ཏི་མོ་ཐི་གཉིས་པ་ལེའུ་ 2:9 - རྫོང་ཁ་

⁹ ཨ་ནི་གཏམ་བཟང་གི་དོན་ལུ་ ང་གིས་སྡུག་བསྔལ་མྱོང་སྟེ་མི་ཉེས་པ་ཅན་ལུ་འབད་དོཝ་བཟུམ་སྦེ་ ང་ལུ་ལྕགས་ཐག་གིས་བཅིངས་ཏེ་བཞག་ཅི་ དེ་འབདཝ་ད་ ང་ལུ་ལྕགས་ཐག་གིས་བཅིངས་བཞག་དོཝ་བཟུམ་སྦེ་ དཀོན་མཆོག་གི་གསུང་དེ་ལུ་བཅིང་བཞག་མི་ཚུགས།

ཏི་མོ་ཐི་གཉིས་པ་ལེའུ་ 2:9 ပူးပေါင်းရင်းမြစ်များ

ལུ་ཀ་ལེའུ་ 23:32

ཁོང་གིས་གཞུང་ཁྲིམས་ཕོག་མི་གཉིས་ལུ་ཡང་ ཡེ་ཤུ་དང་གཅིག་ཁར་བསད་ནི་སྦེ་འཁྱིད་སོང་ནུག

མཛད་པ་ལེའུ་ 21:33

དམག་དཔོན་གྱིས་ པའུལ་གྱི་སྦོ་ལོགས་ཁར་བྱོན་སྦེ་ ཁོ་འཛིན་བཟུང་འབད་དེ་ ལྕགས་ཐག་གཉིས་ཀྱིས་བསྡམ་ཟེར་བཀའ་གནང་ནུག་ དེ་ལས་ཁོ་གིས་མི་དམངས་ལུ་ ཨ་ནི་མི་འདི་ ག་ཟེར་མི་དེ་སྨོ་ ཁོ་གིས་འཛོལ་བ་ག་ཅི་འབད་དཔ་ཡོདཔ་སྨོ་ཟེར་གསུངས་ནུག

མཛད་པ་ལེའུ་ 28:31

ཁོ་གིས་དཀོན་མཆོག་གི་རྒྱལ་སྲིད་དང་ གཙོ་བོ་ཡེ་ཤུ་ཁིརཱིས་ཀྱི་སྐོར་ལས་ བཀག་ཆ་ག་ནི་ཡང་མེད་པར་ སྤོབས་པ་ཆེ་ཏོག་ཏོ་སྦེ་ ཆོས་བཤད་བྱིན་ནུག། །།

མཛད་པ་ལེའུ་ 9:16

ངེ་གི་དོན་ལས་སྦེ་ ཁོ་ག་དེམ་ཅིག་སྡུག་བསྔལ་མྱོང་དགོ་ག་ འདི་ང་རང་གིས་ཁོ་ལུ་བཏོན་ནི་ཨིན་ཟེར་གསུངས་ནུག

ཨི་ཕི་སིཔ་ལེའུ་ 3:1

དེ་འབདཝ་ལས་ ཁིརཱིས་ཡེ་ཤུ་གི་ཐོག་ལས་སྦེ་ ཁྱེད་ ཕྱིའི་མི་རིགས་ཚུ་ལུ་ གཏམ་བཟང་བཤད་ནི་འདི་གིས་ ང་ པའུལ་བཙོན་པ་སྦེ་སྡོདཔ་ཨིན།

ཕི་ལི་པི་ལེའུ་ 1:17

དེ་འབདཝ་ད་ ཕྲག་དོག་བསྐྱེད་མི་འདི་ཚུ་གིས་ ལེགས་སེམས་བསྐྱེད་དེ་མེན་པར་ ང་བཙོན་ཁང་ནང་ལུ་ ད་རུང་ང་ལུ་མར་ཕབ་བཅུག་ནི་གི་མནོ་བསམ་བཏང་བཏངམ་ཨིནམ་མ་ཚད་ ཁོང་རང་གི་འདོད་པ་ལུ་བལྟ་སྟེ་ ཁིརཱིས་ཀྱི་སྐོར་ལས་བཤདཔ་ཨིན་མས།

