ཏི་མོ་ཐི་གཉིས་པ་ལེའུ་ 2:12 - རྫོང་ཁ་

¹² ང་བཅས་ཀྱིས་བཟོད་པ་སྒོམ་པ་ཅིན་ ཁོ་དང་མཉམ་གཅིག་རྒྱལ་སྲིད་སྐྱོང་ནི་ཡོད་ ང་བཅས་ཀྱིས་ཁོ་ལུ་ངོ་མི་ཤེས་ཟེར་བ་ཅིན་ ཁོ་གིས་ཡང་ང་བཅས་ལུ་ངོ་མི་ཤེས་ཟེར་གསུང་འོང་།

ཏི་མོ་ཐི་གཉིས་པ་ལེའུ་ 2:12 ပူးပေါင်းရင်းမြစ်များ

མེ་ཐིའུ་ལེའུ་ 10:33

དེ་འབདཝ་ད་ མི་ག་ར་འབད་རུང་ མི་གི་གདོང་ཁར་ང་ལུ་ངོ་མི་ཤེས་ཟེར་སླབ་པ་ཅིན་ ཞིང་ཁམས་ལུ་བཞུགས་ཡོད་མི་ ངེ་གི་ཡབ་ཀྱི་སྐུ་མདུན་ལུ་ ང་གིས་ཡང་ཁོ་ལུ་ངོ་མི་ཤེས་ཟེར་སླབ་ནི་ཨིན།།

མེ་ཐིའུ་ལེའུ་ 26:35

དེ་འབདཝ་ད་ པེ་ཏྲོ་གིས་ ང་ནཱ་དང་མཉམ་གཅིག་ཤི་དགོཔ་ཐལ་རུང་ ང་ནཱ་ལུ་ངོ་མི་ཤེས་ཟེར་རྩ་ལས་རང་མི་སླབ་ཟེར་ཞུཝ་ད་ ཁོ་བཟུམ་སྦེ་རང་སློབ་མ་ཚུ་ག་ར་གིས་དེ་སྦེ་ཞུ་ནུག།

མེ་ཐིའུ་ལེའུ་ 26:75

དེ་ལས་ པེ་ཏྲོ་གིས་ ཡེ་ཤུ་གིས་ཁྱོད་ཀྱིས་བྱ་པོད་མ་འབོ་པའི་ཧེ་མ་ལས་ ཚར་གསུམ་ང་ལུ་ངོ་མི་ཤེས་ཟེར་སླབ་འོང་ཟེར་གསུངས་མི་དེ་ དེ་འཕྲོ་ལས་ཁོ་རང་གི་སེམས་ཁར་དྲན་ཏེ་ ཕྱི་ཁར་འགྱོ་སྟེ་གནམ་མེད་ས་མེད་སྔུ་ནུག།

མཱར་ཀུ་ལེའུ་ 10:33

ཁོ་གིས་ཁོང་ལུ་ ནཱ་ཉན་ཞིག་ ང་བཅས་ཡར་ ཡེ་རུ་ཤ་ལེམ་ལུ་འགྱོ་དོ་ ཡར་ལྷོདཔ་ད་ མིའི་བུ་བླ་ཆེན་དང་ བཀའ་ཁྲིམས་ཀྱི་སློབ་དཔོན་ཚུ་གི་ལག་པར་སྤྲོད་དེ་ ཁོང་གིས་ཉེས་ཁྲིམས་སྲོག་ཐོག་ལུ་བཏང་ནི་སྦེ་ཐག་ཆོད་འོང་ དེ་ལས་ཕྱིའི་མི་རིགས་ཚུ་གི་ལག་པར་སྤྲོད་འོང་།

མཱར་ཀུ་ལེའུ་ 8:38

ད་མི་ག་ར་འབད་རུང་ དཀོན་མཆོག་དང་གཅིག་ཁར་དམ་ཚིག་མ་སྲུང་མི་ཚུ་དང་ མི་རབས་ངན་པ་ཚུ་ ང་དང་ངེ་གི་ཆོས་སྟོན་མི་འདི་ལུ་ངོ་ཚ་བ་ཅིན་ མིའི་བུ་ཡབ་ཀྱི་གཟི་བརྗིད་ནང་ དམ་པའི་ཕོ་ཉ་དང་གཅིག་ཁར་འབྱོནམ་ད་ འདི་བསྒང་ཁོང་ལུ་བལྟ་སྟེ་ཁོ་ཡང་ངོ་ཚ་ནི་ཨིན་ཟེར་གསུངས་ནུག

