ཏི་མོ་ཐི་གཉིས་པ་ལེའུ་ 2:2 - རྫོང་ཁ་

² དེ་ལས་འཛོམ་དཔང་ལེ་ཤ་གི་སྦུག་ལུ་ ཁྱོད་ཀྱིས་ང་ལས་གོ་མི་ཆོས་ཚུ་ མི་ན་འཐན་ཏོག་ཏོ་ ལྕོགས་གྲུབ་ཡོད་མི་ཚུ་ལུ་སྟོན་བྱིན་ དེ་ལས་ཁོང་གིས་གཞན་ཚུ་ལུ་ཡང་སྟོན་ཚུགས།

ཏི་མོ་ཐི་གཉིས་པ་ལེའུ་ 2:2 ပူးပေါင်းရင်းမြစ်များ

མེ་ཐིའུ་ལེའུ་ 13:52

དེ་ལས་ཁོ་གིས་ དེ་ལེགས་ཤོམ་ཨིན་ ཞིང་ཁམས་ཀྱི་རྒྱལ་སྲིད་ཀྱི་དོན་ལུ་ སྦྱོང་བརྡར་ཐོབ་མིའི་ བཀའ་ཁྲིམས་ཀྱི་སློབ་དཔོན་དེ་ཚུ་ རིན་གོང་ཆེ་བའི་རྒྱུ་ནོར་ཡོད་མི་སྦྱིན་བདག་བཟུམ་སྦེ་ཨིན་ ཁོ་གིས་ཁོ་རང་གི་བང་མཛོད་ནང་ལུ་བཞག་མི་རྒྱུ་ནོར་གསརཔ་དང་རྙིངམ་ཚུ་ བགོ་བཤའ་བརྐྱབ་ནི་སྦེ་ ཕྱི་ཁར་བཏོན་དོཝ་བཟུམ་སྦེ་ཨིན་ཟེར་གསུངས་ནུག།

མེ་ཐིའུ་ལེའུ་ 24:25

ད་ནཱ་ཉན་ཞིག་ ཨ་ནི་དེ་ཚུ་མ་བྱུང་མིའི་ཧེ་མ་ལས་ ང་གིས་ཁྱེད་ལུ་བཤད་དེ་སླབ་ཅི།

ལུ་ཀ་ལེའུ་ 12:42

གཙོ་བོ་གིས་ད་རུང་ ད་གཉེརཔ་ཤེས་རབ་ཅན་ ན་འཐན་ཏོག་ཏོ་ག་སྨོ་ སྦྱིན་བདག་གིས་ཁོ་རང་གི་ཁྱིམ་ནང་གི་གཡོགཔོ་གཞན་ཚུ་ལུ་ དུས་ཚོད་ལུ་བཞེས་སྒོ་ཀྲིག་ཀྲི་སྦེ་ བྱིན་ནི་གི་འགན་ཁག་ ག་ག་ལུ་སྤྲོད་འོང་ག།

ཀོ་རཱིན་ཐི་དང་པ་ལེའུ་ 4:2

ད་འདི་ལས་ཡང་ལྷགཔ་སྦེ་ཁག་ཆེ་ཤོས་དེ་ བདག་འཛིན་པ་ཚུ་དམ་ཚིག་བསྟེན་དགོཔ་ཨིན།

ཀོ་རཱིན་ཐི་གཉིས་པ་ལེའུ་ 2:14

དེ་འབདཝ་ད་ དཀོན་མཆོག་ལུ་བཀྲིན་ཆེ་ཟེར་ཞུ་ནི་ཨིན་ ག་ཅི་འབད་ཟེར་བ་ཅིན་ ཁིརཱིས་ཀྱི་རྒྱུད་ལས་སྦེ་ ཁོ་གིས་དམག་རྐྱབ་ས་ལས་ རྒྱལ་ཁ་ཐོབ་སྟེ་ལོག་བྱོན་དོཝ་བཟུམ་སྦེ་ ང་བཅས་ཁོ་རའི་བཙོན་པ་སྦེ་འཁྱིད་འབྱོནམ་ཨིན་ དེ་མ་ཚད་ ང་བཅས་ག་ཏེ་རང་འགྱོ་རུང་ ཁོ་གི་གཏམ་བཟང་འདི་ མི་གཞན་ག་ར་གིས་ ཚོར་བའི་དྲི་བཟང་གི་དྲིམ་ཞིམ་ཏོང་ཏོ་ ང་བཅས་ཀྱི་རྒྱུད་ལས་མནམ་བཅུགཔ་ཨིན།

