ཏི་མོ་ཐི་གཉིས་པ་ལེའུ་ 1:6 - རྫོང་ཁ་

⁶ འདི་གི་དོན་ལུ་ ང་གིས་ཁྱོད་ཀྱི་གུ་ ལགཔ་བཀལ་བའི་ཐོག་ལས་སྦེ་ ཐོབ་མི་དཀོན་མཆོག་གི་གསོལ་རས་དེ་ མར་ཉམས་མ་བཅུག་པར་ ཁྱོད་ཀྱིས་ཨ་རྟག་རང་ དཔེར་ན་ མེ་རུ་གོ་ཐལ་གྱི་འོག་ལུ་སྦ་བཞག་སྟེ་ ལོག་མེ་འཕུཝ་ད་ མེ་འབར་བཅུག་དོཝ་བཟུམ་སྦེ་ གསོལ་རས་དེ་ལེགས་ཤོམ་སྦེ་བདག་འཛིན་འཐབ་དགོ་ཟེར་ ང་གིས་དྲན་བསྐུལ་འབདཝ་ཨིན།

ཏི་མོ་ཐི་གཉིས་པ་ལེའུ་ 1:6 ပူးပေါင်းရင်းမြစ်များ

ལུ་ཀ་ལེའུ་ 19:13

དེ་ལས་ཁོ་རང་མ་བྱོན་པའི་ཧེ་མ་ ཁོ་གིས་གཡོགཔོ་བཅུ་ཐམ་གཅིག་ཁར་འབོ་སྟེ་ གཡོགཔོ་རེ་རེ་ལུ་གསེར་ཀྲམ་རེ་རེ་སྦེ་གནང་ ད་ང་ལོག་མ་ལྷོད་པའི་བར་དུ་ ཨ་ནི་གསེར་ཀྲམ་དེ་གིས་ ངེ་གི་དོན་ལུ་ཚོང་བརྐྱབས་ཏེ་ དངུལ་ག་དེ་ཅིག་བཟོ་ཚུགསཔ་ག་ བལྟ་ནི་ཨིན་ཟེར་གསུངས་ནུག

མཛད་པ་ལེའུ་ 19:6

པའུལ་གྱིས་ཁོང་གི་གུ་ལུ་ལགཔ་བཀལཝ་ད་ དམ་པའི་ཐུགས་ཉིད་ཁོང་གུ་བྱོན་ཏེ་ ཁ་མ་གཅིགཔ་སླབ་སྟེ་ ལུང་བསྟན་ཡང་བཤད་ནུག

མཛད་པ་ལེའུ་ 6:6

ཁོང་མི་བདུན་ སྐུ་ཚབ་ཚུ་གི་གདོང་ཁར་བཞག་ཞིནམ་ད་ སྐུ་ཚབ་ཚུ་གིས་ཁོང་མི་བདུན་གུ་ ལགཔ་བཀལ་ཏེ་སྨོན་ལམ་ཞུ་ནུག

ཐེ་ས་ལོ་ནི་ཀ་དང་པ་ལེའུ་ 5:19

དམ་པའི་ཐུགས་ཉིད་ཀྱིས་ཕྱག་ལཱ་མཛད་མི་དེ་ལུ་ ཁྱེད་ཀྱིས་བཀག་སྟེ་མ་བཞག

ཏི་མོ་ཐི་དང་པ་ལེའུ་ 4:14

འགོ་འདྲེན་པ་ཚུ་གིས་ ཁྱོད་ཀྱི་གུ་ལགཔ་བཀལ་ཏེ་ ལུང་བསྟན་བཤད་པའི་ཐོག་ལས་སྦེ་ ཁྱོད་ཀྱིས་ཐོབ་མི་དམ་པའི་ཐུགས་ཉིད་ཀྱི་གསོལ་རས་དེ་ལུ་ བར་སྟོར་མ་གཏང་པར་ ལག་ལེན་འཐབ་སྟེ་སྡོད།

ཏི་མོ་ཐི་དང་པ་ལེའུ་ 4:6

ང་གིས་ཁྱོད་ལུ་སྟོན་མི་བཀོད་རྒྱ་འདི་ཚུ་ ཁྱོད་ཀྱིས་སྤུན་ཆ་ཚུ་ལུ་སྟོན་བྱིན་སྦེ་ ཁྱོད་རང་གིས་འབད་འོང་མིའི་ཆོས་དང་ གཞི་བརྟན་ཏོག་ཏོ་ཚུ་ ཟས་བཅུད་ཅན་མ་ཆད་པར་ཟ་དོཝ་བཟུམ་སྦེ་ སེམས་ཁར་དྲན་སྡོད་པ་ཅིན་ ཁྱོད་ཁིརཱིས་ཡེ་ཤུ་གི་ཕྱག་ཞུ་མི་ལེགས་ཤོམ་ཅིག་སྦེ་འཐོན་འོང་།