ལུ་ཀ་ལེའུ་ 12:9

དེ་འབདཝ་ད་ ག་ར་འབད་རུང་ མིའི་གདོང་ཁར་ང་ལུ་ངོ་མི་ཤེས་ཟེར་སླབ་མི་འདི་ལུ་ མིའི་བུ་གིས་ཡང་ དཀོན་མཆོག་གི་ཕོ་ཉ་གི་གདོང་ཁར་ འདི་ལུ་ངོ་མི་ཤེས་ཟེར་སླབ་འོང་།

ལུ་ཀ་ལེའུ་ 22:29

ངེ་གི་ཡབ་ཀྱིས་ང་ལུ་རྒྱལ་སྲིད་ཀྱི་དབང་ཚད་གནང་དོཝ་བཟུམ་སྦེ་ ང་གིས་ཡང་།

ལུ་ཀ་ལེའུ་ 22:30

ཁྱེད་ཆ་ཁྱབ་ངེ་གི་རྒྱལ་སྲིད་ནང་སྡོད་དེ་ ངེ་གི་ཟ་ཁྲི་གུ་ལས་ ཟ་ འཐུང་ནི་གི་དབང་ཚད་ཁྱེད་ལུ་བྱིན་ནི་ཨིན་ དེ་གིས་མ་ཚད་ ཁྲི་ཁར་སྡོད་དེ་ ཨཱིས་ར་ཨཱེལ་གྱི་མི་རིགས་བཅུ་གཉིས་ལུ་ ཁྱེད་ཀྱིས་ཁྲིམས་ཕྱེ་ནི་ཨིན་ཟེར་གསུངས་ནུག།

ལུ་ཀ་ལེའུ་ 9:26

ད་མི་ག་ར་འབད་རུང་ ང་དང་ངེ་གི་གསུང་ དེ་ལས་ཆོས་སྟོན་མི་ལུ་བལྟ་སྟེ་ ངོ་ཚ་བ་ཅིན་ ནམ་གཅིག་གི་ཚེ་ མིའི་བུ་རང་གི་གཟི་བརྗིད་དང་འོད་ཟེར་ དེ་ལས་ཡབ་དཀོན་མཆོག་གི་གཟི་བརྗིད་དང་ དམ་པའི་ཕོ་ཉ་ཚུ་དང་གཅིག་ཁར་འོངམ་ད་ ཁོ་ཨ་ནི་མི་འདི་ལུ་བལྟ་སྟེ་ངོ་ཚ་འོང་།

མཛད་པ་ལེའུ་ 14:22

ཁོང་གིས་སློབ་མ་ཚུ་ སྒྲིང་སྒྲིང་བཟོ་ཡི་རང་ དད་པ་བསྐྱེད་དེ་རང་སྡོད་དགོ་ཟེར་སེམས་གསོ་འབད་ནུག་ དེ་ལས་དཀོན་མཆོག་གི་རྒྱལ་སྲིད་ནང་འཛུལ་ནིའི་དོན་ལུ་ སྡུག་བསྔལ་ལེ་ཤ་མྱོང་དགོ་ཟེར་དྲན་བསྐུལ་འབད་ནུག

རོམ་མི་ལེའུ་ 5:17

མི་གཅིག་གིས་ཉེས་པ་འབད་དེ་ མི་འདི་གི་རྒྱུད་ལས་སྦེ་འཆི་བ་གིས་ མི་ག་ར་ལུ་དབང་ནུག་ དེ་འབདཝ་ད་ འདི་ལས་ཡང་ལྷག་སྟེ་ ཡེ་ཤུ་ཁིརཱིས་ཁོ་གཅིག་གིས་མཛད་མི་ལས་བརྟེན་ཏེ་ དཀོན་མཆོག་གི་ཕངས་སེམས་མེད་པའི་ཐུགས་རྗེ་གནང་སྟེ་ ཁོ་གིས་ང་བཅས་ལུ་ ཁོ་རའི་ཐུགས་དང་ལྡན་པའི་ མི་ཕྲངམ་སྦེ་མཛད་གནང་ནུག་ དེ་ལས་ང་བཅས་ཀྱིས་ཁིརཱིས་དང་གཅིག་ཁར་སྡོད་དེ་ དུས་རྒྱུན་དུ་རྒྱལ་སྲིད་སྐྱོང་ནི་ཨིན།

