ཏི་མོ་ཐི་དང་པ་ལེའུ་ 3:2 - རྫོང་ཁ་

² འདི་གི་དོན་ལུ་ཆོས་ཚོགས་ཀྱི་འགོ་འདྲེན་འཐབ་མི་དེ་ མི་ག་གིས་ཡང་སྐྱོན་བཏག་རུང་ ཁུངས་བཀལ་མ་ཚུགས་མི་ཅིག་དང་ ཨམ་སྲུ་གཅིག་གི་རྨགཔ་དང་ ཚད་དང་ལྡན་མི་དང་ མཚམས་ཚོད་ཤེས་མི་དང་ སྤྱོད་ལམ་བཟང་པོ་དང་ མགྱོནམ་ལུ་མཐོང་ཡོད་མི་དང་ ཆོས་སྟོན་ཚུགས་མི་དང་།

ཏི་མོ་ཐི་དང་པ་ལེའུ་ 3:2 ပူးပေါင်းရင်းမြစ်များ

ལུ་ཀ་ལེའུ་ 1:6

ཁོང་གཉིས་ དཀོན་མཆོག་གི་གཟིགས་སར་ཆོས་སེམས་ཅན་ཨིནམ་མ་ཚད་ གཙོ་བོ་དཀོན་མཆོག་གི་བཀའ་དང་ཚུལ་ཁྲིམས་ཚུ་མ་ཉམས་པར་སྲུངམ་ཨིན་མས།

ལུ་ཀ་ལེའུ་ 2:36

ཨ་སེར་གྱི་རིགས་ལས་ ཕ་ནུ་ཨཱེལ་ཟེར་མིའི་བུམོ་ ཨཱན་ན་ཟེར་སླབ་མི་ ལུང་སྟོནམ་རྒན་རྒས་གཅིག་ཡོདཔ་ཨིན་མས་ མོ་ལོ་བརྒྱད་བཅུ་གྱ་བཞི་ཡར་སོང་ནུག

རོམ་མི་ལེའུ་ 12:13

དཀོན་མཆོག་ལུ་དད་པ་བསྐྱེད་མི་ཚུ་ལུ་ ཁག་ཆེཝ་ཡོད་པ་ཅིན་ ཕན་ཐོག་པའི་ལཱ་འབད་བྱིན་ ཁྱིམ་ནང་འོང་མི་མགྱོནམ་ལུ་མཐོང་བསྐྱེད་དེ་སྡོད།

ཕི་ལི་པི་ལེའུ་ 2:15

དེ་ལས་སྐྱོན་མེདཔ་དང་ མི་ག་གིས་ཡང་ཁྱེད་ཀྱི་སྐོར་ལས་ སྐྱོན་བཏགས་མ་ཚུགས་མི་ དཀོན་མཆོག་གི་སྲས་དང་སྲསམོ་སྦེ་སྡོད་དེ་ མི་གཡོ་སྒྱུ་དང་ཚུལ་དང་མ་མཐུན་མི་གི་འཇིག་རྟེན་པ་ཚུ་གི་གདོང་ཁ་ལུ་ ཁྱེད་ཀྱི་མི་ཚེ་དེ་འོད་ཟེར་བཟུམ་སྦེ་ཤར་ཏེ།

ཏི་མོ་ཐི་དང་པ་ལེའུ་ 3:12

དྲང་བཞགཔ་དེ་ཚུ་ ཨམ་སྲུ་གཅིག་གི་རྨགཔ་འབད་མི་ དེ་ལས་རང་གི་བུ་དང་བུམོ་དང་ རང་གི་བཟའ་ཚང་ལེགས་ཤོམ་སྦེ་ བདག་འཛིན་འཐབ་ཚུགས་མི་གཅིག་དགོ།

