ཏི་མོ་ཐི་གཉིས་པ་ལེའུ་ 1:8 - རྫོང་ཁ་

⁸ དེ་འབདཝ་ལས་ང་བཅས་ཀྱི་གཙོ་བོ་གི་སྐོར་ལས་ གཞན་ལུ་བཤད་ནི་ལུ་འདྲོག་མི་དགོ་ དེ་མ་ཚད་ ང་གཙོ་བོ་གི་དོན་ལུ་བཙོན་པ་ཨིན་མི་ལུ་བལྟ་སྟེ་ཡང་ ངོ་ཚ་སྟེ་མ་སྡོད་ འདི་གི་ཚབ་ལུ་ དཀོན་མཆོག་གི་གནང་མི་དབང་ལུ་བློ་གཏད་དེ་ ང་དང་གཅིག་ཁར་གཏམ་བཟང་གི་དོན་ལུ་ དཀའ་ངལ་འབག་ནི་ནང་ ང་དང་བཅིག་ཁར་བཅའ་མར་གཏོགས།།

ཏི་མོ་ཐི་གཉིས་པ་ལེའུ་ 1:8 ပူးပေါင်းရင်းမြစ်များ

མཱར་ཀུ་ལེའུ་ 8:38

ད་མི་ག་ར་འབད་རུང་ དཀོན་མཆོག་དང་གཅིག་ཁར་དམ་ཚིག་མ་སྲུང་མི་ཚུ་དང་ མི་རབས་ངན་པ་ཚུ་ ང་དང་ངེ་གི་ཆོས་སྟོན་མི་འདི་ལུ་ངོ་ཚ་བ་ཅིན་ མིའི་བུ་ཡབ་ཀྱི་གཟི་བརྗིད་ནང་ དམ་པའི་ཕོ་ཉ་དང་གཅིག་ཁར་འབྱོནམ་ད་ འདི་བསྒང་ཁོང་ལུ་བལྟ་སྟེ་ཁོ་ཡང་ངོ་ཚ་ནི་ཨིན་ཟེར་གསུངས་ནུག

ལུ་ཀ་ལེའུ་ 9:26

ད་མི་ག་ར་འབད་རུང་ ང་དང་ངེ་གི་གསུང་ དེ་ལས་ཆོས་སྟོན་མི་ལུ་བལྟ་སྟེ་ ངོ་ཚ་བ་ཅིན་ ནམ་གཅིག་གི་ཚེ་ མིའི་བུ་རང་གི་གཟི་བརྗིད་དང་འོད་ཟེར་ དེ་ལས་ཡབ་དཀོན་མཆོག་གི་གཟི་བརྗིད་དང་ དམ་པའི་ཕོ་ཉ་ཚུ་དང་གཅིག་ཁར་འོངམ་ད་ ཁོ་ཨ་ནི་མི་འདི་ལུ་བལྟ་སྟེ་ངོ་ཚ་འོང་།

ཡོ་ཧ་ནཱན་ལེའུ་ 15:27

དེ་ལས་ཁྱེད་ཆ་ཁྱབ་ཀྱིས་ཡང་ ངེ་གི་སྐོར་ལས་འཛོམ་དཔང་བཤད་དགོ་ ག་ཅི་སྨོ་ཟེར་བ་ཅིན་ ཁྱེད་ཆ་ཁྱབ་འགོ་དང་པ་ལས་རང་ ང་དང་གཅིག་ཁར་སྡོད་ཡོདཔ་ཨིན་ཟེར་གསུངས་ནུག

ཡོ་ཧ་ནཱན་ལེའུ་ 19:35

འདི་ཚུ་ག་ར་ཁྱེད་ལུ་ཡང་དད་པ་བསྐྱེད་བཅུག་ནིའི་དོན་ལུ་ མཐོང་མིའི་མི་དེ་གིས་འཛོམ་དཔང་བཤད་ནུག་ ཁོ་གི་འཛོམ་དཔང་དེ་ བདེན་པ་ཨིནམ་མ་ཚད་ ཁོ་གིས་ཕྲང་སླབ་ཨིན་ཟེར་ཁོ་རང་གིས་ཤེས།