རོམ་མི་ལེའུ་ 8:17

ང་བཅས་དཀོན་མཆོག་གི་སྲས་དང་སྲསམོ་ཨིན་པ་ཅིན་ ཁོ་གི་རྒྱུ་ནོར་ལས་བགོ་བཤའ་ཐོབ་ནི་ཨིན་ ད་རུང་ཁོ་གི་སྲས་ཁིརཱིས་དང་གཅིག་ཁར་ སྡུག་བསྔལ་མྱོང་པ་ཅིན་ ཁོ་དང་འདྲན་འདྲ་ དཀོན་མཆོག་གི་རྒྱུ་ནོར་ལས་ བགོ་བཤའ་ཐོབ་ནི་ཨིནམ་མ་ཚད་ ང་བཅས་ཁོ་དང་འདྲན་འདྲ་སྦེ་ གཟི་བརྗིད་དང་ལྡནམ་སྦེ་འགྱུར་འོང་།།

ཕི་ལི་པི་ལེའུ་ 1:28

དེ་ལས་ཁྱེད་ལུ་གནོད་འཚེ་བཀལ་མི་ཚུ་ལུ་ མ་འདྲོག་པའི་ལོ་རྒྱུས་ ང་གིས་རྣ་བ་གོ་བཅུག་ ཁྱེད་ཀྱིས་དེ་སྦེ་འབདཝ་ད་རང་ གནོད་འཚེ་བཀལ་མི་ཚུ་གི་དོན་ལུ་ རྩ་མེད་གཏང་པའི་ཁུངས་ཨིན་ དེ་འབདཝ་ད་ ཁྱེད་ཀྱི་དོན་ལུ་འདི་ དཀོན་མཆོག་ལས་ཐོབ་མི་ཐར་པ་གི་རྟགས་ཨིན་ འདི་ཚུ་གཉིས་ཆ་རང་དཀོན་མཆོག་ལས་ཨིན།

ཏི་མོ་ཐི་དང་པ་ལེའུ་ 5:8

མི་ག་ར་འབད་རུང་ རང་གི་གཉེན་ཉེཝ་དང་ཁག་ཆེ་ཤོས་ རང་གི་བཟའ་ཚང་ལུ་བདག་འཛིན་མ་འཐབ་པ་ཅིན་ མི་དེ་གིས་ཁོ་རང་གི་དད་པ་ཡ་མེད་སྦེ་བཞག་དོཝ་བཟུམ་ཨིནམ་མ་ཚད་ དད་པ་མ་བསྐྱེད་མི་ཚུ་ལས་ཡང་སྐྱོ་ཤོས་སྦེ་བརྩི་ནི་ཨིན།

ཡུ་དཱས་ལེའུ་ 1:4

ག་ཅི་སྨོ་ཟེར་བ་ཅིན་ མི་ལ་ལུ་ཅིག་གིས་ མེན་བརྫུ་བཏབ་སྟེ་ ཁྱེད་ཀྱི་སྦུག་ལུ་གཙང་བཏང་འཛུལ་ཏེ་ཡོད་ ཁོང་གིས་ཁྱེད་ལུ་ འདོད་ཆགས་ངན་པའི་ལཱ་འབད་བ་ཅིན་ཁྱད་མེད་ ག་ཅི་སྨོ་ཟེར་བ་ཅིན་ དཀོན་མཆོག་གིས་ཐུགས་རྗེ་གནང་འོང་ཟེར་སླབ་ནི་དང་ ད་རུང་ཁོང་གིས་ ཡེ་ཤུ་ཁིརཱིས་འདི་ སྦྱིན་བདག་དང་གཙོ་བོ་ཡང་མེན་ཟེར་སླབ་ཨིན་མས་ དེ་ཚུ་དཀོན་མཆོག་ལུ་མ་འདྲོག་མི་ཚུ་ཨིན་ དེ་འབདཝ་ལས་བརྟེན་ཏེ་ ཧེ་མ་ལུང་བསྟན་ནང་བྲིས་དོཝ་བཟུམ་སྦེ་ དཀོན་མཆོག་གིས་ཁོང་ལུ་ཧེ་མ་ལས་ ཁྲིམས་བཀལ་ནི་སྦེ་ ངོས་འཛིན་འབད་དེ་བཞག་ཡོདཔ་ཨིན།

