ཏི་མོ་ཐི་དང་པ་ལེའུ་ 1:4 - རྫོང་ཁ་

⁴ ཁུངས་མེད་པའི་འཇིག་རྟེན་གྱི་གཏམ་དང་ དང་ཕུགས་ཕ་བརྒྱུད་ཚུ་གི་མ་བདེན་མིའི་གཏམ་ འཚོལ་ནི་ལུ་བཀོག་བཞག་ཟེར་ཁ་བཀོད་རྐྱབས་ དེ་ཚུ་གིས་ ཉོགས་བཤད་འབྱུང་ནི་གི་རྒྱུ་རྐྱེན་གཅིག་མ་གཏོགས་ དད་པ་གི་རྒྱུད་ལས་སྒྲུབ་འོང་མི་ དཀོན་མཆོག་གི་ཕྱག་ལཱ་འདི་ འབད་མི་ཚུགས།

ཏི་མོ་ཐི་དང་པ་ལེའུ་ 1:4 ပူးပေါင်းရင်းမြစ်များ

ཀོ་རཱིན་ཐི་གཉིས་པ་ལེའུ་ 1:12

ང་བཅས་ཀྱི་བྱ་སྤྱོད་དེ་ མི་ག་ར་གི་སྦུག་ལུ་འབད་རུང་ ལྷག་པར་དུ་ ཁྱེད་ཀྱི་སྦུག་ལུ་འབད་རུང་ དྲང་སེམས་དང་སེམས་དམ་པ་གི་ཐོག་ལས་ སྤྱོད་ལམ་ལེགས་ཤོམ་བཏོན་སྡོད་ཅི་ འདི་མི་གི་ཤེས་རབ་ཀྱི་ཐོག་ལས་མེན་པར་ དཀོན་མཆོག་གི་ཐུགས་རྗེ་ལས་སྦེ་ཨིན་ འདི་ཚུ་གི་སྐོར་ལས་ རྣལ་རིག་གསལ་ཏོག་ཏོ་ རང་ལུ་འཛོལ་བ་མེད་པར་ བློ་བདེ་ཏོག་ཏོ་གི་ཐོག་ལས་སླབ་ཚུགས།

ཨི་ཕི་སིཔ་ལེའུ་ 3:2

ཁྱེད་ལུ་ཕན་ཐོག་པའི་དོན་ལུ་ དཀོན་མཆོག་གིས་ཁོ་རའི་ཐུགས་རྗེ་གི་སྐོར་ལས་ བཤད་དགོ་མི་ཕྱག་ལཱ་ ང་ལུ་གནང་ཡི་ཟེར་ཁྱེད་ཀྱིས་གོ་གོཝ་འོང་།

ཏི་མོ་ཐི་དང་པ་ལེའུ་ 3:16

ཐད་རི་བ་རི་རང་ ཡེ་ཤུ་གི་སྐོར་ལས་ ཆོས་སེམས་བསྐྱེད་བཅུག་མི་ བདེན་པའི་གསང་བ་གཏིང་ཟབ་དྲགས་དེ་ ཡ་མཚན་ཆེ་ཏོག་ཏོ་ཨིན་ཟེར་ ང་བཅས་ག་ར་གིས་འཛོམ་དཔང་འབདཝ་ཨིན་ འཛོམ་དཔང་དེ་ག་ཅི་སྨོ་ཟེར་བ་ཅིན། ཁོ་ མིའི་ལུས་ལུ་བྱོན་མི་ ཐུགས་ཉིད་ཀྱིས་ཁོ་བདེན་པ་ཟང་མཛད་མི་ ཕོ་ཉ་ཚུ་གིས་མཇལ་མི་ ཁོ་གི་སྐོར་ལས་མི་རིགས་ག་ར་ལུ་ཁྱབ་བསྒྲགས་སོང་མི་ འཛམ་བུ་གླིང་གི་མི་ཚུ་གིས་དད་པ་བསྐྱེད་མི་ཁོ་ གཟི་བརྗིད་ནང་ཡར་འཐུ་བསྣམས་ནུག།

