ཏི་མོ་ཐི་གཉིས་པ་ལེའུ་ 2:10 - རྫོང་ཁ་

¹⁰ དེ་འབདཝ་ལས་ ཁིརཱིས་ཡེ་ཤུ་གི་རྒྱུད་ལས་བྱུང་མི་ཐར་པ་དང་ མཐའ་མེད་པའི་གཟི་བརྗིད་ཐོབ་ནི་སྦེ་ ཁོང་དཀོན་མཆོག་གིས་བཙག་འཐུ་མཛད་མི་ཚུ་གི་དོན་ལུ་ ང་དཀའ་ངལ་དེ་ཚུ་ག་ར་བཟོད་པ་བསྒོམས་ཏེ་སྡོདཔ་ཨིན།

ཏི་མོ་ཐི་གཉིས་པ་ལེའུ་ 2:10 ပူးပေါင်းရင်းမြစ်များ

ཀོ་ལོ་སི་ལེའུ་ 1:24

ད་ང་ཁྱེད་ཀྱི་དོན་ལུ་སྡུག་བསྔལ་མྱོང་ནི་ལུ་ དགའ་སྤྲོ་བསྐྱེད་སྡོདཔ་ཨིན་ ཁིརཱིས་ཀྱི་སྐུ་གཟུགས་ཨིན་པའི་ཆོས་ཚོགས་ཀྱི་དོན་ལུ་ ང་རའི་གཟུགས་ཀྱིས་ ཁོ་གི་སྡུག་བསྔལ་མཐར་སྐྱེལ་ནི་ཨིན།

པེ་ཏྲོ་དང་པ་ལེའུ་ 5:10

ཨིན་རུང་ ཁྱེད་ཡུདཔ་ཐེངས་ཅིག་སྡུག་བསྔལ་མྱོང་པའི་ཤུལ་ལས་ དཀོན་མཆོག་གིས་ཁྱེད་ལུ་ངལ་འཚོ་གནང་སྟེ་ ཁྱེད་མི་སྒྲིང་སྒྲིང་དང་ སྟོབས་ཤུགས་ཅན་ དེ་ལས་འགྱུར་བ་མེད་པའི་གཞི་འགྱམ་སྦེ་མཛད་གནང་འོང་ ཡེ་ཤུ་ཁིརཱིས་ཀྱི་ཐོག་ལས་ བཀའ་དྲིན་དང་ལྡན་པའི་དཀོན་མཆོག་གིས་ ཁོ་རང་གི་མཐའ་མེད་པའི་གཟི་བརྗིད་ནང་ ཁྱེད་ལུ་འབོ་གནང་སྟེ་ཡོད།

ཏི་མོ་ཐི་གཉིས་པ་ལེའུ་ 2:3

དམག་མི་བཟང་པོ་བཟུམ་ཅིག་སྦེ་ ཁིརཱིས་ཡེ་ཤུ་གི་དོན་ལུ་ ང་དང་གཅིག་ཁར་ བཟོད་པ་སྒོམས་སྡོད་དེ་སྡུག་བསྔལ་འབག་དགོ།

ཀོ་རཱིན་ཐི་གཉིས་པ་ལེའུ་ 1:6

དེ་འབདཝ་ད་ ང་བཅས་དཀའ་ངལ་དང་སྡུག་བསྔལ་མྱོངམ་ད་ འདི་གིས་ ཁྱེད་ཡང་སེམས་གསོ་དང་ཐར་པ་ཐོབ་ནི་གི་དོན་ལུ་ཨིན་ ད་རུང་ང་བཅས་ལུ་སེམས་གསོ་གནངམ་ད་ འདི་ཁྱེད་ཀྱི་དོན་ལུ་ཡང་སེམས་གསོ་གནངམ་ཨིན་ ག་ཅི་སྨོ་ཟེར་བ་ཅིན་ ཁྱེད་ཀྱིས་ཡང་ ང་བཅས་བཟུམ་སྦེ་དཀའ་ངལ་མྱོངམ་ད་ སེམས་གསོ་དེ་གིས་འབད་ བཟོད་སེམས་བསྐྱེད་དེ་ དཀའ་ངལ་དང་སྡུག་བསྔལ་བཟོད་ཚུགས།