མཐོང་སྣང་ལེའུ་ 1:6

ཁོ་རང་གི་ཡབ་དཀོན་མཆོག་གི་དོན་ལུ་ ང་བཅས་ལུ་རྒྱལ་སྲིད་དང་བླམ་སྦེ་མཛད་གནང་མི་ཡེ་ཤུ་ཁིརཱིས་ལུ་ དུས་རྟག་བུ་རང་ གཟི་བརྗིད་དང་དབང་ཚད་ག་ར་ ཁོ་གི་ཨིན་ནོ་ ཨ་མཱེན།

མཐོང་སྣང་ལེའུ་ 1:9

ང་ ཡོ་ཧ་ནཱན་ ཁྱེད་ཀྱི་སྤུན་ཆ་ དཀོན་མཆོག་གི་རྒྱལ་སྲིད་ནང་ ཁྱེད་དང་གཅིག་ཁར་ཨིན་མི་ ཁྱེད་དང་འདྲན་འདྲ་སྦེ་ ཡེ་ཤུ་གི་ཐོག་ལས་སྡུག་བསྔལ་གྱི་ཉམས་མྱོང་ཐོབ་སྟེ་ ཁྱེད་བཟུམ་སྦེ་བཟོད་སྲན་བསྐྱེདཔ་ཨིན་ ང་དཀོན་མཆོག་གི་གསུང་དང་ ཡེ་ཤུ་གི་འཛོམ་དཔང་འབདཝ་ལས་བརྟེན་ཏེ་ ང་ལུ་བདའ་གཏང་སྟེ་ ད་ལྟོ་མཚོ་གླིང་ པཱད་མཱོས་ནང་སྡོད་དགོཔ་ཐལ་སོང་ཡི།

མཐོང་སྣང་ལེའུ་ 2:13

ད་ལྟོ་ཁྱོད་སྡོད་མི་ས་གནས་འདི་ བདུད་ སེ་ཏཱན་གྱི་རྒྱལ་ཁྲི་ཨིན་རུང་ ངེ་གི་མིང་ནང་ ཁྱོད་ཀྱིས་དམ་ཚིག་བསྟེན་ཏེ་སྡོད་མི་དེ་ང་གིས་ཤེས་ དེ་ལས་ ཨཱན་ཏྲི་པཱས་ཀྱིས་ང་ལུ་དམ་ཚིག་བསྟེན་མི་དང་ ངེ་གི་འཛོམ་དཔང་འབད་དེ་ བདུད་ སེ་ཏཱན་གྱི་ཁྲོམ་ཁར་ ཁྱེད་ཀྱི་སྦུག་ལུ་ཁོ་བསད་པའི་སྐབས་ ཁྱོད་ཀྱིས་དད་པ་མ་ཉམས་ དེ་མ་ཚད་ ང་ངོ་མི་ཤེས་ཟེར་མ་སླབ་པར་སྡོད་མི་ཡང་ང་གིས་ཤེས།

མཐོང་སྣང་ལེའུ་ 20:4

དེ་ལས་ཁྲི་དང་ ཁོང་ཁྲིམས་ཕྱེ་ནི་གི་དབང་ཚད་ཐོབ་སྟེ་ཡོད་མི་ཚུ་ ཁྲིའི་གུ་བཞུགས་ཡོདཔ་ང་གིས་མཇལ་ཡི་ ད་རུང་ཡང་ ཡེ་ཤུ་དང་དཀོན་མཆོག་གི་གསུང་གི་དོན་ལུ་འཛོམ་དཔང་འབད་དེ་ ཨོལ་ལྐོག་བཏོགས་ཤི་མི་ཚུ་གི་སེམས་ཉིད་ང་གིས་མཐོང་ཅི་ ཁོང་ཆ་ཁྱབ་ཀྱིས་ གཅན་གཟན་དང་ཁོ་གི་སྐུ་འདྲ་ལུ་ཕྱག་མ་འཚལ་མི་དང་ ཁོ་གི་རྟགས་དཔྱལ་བ་ ཡང་ན་ལག་པར་མ་བཀལ་མི་ཚུ་ཨིན་མས་ ཨ་ནི་དེ་ཚུ་ལོག་གསོན་པོ་སྦེ་ལོང་སྟེ་ ལོ་གཅིག་སྟོང་ཚུན་ཚོད་ ཡེ་ཤུ་ཁིརཱིས་དང་གཅིག་ཁར་རྒྱལ་སྲིད་སྐྱོང་ནི་ཨིན་མས།

