ཏི་མོ་ཐི་གཉིས་པ་ལེའུ་ 2:18 - རྫོང་ཁ་

¹⁸ ཁོང་གིས་བདེན་པའི་ལམ་ནང་ལས་ཐོན་ཏེ་ དུས་མཐའན་མཇུག་ལུ་ཤི་ས་ལས་གསོན་པོ་ལོང་ནི་དེ་བྱུང་ཚར་ཡི་ཟེར་སླབ་སྦེ་ མི་ལ་ལུ་ལུ་དད་པ་བསྐྱེད་ས་ལས་བཀགཔ་ཨིན་མས།

ཏི་མོ་ཐི་གཉིས་པ་ལེའུ་ 2:18 ပူးပေါင်းရင်းမြစ်များ

མེ་ཐིའུ་ལེའུ་ 15:13

ཡེ་ཤུ་གིས་ ངེ་གི་ཞིང་ཁམས་ཀྱི་ཡབ་ཀྱིས་མ་བཙུགས་མི་ཤིང་ཚུ་ ར་ཏོ་ལས་རང་ཡར་འབལ་ནི་ཨིན།

མེ་ཐིའུ་ལེའུ་ 22:29

དེའི་ལན་ལུ་ཡེ་ཤུ་གིས་ ཁྱེད་ལུ་འཛོལ་བ་འདུག་ ག་ཅི་སྨོ་ཟེར་བ་ཅིན་ ཁྱེད་ཀྱིས་གསུང་རབ་མ་ཤེསཔ་མ་ཚད་ དཀོན་མཆོག་གི་དབང་ཤུགས་དེ་ལུ་ཡང་མི་ཤེས་པས།

ལུ་ཀ་ལེའུ་ 8:13

ས་རུག་རྡོ་རུག་ནང་བུད་མི་སོན་དེ་ཨ་ནི་ཨིན་ ཁོང་གསུང་ཉནམ་ད་སེམས་དགའ་སྦེ་ཉན་ཏེ་ དད་པ་བསྐྱེད་མི་ཆ་ཁྱབ་ཨིན་ དེ་འབདཝ་ད་ སོན་མར་ལས་ཡར་སྐྱེསཝ་ད་ ར་ཏོ་མར་བཏགས་མ་ཚུགསཔ་བཟུམ་སྦེ་ ཁོང་གི་དད་པ་ཡང་སྒྲིང་སྒྲིང་མེད་པར་ ཡུདཔ་ཐེངས་གཅིག་གི་དོན་ལུ་དད་པ་བསྐྱེདཔ་མ་གཏོགས་ ཁོང་ལུ་བར་ཆད་འོངམ་ད་དད་པ་བརྟན་ཏོག་ཏོ་ བསྐྱེད་མ་ཚུགས་པར་དད་པ་ལོག་སྟེ་ རྒྱབ་བཤུད་རྐྱབ་འགྱོ་མི་ཚུ་ཨིན།

མཛད་པ་ལེའུ་ 5:39

དེ་འབདཝ་ད་ དཀོན་མཆོག་ལས་ཨིན་པ་ཅིན་ ནཱ་ཆ་ཁྱབ་ཀྱི་ཁོང་ལུ་བཀག་མི་ཚུགས་ འདི་མ་ཚད་ ནཱ་ཆ་ཁྱབ་ཀྱིས་དཀོན་མཆོག་ལུ་ངོ་རྒོལ་འབད་དོཝ་བཟུམ་སྦེ་འགྱོ་ནི་ཨིན་ཟེར་ ཁོ་གིས་དེ་སྦེ་ཞུ་ནུག

