ཏི་མོ་ཐི་གཉིས་པ་ལེའུ་ 1:7 - རྫོང་ཁ་

⁷ ག་ཅི་སྨོ་ཟེར་བ་ཅིན་ དཀོན་མཆོག་གིས་ང་བཅས་ལུ་ སྤོབས་མེདཔ་མཛད་ནི་གི་སེམས་མེན་པར་ ཁོ་གིས་ སྟོབས་ཤུགས་ཀྱི་སེམས་དང་ བྱམས་སེམས་ དེ་ལས་རང་གིས་རང་སྒྲིགས་བཙུགས་ནིའི་སེམས་གནང་ནུག

ཏི་མོ་ཐི་གཉིས་པ་ལེའུ་ 1:7 ပူးပေါင်းရင်းမြစ်များ

ལུ་ཀ་ལེའུ་ 10:19

ང་གིས་སྦུལ་དང་སྡིག་པ་ར་ཙ་ལུ་ རྐངམ་གིས་བསྣད་ནི་དང་ དགྲ་གི་སྟོབས་ཤུགས་ཚུ་གིས་ གླགས་ཁེལ་མ་ཚུགས་ནི་གི་དབང་ཚད་ ཁྱེད་ལུ་བྱིན་ཏེ་ཡོད་ ག་ཅི་གིས་ཡང་ ཁྱེད་ལུ་གནོད་པ་བཀལ་མི་ཚུགས།

ལུ་ཀ་ལེའུ་ 15:17

འདིའི་སྐབས་ལུ་ ཁོ་མནོ་ལོག་བསྐྱེད་དེ་ཁོ་རང་ལུ་ ངེ་གི་ཨ་པ་གི་ཁྱིམ་ནང་ལུ་ གཡོགཔོ་དེ་ཚུ་ཡང་ ག་ར་བཞེས་སྒོ་མ་བཏུབ་བཏུབ་སྦེ་ ཟ་ནི་ཡོད་ ང་ནཱ་ལུ་ལྟོ་མ་ཐོབ་པར་ ཤི་ནི་འབད་དོ་ཟེར་སླབ་ནུག

ལུ་ཀ་ལེའུ་ 24:49

ངེ་གི་ཡབ་ཀྱིས་ཁས་བླངས་བཞེས་མི་དེ་ ང་རང་གིས་ཁྱེད་ལུ་གཏང་ནི་ཨིན་ དེ་འབདཝ་ད་ ཡར་ལས་མར་གྱི་ནུས་ཤུགས་དེ་ ཁྱེད་ཀྱི་གུ་མ་ལྷོད་པའི་བར་དུ་ ཡེ་རུ་ཤ་ལེམ་ལུ་སྒུག་སྟེ་སྡོད་ཟེར་བཀའ་གནང་ནུག།

ལུ་ཀ་ལེའུ་ 8:35

མི་དེ་ཚུ་ཡེ་ཤུ་བཞུགས་སར་བལྟ་བ་སོངམ་ད་ འདྲེ་གདོན་ཐོན་ཡར་སོང་མིའི་མི་དེ་ བགོ་ལ་གྱོན་ དྲན་པ་དང་ལྡན་ཏོག་ཏོ་སྦེ་ ཡེ་ཤུ་གི་སྐུ་མདུན་ལུ་ ལེགས་ཤོམ་སྦེ་སྡོད་ས་མཐོངམ་ད་ ཁོང་ག་ར་འདྲོགས་ཆི་ནུག

ཡོ་ཧ་ནཱན་ལེའུ་ 14:27

དེ་ལས་ཞི་བདེ་ཁྱེད་ཀྱི་དོན་ལུ་བྱིན་བཞག་ནི་ཨིན་ ང་རའི་ཞི་བདེ་དེ་ཁྱེད་ལུ་བྱིནམ་ཨིན་ ང་གིས་བྱིན་མི་ཞི་བདེ་འདི་ འཛམ་བུ་གླིང་གིས་བྱིན་མི་ཞི་བདེ་དང་མི་འདྲ་ དེ་འབདཝ་ལས་བརྟེན་ཏེ་ ཁྱེད་ཀྱི་སེམས་ཁར་ཚ་གྱང་ལང་སྟེ་འདྲོག་མི་དགོ།