ཀོ་རཱིན་ཐི་གཉིས་པ་ལེའུ་ 4:17

ག་ཅི་སྨོ་ཟེར་བ་ཅིན་ ད་ལྟོ་ང་བཅས་ཀྱིས་ མྱོང་མིའི་དཀའ་ངལ་འདི་ ཆུང་ཀུ་དང་ དུས་ཡུན་ཐུང་ཀུ་ཅིག་གི་དོན་ལུ་ཨིན་ དེ་གིས་ང་བཅས་ལུ་ ཚད་འཇལ་མ་ཚུགས་པའི་ གཟི་བརྗིད་སྦོམ་ དུས་ཨ་རྟག་རང་བརྟན་ཏོག་ཏོ་སྦེ་སྡོད་ནི་གི་ གྲུབ་འབྲས་ཐོན་ཚུགས་པའི་དོན་ལུ་ གྲ་སྒྲིག་རྐྱབ་དོ།

པེ་ཏྲོ་དང་པ་ལེའུ་ 2:10

ཧེ་མ་ཁྱེད་དཀོན་མཆོག་གི་མི་མེན་པས་ ད་ཁྱེད་ཁོ་གི་མི་ཨིན་ ཧེ་མ་དཀོན་མཆོག་གི་སྙིང་རྗེ་ག་ནི་ཡང་མ་ཐོབ་པར་སྡོད་སྡོདཔ་ཨིན་ ད་ཁྱེད་ལུ་ཁོ་རང་གི་སྙིང་རྗེ་གིས་གཟིགས་ཏེ་རང་ཡོད།

ཐེ་ས་ལོ་ནི་ཀ་དང་པ་ལེའུ་ 5:9

ག་ཅི་སྨོ་ཟེར་བ་ཅིན་ དཀོན་མཆོག་གིས་ཆདཔ་གནང་ནི་སྦེ་ ང་བཅས་ལུ་བཙག་འཐུ་མ་མཛད་ ཨིན་རུང་ ཁོ་གིས་གཙོ་བོ་ཡེ་ཤུ་ཁིརཱིས་ཀྱི་སྒོ་ལས་ སྐྱབས་མཛད་དེ་ཐར་པ་གནང་ནི་སྦེ་ ང་བཅས་ལུ་བཙག་འཐུ་མཛད་གནང་ནུག

ཀོ་ལོ་སི་ལེའུ་ 1:27

དཀོན་མཆོག་གིས་སྦ་བཞག་མི་གསང་བ་དེ་ ག་ཅི་དེས་ཅིག་གཟི་བརྗིད་ཆེ་ཏོག་ཏོ་ཨིན་ན་ ཁྱེད་ ཕྱིའི་མི་རིགས་ཚུ་གི་དོན་ལུ་ཡང་ སྟོན་བྱིན་ནི་འདི་ ཁོ་གི་ཐུགས་འདོད་ཨིན་ གསང་བ་དེ་ག་ཅི་ཨིན་ན་ཟེར་བ་ཅིན་ ཁྱེད་ཀྱི་ནང་ན་ཁིརཱིས་བཞུགས་ཏེ་ཡོད་ ཁྱེད་ཡང་ཁིརཱིས་བཟུམ་སྦེ་གཟི་བརྗིད་ཅན་སྦེ་འགྱུར་ནི་ཨིན་ འདི་ལས་ཕར་ ཁྱེད་རེ་བ་བསྐྱེད་དེ་སྒུག་སྡོདཔ་ཨིན།

ཨི་ཕི་སིཔ་ལེའུ་ 3:13

དེ་འབདཝ་ལས་ ང་གིས་ཁྱེད་ལུ་སླབ་ཨིན་ ང་ཁྱེད་ཀྱི་དོན་ལུ་སྡུག་བསྔལ་མྱོང་སྟེ་ཡོད་རུང་ ཁྱེད་སེམས་མ་ཕམ་ ག་ཅི་སྨོ་ཟེར་བ་ཅིན་ ང་གི་མྱོང་མི་སྡུག་བསྔལ་ཚུ་ ཁྱེད་ཀྱི་དོན་ལུ་ལེགས་ཤོམ་ཨིན།།