མཐོང་སྣང་ལེའུ་ 20:6

ཨ་ནི་དང་པ་གསོན་པོ་སྦེ་ལོང་མི་དེ་ཚུ་ དཀོན་མཆོག་ཁོ་རའི་མི་ཚུ་བྱིན་རླབས་ཅན་ཨིན་ འཆི་བ་གཉིས་པ་གི་དབང་གིས་ཁོང་ལུ་གནོད་མི་ཚུགས་ དེ་འབདཝ་ད་ཁོང་གིས་ དཀོན་མཆོག་དང་ཁིརཱིས་ཀྱི་བླམ་སྦེ་ ཁིརཱིས་དང་གཅིག་ཁར་ལོ་སྟོང་ཕྲག་གཅིག་རྒྱལ་སྲིད་སྐྱོང་ནི་ཨིན།།

མཐོང་སྣང་ལེའུ་ 3:10

དེ་མ་ཚད་བཟོད་སྲན་བསྐྱེད་ནི་ ངེ་གི་བཀའ་འདི་ ཁྱོད་ཀྱིས་སེམས་ཁར་བཞག་ཅི་ དེ་འབདཝ་ལས་འཛམ་གླིང་ནང་ སྡོད་མི་ཚུ་ལུ་བརྟག་དཔྱད་འབད་དེ་ བར་ཆད་བྱུང་བའི་དུས་ཚོད་ལུ་ ང་གིས་ཁྱོད་ལུ་སྲུང་སྐྱོབས་འབད་ནི་ཨིན།

མཐོང་སྣང་ལེའུ་ 3:21

ང་གིས་རྒྱལ་ཁ་ཐོབ་ལས་ ངེ་གི་ཡབ་ཀྱིས་ཁོ་རང་དང་གཅིག་ཁར་ རྒྱལ་སྲིད་སྐྱོང་ནི་གི་དབང་ཚད་གནང་ཡོདཔ་བཟུམ་སྦེ་ ག་གིས་རྒྱལ་ཁ་ཐོབ་མི་དེ་ལུ་ ང་གིས་དབང་ཚད་བྱིན་ཏེ་ ང་དང་གཅིག་ཁར་རྒྱལ་སྲིད་སྐྱོང་བཅུག་ནི་ཨིན།

མཐོང་སྣང་ལེའུ་ 3:8

ཁྱོད་ཀྱིས་འབད་མི་ལཱ་ག་ར་ང་གིས་ཤེས་ ང་གིས་ཁྱོད་ཀྱི་གདོང་ཁར་ ག་གིས་ཡང་བསྡམ་མ་ཚུགས་མིའི་སྒོ་གཅིག་ཕྱེ་བཞག་ཡོད་ ཁྱོད་ཤུགས་མེདཔ་ང་གིས་ཤེས་ ད་ཁྱོད་ཀྱིས་ངེ་གི་གསུང་འདི་ སེམས་ཁར་བཞག་སྟེ་ ང་ལུ་ངོ་མི་ཤེས་ཟེར་མ་སླབ་པར་སྡོདཔ་ང་གིས་ཤེས།

མཐོང་སྣང་ལེའུ་ 5:10

ང་བཅས་ཀྱི་དཀོན་མཆོག་གི་ཕྱག་ཞུ་བཅུག་ནི་གི་དོན་ལུ་ ནཱ་གིས་ཁོང་ཆ་ཁྱབ་ལུ་རྒྱལ་སྲིད་གཅིག་དང་བླམ་སྦེ་མཛད་གནང་སྟེ་ ཁོང་གིས་འཛམ་གླིང་སྐྱོང་ནི་ཨིན་ཟེར་ གསུང་དབྱངས་འཐེན་མས།