མཛད་པ་ལེའུ་ 1:8

དམ་པའི་ཐུགས་ཉིད་ཁྱེད་གུ་འབྱོནམ་ད་ ཁྱེད་ཆ་ཁྱབ་ཀྱིས་སྟོབས་ཤུགས་དང་དབང་ཐོབ་ནི་ཨིན་ དེ་ལས་རྒྱལ་ས་ ཡེ་རུ་ཤ་ལེམ་དང་ ལུང་ཕྱོགས་ ཡུ་དེ་ཡ་ ལུང་ཕྱོགས་ ས་མ་རི་ཡ་ དེ་ལས་འཛམ་གླིང་གི་མཐའན་མཇུག་ཚུན་ཚོད་ ཁྱེད་ཆ་ཁྱབ་ངེ་གི་འཛོམ་དཔང་ བཤད་མི་སྦེ་འབྱུང་ནི་ཨིན་ཟེར་གསུངས་ནུག

མཛད་པ་ལེའུ་ 10:38

དཀོན་མཆོག་གིས་ ན་ཟ་རཱེད་ཀྱི་ཡེ་ཤུ་ལུ་ དམ་པའི་ཐུགས་ཉིད་དང་དབང་གནང་སྟེ་ དཀོན་མཆོག་ཁོ་དང་མཉམ་རྟག་བུ་རང་བཞུགས་ཏེ་ ས་ཆ་ག་ར་ནང་བྱོན་ཏེ་ ཕྱག་ལཱ་བཟང་པོ་དང་བདུད་ཀྱི་དབང་གིས་མར་མནེམ་སྡོད་མི་ཚུ་ལུ་ དྲགཔ་མཛད་མི་འདི་ ཁྱེད་ཀྱིས་ཤེས།

མཛད་པ་ལེའུ་ 20:24

ག་དེ་སྦེ་ཨིན་རུང་ ང་རང་གི་ཚེ་སྲོག་དེ་ཁག་ཆེ་ཏོག་ཏོ་སྦེ་མི་བརྩི་ དཀོན་མཆོག་གི་ཐུགས་རྗེ་གི་གཏམ་བཟང་གི་ འཛོམ་དཔང་འབད་ནི་གི་ལཱ་འགན་ གཙོ་བོ་ཡེ་ཤུ་གིས་ང་ལུ་གནང་སྟེ་ཡོད་མི་ དེ་མཇུག་བསྡུ་ནི་འདི་ངེ་གི་དོན་ལུ་གནམ་མེད་ས་མེད་རྩ་ཆེ་ཤོས་ཨིན།

མཛད་པ་ལེའུ་ 21:13

དེ་འབདཝ་ད་ པའུལ་གྱིས་ ཁྱེད་ཆ་ཁྱབ་སྔུ་སྟེ་ ང་ལུ་ག་ཅི་འབད་སེམས་སྐྱོ་བཅུགཔ་སྨོ་ ང་ལུ་བཟུང་སྟེ་བཙོན་ནང་བཙུགས་ཏེ་འབད་རུང་ ང་གྲ་སྒྲིག་ཡོད་ དེ་མ་ཚད་ ཡེ་རུ་ཤ་ལེམ་ལུ་གཙོ་བོ་ཡེ་ཤུ་གི་མཚན་གྱི་དོན་ལུ་ ང་ཤི་ཆོག་ཆོག་ཡོད་ཟེར་སླབ་ཅི།