ཏི་མོ་ཐི་དང་པ་ལེའུ་ 3:8

འདི་བཟུམ་སྦེ་རང་ ཆོས་ཚོགས་ཀྱི་དྲང་བཞགཔ་ཚུ་ཡང་ མི་ཚུ་གིས་ཞེ་ས་འབད་མི་དང་ མི་ན་འཐན་ཏོག་ཏོ་དང་ ཆང་གིས་མ་འགྲངས་མི་ དེ་ལས་འབབ་ཁུངས་བཟོ་ནིའི་དོན་ལུ་ངན་ལྷད་ལུ་ཡ་མ་འབད་མི་དགོཔ་ཨིན།

ཏི་མོ་ཐི་དང་པ་ལེའུ་ 4:3

ཁ་ཆོས་འབད་མི་སློབ་དཔོན་འདི་ཚུ་གིས་ གཉེན་རྐྱབ་ནི་དང་བཞེས་སྒོ་ལ་ལུ་ཅིག་ཟ་ནི་མེད་ཟེར་སྟོནམ་ཨིན་མས་ དེ་འབདཝ་ད་བཞེས་སྒོ་ག་ར་ དད་པ་བསྐྱེད་མི་ཚུ་དང་ བདེན་པ་ཤེས་མི་ཚུ་གིས་ བཀའ་དྲིན་ཆེ་ཟེར་ཞུ་སྟེ་ཟ་གེ་ཟེར་ དཀོན་མཆོག་གིས་མཛད་གནང་གནངམ་ཨིན།

ཏི་མོ་ཐི་དང་པ་ལེའུ་ 5:10

དེ་ལས་མི་གཞན་ཚུ་གིས་ མོ་ཨ་རྟག་རང་ལཱ་ལེགས་ཤོམ་འབད་སྡོད་སྡོདཔ་ཨིནམ་ཤེས་དགོ་ དཔེར་ན་མོ་རའི་བུ་དང་བུམོ་ལུ་ལེགས་ཤོམ་སྦེ་གསོ་གསོཝ་ཡོད་ག་ ཁྱིམ་ནང་འོང་མི་མགྱོནམ་ལུ་མཐོང་བསྐྱེད་དེ་ དཀོན་མཆོག་ཁོ་རའི་མི་དམ་པ་ཚུ་གི་རྐངམ་ཆུ་འཁྱུ་སྟེ་ མོ་རང་གཡོགམོ་ཅིག་བཟུམ་སྦེ་ཕྱག་ཞུ་ཡི་ག་ སྡུག་བསྔལ་ནང་ཡོད་མི་ཚུ་ལུ་གྲོགས་རམ་འབད་ ཕན་བཏགས་བྱིན་ཡི་ག་ དེ་ལས་མོ་འདི་བཟུམ་གྱི་ལཱ་བཟང་པོ་ཚུ་ལུ་གཙོ་བོ་བསྟེན་ཏེ་སྡོད་མི་ཅིག་དགོ།

ཏི་མོ་ཐི་དང་པ་ལེའུ་ 5:22

མི་གཞན་གྱི་གུ་ལགཔ་བཀལ་ཏེ་ འགོ་འདྲེན་པ་སྦེ་བཙག་འཐུ་འབད་ནི་ལུ་མ་ཚབ་ དེ་འབདཝ་ལས་ ཁྱོད་ཁོང་གི་སྡིག་པའི་གྲལ་ཁར་མི་ཚུད་ ཁྱོད་རང་འདི་བཟུམ་གྱི་ལཱ་ཚུ་ལས་གཙངམ་སྦེ་སྡོད།

ཏི་མོ་ཐི་དང་པ་ལེའུ་ 5:9

ལོ་དྲུག་བཅུ་ལས་ལྷག་མི་དང་ རྨགཔ་གཅིག་གི་ཨམ་སྲུ་འབད་མི་ལུ་རྐྱངམ་གཅིག་ ཨམ་སྲུ་ཡུགས་ས་མོ་ངོ་མ་གི་ཐོ་ཡིག་ནང་བཙུགས་བཅུག

