ཏི་མོ་ཐི་དང་པ་ལེའུ་ 2:4 - རྫོང་ཁ་

⁴ ཁོ་ལུ་ མི་ག་ར་སྐྱབས་མཛད་ནི་དང་ བདེན་པ་ལུ་ངོ་ཤེས་བཅུག་ནི་གི་ཐུགས་དགོངས་ཡོད།

ཏི་མོ་ཐི་དང་པ་ལེའུ་ 2:4 ပူးပေါင်းရင်းမြစ်များ

མེ་ཐིའུ་ལེའུ་ 28:19

དེ་འབདཝ་ལས་ ཁྱེད་ཀྱིས་ས་ཆ་ག་ར་ནང་སོང་སྟེ་ མི་རིགས་ག་ར་ལུ་སློབ་མ་བཟོ་ དེ་ལས་ཡབ་སྲས་དམ་པའི་ཐུགས་གཉིད་ཀྱི་མཚན་ནང་ ཁྲུས་གསོལ་བྱིན།

མཱར་ཀུ་ལེའུ་ 16:15

དེ་ལས་ཁོ་གིས་སློབ་མ་ཚུ་ལུ་ འཛམ་བུ་གླིང་གི་ས་ཆ་ག་ར་ནང་སོང་སྟེ་ མི་རིགས་ག་ར་ལུ་གཏམ་བཟང་བཤད་དེ་སླབ་བྱིན།

ལུ་ཀ་ལེའུ་ 1:77

སྡིག་པ་བཤགས་པ་ཕུལ་བའི་སྒོ་ལས་སྦེ་ ཐར་པ་ཐོབ་འོང་ཟེར་ ཁོ་རང་གི་མི་སེར་ཚུ་ལུ་ ཆོས་སྟོན་འོང་།

ལུ་ཀ་ལེའུ་ 14:23

དེ་ལས་སྦྱིན་བདག་གིས་ མགྱོགས་པར་གཞུང་ལམ་དང་གསེབ་ལམ་ལུ་སོང་ཞིནམ་ད་ མི་འདི་ཚུ་ག་དེ་སྦེ་ཨིན་རུང་འབོ་སྟེ་འཁྱིད་འོང་སྦེ་ ངེ་གི་ཁྱིམ་ལྟེམ་ལྟེ་སྦེ་གང་བཅུག

ལུ་ཀ་ལེའུ་ 24:47

ཡེ་རུ་ཤ་ལེམ་ལས་འགོ་བཙུགས་ཏེ་ ཁོ་གི་མཚན་གྱི་ཐོག་ལས་སྦེ་ མི་རིགས་ག་ར་ལུ་ ཁོང་རང་སེམས་འགྱུར་ཏེ་ སྡིག་པ་བཀའ་དྲིན་བསྐྱང་ནི་གི་ཆོས་བཤད་འོང་།

ཡོ་ཧ་ནཱན་ལེའུ་ 14:6

ཡེ་ཤུ་གིས་ཁོ་ལུ་ ལམ་འདི་ང་རང་ཨིན་ བདེན་པ་དང་ཚེ་འདི་ཡང་ང་རང་ཨིན་ ང་ལས་རྒྱུད་དེ་མ་གཏོགས་ ག་ཡང་ཡབ་ཀྱི་སྐུ་མདུན་ལུ་བཅར་མི་ཚུགས།

ཡོ་ཧ་ནཱན་ལེའུ་ 17:17

བདེན་པ་གིས་ཁོང་ལུ་དམ་པ་མཛད་གནང་ ག་ཅི་སྨོ་ཟེར་བ་ཅིན་ ནཱ་གི་བཀའ་འདི་བདེན་པ་ཨིན།

ཡོ་ཧ་ནཱན་ལེའུ་ 6:37

ཡབ་ཀྱིས་ང་ལུ་གནང་མི་དེ་ཚུ་ག་ར་ ང་སྡོད་སར་འོང་ནི་ཨིན་ དེ་ལས་ང་སྡོད་སར་འོངས་མི་ཚུ་ལུ་ ང་གིས་ནམ་ཡང་ལོག་མི་གཏང་།

