ཏི་མོ་ཐི་གཉིས་པ་ལེའུ་ 3:3 - རྫོང་ཁ་

³ བྱམས་སེམས་མེད་མི་ བཀའ་དྲིན་བསྐྱང་མ་བཏུབ་མི་ གཞན་ལུ་ཁ་གཏང་མི་ མཚམས་ཚོད་མ་ཤེས་མི་ སྤྱོད་པ་གདུག་དྲགས་འབད་མི་ ལཱ་བཟང་པོ་མ་དགའ་མི།

ཏི་མོ་ཐི་གཉིས་པ་ལེའུ་ 3:3 ပူးပေါင်းရင်းမြစ်များ

མེ་ཐིའུ་ལེའུ་ 10:21

ཕོ་རྒནམ་གིས་རང་གི་ནུ་གཅུང་ལུ་ རོགས་ཀྱི་ལག་པར་སྤྲོད་དེ་བསད་འོང་ དེ་མ་ཚད་ ཨ་པ་གིས་ཡང་རང་གི་བུ་དང་བུམོ་ལུ་ རོགས་ཀྱི་ལག་པར་སྤྲོད་དེ་བསད་འོང་ དེ་ལས་ཨ་ལོ་ཚུ་གིས་རང་གི་ཕམ་ལུ་ངོ་རྒོལ་འབད་དེ་བསད་བཅུག་འོང་།

མེ་ཐིའུ་ལེའུ་ 4:1

འདིའི་སྐབས་ལུ་བདུད་ཀྱིས་ཡེ་ཤུ་ལུ་ཐུགས་ཚོད་བལྟ་ནིའི་དོན་ལུ་ དམ་པའི་ཐུགས་ཉིད་ཀྱིས་རྒྱུད་བསྐུལ་བརྐྱབས་ཏེ་ ཡར་རི་སྟོང་ནང་ལུ་འཁྱིད་སོང་ནུག

ལུ་ཀ་ལེའུ་ 10:16

ཡེ་ཤུ་གིས་ཁོ་རང་གི་སློབ་མ་ཚུ་ལུ་ ཁྱེད་ཀྱི་ཁ་ལུ་ཉན་མི་འདི་གིས་ ངེ་གི་ཁ་ལུ་ཡང་ཉནམ་ཨིན་ ཁྱེད་ལུ་མ་དགའ་མི་འདི་གིས་ ང་ལུ་ཡང་མི་དགའ་ ང་ལུ་མ་དགའ་མི་འདི་གིས་ ང་ལུ་གཏང་གནང་མི་དེ་ལུ་ཡང་ མི་དགའ་ཟེར་གསུངས་ནུག།

ལུ་ཀ་ལེའུ་ 16:14

ཁོ་གིས་གསུངས་མི་འདི་ ཕ་རུ་ཤི་པ་ཚུ་གིས་གོཝ་ད་ ཡེ་ཤུ་ལུ་མེས་མེད་བསྐྱུར་ཏེ་ཁ་གཏང་ནུག་ ག་ཅི་སྨོ་ཟེར་བ་ཅིན་ ཁོང་ཏི་རུ་ལུ་དགའ་ནི་འདི་གིས་ཨིན་མས།

ཡོ་ཧ་ནཱན་ལེའུ་ 6:70

ཡེ་ཤུ་གིས་ཁོང་ལུ་ ཁྱེད་བཅུ་གཉིསཔ་ལུ་ ང་རང་གིས་བཙག་བཙགཔ་ཨིན་མེན་ན་ དེ་འབདཝ་ད་ ཁྱེད་ཀྱི་གྲལ་ཁ་ལས་ གཅིག་འདི་བདུད་ཨིན་མས་ཟེར་གསུངས་ནུག

