ཏི་མོ་ཐི་གཉིས་པ་ལེའུ་ 2:5 - རྫོང་ཁ་

⁵ ད་རུང་རྩེདམོ་རྩེད་མི་གིས་ རྩེདམོ་ག་ཅི་རང་འབད་རུང་ ཁྲིམས་དང་བསྟུན་ཏེ་མ་རྩེད་བ་ཅིན་ གསོལ་རས་མི་ཐོབ།

ཏི་མོ་ཐི་གཉིས་པ་ལེའུ་ 2:5 ပူးပေါင်းရင်းမြစ်များ

ལུ་ཀ་ལེའུ་ 13:24

སྒོ་དོག་དྲགས་ནང་ལས་ འཛུལ་འགྱོ་ནིའི་དོན་ལུ་རྩ་འགེངས་ ང་གིས་ཁྱེད་ལུ་སླབ་དོ་ མི་ལེ་ཤ་རང་ འདི་ནང་ལས་ འཛུལ་འགྱོ་ནིའི་དོན་ལུ་ རྩ་འགེངས་འོང་ དེ་འབདཝ་ད་ ཁོང་འཛུལ་མི་ཚུགས།

ཕི་ལི་པི་ལེའུ་ 1:15

དེ་ཚུ་གི་གྲལ་ཁ་ལས་ མི་ལ་ལུ་ཅིག་གིས་ཁིརཱིས་ཀྱི་སྐོར་ལས་ཆོས་བཤདཔ་ད་ ང་ལུ་ཕྲག་དོག་བསྐྱེད་དེ་ རྩོད་འགྲན་གྱི་ཐོག་ལས་བཤད་ཡོདཔ་ཨིན་མས་ ཨིན་རུང་ མི་ལ་ལུ་ཅིག་གིས་ལེགས་སེམས་མནོ་སྟེ་ཆོས་བཤདཔ་ཨིན་མས།

ཀོ་ལོ་སི་ལེའུ་ 1:29

དེ་གིས་འབད་ ངེ་གི་སེམས་ནང་ ཕྱག་ལཱ་མཛད་མི་ ཁོ་གི་མཐུ་སྟོབས་ལས་བརྟེན་ཏེ་ ང་རྩ་འགེངས་ཏེ་ ལཱ་འདི་ལུ་སེམས་བཙུགས་ཏེ་འབདཝ་ཨིན།།

ཧིབ་རུ་ལེའུ་ 12:4

ད་ལྟོ་གི་ཚུན་ཚོད་ ཁྱེད་ཀྱིས་ སྡིག་པ་གི་གདོང་ལན་འབདཝ་ད་ ཤི་དགོཔ་ཚུན་ཚོད་ དཀའཝ་མ་སྤྱད།

ཧིབ་རུ་ལེའུ་ 2:7

དུས་ཡུན་ཐུང་ཀུ་གཅིག་གི་དོན་ལུ་ ནཱ་གིས་ཁོ་ལུ་ཕོ་ཉ་ཚུ་ལས་ ཨ་ཙི་དམའ་སོཝ་ཅིག་སྦེ་མཛད་གནང་སྟེ་ ཁོ་ལུ་གཟི་བརྗིད་དང་གུས་ཞབས་ཀྱིས་བཀང་གནང་ནུག

ཧིབ་རུ་ལེའུ་ 2:9

ཨིན་རུང་ཡེ་ཤུ་ ཕོ་ཉ་ཚུ་ལས་ཨ་ཙི་དམའ་སོཝ་ཅིག་སྦེ་མཛད་དེ་ ཁོ་གིས་ སྐུ་གཟུགས་ལུ་སྡུག་བསྔལ་བཞེས་ཏེ་ གཤགས་པའི་ཐོག་ལས་སྦེ་ ད་ལྟོ་ཁོ་ལུ་གཟི་བརྗིད་དང་གུས་ཞབས་ཀྱིས་གང་མི་འདི་ ང་བཅས་ཀྱིས་མཐོང་ཡོདཔ་ཨིན་ ག་ཅི་སྨོ་ཟེར་བ་ཅིན་ དཀོན་མཆོག་གི་ཐུགས་རྗེ་ལས་སྦེ་ མི་ག་ར་གི་དོན་ལུ་ ཁོ་གིས་འཆི་བ་གི་ཉམས་མྱོང་བཞེས་ནུག