རོམ་མི་ལེའུ་ 11:14

འདི་ག་ཅི་སྨོ་ཟེར་བ་ཅིན་ ང་རའི་མི་རིགས་ ཨཱིས་ར་ཨཱེལ་པ་ཚུ་གིས་ ཁྱེད་ཕྱིའི་མི་རིགས་ཚུ་ལུ་བལྟཝ་ད་ མིག་ཏོ་ཚ་སྟེ་ དཀོན་མཆོག་གིས་ཁོང་ལུ་སྐྱབས་མཛད་འོང་ཟེར་བའི་དོན་ལུ་ཨིན།

ཏི་མོ་ཐི་དང་པ་ལེའུ་ 4:10

འདི་གིས་འབད་ ཆོས་སེམས་བསྐྱེད་ནི་གི་དོན་ལུ་ ང་བཅས་ཀྱིས་དཀའཝ་སྤྱད་དེ་ སྦྱོང་བརྡར་འབདཝ་ཨིན་ ག་ཅི་སྨོ་ཟེར་བ་ཅིན་ ང་བཅས་ཀྱིས་ གསོན་པོའི་དཀོན་མཆོག་ལུ་བློ་གཏདཔ་ཨིན་ ཁོ་མི་ག་ར་གི་སྐྱབས་མགོན་ཨིན་ཏེ་འབད་རུང་ གཙོ་བོ་རང་ཁོ་དདཔ་ཅན་ཚུ་གི་སྐྱབས་མགོན་ཨིན།

ཏི་མོ་ཐི་གཉིས་པ་ལེའུ་ 2:25

དེ་ལས་བདེན་པ་གི་དགྲ་འབད་མི་ལུ་ཉམ་ཆུང་ཏོག་ཏོ་སྦེ་བཅོ་ཁ་རྐྱབ་ཚུགས་དགོ་ དེ་ལས་ཡང་ཅིན་ དཀོན་མཆོག་གིས་ཁོང་ལུ་སེམས་འགྱུར་གནང་སྟེ་ བདེན་པ་ལུ་ཧ་གོ་ཚུགས་པའི་སེམས་གནང་འོང་།

ཏི་མོ་ཐི་གཉིས་པ་ལེའུ་ 3:7

འདི་བཟུམ་གྱི་ཨམ་སྲུ་ཚུ་གིས་ ཨ་རྟག་རང་ ཆོས་གསརཔ་ཚུ་ཤེས་ནི་གི་དོན་ལུ་ རྩ་འགེངས་རུང་ བདེན་པ་དེ་ཁོང་གིས་རྩ་ལས་རང་ཧ་གོ་མ་ཚུགས་པས།

ཏི་ཏུས་ལེའུ་ 1:1

དཀོན་མཆོག་གིས་བཙག་འཐུ་མཛད་མི་ཚུ་ལུ་ དད་པ་བསྐྱེད་བཅུག་ནི་གི་དོན་ལུ་དང་ ཆོས་སེམས་བསྐྱེད་ནི་སྦེ་ བདེན་པའི་ཆོས་སྟོན་མི་ཚུ་ ཧ་གོ་བཅུག་ནི་གི་དོན་ལུ་ ང་ པའུལ་ལུ་ དཀོན་མཆོག་གི་ཕྱག་ཞུ་མི་དང་ ཡེ་ཤུ་ཁིརཱིས་ཀྱི་སྐུ་ཚབ་སྦེ་ གཏང་གནང་གནངམ་ཨིན།

ཏི་ཏུས་ལེའུ་ 2:11

ག་ཅི་སྨོ་ཟེར་བ་ཅིན་ དཀོན་མཆོག་གིས་ ཁོ་རའི་ཐུགས་རྗེ་ མི་ག་ར་ལུ་ ཐར་པ་གནང་ནིའི་དོན་ལུ་ ཕྱི་ཁར་བཏོན་གནང་སྟེ།