ཀོ་རཱིན་ཐི་གཉིས་པ་ལེའུ་ 4:15

འདི་ཚུ་ག་ར་ ཁྱེད་ལུ་ཕན་ཐོགས་ནི་གི་དོན་ལུ་ཨིན་ དེ་གིས་འབད་ དཀོན་མཆོག་གི་ཐུགས་རྗེ་དེ་ མི་རློབས་ལས་མི་རློབས་དར་ཁྱབ་འགྱོ་ནི་དང་ ལྷག་པར་དུ་ དཀོན་མཆོག་ལུ་བཀྲིན་ཆེ་ཟེར་ཞུ་སྟེ་ ཁོ་ལུ་གཟི་བརྗིད་དང་བསྟོད་པ་ཡར་འཕེལ་གཏང་ནི་ཨིན།

ཀོ་རཱིན་ཐི་དང་པ་ལེའུ་ 9:22

ཁོང་སྟོབས་ཤུགས་མེད་མི་ཚུ་ལུ་ ཁིརཱིས་ནང་འཁྱིད་འོང་བའི་དོན་ལུ་ ང་ཡང་ཁོང་སྟོབས་ཤུགས་མེདཔ་བཟུམ་སྦེ་རང་སྡོད་ཅི་ ང་ཁོང་མི་ལ་ལུ་ཅིག་ལུ་ སྐྱབས་འབད་ཚུགས་འོང་ཟེར་མནོ་སྟེ་འབདཝ་ད་ མཐའ་མ་ང་རང་ག་ཅི་བཟུམ་ཅིག་ལུ་འགྱུར་ཏེ་བལྟ་ཡི།

རོམ་མི་ལེའུ་ 9:23

དེ་སྦེ་བཞུགས་མི་དེ་ ཁོ་རའི་གཟི་བརྗིད་ དེ་ག་ཅི་དེས་ཅིག་སྦོམ་སྟོན་ནི་གི་དོན་ལུ་ཨིན་ ག་ཅི་སྨོ་ཟེར་བ་ཅིན་ དཀོན་མཆོག་གིས་ཧེ་མ་ལས་ ག་ག་ལུ་སྙིང་རྗེ་བསྐྱེད་དོ་ག་ ཨ་ནི་འདི་ཚུ་ལུ་ཆདཔ་མ་གནང་པར་ ཁོ་རའི་གཟི་བརྗིད་ཀྱི་དོན་ལུ་གྲ་སྒྲིག་མཛད་ནུག

རོམ་མི་ལེའུ་ 2:7

བཟོད་པ་བསྒོམ་ ལཱ་ལེགས་ཤོམ་འབད་དེ་ དཀོན་མཆོག་གིས་གནང་མི་བསྟོད་པ་དང་ གཟི་བརྗིད་དང་ འཆི་བ་མེདཔ་འཚོལ་མི་འདི་ཚུ་ལུ་ ཁོ་གིས་ཚེ་མཐའ་མེདཔ་གནང་འོང་།

ཡོ་ཧ་ནཱན་ལེའུ་ 17:24

ཡབ་ལགས་ ནཱ་གིས་འཇིག་རྟེན་མ་བཀོད་པའི་ཧེ་མ་ལས་ ང་ལུ་ཐུགས་བརྩེ་བའི་ཐོག་ལས་གནང་མིའི་གཟི་བརྗིད་དེ་ ཁོང་གིས་མཇལ་ནི་གི་དོན་ལུ་ ནཱ་གིས་ང་ལུ་གནང་མིའི་མི་ཚུ་ ང་ག་ཡོད་སར་ཁོང་ཡང་སྡོད་བཅུག་ཟེར་ངེ་གི་རེ་བ་ཨིན།

ཡོ་ཧ་ནཱན་ལེའུ་ 17:9

ང་གིས་ཁོང་གི་དོན་ལུ་སྨོན་ལམ་བཏབ་ཨིན་ ང་གིས་འཛམ་བུ་གླིང་གི་མི་ག་ར་གི་དོན་ལུ་སྨོན་ལམ་བཏབ་མེན་པར་ ནཱ་གིས་ང་ལུ་གནང་མིའི་མི་ཚུ་གི་དོན་ལུ་སྨོན་ལམ་བཏབ་ཨིན་ ག་ཅི་སྨོ་ཟེར་བ་ཅིན་ ཁོང་ནཱ་གི་ཨིན།