ཏི་མོ་ཐི་དང་པ་ལེའུ་ 4:7

འཇིག་རྟེན་པའི་གཏམ་དང་ ཁུངས་མེད་མི་བློ་ཚུ་གི་གྲལ་ཁར་མ་འཛུལ་བར་ ཆོས་སེམས་བསྐྱེད་ནི་གི་དོན་ལས་སྦྱོང་བརྡར་འབད།

ཏི་མོ་ཐི་དང་པ་ལེའུ་ 6:11

དེ་འབདཝ་ད་ དཀོན་མཆོག་གི་བུ་ཁྱོད་ཀྱིས་དེ་ཚུ་ག་ར་སྤངས་ཏེ་ དཀོན་མཆོག་གི་ཐུགས་དང་ལྡན་མིའི་ལཱ་ཕྲངམ་འབད་ནི་དང་ ཆོས་སེམས་བསྐྱེད་ནི་དང་ དད་པ་ཆེ་ཏོག་ཏོ་དང་ བྱམས་སེམས་དང་ བཟོད་པ་བསྒོམས་ཏེ་མཉམ་ཆུང་ཚུ་གི་ལམ་ནང་འགྱོ་དགོ།

ཏི་མོ་ཐི་དང་པ་ལེའུ་ 6:20

དབའེ་ ཏི་མོ་ཐི་ ང་གིས་ཁྱོད་ལུ་བྱིན་མི་བཀོད་རྒྱ་དེ་ལུ་བདག་འཛིན་འཐབ་བཞག་ ཁུངས་མེད་པའི་ འཇིག་རྟེན་པའི་གཏམ་དེ་ཚུ་ ཡོན་ཏན་ཨིན་ཟེར་སྟོན་མི་ཆོས་རྫུས་མ་ཚུ་ལུ་མ་ཉན།

ཏི་མོ་ཐི་གཉིས་པ་ལེའུ་ 2:14

དེ་ཚུ་གི་སྐོར་ལས་ མ་ཆད་པ་རང་ དྲན་བསྐུལ་འབད་དེ་སྡོད་དགོ་ དེ་ལས་དཀོན་མཆོག་གི་མཚན་འཛོམ་དཔང་བཙུགས་ཏེ་ ཁུངས་མེད་པའི་ཚིག་གི་སྐོར་ལས་ རྩོད་པ་མ་རྐྱབས་ཟེར་ ཁྱོད་ཀྱིས་དདཔ་ཅན་ཚུ་ལུ་བཀའ་དམ་དྲགས་སྦེ་བྱིན་དགོ་ ག་ཅི་སྨོ་ཟེར་བ་ཅིན་ འདི་བཟུམ་གྱི་རྩོད་པ་རྐྱབ་ནི་གི་བློ་ཚུ་གིས་ གོ་མི་ཚུ་ལུ་གནོད་ནི་མ་གཏོགས་ ཕན་མི་ཐོགས།།

ཏི་མོ་ཐི་གཉིས་པ་ལེའུ་ 2:22

དེ་གི་དོན་ལུ་ གཞོན་མིའི་ཆགས་ཞེན་དེ་ཚུ་སྤང་དགོ་ དེ་ལས་སེམས་དག་ཏོག་ཏོ་གི་ཐོག་ལས་ གཙོ་བོའི་མཚན་བརྗོད་མི་ཚུ་དང་མཉམ་ དཀོན་མཆོག་གི་ཐུགས་དང་ལྡན་པའི་ལཱ་ཕྲངམ་དང་ དད་པ་དང་བྱམས་པ་ དེ་ལས་ཞི་བདེ་གི་ལམ་བདའ་འགྱོ་དགོ།

ཏི་མོ་ཐི་གཉིས་པ་ལེའུ་ 2:23

འབྱུང་ཁུངས་མེད་པའི་བློ་སླབ་སྟེ་ རྩོད་པ་རྐྱབས་ནི་འདི་སྤང་ ཁྱེད་ཀྱིས་ཤེས་ དེ་ཚུ་ནང་ལས་འཐབ་འཛིང་འབད་ནི་རྐྱངམ་གཅིག་བྱུངམ་ཨིན།

ཏི་མོ་ཐི་གཉིས་པ་ལེའུ་ 4:4

དེ་ལས་ཁོང་གིས་བདེན་པ་དེ་ལུ་ ཆ་མ་བཞག་པར་ ཁུངས་མེད་པའི་གཏམ་དེ་ལུ་གཙོ་བོ་བསྟེན་ཏེ་ཉན་སྡོད་འོང་།

