ཏི་མོ་ཐི་དང་པ་ལེའུ་ 3:3 - རྫོང་ཁ་

³ ཆང་གིས་མ་འགྲངས་མི་དང་ སུ་ཐག་ཐུང་ཀུ་འབད་མི་མེན་པར་ རོགས་ལུ་མཉམ་ཆུང་འབད་མི་དང་ ཕུང་མ་འཚོལ་མི་ དེ་ལས་རྒྱུ་ཕྱེད་ཀྲམ་ལུ་ཕངས་སེམས་མ་བསྐྱེད་མིའི་ མི་གཅིག་དགོཔ་ཨིན།

ཏི་མོ་ཐི་དང་པ་ལེའུ་ 3:3 ပူးပေါင်းရင်းမြစ်များ

མེ་ཐིའུ་ལེའུ་ 21:13

ཡེ་ཤུ་གིས་ཁོང་ལུ་ གསུང་རབ་ནང་དཀོན་མཆོག་གིས། ངེའི་ཁྱིམ་འདི་སྨོན་ལམ་བཏབ་སའི་ཁྱིམ་ཨིན་ཟེར་ བྲིས་ཏེ་ཡོད་ དེ་འབདཝ་ད་ ཁྱེད་ཀྱིས་ཨརཝ་གི་ཚང་བཟུམ་སྦེ་ བཟོ་བཞགཔ་ཨིན་མས་ཟེར་གསུངས་ནུག

མཛད་པ་ལེའུ་ 20:33

ང་གིས་མི་གཞན་གྱི་གསེར་དང་དངུལ་ བགོ་ལ་ལ་སོགས་པ་ལུ་ རེ་འདོད་མ་བསྐྱེད།

རོམ་མི་ལེའུ་ 16:18

ག་ཅི་སྨོ་ཟེར་བ་ཅིན་ ཨ་ནི་བཟུམ་གྱི་མི་དེ་ཚུ་གིས་ ང་བཅས་ཀྱི་གཙོ་བོ་ཁིརཱིས་ཀྱི་ཕྱག་ཞུཝ་མེན་པར་ ཁོང་རའི་ཕོཝ་གི་དོན་ལུ་ལཱ་འབདཝ་ཨིན་ དེ་ལས་ཁོང་གི་བློ་ཧན་ཏོང་ཏོ་དང་ རང་བསྟོད་རྐྱབ་ནི་གི་ཐོག་ལས་ མི་ཕྲངམ་དེ་ཚུ་ལུ་ མགུ་བརྡུངམ་ཨིན།

ཨི་ཕི་སིཔ་ལེའུ་ 5:18

ཆང་གིས་འགྲངས་ཏེ་མ་སྡོད་ དེ་གིས་ཁྱོད་ལུ་མེདཔ་རྐྱབས་འོང་ དེ་འབདཝ་ད་ ཐུགས་ཉིད་ཀྱིས་གང་སྟེ་སྡོད།

ཐེ་ས་ལོ་ནི་ཀ་དང་པ་ལེའུ་ 5:14

དབའེ་སྤུན་ཆ་ཚུ་ མི་སྒྱིད་ངན་ཅན་དེ་ཚུ་ལུ་ཉེན་བརྡ་བྱིན་ སེམས་ཆུང་དེ་ཚུ་ལུ་ བློ་ཁོག་ཆེ་ཏོག་ཏོ་བཟོ་ནི་གི་བསླབ་བྱ་བྱིན་ མི་ཞན་པ་དེ་ཚུ་ལུ་ཆ་རོགས་འབད་བྱིན་ དེ་ལས་མི་ག་ར་ལུ་ ཁྱེད་ཀྱིས་བཟོདཔ་བསྒོམས་ཏེ་སྡོད་ཟེར་ ང་བཅས་ཀྱིས་དྲན་བསྐུལ་འབད་དོ།

ཏི་མོ་ཐི་དང་པ་ལེའུ་ 3:8

འདི་བཟུམ་སྦེ་རང་ ཆོས་ཚོགས་ཀྱི་དྲང་བཞགཔ་ཚུ་ཡང་ མི་ཚུ་གིས་ཞེ་ས་འབད་མི་དང་ མི་ན་འཐན་ཏོག་ཏོ་དང་ ཆང་གིས་མ་འགྲངས་མི་ དེ་ལས་འབབ་ཁུངས་བཟོ་ནིའི་དོན་ལུ་ངན་ལྷད་ལུ་ཡ་མ་འབད་མི་དགོཔ་ཨིན།