ཡོ་ཧ་ནཱན་ལེའུ་ 11:52

ཁོ་གིས་དེ་སྦེ་གསུངས་མི་དེ་ ཡ་ཧུ་ད་པ་ཚུ་གི་དོན་ལུ་རྐྱངམ་གཅིག་མེན་པར་ དཀོན་མཆོག་གི་བཟའ་ཚན་ས་ཆ་ག་ར་ནང་ ཁ་གཏོར་འགྱོ་མི་ཚུ་ལུ་གཅིག་ཁར་སྤུང་སྟེ་ གཅིག་སྦེ་བཟོ་བའི་དོན་ལུ་ཨིན་མས།

མེ་ཐིའུ་ལེའུ་ 24:31

དེ་ལས་ དུང་ཆེན་སྐད་སྦོམ་གྱི་འུར་སྒྲ་དང་བཅསཔ་སྦེ་ ཁོ་རང་གི་ཕོ་ཉ་ཚུ་ལུ་ འཛམ་བུ་གླིང་གི་ཕྱོགས་བཞི་ལས་འབད་བཏང་སྟེ་ གནམ་ཁ་ཕར་གྱི་མཐའ་མ་ལས་ཚུར་གྱི་མཐའ་མ་ཚུན་ཚོད་ དཀོན་མཆོག་གིས་བཙག་འཐུ་མཛད་མི་ཚུ་ག་ར་ ཁོང་གིས་གཅིག་ཁར་སྤུང་འོང་ཟེར་ཡེ་ཤུ་གིས་གསུངས་ནུག།

མེ་ཐིའུ་ལེའུ་ 24:24

ཁིརཱིས་རྫུས་མ་དང་ ལུང་སྟོན་པ་རྫུས་མ་ཚུ་ལེ་ཤ་འོངས་ཏེ་ བཙག་འཐུ་མཛད་མི་ཚུ་ལུ་ འབད་ཚུགས་པ་ཅིན་ མགུ་བསྐོར་བརྐྱབ་ནི་གི་དོན་ལུ་ ཡ་མཚན་ཆེ་ཏོག་ཏོ་གི་རྟགས་མ་གཅིགཔ་དང་རྫུ་འཕྲུལ་ཚུ་ལེ་ཤ་བཏོན་འོང་།

མེ་ཐིའུ་ལེའུ་ 24:22

དེ་སྦེ་བྱུང་མི་དུས་ཚོད་དེ་དཀོན་མཆོག་གིས་ ཡུན་ཐུང་ཀུ་མ་མཛདཔ་བཟུམ་གཅིག་འབད་བ་ཅིན་ མི་གཅིག་ཡང་མ་ལུསཔ་འོང་ ཨིན་རུང་ དཀོན་མཆོག་གིས་བཙག་འཐུ་མཛད་མི་ཚུ་གི་དོན་ལུ་ ཁོ་རང་གིས་སྡུག་བསྔལ་གྱི་ཉིནམ་དེ་ཐུང་ཀུ་མཛད་གནང་འོང་།

ཐེ་ས་ལོ་ནི་ཀ་གཉིས་པ་ལེའུ་ 2:14

དོན་ལས་རང་ ང་བཅས་ཀྱིས་བཤད་མི་གཏམ་བཟང་གི་ཐོག་ལས་སྦེ་ དཀོན་མཆོག་གིས་ཁྱེད་ལུ་ འདི་གི་དོན་ལུ་ འབོ་འབོཔ་ཨིན་ དེ་འབདཝ་ལས་ ཁྱེད་ཀྱིས་ ང་བཅས་ཀྱི་གཙོ་བོ་ཡེ་ཤུ་ཁིརཱིས་ཀྱི་གཟི་བརྗིད་དེ་ཐོབ་ཚུགས།

ལུ་ཀ་ལེའུ་ 18:7

ད་འདི་ག་ཅི་སྨོ་ཟེར་བ་ཅིན་ དཀོན་མཆོག་གིས་བཙག་འཐུ་གནང་མི་ཚུ་གིས་ ཉིན་ནུབ་མེད་པར་ ཁོ་ལུ་རོགས་རམ་ཞུཝ་ཨིན་ དེ་ཨིན་པ་ཅིན་ དཀོན་མཆོག་གིས་ཁོང་ལུ་ ཁྲིམས་ཕྲང་སྟེ་མ་ཕྱེ་བར་ ཕར་འཕུལ་ཏེ་མི་བཞག