མཛད་པ་ལེའུ་ 26:11

ང་གིས་ཚར་ལེ་ཤ་རང་ སི་ན་གོག་ག་ར་ནང་སོང་སྟེ་ དཀོན་མཆོག་ཁོ་རའི་མི་དམ་པ་ཚུ་ལུ་ཁྲིམས་བཏང་ དབང་བཙོང་འབད་ ཁིརཱིས་ལུ་དབུ་ཕང་སྨད་བཅུག་སྟེ་ དད་པ་ལས་དགོངམ་ཞུ་བཅུག་ཅི་ དེ་མ་ཚད་ ངེ་གི་སེམས་ཁར་ལུ་ཡང་ ལཱ་དེ་མ་འབད་བར་བཞག་མ་ཚུགས་པར་ ཕྱིའི་རྒྱལ་ཁབ་ཚུ་གི་ཁྲོམ་ཚུ་ནང་ཡང་སོང་སྟེ་ དཀོན་མཆོག་གི་མི་ཚུ་ལུ་གནོད་པ་བཀལ་ཡི།།

མཛད་པ་ལེའུ་ 26:25

པའུལ་གྱིས་ མི་དབང་ ཕཱེས་ཏུས་ལགས་ ང་འཆོལ་ལོང་མ་སོང་ ང་རང་གི་ལོ་རྒྱུས་བདེན་པ་འདི་ གསལ་ཏོག་ཏོ་སྦེ་ཞུཝ་ཨིན།

མཛད་པ་ལེའུ་ 6:8

དཀོན་མཆོག་གི་ཐུགས་རྗེ་དང་དབང་གིས་གང་གངམ་འབད་ནི་དེ་གིས་ ཨཱིས་ཏེ་ཕཱན་གྱིས་རྫུ་འཕྲུལ་མ་འདྲཝ་ལེ་ཤ་སྟོན་ཡོདཔ་ཨིན་མས།

མཛད་པ་ལེའུ་ 9:22

དེ་འབདཝ་ད་ ཉིནམ་གཅིག་བ་ཉིནམ་གཅིག་ ཁོ་གིས་བཤད་མི་ཆོས་དེ་ཤུགས་ཐོན་ཏེ་ ཡེ་ཤུ་དེ་དོན་ལས་རང་ དཀོན་མཆོག་གིས་བཙག་འཐུ་མཛད་མི་ཁིརཱིས་ཨིན་ ཟེར་ཁུངས་བཀལཝ་ད་ ད་མཱས་ཀཱོས་ལུ་ཡོད་མི་ ཡ་ཧུ་ད་པ་དེ་ཚུ་ དབུགས་འགམ་སྟེ་ ལན་ག་ནི་ཡང་སླབ་མ་ཚུགས་པར་སྡོད་ནུག

རོམ་མི་ལེའུ་ 5:5

དེ་ལས་རེ་བ་བསྐྱེད་མི་འདི་གིས་ བློ་ཕམ་མི་བཅུག་ ག་ཅི་སྨོ་ཟེར་བ་ཅིན་ དཀོན་མཆོག་གིས་དམ་པའི་ཐུགས་ཉིད་ ང་བཅས་ལུ་གནང་བའི་རྒྱུད་ལས་སྦེ་ བྱམས་པ་མ་ལང་ལངམ་སྦེ་ ང་བཅས་ཀྱི་སེམས་ནང་བླུགས་གནང་ཡི།

རོམ་མི་ལེའུ་ 8:15

དཀོན་མཆོག་གིས་ཁྱེད་ལུ་གནང་མི་འདི་ རྒྱོབོ་བཟུམ་སྦེ་འདྲོག་ནི་གི་སེམས་གནངམ་མེན་ དེ་འབདཝ་ད་ དཀོན་མཆོག་གིས་ཁྱེད་ལུ་ ཁོ་གི་སྲས་དང་སྲསམོ་མཛད་དེ་ ཁོ་ལུ་ ཨབ་བ་ ཨ་པ་ཟེར་འབོ་ཐག་ཆོད་པའི་དབང་ཚད་གནངམ་ཨིན།