མཛད་པ་ལེའུ་ 5:41

སྐུ་ཚབ་ཚུ་ལྷན་ཚོགས་ནང་ལས་ཐོན་འོངམ་ད་ ཁོང་ཡེ་ཤུ་གི་མཚན་ནང་སྡུག་བསྔལ་འབག་ནི་གི་ འོས་འབབ་ཡོདཔ་སྦེ་བརྩི་ནི་འདི་གིས་ སེམས་ཁར་དགའ་སྤྲོ་སྦོམ་འགྱུར་ནུག

རོམ་མི་ལེའུ་ 1:16

ག་ཅི་སྨོ་ཟེར་བ་ཅིན་ དད་པ་བསྐྱེད་མིའི་ མི་ཆ་མཉམ་ འགོ་དང་པ་ ཡ་ཧུ་ད་པ་ཚུ་གི་དོན་ལུ་དང་ ཕྱིའི་མི་རིགས་ཚུ་ལུ་ དཀོན་མཆོག་གིས་སྐྱབས་མཛད་ནི་གི་དབང་ཆེ་ཤོས་འདི་ ཨ་ནི་གཏམ་བཟང་འདི་ཨིན་ འདི་ལུ་ང་གིས་ངོ་མ་ཚ་བར་བཤདཔ་ཨིན།

རོམ་མི་ལེའུ་ 16:25

མཐའ་མེད་པའི་དཀོན་མཆོག་གི་བཀའ་དང་བསྟུན་ཏེ་ མི་རིགས་ག་ར་གིས་ དཀོན་མཆོག་གི་བཀའ་ལུ་དད་པ་བསྐྱེད་དེ་ ཉན་བཅུག་ནི་གི་དོན་ལུ་ ལུང་བསྟན་ཚུ་ཧེ་མ་བྲིས་བཞག་མི་གསུང་རབ་ཀྱི་རྒྱུད་ལས་སྦེ་ཕྱི་ཁར་འཐོན་ཏེ་ ཧེ་མ་ལས་གསང་བཞག་མི་བདེན་པའི་གཏམ་བཟང་འདི་ ད་རེས་སྐབས་ཁྱབ་བསྒྲགས་འབད་མི་དང་བསྟུན་ཏེ་ ཡེ་ཤུ་ཁིརཱིས་ཀྱི་སྐོར་ལས་ཁྱབ་བསྒྲགས་དང་ ང་གིས་བཤད་མི་གཏམ་བཟང་གི་རྒྱུད་ལས་སྦེ་ ཁྱེད་ལུ་དད་པ་སྒྲིང་སྒྲིང་མཛད་མི།

རོམ་མི་ལེའུ་ 8:36

དཀའ་ངལ་སྡུག་བསྔལ་མྱོང་ནི་ཟེར་ གསུང་རབ་ནང་ དེ་སྦེ་བྲིས་ཏེ་ཡོད། དམར་མཁནམ་གིས་ལུག་བསད་དོཝ་བཟུམ་སྦེ་ ང་བཅས་ལུ་ཉིནམ་རེ་འཆར་རང་ ནཱ་གི་དོན་ལུ་བསད་དོ་ དམར་མཁནམ་གི་བསད་མིའི་ལུག་བཟུམ་སྦེ་ ང་བཅས་ལུ་རྩི་དོ།

རོམ་མི་ལེའུ་ 9:33

ལུང་སྟོན་པ་ ཨའི་ཟ་ཡ་གིས་གསུང་རབ་ནང་ལུ། ཉན་ཤིག་ ང་གིས་ ཟི་ཨཱོན་ལུ་རྡོ་གཅིག་ བཀལ་བཞག་ནི་ཨིན་ ཨ་ནི་རྡོ་འདི་གིས་ མི་ཚུ་གི་ལམ་བཀག་འོང་ དེ་ལས་ཁོང་དེའི་གུ་ལུ་ རྐངམ་ཐོགས་ཏེ་འགྱེལ་འོང་ དེ་འབདཝ་ད་ ཁོ་ལུ་དད་པ་བསྐྱེད་མི་དེ་ ངོ་ཚ་མི་བཅུག་ཟེར་ གསུངས་དོཝ་བཟུམ་སྦེ་རང་བྱུང་ནུག།