ཕི་ལི་པི་ལེའུ་ 1:7

ང་ཁྱེད་ལུ་སེམས་ཀྱི་གདིང་ལས་རང་དགའ་ནི་འདི་གིས་ ཁྱེད་ག་ར་ལས་སྦེ་དགའ་སྤྲོ་འགྱུར་ནི་དེ་ཀྲིག་ཀྲི་རང་ཨིན་ ག་ཅི་སྨོ་ཟེར་བ་ཅིན་ ང་བཙོན་ནང་སྡོད་རུང་རང་ ཡང་ན་ཕྱི་ཁ་སྡོད་དེ་ གཏམ་བཟང་གི་སྐོར་ལས་བདེན་ཁུངས་བཀལ་རུང་རང་ དཀོན་མཆོག་གིས་ང་བཅས་ལུ་གནང་མི་ལཱ་ནང་ ཁྱེད་ཀྱིས་ང་ལུ་ཆ་རོགས་འབད་བྱིན་ཡི།

ཀོ་ལོ་སི་ལེའུ་ 4:18

ལེགས་སྨོན་ཞུ་བ་འདི་ པའུལ་ང་རའི་ལགཔ་གིས་འབྲི་དོ་ ང་བཙོན་ཁང་ནང་ཡོད་མི་དེ་བརྗེད་མ་སོང་ ཁྱེད་ལུ་ཐུགས་རྗེ་འབབ་པར་ཤོག། །།

ཀོ་ལོ་སི་ལེའུ་ 4:3

ང་བཅས་ཀྱིས་ཁིརཱིས་ཀྱི་གསང་བ་ལུ་ཁྱབ་སྒྲགས་འབད་དེ་ ཁིརཱིས་ཀྱི་སྐོར་ལས་གཏམ་བཟང་བཤད་ནི་གི་དོན་ལུ་ དཀོན་མཆོག་གིས་སྒོ་གཅིག་ཕྱེ་གནང་ཟེར་ ང་བཅས་ཀྱི་དོན་ལུ་ཡང་སྨོན་ལམ་ཞུ་གནང་ གཏམ་བཟང་གིས་འབད་དེ་ ང་བཙོན་ཁང་ནང་ཚུད་ཡོདཔ་ཨིན།

ཐེ་ས་ལོ་ནི་ཀ་དང་པ་ལེའུ་ 1:8

གཙོ་བོ་གི་གཏམ་བཟང་འདི་ མ་ཀེ་དོ་ནི་ཡ་དང་ ཨ་ཀེ་ཡ་ནང་རྐྱངམ་གཅིག་ཁྱབ་མེན་པར་ ང་བཅས་ས་ཆ་ག་སྟེ་འགྱོ་རུང་ ཁྱེད་ཀྱིས་དཀོན་མཆོག་ལུ་དད་པ་ག་དེ་སྦེ་བསྐྱེད་ཅི་ག་ མི་ཚུ་ག་ར་གིས་ལོ་རྒྱུས་སླབ་ཨིན་མས་ དེ་འབདཝ་ལས་ ང་བཅས་ཀྱིས་ཁྱེད་ཀྱི་དད་པ་གི་སྐོར་ལས་ ག་ནི་ཡང་སླབ་མིན་དགོ།

