ཏི་མོ་ཐི་དང་པ་ལེའུ་ 6:3 - རྫོང་ཁ་

³ མི་ག་གིས་རང་འབད་རུང་ ཆོས་མ་འདྲཝ་གི་གཞི་སྟོན་ཏེ་ གཙོ་བོ་ཡེ་ཤུ་ཁིརཱིས་ཀྱིས་སྟོན་མི་བདེན་པ་དང་ ཆོས་སེམས་བསྐྱེད་ནིའི་ཆོས་ཀྱི་གཞི་ལུ་ མ་མཐུནམ་སྦེ་བཟོ་བ་ཅིན།

ཏི་མོ་ཐི་དང་པ་ལེའུ་ 6:3 ပူးပေါင်းရင်းမြစ်များ

མེ་ཐིའུ་ལེའུ་ 22:21

ཁོང་གིས་དེ་ རྒྱལཔོ་ ཀེ་སཱར་གྱི་ཨིན་མས་ཟེར་ཞུཝ་ད་ ཡེ་ཤུ་གིས་རྒྱལཔོ་ ཀེ་སཱར་ལུ་ཕུལ་དགོ་མི་འདི་ རྒྱལཔོ་ལུ་རང་ཕུལ་ དེ་ལས་དཀོན་མཆོག་ལུ་ཕུལ་དགོ་མི་འདི་ དཀོན་མཆོག་ལུ་རང་ཕུལ་ཟེར་གསུངས་ནུག

མེ་ཐིའུ་ལེའུ་ 28:20

དེ་ལས་ང་གིས་སྟོན་བྱིན་མི་བཀའ་ཚུ་ག་ར་སྲུངས་ཟེར་ མི་ཚུ་ལུ་སྟོན་བྱིན་ དུས་མཐའན་མཇུག་ཚུན་ཚོད་ ང་རྟག་བུ་རང་ཁྱེད་དང་གཅིག་ཁར་སྡོད་འོང་ཟེར་གསུངས་ནུག། །།

རོམ་མི་ལེའུ་ 16:17

དབའེ་སྤུན་ཆ་ཚུ་ ཁྱེད་ལུ་སྟོན་མི་གཞི་གི་སྐོར་ལས་ དཀྲོགས་ཁ་བརྐྱབས་མི་དང་ བར་ཆད་གཏང་མི་ཚུ་ལུ་ ན་འཐན་སྦེ་བལྟ་ དེ་ལས་ཁྱེད་དེ་ཚུ་ལས་ རང་ས་སྦེ་སྡོད་ཟེར་ ང་ཁྱེད་ལུ་གསོལཝ་བཏབ་དོ།

ཐེ་ས་ལོ་ནི་ཀ་དང་པ་ལེའུ་ 4:8

དེ་འབདཝ་ལས་བརྟེན་ཏེ་ ང་བཅས་ཀྱིས་སྟོན་མི་བཀོད་རྒྱ་འདི་ལུ་ཆ་མ་བཞག་མི་དེ་ མི་ལུ་ཆ་མ་བཞགཔ་མེན་པར་ དམ་པའི་ཐུགས་ཉིད་གནང་མི་དཀོན་མཆོག་ལུ་ ཆ་མ་བཞགཔ་ཨིན།

ཏི་མོ་ཐི་དང་པ་ལེའུ་ 1:10

གཉེན་ལས་འགལ་བའི་ལུས་འབྲེལ་འབད་མི་དང་ ཕོ་སྐྱེས་ཁོང་རང་ནང་འཁོད་ནང་ལུས་འབྲེལ་འབད་མི་དང་ མི་ལུ་བཟུང་སྟེ་ཁྱིད་བཙོང་མི་དང་ ཤོབ་བརྐྱབས་མི་དང་ ཤོབ་བརྐྱབས་ཏེ་མནའ་འབོ་མི་ དེ་ལས་གཞི་བདེན་པ་ལས་འགལ་མི་ ག་ཅི་རང་འབད་རུང་ འདི་ཚུ་གི་དོན་ལུ་ བཀའ་ཁྲིམས་དེ་གནང་གནངམ་ཨིན།

ཏི་མོ་ཐི་དང་པ་ལེའུ་ 1:3

ཧེ་མ་ང་ལུང་ཕྱོགས་ མ་ཀེ་དོ་ནི་ཡ་ལུ་འགྱོ་བའི་སྐབས་ལུ་ ང་གིས་ཁྱོད་ལུ་ཨུ་ཚུགས་རྐྱབ་དོཝ་བཟུམ་སྦེ་ ད་རུང་ཡང་ ཁྱོད་ཁྲོམ་ ཨི་ཕི་སི་ལུ་རང་སྡོད་དེ་ ཆོས་མ་འདྲཝ་གི་གཞི་སྟོན་མི་ཚུ་ལུ་ ད་དེ་ལས་ཕར་ཨ་ནི་བཟུམ་གྱི་ཆོས་མ་སྟོན་ཟེར་བཀའ་རྒྱ་བྱིན།