ཀོ་རཱིན་ཐི་དང་པ་ལེའུ་ 1:6

འདི་ནང་ལས་ ང་བཅས་ག་ཅི་ཧ་གོ་ཚུགསཔ་སྨོ་ཟེར་བ་ཅིན་ ང་གིས་ཁྱེད་ཆ་ཁྱབ་ལུ་ ཁིརཱིས་ཀྱི་སྐོར་ལས་བཤད་མི་འཛོམ་དཔང་འདི་ ཏན་ཏན་ཨིན་ཟེར་བའི་བདེན་ཁུངས་བཀལཝ་ཨིན།

ཀོ་རཱིན་ཐི་གཉིས་པ་ལེའུ་ 6:7

ང་བཅས་ཀྱིས་བདེན་པ་འདི་ ཕྲང་སྟེ་བཤད་བྱིན་ནི་དེ་གིས་ དཀོན་མཆོག་གི་དབང་ཤུགས་ ང་བཅས་ཀྱི་ནང་ན་བཞུགས་ཏེ་ ཆོས་སེམས་ཅན་གྱི་མཚོན་ཆ་འདི་ ལགཔ་གཡས་པ་བཤེད་དེ་ དགྲ་ལུ་རྒོལ་ ལགཔ་གཡོནམ་གིས་རང་ལུ་སྲུང་སྐྱོབས་འབདཝ་ཨིན།

ཨི་ཕི་སིཔ་ལེའུ་ 3:1

དེ་འབདཝ་ལས་ ཁིརཱིས་ཡེ་ཤུ་གི་ཐོག་ལས་སྦེ་ ཁྱེད་ ཕྱིའི་མི་རིགས་ཚུ་ལུ་ གཏམ་བཟང་བཤད་ནི་འདི་གིས་ ང་ པའུལ་བཙོན་པ་སྦེ་སྡོདཔ་ཨིན།

ཨི་ཕི་སིཔ་ལེའུ་ 3:13

དེ་འབདཝ་ལས་ ང་གིས་ཁྱེད་ལུ་སླབ་ཨིན་ ང་ཁྱེད་ཀྱི་དོན་ལུ་སྡུག་བསྔལ་མྱོང་སྟེ་ཡོད་རུང་ ཁྱེད་སེམས་མ་ཕམ་ ག་ཅི་སྨོ་ཟེར་བ་ཅིན་ ང་གི་མྱོང་མི་སྡུག་བསྔལ་ཚུ་ ཁྱེད་ཀྱི་དོན་ལུ་ལེགས་ཤོམ་ཨིན།།

ཨི་ཕི་སིཔ་ལེའུ་ 4:1

དེ་འབདཝ་ལས་ དཀོན་མཆོག་གིས་ཁྱེད་ལུ་ག་ཅི་འབད་བཙག་འཐུ་གནང་གནངམ་ཨིན་ན་ འདི་ལུ་ཁྱེད་ཀྱིས་འོས་འབབ་ཡོདཔ་སྦེ་སྡོད་ཟེར་ ང་གཙོ་བོ་གི་དོན་ལུ་བཙོན་པ་གཅིག་གིས་ ཁྱེད་ལུ་གསོལཝ་བཏབ་ཨིན།

ཨི་ཕི་སིཔ་ལེའུ་ 4:17

འདི་གི་དོན་ལུ་ གཙོ་བོ་གི་མཚན་ནང་ ང་གིས་ཁྱེད་ལུ་རྣ་བ་སྐྱེལ་ཏེ་སླབ་དོ་ ད་འདི་ལས་ཕར་ཁྱེད་ལོག་སྟེ་ དཀོན་མཆོག་དང་གཞན་འབྲེལ་མེད་མི་ཚུ་བཟུམ་སྦེ་མ་འབད་ ཁོང་ཁུངས་མེད་པའི་མནོ་བསམ་དང་བསྟུན་ཏེ་ སྤྱོད་ལམ་ཟོགཔོ་བསྒྲིགས་ཏེ་སྡོདཔ་ཨིན།