ཀོ་རཱིན་ཐི་དང་པ་ལེའུ་ 11:19

མ་གཞི་ ཁྱེད་ཀྱི་གྲལ་ཁར་ དཀོན་མཆོག་གི་ཐུགས་དགྱེས་མི་ཚུ་ག་ཨིན་ན་ ངོ་ཤེས་ནིའི་དོན་ལུ་ ཁྱེད་ཀྱི་སྦུག་ལུ་ སྡེ་ཚན་སོ་སོ་སྦེ་འགྱོ་དགོཔ་ ཁག་ཆེ་ཏོག་ཏོ་ཨིན་མས།

ཀོ་རཱིན་ཐི་དང་པ་ལེའུ་ 15:12

ཁིརཱིས་གཤགས་ས་ལས་སྐུ་གསོན་པོ་སྦེ་བཞེངས་གནང་ཡི་ཟེར་ཆོས་བཤདཔ་ད་ ཁྱེད་ལ་ལུ་གིས་ག་ཅི་འབད་ ཤུལ་མ་མི་དེ་ཚུ་ལུ་ ཤི་ས་ལས་གསོན་པོ་སྦེ་ལྷོང་གནང་ནི་མེད་ཟེར་སླབ་སྨོ།

ཀོ་ལོ་སི་ལེའུ་ 3:1

དེ་འབདཝ་ལས་ ཁྱེད་ཆ་ཁྱབ་ཁིརཱིས་དང་གཅིག་ཁར་ གསོན་པོ་སྦེ་ལྷོང་གནང་ཡོདཔ་ལས་ དཀོན་མཆོག་གི་ཕྱག་གཡས་ལུ་ ཁིརཱིས་བཞུགས་ཡོད་པའི་ཞིང་ཁམས་ཀྱི་དངོས་པོ་ཚུ་ལུ་ཚ་གཏད་དེ་སྡོད།

ཏི་མོ་ཐི་དང་པ་ལེའུ་ 1:19

དད་པ་སྒྲིང་སྒྲིང་སྦེ་བསྐྱེད་དེ་ དྲན་ཤེས་གསལ་ཏོག་ཏོ་གི་ཐོག་ལས་སྡོད་དགོཔ་ཨིན་ མི་ལ་ལུ་ཅིག་གིས་ དྲན་ཤེས་གསལ་ཏོག་ཏོ་སྦེ་སྡོད་དགོ་མ་མནོ་བར་ ཁོང་རའི་དད་པ་ལུ་མེདཔ་གཏངམ་ཨིན་མས།

ཏི་མོ་ཐི་དང་པ་ལེའུ་ 6:10

ཏི་རུ་ལུ་དགའ་ནི་འདི་ ངན་པ་ག་ར་གི་ར་ཏོ་ཨིན་ མི་ལ་ལུ་ཅིག་ཏི་རུ་གི་འདོད་པ་གིས་ དད་པའི་ལམ་ནང་ལས་འཐོན་འགྱོ་སྟེ་ ཁོ་ཁོ་རང་ སྡུག་བསྔལ་དང་ན་ཟུག་གིས་སྲོབ་བཅུགཔ་ཨིན།།

ཏི་མོ་ཐི་དང་པ་ལེའུ་ 6:21

མི་ལ་ལུ་ཅིག་ཨ་ནི་ཡོན་ཏན་ ང་ལུ་ཡོད་ཟེར་སླབ་མི་ཆོས་རྫུས་མ་ལུ་ཉན་ཏེ་ དད་པའི་ལམ་ནང་ལས་འཐོན་ཏེ་ཡར་སོང་ནུག་ དཀོན་མཆོག་གི་ཐུགས་རྗེ་འདི་ ཁྱེད་ཆ་ཁྱབ་དང་གཅིག་ཁར་བཞུགས་བཅུག། །།