ཀོ་རཱིན་ཐི་གཉིས་པ་ལེའུ་ 3:5

དེ་ལས་ ང་བཅས་རང་གི་ལྕོགས་གྲུབ་ཀྱིས་ འདི་ཚུ་ག་ར་འབད་ཚུགསཔ་ཨིན་ཟེར་ ང་བཅས་ཀྱིས་མནོ་བསམ་རྩ་ལས་རང་མ་གཏང་ དེ་འབདཝ་ད་ འདི་ཚུ་ག་ར་དཀོན་མཆོག་གི་དབང་ཤུགས་ཀྱིས་ འབད་ཚུགསཔ་ཨིན།

ཀོ་ལོ་སི་ལེའུ་ 1:7

དེ་ ང་བཅས་དང་མཉམ་ལཱ་འབད་མི་ བརྩེ་བའི་ཞབས་ཕྱིཔ་ ཨེ་པ་ཕརཱས་ལས་ཁྱེད་ཀྱིས་གོ་ཡི་ ཁོ་ཁིརཱིས་ཀྱི་ཞབས་ཕྱིཔ་ན་འཐན་ཏོག་ཏོ་ ང་བཅས་ཀྱི་ཐོག་ལས་ ཁྱེད་ལུ་ཆ་རོགས་འབད་མི་གཅིག་ཨིན།

ཏི་མོ་ཐི་དང་པ་ལེའུ་ 1:12

ང་ལུ་ལྕོགས་གྲུབ་གནང་མི་ ང་བཅས་ཀྱི་གཙོ་བོ་ ཁིརཱིས་ཡེ་ཤུ་ལུ་ ང་གིས་བཀའ་དྲིན་ཆེ་ཟེར་ཞུ་ནི་ཨིན་ ག་ཅི་སྨོ་ཟེར་བ་ཅིན་ ཁོ་གིས་ང་ལུ་དམ་ཚིག་ཅན་སྦེ་བརྩིས་གནང་སྟེ་ ཁོ་གི་ཕྱག་ཞུ་བའི་ལཱ་ང་ལུ་བཀོད་གནང་ཡི།

ཏི་མོ་ཐི་དང་པ་ལེའུ་ 1:18

ངེ་གི་བུ་ ཏི་མོ་ཐི་ ཧེ་མ་ཁྱོད་ཀྱི་སྐོར་ལས་ ལུང་བསྟན་བཤད་མི་ཚུ་ལེགས་ཤོམ་སྦེ་དྲན་དགོ་ཟེར་ང་གིས་ཁྱོད་ལུ་བཀོད་རྒྱ་བྱིན་དོ་ ལུང་བསྟན་འདི་ཚུ་དང་འཁྲིལ་ཏེ་ ཁྱོད་ཀྱིས་ བདེན་པའི་ཕྱད་མདའ་མ་འདྲོག་པར་ དམག་མི་ལེགས་ཤོམ་བཟུམ་སྦེ་བརྐྱབས་དགོཔ་ཨིནམ་མ་ཚད།

ཏི་མོ་ཐི་དང་པ་ལེའུ་ 4:14

འགོ་འདྲེན་པ་ཚུ་གིས་ ཁྱོད་ཀྱི་གུ་ལགཔ་བཀལ་ཏེ་ ལུང་བསྟན་བཤད་པའི་ཐོག་ལས་སྦེ་ ཁྱོད་ཀྱིས་ཐོབ་མི་དམ་པའི་ཐུགས་ཉིད་ཀྱི་གསོལ་རས་དེ་ལུ་ བར་སྟོར་མ་གཏང་པར་ ལག་ལེན་འཐབ་སྟེ་སྡོད།

ཏི་མོ་ཐི་དང་པ་ལེའུ་ 4:6

ང་གིས་ཁྱོད་ལུ་སྟོན་མི་བཀོད་རྒྱ་འདི་ཚུ་ ཁྱོད་ཀྱིས་སྤུན་ཆ་ཚུ་ལུ་སྟོན་བྱིན་སྦེ་ ཁྱོད་རང་གིས་འབད་འོང་མིའི་ཆོས་དང་ གཞི་བརྟན་ཏོག་ཏོ་ཚུ་ ཟས་བཅུད་ཅན་མ་ཆད་པར་ཟ་དོཝ་བཟུམ་སྦེ་ སེམས་ཁར་དྲན་སྡོད་པ་ཅིན་ ཁྱོད་ཁིརཱིས་ཡེ་ཤུ་གི་ཕྱག་ཞུ་མི་ལེགས་ཤོམ་ཅིག་སྦེ་འཐོན་འོང་།