ཕི་ལི་པི་ལེའུ་ 1:7

ང་ཁྱེད་ལུ་སེམས་ཀྱི་གདིང་ལས་རང་དགའ་ནི་འདི་གིས་ ཁྱེད་ག་ར་ལས་སྦེ་དགའ་སྤྲོ་འགྱུར་ནི་དེ་ཀྲིག་ཀྲི་རང་ཨིན་ ག་ཅི་སྨོ་ཟེར་བ་ཅིན་ ང་བཙོན་ནང་སྡོད་རུང་རང་ ཡང་ན་ཕྱི་ཁ་སྡོད་དེ་ གཏམ་བཟང་གི་སྐོར་ལས་བདེན་ཁུངས་བཀལ་རུང་རང་ དཀོན་མཆོག་གིས་ང་བཅས་ལུ་གནང་མི་ལཱ་ནང་ ཁྱེད་ཀྱིས་ང་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 3:10

དེ་ལས་ང་གིས་ཁིརཱིས་ངོ་ཤེས་ནི་འདོད་པ་ཡོདཔ་མ་ཚད་ ཁོ་ལུ་གཤགས་ས་ལས་ སྐུ་གསོན་པོ་བཞེངས་གནང་མི་དབང་ཤུགས་ལུ་ ག་དེ་དྲག་དྲག་ཉམས་མྱོང་འབད་དེ་ བལྟ་དགོ་མནོ་ཡི་ དེ་ལས་ཁོ་སྡུག་བསྔལ་བཞེས་ཏེ་ གཤགས་དོཝ་བཟུམ་སྦེ་ ང་ཡང་ཤི་ཆོགཔ་སྦེ་སྡོདཔ་ཨིན།

ཕི་ལི་པི་ལེའུ་ 4:13

ཁིརཱིས་ཀྱིས་ང་ལུ་སྟོབས་ཤུགས་གནང་བའི་ཐོག་ལས་ ང་གིས་ག་ཅི་རང་འབད་རུང་འབད་ཚུགས།

ཀོ་ལོ་སི་ལེའུ་ 1:11

དཀའ་ངལ་བྱུང་པའི་སྐབས་ལུ་ ཁྱེད་བཟོད་པ་སྒོམ་སྡོད་ཚུགས་པའི་དོན་ལུ་ དཀོན་མཆོག་གི་ཚད་མེད་པའི་དབང་ཤུགས་དེ་གིས་ ཁྱེད་སྒྲིང་སྒྲིང་སྦེ་སྡོད་ནིའི་ཤུགས་གནང་བཅུག

ཀོ་ལོ་སི་ལེའུ་ 1:24

ད་ང་ཁྱེད་ཀྱི་དོན་ལུ་སྡུག་བསྔལ་མྱོང་ནི་ལུ་ དགའ་སྤྲོ་བསྐྱེད་སྡོདཔ་ཨིན་ ཁིརཱིས་ཀྱི་སྐུ་གཟུགས་ཨིན་པའི་ཆོས་ཚོགས་ཀྱི་དོན་ལུ་ ང་རའི་གཟུགས་ཀྱིས་ ཁོ་གི་སྡུག་བསྔལ་མཐར་སྐྱེལ་ནི་ཨིན།

ཐེ་ས་ལོ་ནི་ཀ་དང་པ་ལེའུ་ 3:4

ཧེ་མ་ང་བཅས་ཁྱེད་དང་གཅིག་ཁར་སྡོད་པའི་བསྒང་ ཨ་ནི་སྡུག་བསྔལ་འདི་འབྱུང་འོང་ཟེར་ང་བཅས་ཀྱིས་སླབ་ཅི་ འདི་བཟུམ་སྦེ་ར་སྡུག་བསྔལ་འབྱུངམ་ད་ ཁྱེད་ཀྱིས་ལེགས་ཤོམ་སྦེ་ཤེས་ཅི།

ཏི་མོ་ཐི་དང་པ་ལེའུ་ 2:6

ཁོ་གིས་མི་ག་ར་ལུ་ སྡིག་པ་དང་ཤི་ས་ལས་ཐར་པ་གནང་བའི་དོན་ལུ་ ཁོ་རང་གི་སྐུ་ཚེ་དེ་ སྲོག་རིན་སྦེ་གནང་ཡི་ འདི་མི་ག་ར་ལུ་ཁ་འཐེན་བཟུམ་སྦེ་ དཀོན་མཆོག་གིས་དུས་ཚོད་ཀྲིག་ཀྲི་ལུ་མཛད་གནང་ནུག