ཏི་མོ་ཐི་གཉིས་པ་ལེའུ་ 2:24

གཙོ་བོ་གི་ཕྱག་ཞུ་མི་དེ་ཚུ་ འཐབ་འཛིང་འབད་མི་བཏུབ་ དེ་འབདཝ་ད་ བརྩེ་བ་བསྐྱེད་མི་དང་ ཆོས་སྟོན་ཚུགས་མི་སློབ་དཔོན་དང་ མི་ག་ར་ལུ་བཟོད་པ་སྒོམ་ཚུགས་མི།

ཏི་ཏུས་ལེའུ་ 2:2

ཁག་ཆེ་བ་རང་ ཕོ་སྐྱེས་རྒས་ཤོས་འདི་ཚུ་ལུ་ ཚད་ལས་མ་བརྒལ་ནི་དང་ ཞེ་ས་ཐོབ་ནི་འོས་འབབ་ཡོདཔ་སྦེ་སྡོད་ནི་དང་ མཚམས་ཚོད་ཤེས་ནི་དང་ དད་པ་སྒྲིང་སྒྲིང་སྦེ་བསྐྱེད་ནི་དང་ བྱམས་སེམས་བསྐྱེད་ནི་ དེ་ལས་བཟོད་པ་བསྒོམ་སྡོད་ནི་དེ་ཚུ་སྟོན་བྱིན།

ཧིབ་རུ་ལེའུ་ 13:2

མི་གསརཔ་ལུ་གདོང་ལེན་འབད་ནི་མ་བརྗེད་ ག་ཅི་སྨོ་ཟེར་བ་ཅིན་ ཨ་ནི་བཟུམ་འབདཝ་ད་ མི་ལ་ལུ་ཅིག་གིས་ མ་ཤེས་པར་ ཕོ་ཉ་ཚུ་ལུ་ཡང་གདོང་ལེན་འབད་ནུག

ཧིབ་རུ་ལེའུ་ 3:14

ང་བཅས་ཀྱིས་འགོ་དང་པ་ལས་ བློ་གཏད་དེ་སྡོད་མི་དེ་ནང་ལུ་ མཐའན་མཇུག་ཚུན་ཚོད་ སྒྲིང་སྒྲིང་སྦེ་སྡོད་ཚུགས་པ་ཅིན་ དོན་ལས་རང་ ང་བཅས་ཁིརཱིས་ཀྱི་མཉམ་རོགས་འབད་ནི་ཐོབ།

པེ་ཏྲོ་དང་པ་ལེའུ་ 4:7

དུས་མཐའན་མཇུག་ལུ་ ག་ཅི་འབྱུང་ནི་ཨིན་ན་ དེ་ཚུ་ག་ར་ནཱ་སྦོ་ལོགས་ཁར་ལྷོད་ཅི་ དེ་འབདཝ་ལས་ མནོ་བསམ་ལེགས་ཤོམ་སྦེ་བཏང་སྟེ་ སེམས་ཁར་ལུ་དྲནམ་བཏོན་ དེ་ལས་ཁྱེད་ཆ་ཁྱབ་ཀྱིས་སྨོན་ལམ་བཏབ་ཚུགས།

པེ་ཏྲོ་དང་པ་ལེའུ་ 4:9

དེ་ལས་ཁྱིམ་ནང་མགྱོནམ་འོངམ་ད་ ཁ་སྡུག་མ་འབར་བར་ དགའ་ཚོར་གྱི་ཐོག་ལས་ བསུ་ལེན་འབད་དགོ།

པེ་ཏྲོ་དང་པ་ལེའུ་ 5:8

དུས་ཚོད་ནམ་རང་འབད་རུང་ ཁྱེད་རང་ སེམས་གསལ་ཏོག་ཏོ་སྦེ་བལྟ་ནི་དང་ དྲན་པ་བཏོན་ཏེ་སྡོད་ ཁྱེད་ཀྱི་དགྲ་བྱང་ཕྱད་བདུད་འདི་ ངར་སྐད་རྐྱབ་མིའི་སེམས་ཅན་སེངྒེ་བཟུམ་སྦེ་ ག་ཟཝ་དྲག་ག་ཟེར་བལྟ་སྟེ་འཚོལ་སྡོདཔ་ཨིན།