ཏི་མོ་ཐི་གཉིས་པ་ལེའུ་ 1:4 - རྫོང་ཁ་

⁴ ཁྱོད་ཀྱི་མིག་ལས་འཛག་མི་མིག་ཆུ་དེ་ ད་ལྟོ་ཚུན་ཚོད་ཡང་ ང་གིས་སེམས་ཁར་དྲན་ཏེ་རང་ཡོད་ དེ་སྦེ་འབད་ནི་འདི་གིས་ ངེ་གི་སེམས་ཁར་དགའ་ཚོར་ཐོབ་ནིའི་དོན་ལུ་ ཁྱོད་དང་གནམ་མེད་ས་མེད་འཕྱད་དགོ་མནོ་ཡི།

ཏི་མོ་ཐི་གཉིས་པ་ལེའུ་ 1:4 ပူးပေါင်းရင်းမြစ်များ

ཡོ་ཧ་ནཱན་ལེའུ་ 16:22

འདི་བཟུམ་སྦེ་ད་ལྟོ་ཁྱེད་ལུ་ སྡུག་བསྔལ་འདི་ཚུ་འབྱུང་ནི་ཨིན་ དེ་འབདཝ་ད་ ད་རུང་ ང་ཁྱེད་དང་འཕྱདཔ་ད་ ཁྱེད་དགའ་ཚོར་ཐོབ་ནི་ཨིན་ ཁྱེད་ཀྱི་དགའ་ཚོར་དེ་ མི་ག་གིས་ཡང་ཁྱེད་ལས་འཕྱོག་འབག་མི་ཚུགས།

ཡོ་ཧ་ནཱན་ལེའུ་ 16:24

ད་ལྟོ་ཚུན་ཚོད་ ཁྱེད་ཀྱིས་ངེ་གི་མིང་ནང་ག་ཅི་ཡང་མ་ཞུ་ ད་རེས་ལས་ཞུ་དགོ་ དེ་ལས་ཁྱེད་ཀྱིས་ཐོབ་པའི་བསྒང་ལས་ ཁྱེད་ཀྱིས་དགའ་ཚོར་ཡོངས་སུ་ཐོབ་ནི་ཨིན།

མཛད་པ་ལེའུ་ 20:19

ཡ་ཧུ་ད་པ་ཆ་ཁྱབ་ཀྱིས་ ང་ལུ་གནོད་འཚེ་བཀལ་ཏེ་ དཀའ་ངལ་དང་སྡུག་བསྔལ་ལེ་ཤ་བྱིན་ཏེ་འབད་རུང་ བཟོད་པ་བསྒོམས་ཏེ་སྡོད་ཅི་ ངེའི་མིག་ཏོ་ལས་མིག་ཆུ་འཛག་སྟེ་འབད་རུང་ ཉམ་ཆུང་གི་ཐོག་ལས་ གཙོ་བོ་གི་ཕྱག་ཞུ་ནི་ཡང་མ་བཞག

མཛད་པ་ལེའུ་ 20:31

དེ་འབདཝ་ལས་བརྟེན་ཏེ་ ང་ལོ་གསུམ་གྱི་རིང་ལུ་ ཉིན་ནུབ་མེད་པར་ མིག་ཏོག་ལས་མིག་ཆུ་འཛག་སྟེ་ མི་ག་ར་ལུ་ང་གིས་ཉེན་བརྡ་འབད་མི་འདི་ ཁྱེད་ཆ་ཁྱབ་ཀྱིས་སེམས་ཁ་ལས་མ་བརྗེད་པར་ དྲན་པ་བཏོན་ཏེ་སྡོད།

རོམ་མི་ལེའུ་ 1:11

ག་ཅི་སྨོ་ཟེར་བ་ཅིན་ ཁྱེད་དད་པ་ནང་སྒྲིང་སྒྲིང་བཟོ་ནི་གི་དོན་ལུ་ ཐུགས་ཉིད་ཀྱི་གསོལ་རས་ལ་ལུ་ཅིག་ ཁྱེད་དང་བགོ་བཤའ་བརྐྱབ་ནི་སྦེ་ ཁྱེད་སྡོད་ས་འོང་ནི་གི་རེ་བ་སྦོམ་ང་ལུ་ཡོད།

ཕི་ལི་པི་ལེའུ་ 1:8

ཁིརཱིས་ཡེ་ཤུ་གིས་ཁྱེད་ལུ་ཐུགས་བརྩེ་བ་ཡོད་དོ་བཟུམ་སྦེ་ ང་ཡང་ཁྱེད་ལུ་བརྩེ་བ་བསྐྱེད་དེ་ཡོདཔ་མ་ཚད་ ང་ཨ་རྟག་རང་ཁྱེད་ལུ་བལྟ་དགོ་མནོ་སྟེ་སྡོདཔ་ཨིན་ དེ་ག་ར་དཀོན་མཆོག་གིས་མཁྱེན།