ཏི་མོ་ཐི་གཉིས་པ་ལེའུ་ 2:14

དེ་ཚུ་གི་སྐོར་ལས་ མ་ཆད་པ་རང་ དྲན་བསྐུལ་འབད་དེ་སྡོད་དགོ་ དེ་ལས་དཀོན་མཆོག་གི་མཚན་འཛོམ་དཔང་བཙུགས་ཏེ་ ཁུངས་མེད་པའི་ཚིག་གི་སྐོར་ལས་ རྩོད་པ་མ་རྐྱབས་ཟེར་ ཁྱོད་ཀྱིས་དདཔ་ཅན་ཚུ་ལུ་བཀའ་དམ་དྲགས་སྦེ་བྱིན་དགོ་ ག་ཅི་སྨོ་ཟེར་བ་ཅིན་ འདི་བཟུམ་གྱི་རྩོད་པ་རྐྱབ་ནི་གི་བློ་ཚུ་གིས་ གོ་མི་ཚུ་ལུ་གནོད་ནི་མ་གཏོགས་ ཕན་མི་ཐོགས།།

ཏི་ཏུས་ལེའུ་ 1:11

ཁོང་ལུ་འདི་བཟུམ་གྱི་ ཆོས་སྟོན་ནི་ལས་བཀག་དགོ་ ག་ཅི་སྨོ་ཟེར་བ་ཅིན་ ཁོང་གིས་ངོ་ཚ་ནི་མེད་པར་ ཏི་རུ་བཟོ་ནི་གི་ཐབས་ལུ་ སྟོན་མ་བཏུབ་པའི་ཆོས་ཚུ་སྟོན་ཏེ་ བཟའ་ཚང་ལ་ལུ་ཅིག་ནང་ ནང་འཁྲུག་བཙུག་སྟེ་ ཆོས་བདེན་པ་ལུ་ དོགས་པ་ཟ་བཅུགཔ་ཨིན་མས།

ཧིབ་རུ་ལེའུ་ 3:10

དེ་འབདཝ་ལས་ ཨ་ནི་མི་རབས་དེ་ཚུ་ལུ་བལྟ་སྟེ་ ང་ཙིགཔ་ཟ་ཡི་ དེ་ལས་ ང་གིས་ཁོང་གི་སྐོར་ལས་ ཁོང་ཨ་རྟག་རང་ དམ་ཚིག་མ་སྲུང་པར་སྡོདཔ་ཨིན་མས་ ཁོང་གིས་ངེ་གི་ཐར་ལམ་དེ་ཡང་ ཧ་མི་གོ་བས་ཟེར་སླབ་ཅི།

ཡ་ཀོབ་ལེའུ་ 5:19

དབའེ་ངེ་གི་སྤུན་ཆ་ཚུ་ ཁྱེད་ཀྱི་གྲལ་ཁ་ལས་ གཅིག་གིས་ལམ་བདེན་པ་འདི་སྤངས་ཏེ་ ལམ་འཛོལ་བ་བདའ་སྟེ་འགྱོ་སྡོདཔ་ད་ གཅིག་གིས་ལོག་སྟེ་ལམ་བདེན་པ་ནང་འཁྱིད་འོང་པ་ཅིན།

ཡོ་ཧ་ནཱན་དང་པ་ལེའུ་ 2:19

ཁོང་ཆ་ཁྱབ་ ང་བཅས་ཀྱི་གྲལ་ཁ་ལས་ཐོན་ཡར་སོང་ཡི་ ག་ཅི་སྨོ་ཟེར་བ་ཅིན་ ཧེ་མ་ལས་རང་ ཁོང་ང་བཅས་ཀྱི་ཁ་ཐུག་ལས་མེན་པས་ ཁོང་ང་བཅས་ཀྱི་གྲལ་ཁ་ལས་ཨིན་པ་ཅིན་ ང་བཅས་དང་གཅིག་ཁར་རང་སྡོད་སྡོདཔ་འོང་ དེ་འབདཝ་ད་ ཁོང་ང་བཅས་ཀྱི་གྲལ་ཁ་ལས་འཐོན་འགྱོ་ནི་དེ་གིས་ ང་བཅས་ཀྱི་ཁ་ཐུག་ལས་མེན་ཟེར་བའི་ཁུངས་བཀལཝ་ཨིན།