རོམ་མི་ལེའུ་ 1:29

ཁོང་གི་སེམས་ཁར་ལུ་སྡིག་པའི་རིགས་ མ་འདྲཝ་ལེ་ཤ་དང་ ངན་སེམས་དང་ འདོད་པ་ཆེ་དྲགས་དང་ གནོད་སེམས་བསྐྱེད་ནི་དང་ ཕྲག་དོག་བསྐྱེད་ནི་དང་ མི་གསད་ནི་དང་ འཐབ་རྒྱགས་འབད་ནི་དང་ མགུ་བསྐོར་བརྐྱབ་ནི་དང་ ཞན་སེམས་བསྐྱེད་ནི་དང་ དཀྲོགས་ཁ་རྐྱབས་ནི་དང་།

རོམ་མི་ལེའུ་ 1:31

ཤེས་མཐོང་རུང་མ་ཤེསཔ་བཟོ་ནི་དང་ རང་གི་ཁ་ཚིག་འཇལ་ཚར་མི་ལུ་མ་འབད་ནི་ དེ་ལས་བྱམས་སེམས་མེད་མི་ སྙིང་རྗེ་མེད་མི་ འདི་བཟུམ་གྱི་ལཱ་ལེ་ཤ་གིས་གང་སྟེ་སྡོད་ནུག

ཀོ་རཱིན་ཐི་དང་པ་ལེའུ་ 7:5

རྨགཔ་དང་ཨམ་སྲུ་གཉིས་ཆ་རང་ བསྟུན་གྲོས་བརྐྱབས་ཞིནམ་ད་ སྐབས་གཅིག་གི་དོན་ལུ་སོ་སོ་སྦེ་ སྨོན་ལམ་ནང་སྡོད་ནི་གི་དོན་ལུ་མ་གཏོགས་ གཅིག་དང་གཅིག་ལུ་བྱིན་དགོ་པའི་དུས་ཚོད་ཁས་ལེན་མེད་པར་མ་སྡོད་ ཁྱེད་ཀྱིས་རང་སེམས་རང་གིས་སྲུང་མ་ཤེས་ནི་དེ་གིས་ སྨོན་ལམ་ནང་སྡོད་ཞིནམ་ད་ བདུད་ སེ་ཏཱན་གྱི་བར་ཆད་ནང་མ་ཚུད་པའི་དོན་ལུ་ ཁྱེད་རང་གཉིས་ད་རུང་ལོག་སྟེ་བསྡོམ་དགོ།

ཀོ་རཱིན་ཐི་དང་པ་ལེའུ་ 7:9

དེ་འབདཝ་ད་ ཁོང་གིས་རང་ལུ་ འདོད་ཆགས་ཀྱིས་བཀག་ཐབས་འབད་མ་ཚུགས་པ་ཅིན་ ཁོང་གཉེན་བརྐྱབ་དགོ་ འདོད་ཆགས་ཀྱིས་གང་སྦེ་སྡོདཔ་བ་འདི་ གཉེན་བརྐྱབ་ནི་དེ་དྲག་འོང་།

ཐེ་ས་ལོ་ནི་ཀ་དང་པ་ལེའུ་ 4:8

དེ་འབདཝ་ལས་བརྟེན་ཏེ་ ང་བཅས་ཀྱིས་སྟོན་མི་བཀོད་རྒྱ་འདི་ལུ་ཆ་མ་བཞག་མི་དེ་ མི་ལུ་ཆ་མ་བཞགཔ་མེན་པར་ དམ་པའི་ཐུགས་ཉིད་གནང་མི་དཀོན་མཆོག་ལུ་ ཆ་མ་བཞགཔ་ཨིན།

ཏི་མོ་ཐི་དང་པ་ལེའུ་ 3:11

ཁོང་ཨམ་སྲུ་ཚུ་ཡང་ འདི་བཟུམ་སྦེ་ མི་ཚུ་གིས་ཞེ་ས་འབད་མི་དང་ གཞན་གྱི་སྐོར་ལས་གཏམ་ངན་མ་སླབ་མི་དང་ ཨམ་སྲུ་ཚད་དང་ལྡན་མི་ དེ་ལས་ག་ཅི་ནང་ར་འབད་རུང་ ན་འཐན་ཏོག་ཏོ་འབད་མི་གཅིག་དགོ།