ཏི་མོ་ཐི་གཉིས་པ་ལེའུ་ 3:2

ག་ཅི་སྨོ་ཟེར་བ་ཅིན་ མི་འདི་ཚུ་ རང་དོན་གཙོ་བོ་བསྟེན་མི་ ཏི་རུ་ལུ་དགའ་མི་ རང་བསྟོད་རྐྱབ་མི་ ང་རྒྱལ་ཆེ་དྲགས་འབད་མི་ ཕ་མ་གི་ཁ་ལུ་མ་ཉན་མི་ བཀའ་དྲིན་བསམ་མ་ཤེས་མི་ དམ་པ་མེད་མི།

ཏི་ཏུས་ལེའུ་ 1:11

ཁོང་ལུ་འདི་བཟུམ་གྱི་ ཆོས་སྟོན་ནི་ལས་བཀག་དགོ་ ག་ཅི་སྨོ་ཟེར་བ་ཅིན་ ཁོང་གིས་ངོ་ཚ་ནི་མེད་པར་ ཏི་རུ་བཟོ་ནི་གི་ཐབས་ལུ་ སྟོན་མ་བཏུབ་པའི་ཆོས་ཚུ་སྟོན་ཏེ་ བཟའ་ཚང་ལ་ལུ་ཅིག་ནང་ ནང་འཁྲུག་བཙུག་སྟེ་ ཆོས་བདེན་པ་ལུ་ དོགས་པ་ཟ་བཅུགཔ་ཨིན་མས།

ཏི་ཏུས་ལེའུ་ 1:7

ག་ཅི་སྨོ་ཟེར་བ་ཅིན་ ཆོས་ཚོགས་ཀྱི་འགོ་འདྲེན་པ་འདི་ལུ་ དཀོན་མཆོག་གི་ཕྱག་ལཱ་གི་འགན་ཁག་ བཀལ་གནང་མི་ཨིནམ་ལས་ ཁོ་ལུ་སྐྱོན་བཏག་མི་ག་ཡང་མེད་མི་དང་ རོ་རྔམ་མེད་མི་དང་ ཙིགཔ་ཟ་ནི་ལུ་མགྱོགས་དྲགས་མེད་མི་དང་ ཆང་མ་འགྲངས་མི་དང་ ཉེས་སྤྱོད་མ་འབད་མི་ དེ་ལས་འབབ་ཁུངས་བཟོ་ནིའི་དོན་ལུ་ངན་ལྷད་ལུ་ཡ་མ་འབད་མི་གཅིག་དགོཔ་ཨིན།

ཏི་ཏུས་ལེའུ་ 2:3

འདི་བཟུམ་སྦེ་རང་ ཨམ་སྲུ་རྒས་ཤོས་འདི་ཚུ་ལུ་ སྤྱོད་ལམ་ལེགསཔ་སྒྲིགས་ནི་དང་ རོགས་ཀྱི་སེམས་ཁར་ཕོག་པའི་གཏམ་ཚུ་མ་སླབ་ནི་དང་ ཆང་མ་འགྲངས་ནི་ དེ་ལས་རོགས་ལུ་ལེགས་ཤོམ་ཚུ་སྟོན་ཟེར་སྟོན་བྱིན།

ཏི་ཏུས་ལེའུ་ 3:2

རོགས་ལུ་སྐྱོན་བཏག་ནི་མེདཔ་དང་ འཐབ་འཛིང་འབད་ནི་མེདཔ་དང་ མི་ག་ར་ལུ་ཉམ་ཆུང་ཏོག་ཏོ་སྦེ་ ཞེ་ས་འབད་དགོ་ཟེར་དྲན་བསྐུལ་འབད།

ཧིབ་རུ་ལེའུ་ 13:5

ཁྱེད་ཀྱི་བྱ་བ་སྤྱོད་ལམ་དེ་ ཏི་རུ་ལུ་སེམས་ཆགས་ནི་ལས་སྤང་སྡོད་དགོ་ ཁྱེད་ནང་ག་ཡོད་མི་འདི་གིས་ ཡི་རངས་སྦེ་སྡོད་དགོ་ ག་ཅི་སྨོ་ཟེར་བ་ཅིན་ དཀོན་མཆོག་གིས། ང་གིས་ཁྱེད་ལུ་ནམ་ཡང་མི་བཀོག་ ནམ་ཡང་ཁྱེད་མི་སྤང་ཟེར་ གསུངས་ནུག

