ངལ་འཚོ་བྱིན་ནི་ཨིན།

མེ་ཐིའུ་ལེའུ་ 23:13

ཁྱེད་བཀའ་ཁྲིམས་ཀྱི་སློབ་དཔོན་དང་ ཕ་རུ་ཤི་པ་ ཁ་ཆོས་འབད་མི་ཚུ་ ག་དེམ་ཅིག་ལཱ་ཁག་བརྐྱབ་ནི་སྨོ་ མི་ཚུ་ཞིང་ཁམས་ཀྱི་རྒྱལ་སྲིད་ནང་ འཛུལ་མ་བཅུག་ནི་གི་དོན་ལུ་ ཁྱེད་ཀྱིས་སྒོ་བསྡམས་བཞགཔ་མས་ ཁྱེད་རང་ཡང་མི་འཛུལ་ གཞན་འཛུལ་མི་ཚུ་ལུ་ཡང་ ལམ་བཀག་བརྐྱབས་ཏེ་འཛུལ་མི་སྟེར་བས།

མེ་ཐིའུ་ལེའུ་ 23:14

མེ་ཐིའུ་ལེའུ་ 4:24

ཁོ་གིས་མཛད་མི་ཧ་ལས་པའི་ཕྱག་ལཱ་ཚུ་གི་སྐོར་ལས་ སི་རི་ཡ་གི་ལུང་ཕྱོགས་ག་ར་ནང་ཁྱབ་སོང་ནུག་ དེ་ལས་མི་ཚུ་གིས་མི་ནད་སྣ་ཚོགས་ན་མི་དང་ ན་ཟུག་རྐྱབ་མི་ འདྲེ་གདོན་འཛུལ་མི་ བརྒྱལ་ནད་ལོང་མི་ གཟུགས་ཞར་སོང་མི་ག་ར་ལུ་ ཡེ་ཤུ་བཞུགས་སར་འབག་འོངས་ཏེ་ ཁོ་གིས་ཁོང་ག་ར་དྲགཔ་མཛད་ནུག

མཱར་ཀུ་ལེའུ་ 4:19

ཨ་ཙི་ཅིག་ཡར་སྦོམ་འགྱོཝ་ད་ མི་ཚེ་འདི་གི་ཚ་གྱང་དང་ རྒྱུ་ནོར་ལོངས་སྤྱོད་ཀྱི་ཞེན་ཆགས་ དེ་ལས་འདོད་པ་མ་འདྲཝ་འདི་ཚུ་གིས་བསྡམས་ཏེ་ ལོ་ཐོག་མ་འཚོ་མི་ཚུ་ཨིན།

ཀོ་རཱིན་ཐི་དང་པ་ལེའུ་ 12:2

ཁྱེད་ཆ་ཁྱབ་དད་པ་མ་སྐྱེད་པའི་ཧེ་མ་ ལམ་འཛོལ་འགྱོ་སྟེ་ ཁ་སླབ་མ་ཚུགས་པའི་སྐུ་འདྲ་ཚུ་ལུ་ མཆོདཔ་ཕུལ་སྡོད་ཅི་ཟེར་ཁྱེད་ཀྱིས་ཤེས།

ཏི་མོ་ཐི་དང་པ་ལེའུ་ 5:6

དེ་འབདཝ་ད་ མོ་གིས་སྤྲོ་སྟོན་ནི་རྐྱངམ་གཅིག་འཚོལ་སྡོད་པ་ཅིན་ མོ་རང་གསོན་པོ་སྦེ་སྡོད་རུང་ ཤི་སོངམ་དང་འདྲ།

ཏི་མོ་ཐི་དང་པ་ལེའུ་ 6:9

དེ་འབདཝ་ད་ ཕྱུགཔ་འགྱོ་དགོ་མནོ་མི་ཚུ་ བར་ཆད་ནང་ཚུདཔ་ཨིན་ དེ་ལས་ ཤེས་མཐོང་སྟེ་འབད་རུང་ འཛོལ་བ་འབད་ནི་གི་སེམས་དང་ གནོད་པ་བཀལ་ནིའི་འདོད་པ་གི་ཧིང་ནང་ཚུདཔ་ཨིན་ འདི་བཟུམ་གྱི་འདོད་པ་ཚུ་གིས་ མི་དེ་ལུ་ མེདཔ་ཐལ་ནི་དང་ཉེས་ཆད་ཕོག་ནི་ཚུ་ བྱུང་བཅུགཔ་ཨིན།

ཏི་ཏུས་ལེའུ་ 1:11

ཁོང་ལུ་འདི་བཟུམ་གྱི་ ཆོས་སྟོན་ནི་ལས་བཀག་དགོ་ ག་ཅི་སྨོ་ཟེར་བ་ཅིན་ ཁོང་གིས་ངོ་ཚ་ནི་མེད་པར་ ཏི་རུ་བཟོ་ནི་གི་ཐབས་ལུ་ སྟོན་མ་བཏུབ་པའི་ཆོས་ཚུ་སྟོན་ཏེ་ བཟའ་ཚང་ལ་ལུ་ཅིག་ནང་ ནང་འཁྲུག་བཙུག་སྟེ་ ཆོས་བདེན་པ་ལུ་ དོགས་པ་ཟ་བཅུགཔ་ཨིན་མས།