ཀོ་རཱིན་ཐི་དང་པ་ལེའུ་ 2:4

ང་གིས་འབག་འོང་མི་ཁ་འཐེན་དང་བཤད་མི་ཆོས་དེ་ རིག་པ་ཅན་གྱི་ཚིག་དང་ ཁྱེད་ལུ་ཡིད་ཆེས་བཅུག་ནི་སྦེ་རྩ་ལས་མ་བཤད་ དེ་འབདཝ་ད་ དམ་པའི་ཐུགས་ཉིད་ཀྱི་སྟོབས་ཤུགས་ལས་བརྟེན་ ཆོས་སྟོན་ཏེ་བཤད་ཅི།

ག་ལ་ཏི་ལེའུ་ 5:22

དེ་འབདཝ་ད་ དམ་པའི་ཐུགས་ཉིད་ཀྱི་འབྲས་བུ་འདི་ བྱམས་པ་འབད་ནི་ དགའ་སྤྲོ་བསྐྱེད་ནི་ ཞི་བདེ་མྱོང་ནི་ བཟོད་པ་བསྒོམ་ནི་ སྙིང་རྗེ་བསྐྱེད་ནི་ ལེགས་ཤོམ་འབད་ནི་ ན་འཐན་ཏོག་ཏོ་འབད་ནི།

ཀོ་ལོ་སི་ལེའུ་ 1:8

ཁྱེད་ལུ་དམ་པའི་ཐུགས་ཉིད་ལས་བྱུང་ཡོད་པའི་བརྩེ་གདུང་གི་སྐོར་ལས་ ཁོ་གིས་ང་བཅས་ལུ་བཤད་དེ་སླབ་ཅི།།

ཧིབ་རུ་ལེའུ་ 2:15

ཁོང་ཤི་ནི་ལུ་འདྲོག་སྡོད་མི་ཚུ་གི་མི་ཚེ་གཅིགཔ་བསྡམ་བཞག་མི་ནང་ལས་ ཐར་བཅུག་ནི་སྦེ་ཨིན་མས།

པེ་ཏྲོ་དང་པ་ལེའུ་ 1:22

ད་ཁྱེད་ཆ་ཁྱབ་བདེན་པའི་གསུང་ལུ་ཉན་ནི་དེ་གིས་ ཁྱེད་རྣམ་པར་དག་པ་འཐོན་ཏེ་ ཁྱེད་རང་གི་སྤུན་ཆ་ཚུ་ལུ་ དོན་ལས་རང་ ཁྱེད་ཀྱིས་བྱམས་པ་འབདཝ་ཨིན་མས་ ད་འཕྲོ་མཐུད་དེ་རང་ རྫུས་མ་མེན་པར་ སེམས་ཀྱི་གཏིང་ལས་རང་ གཅིག་གིས་གཅིག་ལུ་ བྱམས་པ་འབད།

ཡོ་ཧ་ནཱན་དང་པ་ལེའུ་ 4:18

ཨ་ནི་བཟུམ་གྱི་བྱམས་པ་ལུ་འདྲོག་ནི་རྩ་ལས་རང་མེད་ ཨིན་རུང་ ཡོངས་སུ་རྫོགས་པའི་བྱམས་པ་གིས་ འདྲོག་ནི་ལུ་བདའ་གཏངམ་ཨིན་ ག་དེམ་ཅིག་སྦེ་ང་བཅས་འདྲོག་པ་ཅིན་ ཉེས་ཁྲིམས་ལུ་བལྟ་སྟེ་འདྲོགཔ་ཨིན་ འདི་གིས་ ང་བཅས་ཁོ་གི་ཡོངས་སུ་རྫོགས་པའི་བྱམས་པ་ལུ་ཉམས་མྱོང་མེདཔ་བཟུམ་སྦེ་སྟོནམ་ཨིན།