ཡ་ཀོབ་ལེའུ་ 4:1

ཁྱེད་ཀྱི་གྲལ་ཁར་ལུ་འཐབ་འཛིང་ནི་དང་ རྩོད་པ་བརྐྱབ་ནི་དེ་ཚུ་ ག་ལས་འོངམ་ཨིན་ན་ ཁྱེད་ཀྱིས་མི་ཤེས་ག་ དེ་ཚུ་ག་ར་ཁྱེད་ཀྱི་སེམས་ཀྱི་ནང་ན་ དམག་རྐྱབ་སྡོད་མིའི་འདོད་པ་ཚུ་ལས་འོངམ་ཨིན་མེན་ན།

པེ་ཏྲོ་དང་པ་ལེའུ་ 5:2

ཁྱེད་ཀྱི་སྦུག་ལུ་ཡོད་མི་ཚུ་ དཀོན་མཆོག་གི་ལུག་ཁྱུ་ཨིན་མནོ་སྟེ་ ཁྱེད་ཀྱིས་འདི་ཚུ་ལུ་ ལུག་རྫིཔ་བཟུམ་སྦེ་ལེགས་ཤོམ་སྦེ་བདག་འཛིན་འཐབ་དགོ་ དེ་སྦེ་འབདཝ་ད་ བྱ་ཐབས་མེད་པར་འབད་དགོཔ་བཟུམ་སྦེ་མེན་པར་ སེམས་ཀྱི་གཏིང་ལས་རང་ འདོད་པ་བསྐྱེད་དེ་འབད་དགོ་ ད་རུང་ ཏི་རུ་ལུ་དགོ་འདོད་བསྐྱེད་དེ་མེན་པར་ ཞབས་ཏོག་ཞུ་དགོ་ཟེར་མནོ་སྟེ་འབད་བྱིན།

པེ་ཏྲོ་གཉིས་པ་ལེའུ་ 2:3

ཁོང་གིས་དགོ་འདོད་ཀྱི་གཏམ་རྫུན་མ་བཟོ་བཟོཝ་ཚུ་སྟོན་ཏེ་ ཁྱེད་ལས་ཏི་རུ་ལེན་འོང་ དེ་འབདཝ་ད་ ཧེ་མ་ལས་ ཁོང་གི་དོན་ལུ་གྲ་སྒྲིག་སྦེ་ཡོད་མིའི་ཉེས་ཆད་འདི་ ལམ་ཁར་ཡོད་ མགྱོགས་པ་རང་ཁོང་གི་གུ་ཕོག་སྟེ་ བརླག་གཏང་འོང་།

ཡུ་དཱས་ལེའུ་ 1:11

ཁོང་སློབ་དཔོན་རྫུས་མ་ཚུ་ལུ་ ག་དེམ་ཅིག་ལཱ་ཁག་རྐྱབ་ནི་སྨོ་ རང་གི་ནུ་གཅུང་བསད་མི་ ཀཱེན་དེ་གི་ལམ་བདའ་འགྱོཝ་ཨིན་མས་ ལུང་སྟོན་པ་ བ་ལམ་བཟུམ་སྦེ་ ཏི་རུ་བཟོ་ནི་གི་དོན་ལུ་ ག་ཅི་ཡང་འབདཝ་ཨིན་མས་ དེ་ལས་ ཀོ་ར་བཟུམ་སྦེ་ དཀོན་མཆོག་དང་ཁོ་རའི་ཞབས་ཕྱིཔ་ མོ་སཱེས་ཀྱི་ངོ་རྒོལ་འབད་དེ་ རང་ལུ་རྩ་མེད་གཏངམ་ཨིན་མས།

མཐོང་སྣང་ལེའུ་ 1:9

ང་ ཡོ་ཧ་ནཱན་ ཁྱེད་ཀྱི་སྤུན་ཆ་ དཀོན་མཆོག་གི་རྒྱལ་སྲིད་ནང་ ཁྱེད་དང་གཅིག་ཁར་ཨིན་མི་ ཁྱེད་དང་འདྲན་འདྲ་སྦེ་ ཡེ་ཤུ་གི་ཐོག་ལས་སྡུག་བསྔལ་གྱི་ཉམས་མྱོང་ཐོབ་སྟེ་ ཁྱེད་བཟུམ་སྦེ་བཟོད་སྲན་བསྐྱེདཔ་ཨིན་ ང་དཀོན་མཆོག་གི་གསུང་དང་ ཡེ་ཤུ་གི་འཛོམ་དཔང་འབདཝ་ལས་བརྟེན་ཏེ་ ང་ལུ་བདའ་གཏང་སྟེ་ ད་ལྟོ་མཚོ་གླིང་ པཱད་མཱོས་ནང་སྡོད་དགོཔ་ཐལ་སོང་ཡི།