ཕི་ལི་པི་ལེའུ་ 2:26

ཁོ་ལུ་ན་ཚ་ཕོག་ཡོད་པའི་གནས་ཚུལ་དེ་ ཁྱེད་ཀྱིས་རྣ་བ་གོ་ནི་འདི་གིས་ ཁོ་ཁྱེད་ཀྱི་དོན་ལུ་ཚ་གྱང་ལངས་ཏེ་ ཁྱེད་ག་ར་དང་མཉམ་གཅིག་ ཁ་འཕྱད་པ་འོང་ནི་གི་རེ་བ་སྦོམ་བསྐྱེད་དེ་ཡོདཔ་ཨིན་མས།

ཐེ་ས་ལོ་ནི་ཀ་དང་པ་ལེའུ་ 2:17

དེ་འབདཝ་ད་སྤུན་ཆ་ཚུ་ ང་བཅས་དུས་ཡུན་དུམ་གྲ་ཅིག་གི་དོན་ལུ་ ཁྱེད་དང་མཉམ་གཅིག་ ལུས་འདི་ཁ་འཕྱལ་སོང་རུང་ ང་བཅས་རང་གི་སེམས་ཁར་ལས་ ཁ་མ་འཕྱལ་བར་ ང་བཅས་ཁྱེད་དང་མཉམ་གཅིག་ གནམ་མེད་ས་མེད་འཕྱད་དགོ་མནོ་སྟེ་ ཁྱེད་སྡོད་སར་ལོག་འོང་ནི་གི་ཐབས་ཤེས་འགྱིར་ཏེ་སྡོད་ཅི།

ཏི་མོ་ཐི་གཉིས་པ་ལེའུ་ 4:21

ད་ཁྱོད་རང་གནམ་དགུན་གྱི་དུས་ཚོད་ མ་རནམ་ལས་ ནཱ་འོང་ནི་ཚ་ངེར་བཏོན་ དེ་ལས་ ཡུ་བུ་ལུས་ཀྱིས་སྐུ་གཟུགས་བཟང་པོ་ཟེར་སླབ་གཏང་དེས་ པུ་དཱེནས་དང་ ལི་ནུས་དང་ ཀལའུ་དི་ཡ་ཚུ་དང་ དདཔ་ཅན་སྤུན་ཆ་ག་ར་གིས་ཡང་ ཁྱོད་ལུ་སྐུ་གཟུགས་བཟང་པོ་ཟེར་སླབ་གཏང་དེས།

ཏི་མོ་ཐི་གཉིས་པ་ལེའུ་ 4:9

ཁྱོད་ག་དེ་འབད་རུང་ ང་སྡོད་ས་མགྱོགས་པར་ཤོག

ཡོ་ཧ་ནཱན་དང་པ་ལེའུ་ 1:4

དེ་ལས་ དེ་ཚུ་ག་ར་ཁྱེད་ཆ་ཁྱབ་ལུ་བྲིས་མི་འདི་ ང་བཅས་ཀྱི་དགའ་སྤྲོ་ཡོངས་སུ་རྫོགསཔ་སྦེ་བྱུང་བའི་དོན་ལུ་ཨིན།།

མཐོང་སྣང་ལེའུ་ 21:4

ཁོ་གིས་ཁོང་གི་མིག་ཏོ་གི་མིག་ཆུ་འཕྱག་ནི་ཨིན་ ད་དེ་ཁར་ལུ་ཤི་ནི་དང་མྱ་ངན་འབད་ནི་ སྔུ་ནི་ ཟུག་རྐྱབ་ནི་ལ་སོགས་པ་མེདཔ་མ་ཚད་ ཧེ་མ་འཇིག་རྟེན་རྙིངམ་དེ་ཐལ་སོང་ཡི་ཟེར་གསུངསམ་ ང་གིས་གོ་ཡི།

མཐོང་སྣང་ལེའུ་ 7:17

ག་ཅི་སྨོ་ཟེར་བ་ཅིན་ ཁྲི་གི་སྦུག་ལུ་བཞུགས་མི་ལུག་གི་ཕྱུག་ཀུ་འདི་ ཁོང་གི་ལུག་རྫིཔ་མཛད་འོང་ ཁོ་གིས་ཚེ་མཐའ་མེད་པའི་ཆུ་མིག་ནང་འཁྱིད་བཀལ་འོང་ དེ་ལས་དཀོན་མཆོག་གིས་ ཁོང་གི་མིག་ཏོ་གི་མིག་ཆུ་འཕྱག་སྟེ་གནང་འོང་ཟེར་གསུངས་ཡི།།