ཏི་མོ་ཐི་གཉིས་པ་ལེའུ་ 1:10

ད་ཁིརཱིས་ཡེ་ཤུ་ང་བཅས་ཀྱི་སྐྱབས་མགོན་སྦེ་བྱོན་པའི་ཐོག་ལས་སྦེ་ ཐུགས་རྗེ་དེ་ཕྱི་ཁར་ཐོན་ཡི་ ཁོ་གིས་འཆི་བ་གི་དབང་ཤུགས་རྩ་མེད་གཏང་སྟེ་ གཏམ་བཟང་གོ་བའི་ཐོག་ལས་སྦེ་ ཚེ་ངོ་མ་དང་ འཆི་བ་མེད་པའི་སྐོར་ལས་ ང་བཅས་ལུ་གསལ་ཏོག་ཏོ་སྦེ་སྟོན་གནང་ཡི།

ཏི་མོ་ཐི་གཉིས་པ་ལེའུ་ 1:12

དེ་གི་དོན་ལས་སྦེ་ ང་བཙོན་ཁང་ནང་སྡུག་བསྔལ་ཚུ་མྱོང་སྟེ་ཡོདཔ་ཨིན་ དེ་འབདཝ་ད་ དེ་ལུ་བལྟ་སྟེ་ ང་ངོ་མི་ཚ་ ག་ཅི་སྨོ་ཟེར་བ་ཅིན་ ག་ལུ་ང་གིས་དད་པ་བསྐྱེདཔ་ཨིན་ན་ ང་རང་གིས་ཤེས་ ད་རུང་ངེ་གི་ཚེ་སྲོག་འདི་ ཁོ་གི་ཕྱག་ལུ་བློ་གཏད་དེ་ཕུལ་མི་དེ་ཡང་ མཐའན་མཇུག་གི་ཉིནམ་ཚུན་ཚོད་ ཁོ་གིས་བདག་འཛིན་འཐབ་གནང་འོང་ཟེར་ ང་ལུ་རེ་བ་ཏན་ཏན་ཡོདཔ་ཨིན།

ཏི་མོ་ཐི་གཉིས་པ་ལེའུ་ 1:16

གཙོ་བོ་གིས་ ཨོ་ནི་སི་ཕོ་རུས་ཀྱི་བཟའ་ཚང་ལུ་སྙིང་རྗེ་གཟིགས་བཅུག་ ག་ཅི་སྨོ་ཟེར་བ་ཅིན་ ཁོ་གིས་ཨ་རྟག་རང་ང་ལུ་སེམས་གསོ་འབདཝ་ཨིནམ་མ་ཚད་ ཁོ་གིས་ང་བཙོན་ཁང་ནང་སྡོད་མི་ལུ་བལྟ་སྟེ་ ངོ་མ་ཚ།

ཏི་མོ་ཐི་གཉིས་པ་ལེའུ་ 2:3

དམག་མི་བཟང་པོ་བཟུམ་ཅིག་སྦེ་ ཁིརཱིས་ཡེ་ཤུ་གི་དོན་ལུ་ ང་དང་གཅིག་ཁར་ བཟོད་པ་སྒོམས་སྡོད་དེ་སྡུག་བསྔལ་འབག་དགོ།

ཏི་མོ་ཐི་གཉིས་པ་ལེའུ་ 2:8

ང་གིས་གཏམ་བཟང་བཤད་མི་དང་འཁྲིལ་ཏེ་ གཤགས་ས་ལས་སྐུ་གསོན་པོ་སྦེ་བཞེངས་མི་དང་ རྒྱལཔོ་ ད་བིད་ཀྱི་གདུང་བརྒྱུད་ལས་བྱོན་མི་ཡེ་ཤུ་ཁིརཱིས་ལུ་ སེམས་ཁར་དྲན་དགོ།

