ཏི་མོ་ཐི་གཉིས་པ་ལེའུ་ 3:5 - རྫོང་ཁ་

⁵ དེ་ལས་ ཕྱི་ལས་བལྟཝ་ད་ ཆོས་སེམས་ཅན་བཟུམ་མཐོང་རུང་ ཆོས་སེམས་ཀྱི་ནུས་ཤུགས་སྤང་སྟེ་སྡོད་མི་ཚུ་ཨིན་ ཁོང་ཆ་ཁྱབ་དང་འབྲེལ་བ་མ་འཐབ།

ཏི་མོ་ཐི་གཉིས་པ་ལེའུ་ 3:5 ပူးပေါင်းရင်းမြစ်များ

མེ་ཐིའུ་ལེའུ་ 7:15

དེ་ལས་ལུང་སྟོན་པ་རྫུས་མ་ཚུ་ལས་དྲན་པ་བཏོན་ ག་ཅི་སྨོ་ཟེར་བ་ཅིན་ དེ་ཚུ་གིས་ཕྱི་ཁ་ལས་ ལུག་གི་པགས་ཀོ་གྱོན་ཏེ་ ལུག་ཨིནམ་བཟོ་སྟེ་འཐོན་འོང་ དེ་འབདཝ་ད་ ཁོང་ནང་ན་ལས་ འཕརཝ་ངོ་མ་རང་ཨིན།

ཨི་ཕི་སིཔ་ལེའུ་ 4:14

དེ་འབདཝ་ལས་བརྟེན་ཏེ་ གཞན་ལུ་མགུ་བསྐོར་ནིའི་ཐབས་ལམ་བསྟོན་ཏེ་ ང་བཅས་ལུ་ཆོས་རྫུས་མ་སྟོན་རུང་རང་ ང་བཅས་ལོ་ན་མ་ཁུག་པའི་ཨ་ལོ་བཟུམ་སྦེ་ ཤིང་རླུང་གིས་ཕར་དང་ཚུར་གཡུག་མི་ཚུ་བཟུམ་སྦེ་འགྱོ།

ཐེ་ས་ལོ་ནི་ཀ་གཉིས་པ་ལེའུ་ 3:14

ང་བཅས་ཀྱིས་ཨ་ནི་ཡི་གུ་ནང་བྲིས་མི་བཀོད་རྒྱ་ཚུ་ མི་ལ་ལུ་གིས་ཉེན་ཁུ་བཏབ་མ་བཏུབ་པ་ཅིན་ ཁོང་ག་དང་ག་ཨིན་ན་ ལེགས་ཤོམ་སྦེ་ངོ་བལྟ་བཞག་ དེ་ལས་ཁོང་ལུ་ངོ་ཚ་བཅུག་ནི་གི་དོན་ལུ་ ཁོང་དང་གཅིག་ཁར་འབྲེལ་བ་མ་འཐབ།

ཐེ་ས་ལོ་ནི་ཀ་གཉིས་པ་ལེའུ་ 3:6

དབའེ་སྤུན་ཆ་ཚུ་ ང་བཅས་ཀྱིས་ཁྱེད་ལུ་གཙོ་བོ་ཡེ་ཤུ་ཁིརཱིས་ཀྱི་མཚན་ནང་ལུ་ སྒྱིད་ངན་འབད་མི་དང་ ང་བཅས་ལས་ཐོབ་མི་ཆོས་དང་མ་མཐུན་པར་སྡོད་མི་ཚུ་དང་ ཁ་འབྲལ་ཏེ་སྡོད་ཟེར་དྲན་བསྐུལ་འབད་དོ།

ཏི་མོ་ཐི་དང་པ་ལེའུ་ 4:7

འཇིག་རྟེན་པའི་གཏམ་དང་ ཁུངས་མེད་མི་བློ་ཚུ་གི་གྲལ་ཁར་མ་འཛུལ་བར་ ཆོས་སེམས་བསྐྱེད་ནི་གི་དོན་ལས་སྦྱོང་བརྡར་འབད།