ཏི་ཏུས་ལེའུ་ 1:1

དཀོན་མཆོག་གིས་བཙག་འཐུ་མཛད་མི་ཚུ་ལུ་ དད་པ་བསྐྱེད་བཅུག་ནི་གི་དོན་ལུ་དང་ ཆོས་སེམས་བསྐྱེད་ནི་སྦེ་ བདེན་པའི་ཆོས་སྟོན་མི་ཚུ་ ཧ་གོ་བཅུག་ནི་གི་དོན་ལུ་ ང་ པའུལ་ལུ་ དཀོན་མཆོག་གི་ཕྱག་ཞུ་མི་དང་ ཡེ་ཤུ་ཁིརཱིས་ཀྱི་སྐུ་ཚབ་སྦེ་ གཏང་གནང་གནངམ་ཨིན།

ཏི་ཏུས་ལེའུ་ 1:14

དེ་ལས་བདེན་པ་ལུ་མ་ཉན་མི་ཚུ་གི་ཁྲིམས་ལུགས་དང་ ཡ་ཧུ་ད་པ་ཚུ་གི་དོན་དག་མེད་པའི་གཏམ་ཚུ་ནང་ སེམས་བཙུགས་མ་བཅུག

ཏི་ཏུས་ལེའུ་ 3:9

དེ་འབདཝ་ད་ ཁྱོད་ཁུངས་ག་ནི་ཡང་མེད་པའི་འདྲི་ལན་ཚུ་དང་ ཧེ་མ་ཕ་བརྒྱུད་ཚུ་གི་དོན་དག་མེད་པའི་གཏམ་ཚུ་དང་ དེ་ལས་བཀའ་ཁྲིམས་ཀྱི་སྐོར་ལས་ མ་སྒྲིགས་པར་རྩོད་གཞི་ཕྱེ་ནི་དང་ ཁ་ཤགས་བརྐྱབ་ནི་ཚུ་ལུ་ ཡ་མ་འབད་ ག་ཅི་སྨོ་ཟེར་བ་ཅིན་ འདི་ཚུ་ནང་ལས་ ཕན་པ་ག་ནི་ཡང་མེདཔ་མ་ཚད་ དོན་དག་ག་ནི་ཡང་མེདཔ་ཨིན།

ཧིབ་རུ་ལེའུ་ 13:9

སློབ་སྟོན་མ་གཅིགཔ་རྣམ་རྟོག་ལང་སི་སི་གིས་ ཁྱེད་འཐེན་འབག་འགྱོ་མ་བཅུག་ ག་ཅི་སྨོ་ཟེར་བ་ཅིན་ ང་བཅས་ལུ་ སེམས་ཤུགས་དེ་ དཀོན་མཆོག་གི་ཐུགས་རྗེ་གིས་གནངམ་མ་གཏོགས་ བཟའ་འཐུང་ལས་རྒྱུད་དེ་མེན་ འདི་ཚུ་གི་ཁ་ལུ་ཉན་འགྱོ་མི་ཚུ་ལུ་ ཁེ་བཟང་ག་ནི་ཡང་མེད།

པེ་ཏྲོ་གཉིས་པ་ལེའུ་ 1:16

དེ་ལས་ང་བཅས་ཀྱིས་ཁྱེད་ལུ་ ང་བཅས་ཀྱི་གཙོ་བོ་ཡེ་ཤུ་ཁིརཱིས་ དབང་ཤུགས་ཀྱི་ཐོག་ལས་ལོག་འབྱོན་ནི་སྐོར་ལས་བཤདཔ་ད་ མི་རིག་པ་ཅན་ཚུ་གིས་ མགུ་སྐོར་རྐྱབ་ནི་གི་དོན་ལུ་བཟོ་ཡོད་པའི་གཏམ་ཚུ་བཟུམ་སྦེ་མེན་ དེ་འབདཝ་ད་ ང་བཅས་རང་གི་མིག་ཏོ་གིས་མཐོང་མི་ ཁོ་རའི་གཟི་བརྗིད་ཀྱི་འཛོམ་དཔང་བཤདཔ་ཨིན།