ཏི་མོ་ཐི་གཉིས་པ་ལེའུ་ 2:9

ཨ་ནི་གཏམ་བཟང་གི་དོན་ལུ་ ང་གིས་སྡུག་བསྔལ་མྱོང་སྟེ་མི་ཉེས་པ་ཅན་ལུ་འབད་དོཝ་བཟུམ་སྦེ་ ང་ལུ་ལྕགས་ཐག་གིས་བཅིངས་ཏེ་བཞག་ཅི་ དེ་འབདཝ་ད་ ང་ལུ་ལྕགས་ཐག་གིས་བཅིངས་བཞག་དོཝ་བཟུམ་སྦེ་ དཀོན་མཆོག་གི་གསུང་དེ་ལུ་བཅིང་བཞག་མི་ཚུགས།

ཏི་མོ་ཐི་གཉིས་པ་ལེའུ་ 4:17

ཨིན་རུང་ གཙོ་བོ་ང་དང་མཉམ་གཅིག་བཞུགས་ཏེ་ ཁོ་གིས་ང་ལུ་སྟོབས་ཤུགས་གནང་ནི་དེ་གིས་ གཙོ་བོ་གི་གཏམ་བཟང་འདི་ ཡོངས་སུ་རྫོགསཔ་སྦེ་ ངེ་གི་ཐོག་ལས་ ཕྱིའི་མི་རིགས་ག་ར་གིས་རྣ་བ་གོ་ཡི་ དེ་མ་ཚད་ དཔེར་ན་ སེང་གེ་ལྟོགསཔ་གི་ཁ་ལས་སྤར་ཐར་དོཝ་བཟུམ་སྦེ་ ང་ལུ་སྲོག་ཐོག་ཉེས་ཁྲིམས་ལས་སྐྱབས་མཛད་ཅི།

ཏི་མོ་ཐི་གཉིས་པ་ལེའུ་ 4:5

དེ་འབདཝ་ད་ ཁྱོད་ལུ་ག་ཅི་བྱུང་རུང་ དྲནམ་བཏོན་ དཀའ་ངལ་དེ་ཚུ་འབྱུངམ་ད་ གཙོ་བོ་གི་དོན་ལུ་བཟོད་པ་བསྒོམས་ གཏམ་བཟང་གི་ཆོས་བཤད་ནིའི་ལཱ་འབད་ དེ་ལས་དཀོན་མཆོག་གིས་ཁྱོད་ལུ་གནང་མི་ལཱ་གི་འགན་ཁག་དེ་འབད།

པེ་ཏྲོ་དང་པ་ལེའུ་ 1:5

དཀོན་མཆོག་གིས་ཁྱེད་ཀྱི་དོན་ལུ་གྲ་སྒྲིག་མཛད་གནང་མིའི་ཐར་པ་འདི་ དུས་མཐའན་མཇུག་ལུ་ཕྱི་ཁར་བཏོན་གནང་འོང་ འདི་མ་ཐོབ་ཚུན་ཚོད་ ཁྱེད་ཀྱིས་དད་པ་བསྐྱེད་པའི་ཐོག་ལས་ དཀོན་མཆོག་གི་དབང་ཤུགས་ཀྱིས་ ཁྱེད་ལུ་སྲུང་སྐྱོབ་མཛད་གནངམ་ཨིན།

ཡོ་ཧ་ནཱན་དང་པ་ལེའུ་ 4:14

དེ་ལས་ཡབ་ཀྱིས་ ཁོ་རའི་སྲས་འཛམ་གླིང་ལུ་སྐྱབས་མཛད་པའི་དོན་ལུ་གནང་ཡོདཔ་ ང་བཅས་ཀྱིས་མིག་གིས་མཐོང་སྟེ་ འཛོམ་དཔང་འབདཝ་ཨིན།