ཏི་མོ་ཐི་དང་པ་ལེའུ་ 4:8

ཁྱོད་ལུས་ཀྱི་རྩལ་སྦྱོང་འབད་བ་ཅིན་ ཕན་ཐོགས་དུམ་གྲ་ཅིག་ཐོབ་འོང་ དེ་འབདཝ་ད་ཁྱོད་རང་གིས་ ཆོས་སེམས་བསྐྱེད་ནི་གི་སྦྱོང་བརྡར་འབད་བ་ཅིན་ ག་ཅི་ནང་རང་འབད་རུང་ ཕན་ཐོགས་སྦོམ་ཡོད་ ག་ཅི་འབད་ཟེར་བ་ཅིན་ དེ་སྦེ་སྡོདཔ་ད་ལུ་ དཀོན་མཆོག་གིས་ཁས་བླངས་བཞེས་མིའི་མི་ཚེ་འདི་ ཁྱོད་ཀྱིས་ད་ལྟོ་ཐོབ་ནི་ཨིནམ་མ་ཚད་ ཤུལ་ལས་ཡང་ཐོབ་འོང་།

ཏི་མོ་ཐི་དང་པ་ལེའུ་ 5:8

མི་ག་ར་འབད་རུང་ རང་གི་གཉེན་ཉེཝ་དང་ཁག་ཆེ་ཤོས་ རང་གི་བཟའ་ཚང་ལུ་བདག་འཛིན་མ་འཐབ་པ་ཅིན་ མི་དེ་གིས་ཁོ་རང་གི་དད་པ་ཡ་མེད་སྦེ་བཞག་དོཝ་བཟུམ་ཨིནམ་མ་ཚད་ དད་པ་མ་བསྐྱེད་མི་ཚུ་ལས་ཡང་སྐྱོ་ཤོས་སྦེ་བརྩི་ནི་ཨིན།

ཏི་མོ་ཐི་དང་པ་ལེའུ་ 6:5

བདེན་པ་མ་ཤེས་མི་དང་ སེམས་ངན་པ་བསྐྱེད་ཡོད་མི་ཚུ་གི་བར་ན་ ཨ་རྟག་རང་རྩོད་པ་རྐྱབ་བཅུགཔ་ཨིན་ དེ་ལས་ཁོང་ཆ་ཁྱབ་ཀྱིས་ ཆོས་འབད་དེ་ མ་དངུལ་ཐོབ་ནི་གི་མནོ་བསམ་གཏངམ་ཨིན།།

ཏི་མོ་ཐི་གཉིས་པ་ལེའུ་ 2:16

དེ་འབདཝ་ད་ ཁུངས་མེད་པའི་ འཇིག་རྟེན་པའི་གཏམ་ཚུ་ལུ་ཉན་ནི་ནང་ བཅའ་མར་མ་གཏོགས་ ག་ཅི་སྨོ་ཟེར་བ་ཅིན་ གཏམ་འདི་ཚུ་གིས་ རང་ལུ་ ཆོས་སེམས་ཡོད་མིའི་སྤྱོད་ལམ་ལས་ ཕར་ཕར་རང་འཁྱིད་འགྱོ་འོང་།

ཏི་མོ་ཐི་གཉིས་པ་ལེའུ་ 2:23

འབྱུང་ཁུངས་མེད་པའི་བློ་སླབ་སྟེ་ རྩོད་པ་རྐྱབས་ནི་འདི་སྤང་ ཁྱེད་ཀྱིས་ཤེས་ དེ་ཚུ་ནང་ལས་འཐབ་འཛིང་འབད་ནི་རྐྱངམ་གཅིག་བྱུངམ་ཨིན།

ཏི་ཏུས་ལེའུ་ 1:16

ཁོང་གིས་ དཀོན་མཆོག་དང་གཞན་འབྲེལ་ཡོད་ཟེར་སླབ་ཨིན་ དེ་འབདཝ་ད་ ཁོང་གིས་ དཀོན་མཆོག་ངོ་མི་ཤེས་པས་ཟེར་ ཁོང་གི་འབད་བཞག་བཅའ་བཞག་ལས་ཧ་གོ་ ཁོང་དཀོན་མཆོག་གི་དོན་ལུ་ ཁམས་ཕོག་རྐྱབ་སི་སི་དང་ དཀོན་མཆོག་གི་བཀའ་ལུ་མ་ཉན་མི་ དེ་ལས་ལཱ་བཟང་པོ་ག་ནི་ཡང་འབད་མ་ཚུགས་མི་ཚུ་ཨིན།།

ཏི་ཏུས་ལེའུ་ 3:10

ཆོས་ཚོགས་ནང་ ནང་འཁྲུག་སློངས་མི་ཚུ་ལུ་རྣ་བ་སྐྱེལ་དགོ་ དེ་ལས་ཁོང་ལུ་ཚར་གཉིས་སླབ་སྟེ་ ཉན་མ་བཏུབ་པ་ཅིན་ ཁོང་དང་གཅིག་ཁར་ འབྲེལ་བ་ག་ནི་ཡང་མ་འཐབ།