ཏི་ཏུས་ལེའུ་ 1:8

དེ་འབདཝ་ད་ ཁོ་མགྱོནམ་ལུ་མཐོང་བསྐྱེད་མི་དང་ ལཱ་ལེགས་ཤོམ་འབད་ནི་ལུ་ སེམས་དགའ་མི་དང་ མཚམས་ཚོད་ཤེས་མི་དང་ ཕྲངམ་འབད་མི་དང་ དམ་པ་སྦེ་སྡོད་མི་ དེ་ལས་སྒྲིགས་ལམ་ལུ་ གནས་མི་གཅིག་དགོཔ་ཨིན།

ཏི་ཏུས་ལེའུ་ 2:3

འདི་བཟུམ་སྦེ་རང་ ཨམ་སྲུ་རྒས་ཤོས་འདི་ཚུ་ལུ་ སྤྱོད་ལམ་ལེགསཔ་སྒྲིགས་ནི་དང་ རོགས་ཀྱི་སེམས་ཁར་ཕོག་པའི་གཏམ་ཚུ་མ་སླབ་ནི་དང་ ཆང་མ་འགྲངས་ནི་ དེ་ལས་རོགས་ལུ་ལེགས་ཤོམ་ཚུ་སྟོན་ཟེར་སྟོན་བྱིན།

ཡ་ཀོབ་ལེའུ་ 2:6

དེ་འབདཝ་ད་ ཁྱེད་ཀྱིས་མི་སྤྱང་ཀ་ལུ་ ག་ནི་ཡང་མེནམ་བཟུམ་སྦེ་བརྩིས་ཏེ་ བློ་བཙོངམ་ཨིན་མས་ ཁྱེད་ལུ་དབང་བརྩོང་འབད་འདྲུད་དེ་ ཁྲིམས་ཁང་ནང་འཁྱིད་སྐྱེལ་མི་དེ་ མི་ཕྱུགཔ་ཚུ་ཨིན་མེན་ན།

པེ་ཏྲོ་གཉིས་པ་ལེའུ་ 2:14

ཁོང་གི་མིག་ཏོ་གིས་ ལུས་འབྲེལ་འབདཝ་མས་ ཁོང་གིས་ལཱ་ངན་པ་ག་དེ་ཅིག་འབད་རུང་ ཚིམས་ནི་མིན་འདུག་ ཁོང་གིས་དད་པ་ཉུང་དྲགས་འབད་མི་ཚུ་ལུ་ སྡིག་པ་གི་ཧིང་ནང་བཙུགཔ་མ་ཚད་ ཁོང་རང་ལུ་འདོད་པ་བཙོང་ནི་གི་སྦྱོང་བརྡར་འབདཝ་ཨིན་མས་ ཁོང་ཆདཔ་ཕོག་མི་བུ་གཞི་ཨིན།

པེ་ཏྲོ་གཉིས་པ་ལེའུ་ 2:19

ཁོང་གིས་ཨ་ནི་མི་ཚུ་ལུ་རང་དབང་བྱིན་ནི་ཟེར་ཁ་ཚིག་བྱིནམ་ཨིན་མས་ དེ་འབདཝ་ད་ ཁོང་རང་སྡིག་པའི་གཡོགཔོ་ སྤྱོད་ངན་འབད་མི་ཚུ་ཨིན་མས་ ག་ཅི་སྨོ་ཟེར་བ་ཅིན་ རང་ལུ་དབང་མི་འདོད་པ་འདི་ ག་ཅི་ཨིན་རུང་ ཨ་ནི་གི་གཡོགཔོ་སྦེ་ ང་བཅས་བྱུངམ་ཨིན།

པེ་ཏྲོ་གཉིས་པ་ལེའུ་ 3:3

དང་པ་རང་ ཁྱེད་ཀྱིས་ཨ་ནི་ཧ་གོ་དགོ་ དུས་མཐའན་མཇུག་གི་ཉིནམ་འདི་ལུ་ ཁོང་རང་གི་འདོད་པ་ངན་པ་གི་དབང་དུ་འགྱོ་མི་ སྐྱོན་འཚོལ་མི་དེ་ཚུ་འོངས་ཏེ་ སྐྱོན་སློང་ནི་ཨིན།