ཀོ་རཱིན་ཐི་དང་པ་ལེའུ་ 1:21

འཇིག་རྟེན་པ་ཚུ་གིས་ ཁོང་རའི་རིག་པ་ལས་རྒྱུད་དེ་ དཀོན་མཆོག་ལུ་ངོ་ཤེས་མ་ཚུགསཔ་ལས་བརྟེན་ཏེ་ དཀོན་མཆོག་གིས་ཁོ་རང་གི་ཤེས་རབ་དང་ཁྲིལ་ཏེ་ ང་བཅས་ཀྱིསབཤད་མི་གཏམ་བཟང་ མི་གཞན་གྱིས་གླེན་པ་ཟེར་སླབ་མི་དེ་ལུ་ དད་པ་སྐྱེད་མི་ཚུ་ སྐྱབས་མཛད་སྦེ་ ཐུགས་ཐག་བཅད་མཛད་ནུག

ཀོ་རཱིན་ཐི་གཉིས་པ་ལེའུ་ 12:15

ད་ ང་ཁྱེད་སྡོད་སར་འོངས་ཏེ་ ངེའི་ནང་ཡོད་མི་ག་ར་ ང་རང་གི་ཚེ་ཡང་ ཁྱེད་ཀྱི་དོན་ལུ་བྱིན་ནི་དེ་ ངེ་གི་སྤྲོ་བ་ཨིན་ ག་ཅི་སྨོ་ཟེར་བ་ཅིན་ ང་ཁྱེད་ལུ་གནམ་མེད་ས་མེད་དགའཝ་ཨིན་ དེ་འབདཝ་ད་ ཁྱེད་ང་ལུ་ཨ་ཙི་ཅིག་ལས་བརྒལ་མི་དགའ་བས།

ཏི་མོ་ཐི་གཉིས་པ་ལེའུ་ 1:1

དཀོན་མཆོག་གི་ཐུགས་དགོངས་བཞིན་དུ་ ཁིརཱིས་ཡེ་ཤུ་གི་སྐུ་ཚབ་ཨིན་མི་དང་ དཀོན་མཆོག་གིས་ཁས་བླངས་བཞེས་ཏེ་གནང་མི་ ཁིརཱིས་ཡེ་ཤུ་ནང་ཡོད་མིའི་ཚེ་དང་འཁྲིལ་ཏེ་ ང་ པའུལ་གྱིས།

ཏི་མོ་ཐི་གཉིས་པ་ལེའུ་ 2:1

དེ་འབདཝ་ལས་ ངེ་གི་བུ་ ཁིརཱིས་ཡེ་ཤུ་གི་ཐུགས་རྗེ་གི་རྒྱུད་ལས་སྦེ་ སྤོབས་པ་ཅན་དང་ལྡནམ་སྦེ་སྡོད་བཅུག

ཏི་ཏུས་ལེའུ་ 1:1

དཀོན་མཆོག་གིས་བཙག་འཐུ་མཛད་མི་ཚུ་ལུ་ དད་པ་བསྐྱེད་བཅུག་ནི་གི་དོན་ལུ་དང་ ཆོས་སེམས་བསྐྱེད་ནི་སྦེ་ བདེན་པའི་ཆོས་སྟོན་མི་ཚུ་ ཧ་གོ་བཅུག་ནི་གི་དོན་ལུ་ ང་ པའུལ་ལུ་ དཀོན་མཆོག་གི་ཕྱག་ཞུ་མི་དང་ ཡེ་ཤུ་ཁིརཱིས་ཀྱི་སྐུ་ཚབ་སྦེ་ གཏང་གནང་གནངམ་ཨིན།

ལུ་ཀ་ལེའུ་ 22:57

དེ་འབདཝ་ད་ཁོ་གིས་ བུམོ་ ང་གིས་ཁོ་ངོ་མི་ཤེས་ཟེར་ཤོབ་བརྐྱབས་ཏེ་སླབ་ནུག