ཧིབ་རུ་ལེའུ་ 10:26

ག་ཅི་སྨོ་ཟེར་བ་ཅིན་ ང་བཅས་ཀྱིས་བདེན་པའི་རིགཔ་ཐོབ་ཞིནམ་ལས་ ཤེས་མཐོང་སྟེ་སྡིག་པ་འབད་བ་ཅིན་ སྡིག་བཤགས་ཀྱི་མཆོད་པ་ཡོད་རང་མེད།

ཡ་ཀོབ་ལེའུ་ 3:14

དེ་འབདཝ་ད་ ཁྱེད་ཀྱིས་རང་འདོད་བསྐྱེད་དེ་ མིག་ཏོ་ཚ་བ་ཅིན་ རང་གིས་རང་ལུ་ཤེས་རབ་ཅན་ཅིག་ཨིན་ཟེར་ རང་བསྟོད་རྐྱབས་ནི་མི་འོང་ དེ་སྦེ་རང་བསྟོད་རྐྱབ་པ་ཅིན་ ཁྱེད་ཤོབ་རྐྱབ་ཨིན།

པེ་ཏྲོ་གཉིས་པ་ལེའུ་ 3:9

དེ་ལས་ ཁྱེད་ལ་ལུ་ཅིག་གི་སེམས་ཁར་ གཙོ་བོ་གིས་ཁས་བླངས་བཞེས་མི་འདི་ དུས་ཡུན་འགོར་ནི་མས་ཟེར་མནོ་བསམ་དེ་སྦེ་གཏང་འོང་ ཨིན་རུང་ འདི་དུས་ཡུན་འགོརཝ་མེན་ ཁོ་གི་ཐུགས་དགོངས་འདི་ མི་ཕུད་རྡོག་གཅིག་ཡང་མེདཔ་མ་ཐལ་བར་ འགྱོད་སེམས་བསྐྱེད་དེ་ སེམས་འགྱུར་བཅུག་གེ་ཟེར་ ཁོ་བཟོད་པ་བསྒོམས་ཏེ་བཞུགསཔ་ཨིན་མས།

ཡོ་ཧ་ནཱན་གཉིས་པ་ལེའུ་ 1:1

ང་ཆོས་ཚོགས་ཀྱི་འགོ་འདྲེན་པ་ལས་ གཙོ་བོ་གིས་བཙག་འཐུ་མཛད་གནང་མིའི་ཨམ་དང་ མོ་རང་གི་ཨ་ལོ་ཚུ་ལུ་ ཨ་ནི་ཡི་གུ་འདི་འབྲིཝ་ཨིན་ ང་གིས་ཁྱེད་ལུ་བདེན་པ་ནང་བྱམས་བརྩེ་བསྐྱེད་དེ་ཡོད་ ང་རྐྱངམ་གཅིག་གིས་མ་ཚད་པར་ ལྷག་པར་དུ་ བདེན་པ་ལུ་ངོ་ཤེས་མི་ག་ར་གིས་ཡང་ དེ་བཟུམ་སྦེ་རང་ཁྱེད་ལུ་འབད་དེ་ཡོད།

མཐོང་སྣང་ལེའུ་ 14:6

ད་རུང་ཕོ་ཉ་གཅིག་གིས་ འཛམ་བུ་གླིང་ནང་སྡོད་མི་ཆ་ཁྱབ་ རིགས་ཚན་མ་འདྲཝ་དང་ སྐད་རིགས་མ་འདྲཝ་ མི་བརྒྱུད་མ་འདྲཝ་ མི་རིགས་མ་འདྲཝ་ ག་ར་ལུ་ མཐའ་མེད་པའི་གཏམ་བཟང་ཁྱབ་སྒྲགས་འབད་བ་ ནམ་མཁའ་ལས་འཕུར་ཏེ་འགྱོ་ས་ང་གིས་མཐོང་ཅི།