ཏི་མོ་ཐི་དང་པ་ལེའུ་ 2:3 - རྫོང་ཁ་

³ འདི་བཟུམ་སྦེ་ སྨོན་ལམ་ཞུ་བ་ཅིན་ ལེགས་ཤོམ་ཨིནམ་མ་ཚད་ ང་བཅས་ཀྱི་སྐྱབས་མགོན་དཀོན་མཆོག་གིས་ཐུགས་དགྱེསཔ་ཨིན།

ཏི་མོ་ཐི་དང་པ་ལེའུ་ 2:3 ပူးပေါင်းရင်းမြစ်များ

ལུ་ཀ་ལེའུ་ 1:47

ང་ཡིད་རངས་ཏེ་སྐྱབས་མགོན་དཀོན་མཆོག་ལུ་ དགའ་སྤྲོ་འགྱུརཝ་ཨིན།

རོམ་མི་ལེའུ་ 14:18

ག་གིས་རང་འབད་རུང་ ཨ་ནི་བཟུམ་སྦེ་ཁིརཱིས་ཀྱི་ཕྱག་ཞུ་བ་ཅིན་ འདི་ལུ་དཀོན་མཆོག་གིས་ཐུགས་དགྱེསཔ་ཨིནམ་མ་ཚད་ མི་དེ་ཚུ་གིས་ཡང་ དེ་ལུ་ལེགས་ཤོམ་སྦེ་བརྩི་འོང་།

ཕི་ལི་པི་ལེའུ་ 1:11

དེ་ལས་ཡེ་ཤུ་ཁིརཱིས་ཀྱི་ཐོག་ལས་སྦེ་འོང་མི་ དཀོན་མཆོག་གི་ཐུགས་དང་ལྡན་པའི་འབྲས་བུ་གིས་ ཁྱེད་ཀྱི་མི་ཚེ་ནང་གང་སྟེ་ དཀོན་མཆོག་གི་གཟི་བརྗིད་ཡར་འཕེལ་བཅུག་ ཁོ་གི་མཚན་ཡང་ཡར་བསྟོད་བཅུག།

ཕི་ལི་པི་ལེའུ་ 4:18

ད་ལྟོ་ང་ལུ་ཁག་ཆེ་མི་ལས་ཡང་ལྷགཔ་སྦེ་ ང་གིས་ཐོབ་ཅི་ ཁྱེད་ཀྱིས་ ཨེ་པ་ཕོརོ་དི་ཏུས་ཀྱི་ལག་པ་སྐྱེལ་བཏང་མི་དེ་གིས་ ང་ལུ་མ་ལང་ལངམ་སྦེ་ཡོད་ ཁྱེད་ཀྱིས་གཏང་མི་དེ་ དཀོན་མཆོག་གི་ཐུགས་དགྱེས་མི་ དྲིམ་ཞིམ་ཏོག་ཏོ་གི་མཆོདཔ་བཟུམ་སྦེ་ཨིན།

ཀོ་ལོ་སི་ལེའུ་ 1:10

དེ་གིས་འབད་ ག་ཅི་རང་འབད་རུང་ ཁྱེད་ལུ་གཙོ་བོ་གི་འོས་འབབ་ཡོདཔ་སྦེ་ ཁོ་ལུ་ཐུགས་དགྱེས་པའི་བྱ་བ་སྤྱོད་ལམ་ལེགས་ཤོམ་སྒྲིགས་ནི་ཨིན་ དེ་ལས་ལཱ་ལེགས་ཤོམ་ག་ཅི་རང་ཨིན་རུང་ འདི་གི་འབྲས་བུ་བཏགསཔ་མ་ཚད་ དཀོན་མཆོག་དང་གཅིག་ཁར་འབྲེལ་བ་ཡར་རྒྱས་འགྱོ་ནི་ཨིན།

ཐེ་ས་ལོ་ནི་ཀ་དང་པ་ལེའུ་ 4:1

དབའེ་སྤུན་ཆ་ཚུ་ མཐའན་མཇུག་ལུ་དོན་དག་མདོར་བསྡུས་ཏེ་ཞུ་བ་ཅིན་ ང་བཅས་ཀྱིས་ཁྱེད་ལུ་སྟོན་དོ་བཟུམ་སྦེ་ ཁྱེད་ཀྱིས་ དཀོན་མཆོག་གི་ཐུགས་དགྱེས་པའི་ལཱ་དང་ སྤྱོད་ལམ་ལེགས་ཤོམ་ཚུ་འབད་དེ་རང་སྡོད་ནུག་ ད་རུང་འདི་ལས་ལྷགཔ་སྦེ་ སྤྱོད་ལམ་ལེགས་ཤོམ་འབད་དེ་སྡོད་ཟེར་ ང་བཅས་ཀྱིས་གཙོ་བོ་ཡེ་ཤུ་གི་མཚན་ནང་ ཁྱེད་ལུ་ཞུ་བ་ཕུལ་དོ།

ཏི་མོ་ཐི་དང་པ་ལེའུ་ 1:1

ང་བཅས་ཀྱི་སྐྱབས་མགོན་དཀོན་མཆོག་དང་ ང་བཅས་རང་གི་རེ་བ་ ཁིརཱིས་ཡེ་ཤུ་གི་བཀའ་དང་བསྟུན་ཏེ་ ཁིརཱིས་ཡེ་ཤུ་གི་སྐུ་ཚབ་སྦེ་བཙག་འཐུ་མཛད་གནང་སྟེ་ཡོད་མི་ ང་ པའུལ་གྱིས།