ཡ་ཀོབ་ལེའུ་ 1:12

ཁྱེད་ལུ་སྡུག་བསྔལ་མ་འདྲཝ་དེ་ཚུ་ལེ་ཤ་འབྱུངམ་ད་ བཟོད་པ་བསྒོམས་ཏེ་ སྒྲིང་སྒྲིང་སྦེ་སྡོད་མི་དེ་ བྱིན་རླབས་ཅན་ཅིག་ཨིན་ ག་ཅི་སྨོ་ཟེར་བ་ཅིན་ ཁོ་གིས་སྡུག་བསྔལ་ནང་ལས་རྒྱལ་ཁ་ཐོབ་པའི་བསྒང་ལས་ དཀོན་མཆོག་གིས་ཁས་བླངས་བཞེས་ཡོད་མིའི་ཚེ་གི་གཙུག་རྒྱན་དེ་ མི་ག་འབད་རུང་ ཁོང་རང་གི་དོན་ལུ་ དཀོན་མཆོག་འདི་རྩ་ཆེ་ཏོག་ཏོ་ཨིན་ཟེར་ བརྩིས་མི་ཚུ་གིས་ཐོབ་འོང་།

པེ་ཏྲོ་དང་པ་ལེའུ་ 5:4

དེ་ལས་ལུག་རྫིཔ་གི་འགོ་དཔོན་སྦོམ་ཤོས་འདི་འབྱོནམ་ད་ ཁྱེད་ཀྱི་གསོལ་རས་འདི་ ནམ་ཡང་ཡལ་འགྱོ་ནི་མེད་པའི་ གཟི་བརྗིད་ཀྱི་གཙུག་རྒྱན་འདི་ཐོབ་འོང་།

མཐོང་སྣང་ལེའུ་ 2:10

སྡུག་བསྔལ་མྱོང་ནི་ཨིན་མས་ཟེར་མ་འདྲོག་ བདུད་ཀྱིས་ཁྱེད་ཀྱི་གྲལ་ཁ་ལས་ལ་ལུ་ཅིག་ལུ་ ཚོད་བལྟ་འབད་དེ་བཙོན་ཁང་ནང་བཙུགས་ཏེ་ ཞག་བཅུ་ཐམ་ཚུན་ཚོད་ གནོདཔ་བཀལ་ཏེ་བཞག་འོང་ དེ་སྦེ་ཤི་བའི་སྲོག་ལུ་ཐུག་རུང་ དམ་ཚིག་བསྟེན་ཏེ་སྡོད་ དེ་ལས་ང་གིས་ཚེའི་གཙུག་རྒྱན་བྱིན་ནི་ཨིན།

མཐོང་སྣང་ལེའུ་ 3:11

ང་མགྱོགས་པར་འོང་ནི་ཨིན་ ཁྱོད་ཀྱི་ལག་པ་ག་ཅི་ཡོད་མི་འདི་སྒྲིང་སྒྲིང་སྦེ་བཤེད་བཞག་ དེ་ལས་ག་གིས་ཡང་ཁྱོད་ཀྱི་གཙུག་རྒྱན་འདི་འཕྱོག་འབག་མི་ཚུགས།

མཐོང་སྣང་ལེའུ་ 4:10

རྒས་ཤོས་ཉི་ཤུ་རྩ་བཞི་གིས་ཡང་ རྒྱལ་ཁྲི་གུ་དུས་རྒྱུན་དུ་རང་བཞུགས་མིའི་སྐུ་མདུན་ལུ་ ཕྱག་འཚལ་ཞབས་ཏོག་ཞུ་སྟེ་ ཁོང་རང་གི་གཙུག་རྒྱན་ ཁྲིའི་གདོང་ཁར་ཕུད་བཞག་ཞིནམ་ད།

མཐོང་སྣང་ལེའུ་ 4:4

ད་རུང་དེ་གི་བསྐོར་ར་བརྐྱབས་ཏེ་ བཞུགས་ཁྲི་ཉི་ཤུ་རྩ་བཞི་འདུག་ བཞུགས་ཁྲི་དེ་གི་གུ་ལུ་ རྒས་ཤོས་ཉི་ཤུ་རྩ་བཞི་ ན་བཟའ་དཀརཔོ་བཞེས་ དབུ་གུ་གསེར་གྱི་གཙུག་རྒྱན་བཞེས་ཏེ་བཞུགས་མི་ཚུ་ལུ་མཇལ་ཡི།