ཏི་མོ་ཐི་དང་པ་ལེའུ་ 1:6

ཁོང་ལ་ལུ་ཅིག་གིས་ཨ་ནི་ལམ་ནང་ལས་ཐོན་ཏེ་ ལམ་འཛོལ་བ་ཁུངས་མེད་པའི་བློ་ཚུ་ལུ་ཉན་ཏེ་ཡར་སོང་ཡི།

ཏི་མོ་ཐི་གཉིས་པ་ལེའུ་ 1:13

ཁྱོད་ཁིརཱིས་ཡེ་ཤུ་ནང་ལུ་དད་པ་དང་ བྱམས་པ་ནང་རང་སྡོད་དེ་ ང་གིས་ཁྱོད་ལུ་སྟོན་བྱིན་མི་བདེན་པའི་ཚིག་བརྟན་ཏོག་ཏོ་ཚུ་ དཔེ་གཅིག་སྦེ་ལག་ལེན་འཐབ་སྟེ་སྡོད།

ཏི་མོ་ཐི་གཉིས་པ་ལེའུ་ 4:3

ག་ཅི་སྨོ་ཟེར་བ་ཅིན་ མི་དེ་ཚུ་གིས་ཆོས་ཀྱི་གཞི་བརྟན་ཏོག་ཏོ་དེ་ལུ་ མ་ཉན་པར་འགྱོ་བའི་དུས་ཚོད་ཅིག་འོང་དོ་ དེའི་སྐབས་ལུ་ ཁོང་ཆ་ཁྱབ་ཀྱིས་ རང་རང་སོ་སོ་གི་སྤྲོ་བ་དང་བསྟུན་ཏེ་ ག་ཉན་དགོ་མནོ་མི་ ཁོང་ལུ་སྟོན་མི་སློབ་དཔོན་དེ་ཚུ་ལེ་ཤ་ གཅིག་ཁར་འབོ་སྟེ་སྡོད་འོང་།

ཏི་ཏུས་ལེའུ་ 1:1

དཀོན་མཆོག་གིས་བཙག་འཐུ་མཛད་མི་ཚུ་ལུ་ དད་པ་བསྐྱེད་བཅུག་ནི་གི་དོན་ལུ་དང་ ཆོས་སེམས་བསྐྱེད་ནི་སྦེ་ བདེན་པའི་ཆོས་སྟོན་མི་ཚུ་ ཧ་གོ་བཅུག་ནི་གི་དོན་ལུ་ ང་ པའུལ་ལུ་ དཀོན་མཆོག་གི་ཕྱག་ཞུ་མི་དང་ ཡེ་ཤུ་ཁིརཱིས་ཀྱི་སྐུ་ཚབ་སྦེ་ གཏང་གནང་གནངམ་ཨིན།

ཏི་ཏུས་ལེའུ་ 1:9

ང་བཅས་ཀྱིས་སྟོན་མི་གཏམ་བཟང་ལྟར་དུ་ ཁོ་གིས་ བདེན་པ་དང་ཆ་བཞག་ཚུགས་མི་ཆོས་ཚུ་ ཀྲིག་ཀྲི་སྦེ་སྲུང་སྡོད་ནི་ཨིནམ་ལས་བརྟེན་ཏེ་ ཁོ་གིས་དདཔ་ཅན་ཚུ་ལུ་ གཞི་བརྟན་ཏོག་ཏོ་ སྟོན་ཚུགསཔ་ཨིནམ་མ་ཚད་ གཞི་བདེན་པ་ལུ་ སྐྱོན་བཏག་མི་ཚུ་ལུ་ཡང་ བཀག་ཚུགས་མི་གཅིག་དགོཔ་ཨིན།།

ཏི་ཏུས་ལེའུ་ 3:8

ང་གིས་སླབ་མི་དེ་ བདེན་པ་དང་ཆ་བཞག་ཚུགས་མི་གཅིག་ཨིན་ ཨ་ནི་ལོ་རྒྱུས་ཚུ་ལུ་ཁྱོད་ཀྱིས་གཙོ་བོ་བསྟེན་ཏེ་ དཀོན་མཆོག་ལུ་དད་པ་བསྐྱེད་མི་ཚུ་ལུ་སྟོན་བྱིན་འོང་ཟེར་ང་ལུ་འདོད་པ་ཡོད་ དེ་ལས་དདཔ་ཅན་ཚུ་དུས་སྐབས་བར་སྟོར་མ་བཏང་པར་ ལཱ་བཟང་པོ་ལུ་སེམས་བཙུག་དགོ་ དེ་ལས་ཨ་ནི་དེ་ཚུ་ མི་ག་ར་གི་དོན་ལུ་ ཕན་པ་དང་ལེགས་ཤོམ་ཨིན།