ཐེ་ས་ལོ་ནི་ཀ་གཉིས་པ་ལེའུ་ 3:1

མཐའན་མཇུག་ལུ་སྤུན་ཆ་ཚུ་ ཁྱེད་ཀྱིས་ང་བཅས་ཀྱིས་དོན་ལུ་སྨོན་ལམ་ཞུ་ གཙོ་བོ་གི་གཏམ་བཟང་དེ་ གནམ་མེད་ས་མེད་དར་ཁྱབ་འགྱོ་སྟེ་ ཧེ་མ་ཁྱེད་ཀྱིས་གཏམ་བཟང་དེ་ལུ་ ག་དེ་སྦེ་ཞེ་ས་འབད་དེ་དད་པ་བསྐྱེད་ཅི་ག་ འདི་བཟུམ་སྦེ་མི་ཚུ་གིས་ཡང་ཞེ་ས་འབད་དེ་ དད་པ་བསྐྱེད་བཅུག་ཟེར་སྨོན་ལམ་ཞུ།

ཏི་མོ་ཐི་གཉིས་པ་ལེའུ་ 1:12

དེ་གི་དོན་ལས་སྦེ་ ང་བཙོན་ཁང་ནང་སྡུག་བསྔལ་ཚུ་མྱོང་སྟེ་ཡོདཔ་ཨིན་ དེ་འབདཝ་ད་ དེ་ལུ་བལྟ་སྟེ་ ང་ངོ་མི་ཚ་ ག་ཅི་སྨོ་ཟེར་བ་ཅིན་ ག་ལུ་ང་གིས་དད་པ་བསྐྱེདཔ་ཨིན་ན་ ང་རང་གིས་ཤེས་ ད་རུང་ངེ་གི་ཚེ་སྲོག་འདི་ ཁོ་གི་ཕྱག་ལུ་བློ་གཏད་དེ་ཕུལ་མི་དེ་ཡང་ མཐའན་མཇུག་གི་ཉིནམ་ཚུན་ཚོད་ ཁོ་གིས་བདག་འཛིན་འཐབ་གནང་འོང་ཟེར་ ང་ལུ་རེ་བ་ཏན་ཏན་ཡོདཔ་ཨིན།

ཏི་མོ་ཐི་གཉིས་པ་ལེའུ་ 1:16

གཙོ་བོ་གིས་ ཨོ་ནི་སི་ཕོ་རུས་ཀྱི་བཟའ་ཚང་ལུ་སྙིང་རྗེ་གཟིགས་བཅུག་ ག་ཅི་སྨོ་ཟེར་བ་ཅིན་ ཁོ་གིས་ཨ་རྟག་རང་ང་ལུ་སེམས་གསོ་འབདཝ་ཨིནམ་མ་ཚད་ ཁོ་གིས་ང་བཙོན་ཁང་ནང་སྡོད་མི་ལུ་བལྟ་སྟེ་ ངོ་མ་ཚ།

ཏི་མོ་ཐི་གཉིས་པ་ལེའུ་ 1:8

དེ་འབདཝ་ལས་ང་བཅས་ཀྱི་གཙོ་བོ་གི་སྐོར་ལས་ གཞན་ལུ་བཤད་ནི་ལུ་འདྲོག་མི་དགོ་ དེ་མ་ཚད་ ང་གཙོ་བོ་གི་དོན་ལུ་བཙོན་པ་ཨིན་མི་ལུ་བལྟ་སྟེ་ཡང་ ངོ་ཚ་སྟེ་མ་སྡོད་ འདི་གི་ཚབ་ལུ་ དཀོན་མཆོག་གི་གནང་མི་དབང་ལུ་བློ་གཏད་དེ་ ང་དང་གཅིག་ཁར་གཏམ་བཟང་གི་དོན་ལུ་ དཀའ་ངལ་འབག་ནི་ནང་ ང་དང་བཅིག་ཁར་བཅའ་མར་གཏོགས།།

ཏི་མོ་ཐི་གཉིས་པ་ལེའུ་ 2:3

དམག་མི་བཟང་པོ་བཟུམ་ཅིག་སྦེ་ ཁིརཱིས་ཡེ་ཤུ་གི་དོན་ལུ་ ང་དང་གཅིག་ཁར་ བཟོད་པ་སྒོམས་སྡོད་དེ་སྡུག་བསྔལ་འབག་དགོ།