ཏི་མོ་ཐི་དང་པ་ལེའུ་ 4:10

འདི་གིས་འབད་ ཆོས་སེམས་བསྐྱེད་ནི་གི་དོན་ལུ་ ང་བཅས་ཀྱིས་དཀའཝ་སྤྱད་དེ་ སྦྱོང་བརྡར་འབདཝ་ཨིན་ ག་ཅི་སྨོ་ཟེར་བ་ཅིན་ ང་བཅས་ཀྱིས་ གསོན་པོའི་དཀོན་མཆོག་ལུ་བློ་གཏདཔ་ཨིན་ ཁོ་མི་ག་ར་གི་སྐྱབས་མགོན་ཨིན་ཏེ་འབད་རུང་ གཙོ་བོ་རང་ཁོ་དདཔ་ཅན་ཚུ་གི་སྐྱབས་མགོན་ཨིན།

ཏི་མོ་ཐི་དང་པ་ལེའུ་ 5:4

ཡུགས་ས་མོ་ལུ་བུ་བུམོ་དང་ཚོབོ་ཚམོ་ཡོད་པ་ཅིན་ དང་པ་རང་ འདི་ཚུ་གིས་ རང་གི་བཟའ་ཚན་གྱི་དོན་ལུ་ ཆོས་སེམས་ཀྱི་ལཱ་ལག་ལེན་འཐབ་ནི་གི་སྦྱང་བ་འབད་དགོ་ དེ་གིས་འབད་ ཨ་རྒས་ཨང་རྒས་དང་ཕམ་ཚུ་ལུ་དྲིན་ལན་འཇལ་ནི་ཨིན་ ག་ཅི་སྨོ་ཟེར་བ་ཅིན་ དཀོན་མཆོག་གིས་འདི་ལུ་ཐུགས་དགྱེསཔ་ཨིན།

ཏི་མོ་ཐི་གཉིས་པ་ལེའུ་ 1:9

ཁོ་གིས་ང་བཅས་ལུ་སྐྱབས་མཛད་དེ་ ཁོ་རང་གི་མི་དམ་པ་སྦེ་སྡོད་ནིའི་དོན་ལུ་འབོ་ཅི་ དེ་གི་དོན་དག་དེ་ ང་བཅས་རང་གི་ལཱ་ལེགས་ཤོམ་ལུ་བརྟེན་ཏེ་མེན་ དེ་འབདཝ་ད་ འཛམ་བུ་གླིང་མ་མཛད་པའི་ཧེ་མ་ ཁོ་རང་གི་འཆར་གཞི་དང་འཁྲིལ་ཏེ་ ཁིརཱིས་ཡེ་ཤུ་གི་རྒྱུད་ལས་སྦེ་ ང་བཅས་ལུ་གནང་མི་ཐུགས་རྗེ་ འདི་ལས་བརྟེན་ཏེ་ཨིན།

ཧིབ་རུ་ལེའུ་ 13:16

དེ་ལས་ལེགས་ཤོམ་འབད་ནི་དང་ རང་ལུ་ག་ཡོད་མི་ཚུ་ མི་གཞན་ལུ་བགོ་བཤའ་རྐྱབ་བྱིན་ནི་འདི་མ་བརྗེད་ འདི་བཟུམ་གྱི་མཆོད་པ་ལུ་ དཀོན་མཆོག་གིས་ཐུགས་དགྱེསཔ་ཨིན།

པེ་ཏྲོ་དང་པ་ལེའུ་ 2:20

མ་གཞི་ ག་དེམ་ཅིག་སྦེ་ ཁྱེད་ཀྱིས་ལཱ་འཛོལ་བ་འབད་དེ་ རོགས་ཀྱིས་ཁྱེད་ལུ་དྲང་བརྡུངམ་ད་ ཁྱེད་ཀྱིས་བཟོད་པ་སྒོམ་པ་ཅིན་ འདི་ལུ་ཧ་ལས་མི་ཚུགས་ དེ་འབདཝ་ད་ ཁྱེད་ཀྱིས་ལཱ་ལེགས་ཤོམ་འབད་དེ་ སྡུག་བསྔལ་མྱོངམ་ད་ བཟོད་པ་སྒོམ་ཚུགས་པ་ཅིན་ དཀོན་མཆོག་གིས་ཁྱེད་ལུ་ཐུགས་དགྱེས་འོང་།

པེ་ཏྲོ་དང་པ་ལེའུ་ 2:5

དེ་མ་ཚད་དཀོན་མཆོག་གིས་ ཁྱེད་ཡང་གསོན་པོའི་རྡོ་སྦེ་བཙུགས་གནང་སྟེ་ ཐུགས་ཉིད་ཀྱི་བཞུགས་ཁང་བཞེངས་གནང་བའི་བསྒང་རང་ཨིན་ དེ་ལས་ཁྱེད་ཆ་ཁྱབ་དམ་པའི་བླམ་སྦེ་བཀལ་གནངམ་ཨིནམ་མ་ཚད་ ཡེ་ཤུ་ཁིརཱིས་ལས་རྒྱུད་དེ་ ཁྱེད་ཀྱིས་ ཁོ་གི་ཐུགས་དགྱེས་པའི་ སེམས་ཉིད་ཀྱི་མཆོདཔ་ཕུལ་ནི་ཨིན།