ཏི་མོ་ཐི་གཉིས་པ་ལེའུ་ 2:14

དེ་ཚུ་གི་སྐོར་ལས་ མ་ཆད་པ་རང་ དྲན་བསྐུལ་འབད་དེ་སྡོད་དགོ་ དེ་ལས་དཀོན་མཆོག་གི་མཚན་འཛོམ་དཔང་བཙུགས་ཏེ་ ཁུངས་མེད་པའི་ཚིག་གི་སྐོར་ལས་ རྩོད་པ་མ་རྐྱབས་ཟེར་ ཁྱོད་ཀྱིས་དདཔ་ཅན་ཚུ་ལུ་བཀའ་དམ་དྲགས་སྦེ་བྱིན་དགོ་ ག་ཅི་སྨོ་ཟེར་བ་ཅིན་ འདི་བཟུམ་གྱི་རྩོད་པ་རྐྱབ་ནི་གི་བློ་ཚུ་གིས་ གོ་མི་ཚུ་ལུ་གནོད་ནི་མ་གཏོགས་ ཕན་མི་ཐོགས།།

ཏི་མོ་ཐི་གཉིས་པ་ལེའུ་ 4:2

གཏམ་བཟང་བཤད་དེ་སྡོད་ དུས་ཚོད་ནམ་རང་འབད་རུང་ ཨ་རྟག་རང་གྲ་སྒྲིག་སྦེ་སྡོད་ འཛོལ་བ་བཏོན་ཏེ་ བཅོ་ཁ་རྐྱབ་སྟེ་བསླབ་བྱ་བྱིན་ དེ་ལས་བཟོད་པ་སྒོམ་པའི་ཐོག་ལས་སྦེ་ ཆོས་ལེགས་ཤོམ་སྦེ་སྟོན་ཏེ་ སེམས་གསོ་འབད་བྱིན།

པེ་ཏྲོ་གཉིས་པ་ལེའུ་ 1:12

དེ་ལས་ཨ་ནི་ལོ་རྒྱུས་དེ་ཚུ་ ཧེ་མ་ལས་ཁྱེད་ཆ་ཁྱབ་ཀྱིས་ཤེསཔ་ལས་བརྟེན་ བདེན་པ་དེ་ཨ་རྟག་རང་ཁྱེད་ནང་ སྒྲིང་སྒྲིང་སྦེ་བཟུང་བཞགཔ་ཨིན་རུང་ ང་གིས་ཁྱེད་ལུ་དྲན་བསྐུལ་འབདཝ་ཨིན།

པེ་ཏྲོ་གཉིས་པ་ལེའུ་ 3:1

ངེ་གི་བྱམས་པའི་ཆ་རོགས་ཚུ་ ད་ཨ་ནི་ཁྱེད་ལུ་བྲིས་མི་འདི་ ངེ་གི་ཡི་གུ་གཉིས་པ་ཨིན་ ང་གིས་བྲིས་མིའི་ཡི་གུ་ གཉིས་ཆ་ར་གི་དོན་དག་འདི་གཅིག་ཨིན་ འདི་ཁྱེད་ལུ་གཤིས་རྒྱུད་བཟང་པོ་འཐོན་བཅུག་ནི་སྦེ་ དྲན་བསྐུལ་འབདཝ་ཨིན།

ཡུ་དཱས་ལེའུ་ 1:5

མ་གཞི་ ཨ་ནི་དེ་ཚུ་ག་ར་ ཁྱེད་ཀྱིས་ཧེ་མ་ལས་ཤེས་ཚར་རུང་ ད་རུང་ཁྱེད་ལུ་དྲན་བསྐུལ་འབད་དེ་ ང་གིས་སླབ་དོ་ ཧེ་མ་ གཙོ་བོ་གིས་ ཁོ་རའི་མི་ ཨཱིས་ར་ཨཱེལ་པ་ཚུ་ལུ་ ཨི་ཇིབ་རྒྱལ་ཁབ་ནང་ལས་སྐྱབས་མཛད་དེ་འཁྱིད་འོངས་ཡི་ དེ་འབདཝ་ད་ཤུལ་ལས་ ཁོ་ལུ་དད་པ་མ་བསྐྱེད་མི་ཚུ་ལུ་རྩ་མེད་མཛད་ནུག