ཏི་མོ་ཐི་གཉིས་པ་ལེའུ་ 4:17

ཨིན་རུང་ གཙོ་བོ་ང་དང་མཉམ་གཅིག་བཞུགས་ཏེ་ ཁོ་གིས་ང་ལུ་སྟོབས་ཤུགས་གནང་ནི་དེ་གིས་ གཙོ་བོ་གི་གཏམ་བཟང་འདི་ ཡོངས་སུ་རྫོགསཔ་སྦེ་ ངེ་གི་ཐོག་ལས་ ཕྱིའི་མི་རིགས་ག་ར་གིས་རྣ་བ་གོ་ཡི་ དེ་མ་ཚད་ དཔེར་ན་ སེང་གེ་ལྟོགསཔ་གི་ཁ་ལས་སྤར་ཐར་དོཝ་བཟུམ་སྦེ་ ང་ལུ་སྲོག་ཐོག་ཉེས་ཁྲིམས་ལས་སྐྱབས་མཛད་ཅི།

པེ་ཏྲོ་དང་པ་ལེའུ་ 2:12

ཁྱེད་ཀྱིས་དདཔ་ཅན་མེན་མིའི་ཁྱིམ་ཚང་ཚུ་དང་སྡོདཔ་ད་ རང་གི་བྱ་བ་སྤྱོད་ལམ་དེ་ཚུ་དྲནམ་བཏོན་ཏེ་ ལེགས་ཤོམ་འབད་དགོ་ ཁོང་གིས་ཁྱེད་ལུ་སྐྱོན་བཏགས་ཏེ་འཛོལ་བ་འབདཝ་མས་ཟེར་སླབ་རུང་ ཁྱེད་ཀྱི་བྱ་བ་སྤྱོད་ལམ་ལེགས་ཤོམ་ལུ་བལྟ་སྟེ་ ཁིརཱིས་ལོག་སྟེ་ཁྲིམས་ཕྱེ་བ་བྱོན་པའི་ཉིནམ་ལུ་ ཁོང་གིས་དཀོན་མཆོག་ལུ་བསྟོད་པ་ཕུལ་འོང་།།

པེ་ཏྲོ་དང་པ་ལེའུ་ 3:16

དེ་འབདཝ་ད་ ཨ་ནི་འདི་ཉམ་ཆུང་དང་ ཞེ་ས་གི་ཐོག་ལས་ལན་སླབ་དགོཔ་མ་ཚད་ རང་གི་དྲན་ཤེས་གསལ་ཏོག་ཏོ་སྦེ་ རང་ལུ་འཛོལ་བ་ག་ནི་ཡང་མེད་པར་ བྱ་བ་སྤྱོད་ལམ་ཚུ་ལེགས་ཤོམ་འབད་དེ་སྡོད་དགོ་ དེ་ལས་ཁྱེད་ལུ་སྐྱོན་བཏགས་ཏེ་ གཏམ་ངན་སླབ་ ཁ་གཏང་དགོ་མནོ་མི་དེ་ཚུ་གིས་ འདི་མཐོངམ་ད་ ཁོང་རང་ངོ་ཚ་སྟེ་སྡོད་འོང་ ག་ཅི་སྨོ་ཟེར་བ་ཅིན་ ཁྱེད་ཁིརཱིས་ཀྱི་ཞབས་ཕྱིཔ་ཚུ་ཨིན།

པེ་ཏྲོ་དང་པ་ལེའུ་ 4:15

དེ་འབདཝ་ད་ སྡུག་བསྔལ་མྱོང་པ་ཅིན་ ཁྱེད་ཀྱིས་ མི་གསད་ ཡང་ན་ཨརཝ་བརྐུ་ ལཱ་ངན་པ་འབད་ མི་གཞན་གྱི་བར་ན་དཀྲོག་ཁ་རྐྱབ་སྟེ་བྱུང་མིའི་སྡུག་བསྔལ་ ཁྱེད་ག་ལུ་ཡང་བྱུང་མ་བཅུག