ཏི་མོ་ཐི་དང་པ་ལེའུ་ 5:22

མི་གཞན་གྱི་གུ་ལགཔ་བཀལ་ཏེ་ འགོ་འདྲེན་པ་སྦེ་བཙག་འཐུ་འབད་ནི་ལུ་མ་ཚབ་ དེ་འབདཝ་ལས་ ཁྱོད་ཁོང་གི་སྡིག་པའི་གྲལ་ཁར་མི་ཚུད་ ཁྱོད་རང་འདི་བཟུམ་གྱི་ལཱ་ཚུ་ལས་གཙངམ་སྦེ་སྡོད།

ཏི་མོ་ཐི་དང་པ་ལེའུ་ 6:12

གསོལ་རས་ཐོབ་ནི་གི་དོན་ལུ་ དད་པ་ནང་འགྲན་བསྡུར་ལེགས་ཤོམ་འབད་ དེ་ལས་དཀོན་མཆོག་གིས་ཁྱོད་ལུ་འབོ་གནང་མི་དོན་དག་སྒྲུབ་ནི་སྦེ་ མཐའ་མེད་པའི་ཚེ་འདི་གསོལ་རས་སྦེ་ལེན་ འདི་གི་སྐོར་ལས་ཡང་ ཁྱོད་ཀྱིས་མི་ལེ་ཤ་གི་གདོང་ཁར་ དད་པ་གི་འཛོམ་དཔང་བཟང་པོ་འབད་ཡི།

ཏི་མོ་ཐི་གཉིས་པ་ལེའུ་ 3:10

ད་ཁྱོད་ཀྱིས་ང་ལུ་བལྟ་སྟེ་ ང་གིས་སྟོན་མི་ཆོས་ ངེ་གི་སྤྱོད་ལམ་ ངེ་གི་མི་ཚེ་གི་དོན་དག་ འདི་ཁྱེད་ཀྱིས་ཤེས་ དེ་མ་ཚད་ ང་གིས་ག་དེ་སྦེ་ དད་པ་བསྐྱེད་ཅི་ག་ བཟོད་པ་སྒོམ་སྡོད་ཅི་ག་ བྱམས་པ་འབད་ཡི་ག་ སྡུག་བསྔལ་ལུ་བཟོད་བསྲན་བསྐྱེད་ཡི་ག་ འདི་ག་ར་ཁྱེད་ཀྱིས་ཤེས་ཅི།

ཏི་མོ་ཐི་གཉིས་པ་ལེའུ་ 3:14

དེ་འབདཝ་ད་ ཁྱོད་ཀྱི་དོན་ལུ་གཅིག་སླབ་པ་ཅིན་ ཧེ་མ་ཁྱོད་རང་གིས་ལྷབ་སྟེ་ ཧ་གོ་མིའི་བདེན་པ་ནང་ འཕྲོ་མཐུད་དེ་རང་ སྒྲིང་སྒྲིང་སྦེ་སྡོད་ ག་ཅི་སྨོ་ཟེར་བ་ཅིན་ ཁྱོད་ལུ་སྟོན་བྱིན་མི་ཚུ་ཏན་ཏན་ཨིནམ་ ཁྱོད་རང་གིས་ཤེས།

ཧིབ་རུ་ལེའུ་ 2:17

དེ་འབདཝ་ལས་བརྟེན་ཏེ་ ག་ཅི་ནང་རང་འབད་རུང་ ཁོ་རང་གི་སྤུན་ཆ་ཚུ་བཟུམ་སྦེ་ འགྱུར་དགོཔ་ཐལ་ནུག་ དེ་ལས་ མི་དམངས་ཀྱི་སྡིག་པའི་མཆོདཔ་སྦེ་ཕུལ་བའི་དོན་ལུ་ ཁོ་ དཀོན་མཆོག་ལུ་ཞབས་ཏོག་ཞུ་མི་སྦེ་ སྙིང་རྗེ་ཅན་དང་དམ་ཚིག་ཅན་གྱི་མཁན་ཆེན་གཅིག་ལུ་འགྱུར་ནུག