ཡུ་དཱས་ལེའུ་ 1:24

ད་ ང་བཅས་ཀྱི་གཙོ་བོ་ཡེ་ཤུ་ཁིརཱིས་ཀྱི་རྒྱུད་ལས་ ང་བཅས་ལུ་དད་པ་ཉམས་འགྱོ་ནི་ལས་སྐྱབས་མཛད་དེ་ ཁོ་རའི་གཟི་བརྗིད་དང་ལྡན་མིའི་སྐུ་མདུན་ལུ་ སྐྱོན་ག་ནི་ཡང་མེདཔ་སྦེ་ དགའ་སྤྲོ་གིས་གང་སྟེ་ འཁྱིད་འོང་ཚུགས་མི་ ང་བཅས་ཀྱི་སྐྱབས་མགོན་ དཀོན་མཆོག་ངོ་མ་ཨིན་མི་ ཁོ་རང་རྐྱངམ་གཅིག་ལུ་ གཟི་བརྗིད་ དཔལ་དང་འབྱོར་བ་ དབང་ཤུགས་ དབང་ཚད་ འཛམ་གླིང་མ་མཛད་པའི་ཧེ་མ་ལས་ ད་ལྟོ་དང་དུས་རྒྱུན་དུ་རང་ བཞུགས་པར་ཤོག་ ཨ་མཱེན།། །།

མཐོང་སྣང་ལེའུ་ 1:2

དེ་ལས་ དཀོན་མཆོག་གི་གསུང་དང་ ཡེ་ཤུ་ཁིརཱིས་ཀྱི་མཇལ་ཁ་ ཡོ་ཧ་ནཱན་ཁོ་རང་གིས་མཐོང་སྟེ་ དེ་གི་སྐོར་ལས་འཛོམ་དཔང་འབདཝ་ཨིན།

མཐོང་སྣང་ལེའུ་ 1:9

ང་ ཡོ་ཧ་ནཱན་ ཁྱེད་ཀྱི་སྤུན་ཆ་ དཀོན་མཆོག་གི་རྒྱལ་སྲིད་ནང་ ཁྱེད་དང་གཅིག་ཁར་ཨིན་མི་ ཁྱེད་དང་འདྲན་འདྲ་སྦེ་ ཡེ་ཤུ་གི་ཐོག་ལས་སྡུག་བསྔལ་གྱི་ཉམས་མྱོང་ཐོབ་སྟེ་ ཁྱེད་བཟུམ་སྦེ་བཟོད་སྲན་བསྐྱེདཔ་ཨིན་ ང་དཀོན་མཆོག་གི་གསུང་དང་ ཡེ་ཤུ་གི་འཛོམ་དཔང་འབདཝ་ལས་བརྟེན་ཏེ་ ང་ལུ་བདའ་གཏང་སྟེ་ ད་ལྟོ་མཚོ་གླིང་ པཱད་མཱོས་ནང་སྡོད་དགོཔ་ཐལ་སོང་ཡི།

མཐོང་སྣང་ལེའུ་ 12:11

ཨིན་རུང་ སྤུན་ཆ་ཚུ་གིས་ཁོང་རང་གི་སྲོག་ལུ་མ་ཕངས་པར་ ལུག་གི་ཕྱུག་ཀུ་གི་སྐུ་ཁྲག་དང་ ཁོང་རང་གི་འཛོམ་དཔང་འབད་བའི་སྒོ་ལས་ བདུད་ལས་རྒྱལ་ཁ་ཐོབ་ཅི།

མཐོང་སྣང་ལེའུ་ 19:10

དེ་ལས་ང་གིས་ཁོ་གི་སྐུ་མདུན་འགྱོ་སྟེ་ཕྱག་འཚལ་ནི་འབདཝ་ད་ ཁོ་གིས་ང་ལུ་ཕྱག་མ་འཚལ་ ཁྱོད་དང་ ཁྱོད་ཀྱི་སྤུན་ཆ་ ཡེ་ཤུ་གི་འཛོམ་དཔང་འབད་མི་ཚུ་བཟུམ་ ང་ཡང་ཞབས་ཕྱི་ཞུ་མི་གཅིག་ཨིན་ ཁྱོད་ཀྱིས་དཀོན་མཆོག་རྐྱངམ་གཅིག་ལུ་ཕྱག་འཚལ་ཏེ་བསྟོད་པ་ཕུལ་དགོ་ ག་ཅི་སྨོ་ཟེར་བ་ཅིན་ ཡེ་ཤུ་གི་སྐོར་ལས་འཛོམ་དཔང་འབད་མི་ཚུ་ ལུང་སྟོན་པ་བཟུམ་སྦེ་ཨིན་ཟེར་གསུངས་ཡི།།