ཏི་ཏུས་ལེའུ་ 3:3

ག་ཅི་སྨོ་ཟེར་བ་ཅིན་ དུས་ཚོད་གཅིག་གི་ཚེ་ལུ་ ང་བཅས་ཡང་དཀོན་མཆོག་གི་སྐོར་ལས་ མ་ཤེས་མི་དང་ ཁོ་གི་བཀའ་ལུ་མ་ཉན་མི་དང་ མགུ་བསྐོར་ནང་ཚུད་མི་དང་ འདོད་ཆགས་མ་གཅིགཔ་ལེ་ཤ་གི་གཡོགཔོ་སྦེ་སྡོད་མི་དང་ རོགས་ལུ་ཞན་སེམས་བསྐྱེད་སྡོད་མི་ དེ་ལས་ ང་བཅས་རོགས་ལུ་མ་དགའཝ་ལས་བརྟེན་ཏེ་ རོགས་ཀྱིས་ཡང་ང་བཅས་ལུ་མ་དགའ་བར་སྦེ་ སྡོད་སྡོདཔ་ཨིན།

པེ་ཏྲོ་གཉིས་པ་ལེའུ་ 2:18

ག་ཅི་སྨོ་ཟེར་བ་ཅིན་ ཁོང་མི་རྩ་རྒས་བཟུམ་ ང་རྒྱལ་ལངས་ཏེ་བློ་སླབ་ཨིན་མས་ ཡུད་ཙམ་ཅིག་གཟུགས་ཀྱི་རང་བཞིན་དང་འཁྲིལ་ཏེ་སྡོད་ནི་ལས་ཐར་ཏེ་ ཕྲང་ལམ་བདའ་འགྱོ་སྡོདཔ་ད་ ཁོང་སློབ་དཔོན་རྫུས་མ་ཚུ་གིས་ གཟུགས་ཀྱི་རང་བཞིན་འདོད་ཆགས་ལས་སྦེ་གཡོ་སྒྱུ་བརྐྱབས་ཏེ་ ད་རུང་སྡིག་པའི་ཧིང་ནང་བཙུགཔ་ཨིན་མས།

པེ་ཏྲོ་གཉིས་པ་ལེའུ་ 3:17

དེ་འབདཝ་ལས་ ངེ་གི་བྱམས་པའི་ཆ་རོགས་ཚུ་ ཨ་ནི་དྲནམ་བཏོན་དགོཔ་འདི་ ཁྱེད་ཀྱིས་ཧེ་མ་ལས་ཤེས་ ཁྲིམས་ནང་མ་གནས་མིའི་མི་ཚུ་བཟུམ་སྦེ་ འཛོལ་བ་གི་དབང་དུ་མ་གཏང་པར་ རང་བརྟན་ཏོག་ཏོ་ ཨིན་མི་དེ་ ཉམས་མ་བཅུག་ནིའི་དོན་ལུ་ དྲནམ་བཏོན་དགོ།

ཡུ་དཱས་ལེའུ་ 1:16

ཨ་ནི་མི་དེ་ཚུ་ཁ་གདུག་འབར་མི་དང་ རྒྱབ་ཁ་ལས་ཁ་གཏང་མི་ ཁོང་རང་གི་འདོད་པ་བཞིན་དུ་ལཱ་ངན་འབད་མི་ ཁམས་ཆེ་དྲགས་ རང་དོན་སྒྲུབ་པའི་དོན་ལུ་གཞན་ལུ་ཤ་མུ་སྐམ་དྲང་མི་ཚུ་ཨིན།།

ཡུ་དཱས་ལེའུ་ 1:18

ཁོང་གིས་ དུས་མཐའན་མཇུག་ལུ་ དཀོན་མཆོག་ལུ་དགོད་བྲ་བཟོ་སྟེ་ རང་གི་འདོད་པ་བཞིན་དུ་འབད་དེ་ དཀོན་མཆོག་ལུ་མ་འདྲོག་མི་འདི་ཚུ་འཐོན་འོང་ཟེར་ ལུང་བསྟན་བཤད་ནུག

ཡུ་དཱས་ལེའུ་ 1:4

ག་ཅི་སྨོ་ཟེར་བ་ཅིན་ མི་ལ་ལུ་ཅིག་གིས་ མེན་བརྫུ་བཏབ་སྟེ་ ཁྱེད་ཀྱི་སྦུག་ལུ་གཙང་བཏང་འཛུལ་ཏེ་ཡོད་ ཁོང་གིས་ཁྱེད་ལུ་ འདོད་ཆགས་ངན་པའི་ལཱ་འབད་བ་ཅིན་ཁྱད་མེད་ ག་ཅི་སྨོ་ཟེར་བ་ཅིན་ དཀོན་མཆོག་གིས་ཐུགས་རྗེ་གནང་འོང་ཟེར་སླབ་ནི་དང་ ད་རུང་ཁོང་གིས་ ཡེ་ཤུ་ཁིརཱིས་འདི་ སྦྱིན་བདག་དང་གཙོ་བོ་ཡང་མེན་ཟེར་སླབ་ཨིན་མས་ དེ་ཚུ་དཀོན་མཆོག་ལུ་མ་འདྲོག་མི་ཚུ་ཨིན་ དེ་འབདཝ་ལས་བརྟེན་ཏེ་ ཧེ་མ་ལུང་བསྟན་ནང་བྲིས་དོཝ་བཟུམ་སྦེ་ དཀོན་མཆོག་གིས་ཁོང་ལུ་ཧེ་མ་ལས་ ཁྲིམས་བཀལ་ནི་སྦེ་ ངོས་འཛིན་འབད་དེ་བཞག་ཡོདཔ་ཨིན།