ཡུ་དཱས་ལེའུ་ 1:16

ཨ་ནི་མི་དེ་ཚུ་ཁ་གདུག་འབར་མི་དང་ རྒྱབ་ཁ་ལས་ཁ་གཏང་མི་ ཁོང་རང་གི་འདོད་པ་བཞིན་དུ་ལཱ་ངན་འབད་མི་ ཁམས་ཆེ་དྲགས་ རང་དོན་སྒྲུབ་པའི་དོན་ལུ་གཞན་ལུ་ཤ་མུ་སྐམ་དྲང་མི་ཚུ་ཨིན།།

ཡུ་དཱས་ལེའུ་ 1:18

ཁོང་གིས་ དུས་མཐའན་མཇུག་ལུ་ དཀོན་མཆོག་ལུ་དགོད་བྲ་བཟོ་སྟེ་ རང་གི་འདོད་པ་བཞིན་དུ་འབད་དེ་ དཀོན་མཆོག་ལུ་མ་འདྲོག་མི་འདི་ཚུ་འཐོན་འོང་ཟེར་ ལུང་བསྟན་བཤད་ནུག

མཐོང་སྣང་ལེའུ་ 13:15

ད་རུང་ གཅན་གཟན་གཉིས་པ་གིས་ དང་པ་དེ་ཁ་སླབ་ཚུགས་ནི་གི་དོན་ལུ་ སྐུ་འདྲ་ནང་ན་ བུང་འཕུ་བཏབ་ནི་དབང་ཚད་ཐོབ་ཞིནམ་ད་ ནུས་ཤུགས་བྱིན་ཡི་ དེ་ལས་གཅན་གཟན་དང་པ་དེ་གིས་ ཁོ་རའི་སྐུ་འདྲ་ལུ་ཕྱག་འཚལ་ཏེ་ བསྟོད་པ་མ་ཕུལ་མི་ཚུ་ གསད་བཅུག་ནི་གི་དབང་ཚད་ཡང་འདུག

མཐོང་སྣང་ལེའུ་ 13:17

ཨ་ནི་རྟགས་འདི་ གཅན་གཟན་དང་པ་འདི་གི་མིང་ ཡང་ན་ཁོ་གི་མིང་གི་གྱངས་ཁ་ཨིན་མས་ ཨ་ནི་རྟགས་འདི་མེད་པར་ ག་གིས་འབད་རུང་ ཚོང་ཉོ་ནི་དང་བཙོང་ནི་དེ་ཚུ་ རྩ་ལས་རང་འབད་མི་ཆོག་ཟེརཝ་ཨིན་མས།

མཐོང་སྣང་ལེའུ་ 16:6

ག་ཅི་སྨོ་ཟེར་བ་ཅིན་ཁོང་གིས་ ནཱ་གི་དམ་པའི་མི་དང་ནཱ་གི་ལུང་སྟོན་པ་ཚུ་ལུ་བཀྲོངས་ནི་དེ་གིས་ ད་ལྟོ་ནཱ་གིས་ཁོང་ལུ་ཁྲག་འཐུང་བཅུག་མི་འདི་ ཁོང་རང་འཚོལ་འཚོལཝ་ཨིན་ཟེར་ ཞུ་ཡི།

མཐོང་སྣང་ལེའུ་ 17:6

མོ་གིས་ དཀོན་མཆོག་ཁོ་རའི་དམ་པའི་མི་ ཡེ་ཤུ་གི་དོན་ལུ་ཤི་མི་ཚུ་གི་ཁྲག་འཐུང་སྟེ་ འགྲངས་འགྲངསམ་ཨིན་མས་ ང་གིས་མོ་མཐོངམ་ད་ ང་གནམ་མེད་ས་མེད་ཧ་ལས་ཅི།